□ حوتان اۋدانى كيىم - كەشەك زاۆودىنىڭ جۇمىسشىسى حالقىز ءابي
مەن بيىل 23 جاستامىن، حوتان اۋدانى يىڭارىق اۋىلىنانمىن. تاياۋدا مەن ينتەرنەتتەن H&M سياقتى ءىشىنارا شەتەل ايگىلى ماركالارىنىڭ شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر سۇرۋدە دەگەندى جەلەۋ ەتىپ، شينجياڭ ماقتاسىن شەكتەگەندىگىن كوردىم. بۇعان مەنىڭ زىعىردانىم قاينادى، ولاردىڭ مۇنىسى بارىپ تۇرعان شاتپاق.
2015 - جىلى مەن حوتان اۋداندىق كاسىپتىك تەحنيكالىق شۋەيۋانىنىڭ كيىم - كەشەك جوبالاۋ كاسىبىنە قابىلداندىم. 2017 - جىلى وقۋ تاۋىسقان سوڭ، مەن ءبىر كيىم - كەشەك زاۆودىندا پراكتيكا كورۋدى تاڭدادىم. كيىم - كەشەك زاۆودىنىڭ باستىعى وتە جاقسى ادام، زاۆودتىڭ شارت - جاعدايى دا تاماشا، مۇسىلمانشا اسحاناسى، تازا دا جايلى جاتاعى بار. ءبىز مەرەكە، دەمالىس كۇندەرى قالىپتى دەمالامىز جانە زاۆودتا ۇيىمداستىرىلعان ءتۇرلى مادەنيەت قيمىلدارىنا قاتىناسۋىمىزعا بولادى. پراكتيكا مەزگىلىندە زاۆود باستىعى مەنىڭ كاسىپتىك نەگىزىمنىڭ جاقسى، قىزمەتتى قۇلشىنا ىستەيتىندىگىمدى كورىپ، مەنىڭ پىكىرىمدى تىڭداعاننان كەيىن زاۆودتا قالىپ قىزمەت ىستەۋگە مۇمكىندىك بەردى. مەن زاۆودپەن ەڭبەك توقتامىنا قول قويىسىپ، وسى زاۆودتىڭ رەسمي قىزمەتكەرى بولدىم. زاۆود باستىعى شينجياڭنىڭ ماقتاسىن توتەنشە ۇناتادى، ول ۇنەمى بىلاي دەيتىن: شينجياڭ ماقتاسى دۇنيە جۇزىندەگى ەڭ جاقسى ماقتانىڭ ءبىرى. سوندىقتان زاۆودىمىزدىڭ شيكىزاتىنا تۇگەلدەي شينجياڭ ماقتاسىن پايدالانامىز. زاۆود باستىعى ۇنەمى بىلاي دەيتىن: ساۋدا ىستەۋدە، ەڭ ماڭىزدىسى، سەنىمدى بولۋ، زاۆود ەجەلدەن قىزمەتكەرلەردىڭ ەڭبەكاقىسىن كەشەۋىلدەتىپ كورگەن ەمەس. قازىر اي سايىن 5000 يۋاننان استام اقشا تابامىن. قىزمەت ىستەگەن بىرنەشە جىلدان بەرى مەن اكە - شەشەمە سالەمدەمە الىپ، وتباسىنىڭ قوسىمشا قاراجاتى رەتىندە پايدالانۋى ءۇشىن جىل سايىن اقشا جىبەرىپ تۇرامىن. اكە - شەشەم جىبەرگەن اقشاما جاڭا ءۇي سالدىرىپ، جاڭا وتباسى ەلەكتر جابدىقتارىن ساتىپ الدى، وتباسىمىزدىڭ تۇرمىس شارت - جاعدايىندا وراسان زور وزگەرىس بولدى.
تاماشا تۇرمىس ءاربىر ادامنىڭ ارمانى جانە تالپىنىسى، ءاربىر شينجياڭدىق تاماشا تۇرمىس كەشىرۋدى ويلايدى. ءبىز قاجىرلى ەڭبەگىمىز ارقىلى ءوزىمىز بەن وتباسىمىزدى باقىتقا كەنەلتەمىز، بۇعان ەشقانداي زورلاۋدىڭ قاجەتى جوق. مەن تۇرعان زاۆود تاعى ىرىقتى تۇردە مەنىڭ تۇرمىستاعى، قىزمەتتەگى قيىنشىلىعىمدى شەشۋگە قولعابىس ەتەدى. اياق كيىمنىڭ ءدال كەلگەن - كەلمەگەندىگىن اياعىڭ عانا بىلەدى دەگەن ءتامسىل وتە تاماشا ايتىلعان، ءبىزدىڭ جاقسى تۇرمىس كەشىرىپ جاتقان - جاتپاعاندىعىمىزدى، باقىتتى بولعان - بولماعانىمىزدى ءوزىمىز بىلەمىز. ءبىز ءارقانداي ادامنىڭ مەنىڭ اۋىلىما، مەنىڭ وتانىما جالا جابۋىنا مۇلدە جول بەرمەيمىز، ءارقانداي ادامنىڭ ءبىزدىڭ باقىتتى تۇرمىسىمىزدى بۇلدىرۋىنە جول بەرمەيمىز.
