تيانشان تورى   ›   بىلگەنگە مارجان   ›   وتباسى جانە تۇرمىس

ۆاكسينا ەكتىرگەننەن كەيىن ۇنەمى كەزدەسەتىن جاي اسەرلەر بايقالسا ابىرجىماڭىز

  انار بۇلت/ شينجياڭ گازەتىنىڭ ءتىلشىسى سۋ لۋپيڭ 4 - ايدىڭ 11 - كۇنى ۇرىمجىدەن حابارلايدى. ”باسقا ۆاكسينالار سياقتى، جاڭا تيپتى ايدارشا ۆيرۋس ۆاكسيناسىن ەكتىرگەننەن كەيىن ۇنەمى كەزدەسەتىن كەيبىر جاي اسەرلەر بايقالۋى مۇمكىن، ايتالىق، ۆاكسينا ەكتىرگەننەن كەيىن 24 ساعات ىشىندە ەكتىرگەن ورىن اۋىرسىنۋى، قىزارىپ ءىسىنۋى جانە قىشۋى مۇمكىن، جايشىلىقتا بۇنى ءبىر جاقتى ەتۋ قاجەتسىز، 2 − 3 كۇندە وزدىگىنەن قالپىنا كەلەدى“. 4 - ايدىڭ 2 - كۇنى جاڭا تيپتى ايدارشا ۆيرۋس ۆاكسيناسىن ەكتىرۋ بارىسىنداعى كوپشىلىكتىڭ ۋايىمى جونىندە اۆتونوميالى رايوندىق اۋرۋدىڭ الدىن الۋ جانە ونى تىزگىندەۋ ورتالىعى يممۋنيتەت جوبا ورنىنىڭ ورىنباسار مەڭگەرۋشىسى شيە نا بىلاي دەدى: ۆاكسينا ەكتىرگەننەن كەيىن ءبىر رەتتىك قىزۋ اسەرى، قالجىراۋ، دارمەنسىزدەنۋ جايتتەرى دە بولۋى مۇمكىن، بۇلار قىسقا ۋاقىت ىشىندە وزدىگىنەن جوعالادى، ءبىر جاقتى ەتۋ قاجەتسىز.

  شيە نانىڭ تانىستىرۋىنشا، قازىر دۇنيە جۇزىندە جاڭا تيپتى ايدارشا ۆيرۋس ۆاكسيناسىن زەرتتەپ - جاساۋمەن اينالىسىپ جاتقان ورىندار نەشە جۇزدەن اسادى، ەل ىشىندە، باستىسى، اكتيۆسىزدەندىرىلگەن ۆاكسينا، ادنوۆيرۋس دانەكەرلى ۆاكسينا، قايتا قۇرىلىمدالعان بەلوك ۆاكسيناسى، حىسۋان ۆاكسيناسى، اتتەنۋاتسيالىق جۇقپالى تۇماۋ ۆيرۋسى دانەكەرلى ۆاكسينا سىندى 5 تەحنيكالىق جول، قوسىمشا شارتتارمەن بازارعا سالىنعان 4 ءتۇرلى ۆاكسينا بار، رايونىمىزدا پايدالانىلىپ جاتقانى اكتيۆسىزدەندىرىلگەن ۆاكسينا ەكەن. ”اكتيۆسىزدەندىرىلگەن ۆاكسينا ’ولتىرىلگەن‘ اۋرۋ قوزدىرۋشى ميكروبتاردىڭ ءبىر ءتۇرى، ول جۇعىمدالۋ قاسيەتىنەن جانە كوشىرىپ جاساۋ قابىلەتىنەن بۇكىلدەي ايرىلعان، بۇل ۆاكسينانى ەكتىرگەن سوڭ ەكتىرۋشىنى جاڭا تيپتى ايدارشا ۆيرۋس وكپە قابىنۋىنا شالدىقتىرمايدى“.

  ەسكەرەتىن جايت، ءومىر حاۋىپسىزدىگىنە اۋىر قاتەر توندىرەتىن شۇعىل اللەرگيالىق اسەر كوبىنەسە ۆاكسينا ەكتىرگەننەن كەيىنگى 30 مينۋت ىشىندە تۋىلادى، ەكتىرۋشى ۆاكسينا ەكتىرىپ بولعان سوڭ بەلگىلەنگەن اۋماقتا 30 مينۋت باقىلاۋدا بولۋعا ءتيىس. شۇعىل اللەرگيالىق اسەر تۋىلسا، باقىلاۋ اۋماعىندا دەر كەزىندە قۇتقارۋ - ەمدەۋ شارالارىن قولدانۋعا بولادى؛ ۆاكسينا ەكتىرگەننەن كەيىن دەرەۋ كەتىپ قالسا، شۇعىل اللەرگيالىق اسەر سەبەبىنەن جازاتايىم زاقىم تۋىلۋى مۇمكىن.

  قازىرشە جاڭا تيپتى ايدارشا ۆيرۋس ۆاكسيناسىن باسقا ۆاكسينالارمەن ءبىر ۋاقىتتا ەكتىرۋدى ۇسىنبايمىز. باسقا ۆاكسينالار مەن جاڭا تيپتى ايدارشا ۆيرۋس ۆاكسيناسىن ەكتىرۋدىڭ ۋاقىت ارالىعى 14 كۇننەن كوپ بولۋعا ءتيىس. حايۋاناتتار سەبەبىنەن جارالانۋ، سىرتقى جاراقات الۋ سياقتى سەبەپتەرمەن قۇتىرۋ اۋرۋىنا قارسى ۆاكسينا، سىرەسپەگە قارسى ۆاكسينا، يممۋنيتەتتىك گلوبۋلين ەكتىرۋ قاجەت بولعاندا، جاڭا تيپتى ايدارشا ۆيرۋس ۆاكسيناسىن ەكتىرۋدىڭ ۋاقىت ارالىعىن ويلاستىرماۋعا بولادى.

  ”جاڭا تيپتى ايدارشا ۆيرۋستىڭ تەگىنەن ازۋى ۆاكسينانىڭ اسەرىنە ىقپال جاساي ما، جوق پا“ دەگەن كۇدىك جونىندە شيە نا بىلاي دەدى: ۆيرۋس ۇزاق ۋاقىت تارالۋ بارىسىندا كوپتەگەن كەزەت تەگىنەن ازۋلاردىڭ جينالۋىن تۋدىرىپ، بەلگىلى دەڭگەيگە بارعاندا ۆاكسينانىڭ قورعاۋ كۇشىنە ىقپال جاسايتىن قاتەر جارىققا شىعۋى مۇمكىن، دەسە دە، جاڭا تيپتى ايدارشا ۆيرۋستىڭ تەگى وزگەرگەن شتاممىنىڭ ەلىمىزدە قوسىمشا شارتپەن بازارعا شىققان جاڭا تيپتى ايدارشا ۆيرۋس ۆاكسينالارىنىڭ قورعاۋ ونىمدىلىگىنە ايتارلىقتاي ىقپال تۋدىرۋ جايتى قازىرشە بايقالعان جوق. دۇنيە جۇزىلىك دەنساۋلىق ساقتاۋ ۇيىمى قاتارلى كوپتەگەن قۇرىلىمدار دا جاڭا تيپتى ايدارشا ۆيرۋستىڭ تەگى وزگەرۋ جاعدايىن ءجىتى قاداعالاپ جانە زەرتتەپ وتىر، قازىرگى تاڭدا ەلىمىزدە ۆاكسينا زەرتتەۋ - جاساۋدىڭ قۋاتتى تۇعىرى الدەقاشان ورناتىلعان، الدا - جالدا ۆيرۋستىڭ تەگى وزگەرۋىنەن ۆاكسينانىڭ يممۋنيتەتتىك اسەرىنىڭ جويىلۋى نەمەسە اۋقىمدى كولەمدە تومەندەۋى بايقالا قالسا، ەڭ قىسقا ۋاقىتتا تەگى وزگەرگەن شتاممىعا باعىتتاي وتىرىپ ۆاكسينا زەرتتەپ، جاساپ شىعا الامىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.