پوسكام اۋدانى گۇلباق اۋىلىنىڭ ماقتاشىسى ابدۇرۇسۇل تۇرسىن
مەن بيىل 28 جاستامىن، وتباسىم پوسكام اۋدانىنىڭ گۇلباق اۋىلىندا تۇرادى، ءۇيىمىزدىڭ ماقتا ەگىمشىلىگىمەن شۇعىلدانعانىنا 30 جىلدان استى. 1990 - جىلى مەنىڭ اكەم 100 مۋ جەرگە ماقتا ەكتى. 2010 - جىلى مەن مەكتەپ بىتىرگەننەن كەيىن اكەمە ىلەسىپ وتباسىمىزدا باعىمشىلىق پەن ەگىمشىلىك كاسىبىن دامىتتىق، بىلتىر وتباسىمىزدىڭ ماقتا ەككەن جەر اۋدانى 300 مۋعا جەتتى، 20 سيىر، 200دەن استام قوي وسىردىك.
تاياۋداعى بىرنەشە كۇندە مەن ينتەرنەتتەن H&M سياقتى ءىشىنارا شەتەل ايگىلى ماركا كاسىپورىندارىنىڭ شينجياڭنىڭ ماقتاسىن شەكتەپ، شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر سۇرۋدە دەگەنىن كوردىم. بۇل بارىپ تۇرعان شاتپاق! 30 جىلدان بەرى ماقتا − ءبىزدىڭ وتباسىمىزدىڭ تابىس كوزى بولىپ كەلەدى. بىلتىر ءبىزدىڭ وتباسىمىزدىڭ ماقتا ەگۋدەن تاپقان تازا كىرىسى 800 نەشە مىڭ يۋانعا جەتتى. ءار جىلعى ماقتا تەرۋ ماۋسىمى كەلگەندە وتباسىمىز كومەككە 30 ماقتا تەرۋشى جۇمىسشىسىن جالدايدى. 2 ايداي ۋاقىتتا ولار ورتا ەسەپپەن 8000 −10 مىڭ يۋاننان استام اقشا تابادى. كوپتەگەن ادام ماعان الدىن الا قۇلاق قاعىس ەتىپ، ماقتا تەرۋ ارقىلى اقشا تابۋعا قامدانادى، مۇندا ەشقانداي زورلىقپەن ەڭبەككە سالۋ ءومىر سۇرگەن ەمەس. بيىل وتباسىمىزدىڭ 300 مۋ ماقتالىق جەرىنە تۇگەلدەي تامشىلاتىپ سۋارۋ قۇرىلعىسى ورناتىلىپ، زور مولشەردەگى ادام كۇشى، زات كۇشى، قازىنا كۇشى ۇنەمدەلدى.
بۇرىن وتباسىمىز تام ۇيدە تۇراتىن، قىستا سۋىق، جازدا ىستىق ەدى. قازىر قىستاق تۇرعىندارى تۇگەلدەي ءىشى جارىق، اۋلاسى كوركەم بەيقۇت ۇيدە تۇرادى، ءبىزدىڭ تۇرمىس ورتامىز بارعان سايىن جاقسارىپ، كىرىسىمىز بارعان سايىن جوعارىلاپ، تۇرمىسىمىز بارعان سايىن شالقۋدا.
شينجياڭ ماقتاسىنىڭ ساپاسى بىرەگەي، ەل ءىشى - سىرتىندا ءوتىمدى، ايتپەسە شينجياڭ ماقتاشىلارى ەگىمشىلىك جەر اۋدانىن نە ءۇشىن ۇزدىكسىز كەڭەيتەدى، كىرىسى نە ءۇشىن بارعان سايىن جوعارىلايدى؟ امەريكاداعى، باتىس جاقتاعى جۇڭگوعا قارسى كۇشتەردىڭ شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر سۇرۋدە دەگەن وسەك - اياڭدى ويدان قۇراستىرۋى مۇلدە كىسى كۇلەر اقىماقتىق. شينجياڭنىڭ ماقتاسىنا جالا جاپقان سول ادامدار مەن كاسىپورىنداردىڭ ماقساتى ءبىزدىڭ ۇقىعىمىزدى قورعاۋ ءۇشىن ەمەس، قايتا شينجياڭ ماقتاشىلارىنىڭ كىرىس كوزىن تالقانداۋ، ءبىز مۇنى استە قۇپ كورمەيمىز. شينجياڭدىقتار وڭاي - وسپاق قولعا كەلمەگەن تاماشا تۇرمىسىن ءارقانداي ادامنىڭ بۇلدىرۋىنە استە جول بەرمەيدى، جات نيەتپەن شينجياڭدى داتتاعان، كۇيە جاققان ادام، ءسوزسىز، بوداۋ بەرەتىن بولادى.
