تيانشان تورى   ›   ۇيرەنۋ   ›   شولۋ

پارتيانىڭ سيپاتى، باستى ماقساتى تۋرالى تانىمدى ونان ارى تەرەڭدەتەيىك

− پارتيا تاريحىن ۇيرەنۋ تاربيەسىن تىڭعىلىقتى ورىستەتۋ جونىندە

  □ حالىق گازەتىنىڭ شولۋشىسى

  اۋەلگى ماقساتتى ۇمىتپاعاندا عانا، ىستەرىمىز باستان - اياق باياندى بولادى. ءبىر ادام جونىنەن العاندا دا، ءبىر ساياسي پارتيا جونىنەن العاندا دا، سان وزگەرىستى باستان كەشىرسە دە اۋەلگى ماقساتىن وزگەرتپەۋى، قانشا بوران - شاشىندى باستان كەشىرسە دە قاسيەتىن ساقتاۋى ەڭ قىمباتتى.

  باس شۋجي شي جينپيڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا بىلاي دەپ باسا دارىپتەدى: پارتيامىزدىڭ 100 جىلدىق تاريحى − پارتيانىڭ اۋەلگى ماقساتىن، بورىشىن امالياتتا ايگىلەۋ تاريحى، پارتيانىڭ حالىقپەن تىلەكتەس، تىنىستاس، تاعدىرلاس بولۋ تاريحى. بۇكىل پارتيانى پارتيانىڭ سيپاتىن، باستى ماقساتىن تەرەڭ تانىپ، بارلىعىندا حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولىپ، باستان - اياق حالىقتى جۇرەكتىڭ تورىنە قويىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، رەفورما، دامۋ جەتىستىكتەرىنىڭ بۇكىل حالىققا ءتىپتى كوپ، ءتىپتى ءادىل تۇردە يگىلىك جەتكىزۋىن ىلگەرىلەتىپ، بىرگە بايۋدا اناعۇرلىم كورنەكتى ماندىك ىلگەرىلەۋشىلىككە قول جەتكىزۋدى ىلگەرىلەتىپ، ءبىر ميلليارد 400 ميلليون جۇڭگو حالقىن جۇڭحۋا ۇلتىنىڭ ۇلى گۇلدەنۋىن ىلگەرىلەتەتىن تەلەگەي كۇش ەتىپ ۇيىستىرۋعا تاربيەلەۋ، جەتەكتەۋ كەرەك. پارتيا تاريحىن ۇيرەنۋ تاربيەسىن تىڭعىلىقتى ورىستەتۋدە پارتيانىڭ سيپاتى، باستى ماقساتى تۋرالى تانىمدى ونان ارى تەرەڭدەتىپ، ماركسيزمدىك ساياسي پارتيانىڭ ايقىن قاسيەتىن باستان - اياق ساقتاۋ كەرەك.

  قانداي ادام ءۇشىن قىزمەت ەتۋ ماسەلەسى ءبىر ساياسي پارتيانىڭ، ءبىر بيلىكتىڭ سيپاتىن تەكسەرەتىن سىنتاس. پارتيامىز حالىقتان كەلگەن، پارتيانىڭ ءتۇبىرلى نەگىزى مەن قان تامىرى حالىقتا. حالىق ءۇشىن بارلىققا كەلۋ، حالىققا سۇيەنىپ كوركەيۋ، قاشاندا حالىقپەن بىرگە بولۋ، حالىقتىڭ مۇددەسى ءۇشىن كۇرەس جۇرگىزۋ − پارتيامىزدىڭ پارتيا بولىپ قۇرىلۋداعى، پارتيانى كوركەيتۋدەگى، پارتيانى قۇدىرەتتەندىرۋدەگى ءتۇبىرلى شىعار ءتۇيىنى جانە تابان تىرەر تياناعى. وتكەنگە قايىرىلا قاراساق، پارتيامىزدىڭ حالىققا باسشىلىق ەتىپ جەرگىلىكتى شونجارلارعا سوققى بەرىپ، اتىزداردى ءبولۋى حالىقتىڭ ءتۇبىرلى مۇددەسى ءۇشىن جۇرگىزگەن كۇرەسى ەكەندىگىن؛ حالىققا باسشىلىق ەتىپ جاپون شاپقىنشىلارىنا قارسى سوعىس جۇرگىزىپ، جاپون شاپقىنشىلارىن قۋىپ شىعۋى حالىقتىڭ ءتۇبىرلى مۇددەسى ءۇشىن جۇرگىزگەن كۇرەسى ەكەندىگىن؛ حالىققا باسشىلىق ەتىپ جياڭ اۋلەتى پاتشالىعىن اۋدارىپ تاستاپ، جاڭا جۇڭگو قۇرۋى حالىقتىڭ ءتۇبىرلى مۇددەسى ءۇشىن جۇرگىزگەن كۇرەسى ەكەندىگىن؛ حالىققا باسشىلىق ەتىپ سوتسياليستىك توڭكەرىس جانە قۇرىلىس جۇرگىزىپ، بىرىنشىدەن كەدەي، ەكىنشىدەن اق مەملەكەتتىڭ بەت - بەينەسىن وزگەرتۋى حالىقتىڭ ءتۇبىرلى مۇددەسى ءۇشىن جۇرگىزگەن كۇرەسى ەكەندىگىن؛ حالىققا باسشىلىق ەتىپ رەفورما جاساپ، ەسىك اشىپ، سوتسياليستىك وسىزامانداندىرۋدى ىلگەرىلەتۋى دە حالىقتىڭ ءتۇبىرلى مۇددەسى ءۇشىن جۇرگىزگەن كۇرەسى ەكەندىگىن كورەمىز. جۇڭگو كوممۋنيستىك پارتياسى جۇڭگو جۇمىسشى تابىنىڭ ۇزدىك قوسىنى، سونىمەن بىرگە جۇڭگو حالقىنىڭ جانە جۇڭحۋا ۇلتىنىڭ ۇزدىك قوسىنى. پارتيا ۋستاۆىندا پارتيا بۇكىل ىنتا - پەيىلمەن حالىق ءۇشىن قىزمەت ىستەۋگە تاباندى بولادى دەپ ايقىن بەلگىلەنگەن. بۇل بىزدەن قوعامنىڭ دامۋ زاڭدىلىعى مەن حالىقتىڭ تاريحي نەگىزگى تۇلعالىق ورنىنا قۇرمەت ەتۋدىڭ بىردەيلىگىنە، اسقاق مۇرات ءۇشىن كۇرەسۋ مەن ەڭ كەڭ حالىق بۇقاراسىنىڭ مۇددەسىن كوزدەۋدىڭ بىردەيلىگىنە، پارتيانىڭ ءتۇرلى قىزمەتتەرىن ورىنداۋ مەن حالىقتىڭ مۇددەسىن جۇزەگە اسىرۋدىڭ بىردەيلىگىنە، ءسوز جوق، تاباندى بولۋدى تالاپ ەتەدى، باس شۋجي شي جينپيڭ ايقىن تۇردە جاريالاعانىنداي: ”بيلىك − حالىق، حالىق − بيلىك“.

  حالىق − پارتيامىزدىڭ بيلىك جۇرگىزۋدەگى ەڭ مىعىم كۇش - قۋاتى، پارتيامىزدىڭ كۇش - قۋات قاينارى. پارتيا حالىقپەن بىرگە قيىندىقتاردى بىلەك بىرىكتىرە جەڭىپ، ءولىم مەن ومىردە بىرگە بولۋى، قاشاندا ەتەنە بايلانىستى ساقتاۋى پارتيانىڭ بارلىق قيىندىقتار مەن حاۋىپ - قاتەرلەردى جەڭىپ شىعۋىنىڭ ءتۇبىرلى كەپىلى. ۇلى توڭكەرىس ساتسىزدىككە ۇشىراعاننان كەيىن، قۇربان بولعان 300 مىڭنان استام توڭكەرىسشىنىڭ باسىم كوپ ساندىسى پارتياعا ىلەسىپ توڭكەرىس جۇرگىزگەن حالىق بۇقاراسى ەدى؛ قىزىل ارميا كەزىندە حالىق بۇقاراسى پارتيا مەن حالىق ارمياسىنىڭ قۇرىش قورعانى بولدى؛ جاپون شاپقىنشىلارىنا قارسى سوعىس كەزىندە پارتيامىز بۇقارانى كەڭىنەن جۇمىلدىرىپ، جاپون شاپقىنشىلارىن حالىقتىق سوعىستىڭ تەلەگەي تەڭىزىنە باتىردى؛ حۋايحاي شايقاسىنىڭ جەڭىسى بۇقارانىڭ شاعىن قول اربالاردى سۇيرەۋىنە سۇيەنىپ قول جەتتى، چاڭجياڭنان ءوتۋ شايقاسىنىڭ جەڭىسىنە بۇقارانىڭ شاعىن قايىقتاردى جۇرگىزۋىنە سۇيەنىپ قول جەتتى؛ سوتسياليستىك توڭكەرىس پەن قۇرىلىستىڭ تابىستارىن حالىق بۇقاراسى ىستەۋ ارقىلى جارىققا شىعاردى؛ رەفورما جاساۋ، ەسىك اشۋدىڭ تاريحي ۇلى تەاترىندا سان ميلليونداعان حالىق بۇقاراسى باس رول وينادى. 100 جىلدان بەرى پارتيا قۇرىلعانداعى تىڭعا تۇرەن سالۋدان جاڭا جۇڭگو قۇرىلعانداعى شىت جاڭا وزگەرۋگە، رەفورما جاساپ، ەسىك اشۋداعى وراسان ۇلكەن وزگەرىسكە، ونان پارتيانىڭ 18 - قۇرىلتايىنان بەرى تاريحي جەتىستىككە قول جەتكىزىپ، تاريحي وزگەرىس تۋىلعانعا دەيىن دۇنيە ءجۇزىن جالت قاراتقان جاڭا كەرەمەتتەر جاراتىلدى. بۇل ۇلى جەتىستىكتەرگە جەتۋدە قاشاندا بۇقارامەن زەينەتتى دە، بەينەتتى دە تەڭ كورۋگە، اششى مەن تۇششىنى بىرگە تاتۋعا، قاشاندا حالىق بۇقاراسىمەن ەتەنە بايلانىستى ساقتاۋعا سۇيەندىك؛ قاشاندا حالىقتى وزەك ەتۋگە تاباندى بولىپ، بارلىعىندا حالىق ءۇشىن ىستەۋگە، بارلىعىندا حالىققا سۇيەنۋگە، ماڭگى حالىقتىڭ مۇددەسى ءۇشىن كۇرەس جۇرگىزۋگە سۇيەندىك.

  پارتيانىڭ سيپاتى مەن باستى ماقساتى تۋرالى تانىمدى ونان ارى تەرەڭدەتۋدە اۋەلگى ماقسات پەن بورىشتى ۇزدىكسىز شىڭداپ، قالىڭ پارتيا مۇشەلەرىن، كادرلاردى تاريحي سانالىلىقتى كۇشەيتۋگە، حالىققا سۇيىسپەنشىلىكتى تەرەڭدەتۋگە جەتەكتەۋ كەرەك. 100 جىلدىق ساپار قۇلاشىن كەڭ جايدى، 100 جىلدىق اۋەلگى ماقسات ۋاقىت وتكەن سايىن بەكەمدەلە ءتۇستى. شىكوۋمىننان تيان - انمىنعا، شيڭيە جولىنان فۋشيڭ جولىنا دەيىن پارتيامىزدىڭ 100 جىلدان بەرى جاساعان بارلىق قۇلشىنىسى، جۇرگىزگەن بارلىق كۇرەسى، بەرگەن بارلىق قۇرباندىعى حالىقتىڭ باقىتى مەن ۇلتتىڭ گۇلدەنۋى ءۇشىن بولدى. وسى اۋەلگى ماقسات پەن بورىش ءار ۇرپاق جۇڭگو كوممۋنيستەرىن الدىڭعىلاردىڭ ءىزىن سوڭعىلار باسىپ، جالعاستىرا كۇرەس جۇرگىزۋگە ىنتالاندىرىپ كەلەدى. فاڭ جىمين اقيقات ءۇشىن ايانباي، قايسارلىقپەن تىزە بۇكپەي، ”ەگەر مەن ءتىرى قالسام، ءبىر كۇن ءتىرى جۇرسەم، جۇڭگو ءۇشىن ءبىر كۇن ۇران سالامىن“ دەپ جازدى. قىزىل ارميا جاۋىنگەرلەرى جالعىز كورپەنىڭ جارتىسىن بۇقاراعا كەسىپ بەرىپ، بۇقاراعا ”كوممۋنيستىك پارتيانىڭ جالعىز كورپەنىڭ جارتىسىن ءبولىپ بەرەتىن جاقسى ادام ەكەندىگىن“ اڭعارتتى. جياۋ يۇيلۋ بۇكىل ىنتا - پەيىلىمەن حالىقتىڭ مۇددەسىن كوزدەپ، ”جۇرەگىندە بارشا حالىقتى ساقتادى، وزىمەن مۇلدە ساناسپادى“. حۋاڭ ۋىنشيۋ كەدەيلىكتەن ارىلتۋدان قامال الۋدىڭ ءبىرىنشى شەبىنە بار پەيىلىمەن ات سالىسىپ، ءوزىن ارناپ، ”جاڭا ءداۋىردىڭ جاستىق جىرىن جازدى“... اۋەلگى ماقساتتى ۇمىتپاۋ، بورىشتى ەستە بەرىك ساقتاۋ − پارتيا قۇرىلىسىن كۇشەيتۋدىڭ ماڭگىلىك تاقىرىبى جانە بارلىق پارتيا مۇشەلەرىنىڭ، كادرلاردىڭ ومىرلىك تاقىرىبى. بۇكىل پارتيادا پارتيا تاريحىن ۇيرەنۋ تاربيەسىن ورىستەتۋ − ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جەتىستىكتەرىن بەكەمدەۋدىڭ، دامىتۋدىڭ كەلەلى شاراسى. پارتيا تاريحىن ۇيرەنۋ تاربيەسىنىڭ ءبىر ماڭىزدى مىندەتى − بۇكىل پارتياداعى جولداستاردى مۇرات - سەنىمدى بەكەمدەۋگە، اۋەلگى ماقسات پەن بورىشتى مىقتاپ ورناتۋعا تاربيەلەۋ، جەتەكتەۋ. قالىڭ پارتيا مۇشەلەرىن، كادرلاردى پارتيانىڭ 100 جىلدىق اسا وزگەشە ساپارىنان اۋەلگى ماقسات پەن بورىشتان اينىماۋدىڭ ءنارى مەن قوزعاۋشى كۇش قاينارىن الۋعا، ءارقاشان اۋەلگى ماقساتپەن ساناسىپ، بارلىق جەردە بورىشتى امالياتتا ايگىلەپ، ”ەمتيحان تاپسىرۋدىڭ“ سەرگەكتىگىن ماڭگى ساقتاۋعا تاربيەلەۋ، جەتەكتەۋ كەرەك. باس شۋجي شي جينپيڭ باسا دارىپتەگەندەي: ”ءارقانداي ۋاقىتتا ءبىز اۋەلگى ماقساتتى ۇمىتپاۋىمىز، بورىشتى ەستە بەرىك ساقتاۋىمىز، حالىق سىندى تامىرىمىزدى ۇمىتپاۋىمىز، ماڭگى حالىقتىڭ ادال قىزمەتشىسى بولۋىمىز كەرەك“.

  پارتيانىڭ سيپاتى مەن باستى ماقساتى تۋرالى تانىمدى ونان ارى تەرەڭدەتۋدە بۇقارا ءۇشىن شىن مانىندە ناقتى ءىس ىستەپ، قيىن ماسەلەلەردى شەشىپ، حالىقتى باقىتقا كەنەلتۋدى ەڭ ماڭىزدى قىزمەت ناتيجەسى ەتۋ كەرەك. پارتيا تاريحىن ۇيرەنۋ تاربيەسىندە قالىڭ پارتيا مۇشەلەرىن، كادرلاردى شىڭدالۋدان وتكىزىپ، ولاردىڭ دەڭگەيلەرىن ءوسىرىپ قانا قويماي، بۇقارانى دا تاربيەلەۋ، بۇقارانىڭ ناقتى تيىمدىلىككە قول جەتكىزۋىنە مۇمكىندىك جاساۋ كەرەك. پارتيا ورتالىق كوميتەتى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتۋدى ۇيرەنۋ تاربيەسىنىڭ ماڭىزدى مازمۇنى ەتىپ وتىر، مۇنداعى ماقسات بۇكىل پارتيانىڭ ۇيرەنۋ مەن امالياتتى بىرلەستىرۋىن ىلگەرىلەتىپ، حالىقتى ۋايىمنان ارىلتۋ، قيىنشىلىقتارىن شەشۋ بارىسىندا سانالىلىقپەن پارتيانىڭ اۋەلگى ماقساتى مەن بورىشىن سانالىلىقپەن امالياتتا ايگىلەۋ. پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىقتى زەردەلەۋمەن، قىزمەتتەردى ىلگەرىلەتۋمەن بىرلەستىرىپ، ناقتى ماسەلەلەردى شەشۋمەن بىرلەستىرىپ، ۇيرەنۋ مەن قىزمەتتىڭ ”قابىسپاي قالۋىنان“ ساقتانۋ كەرەك. حالىق قىزمەتشىسى تانىمىن جانە حالىققا سۇيىسپەنشىلىكتى كۇشەيتۋدە، ەڭ الدىمەن ءوز قىزمەت ورنىن تياناق ەتىپ حالىق ءۇشىن قىزمەت ىستەپ، كوممۋنيستەردىڭ اۆانگارد ۇلگىلىك رولىن ويداعىداي ساۋلەلەندىرۋ، سونىمەن بىرگە قيىنشىلىعى ەڭ اۋىر بۇقارادان باستاپ ىسكە كىرىسىپ، ەڭ كورنەكتى ماسەلەلەردەن باستاپ يگەرىپ، ەڭ رەال مۇددەلەردى نەگىزگە الىپ، نەگىزگى ساتىداعى قيىن ىستەردى، بۇقارانى مازالاپ وتىرعان ىستەردى شىنايى شەشۋ كەرەك. بۇقارا ”اسىعىپ وتىرعان، قينالىپ وتىرعان، ۋايىمداپ وتىرعان، كۇتىپ وتىرعان“ ماسەلەلەردى دەن قويا، سۇيىسپەنشىلىكپەن، كۇش سالا ويداعىداي شەشكەندە عانا، ۇيرەنۋدىڭ ناتيجەسىن قىزمەتتىڭ قوزعاۋشى كۇشىنە جانە ناتيجەسىنە اينالدىرىپ، بۇقارانى اناعۇرلىم كوپ، اناعۇرلىم تىكە، اناعۇرلىم ناقتى تابىس سەزىمىنە، باقىت سەزىمىنە، حاۋىپسىزدىك سەزىمىنە كەنەلدىرۋگە بولادى.

  تاريحتى تۇسىنگەندە عانا، الىستى انىق كورۋگە بولادى؛ اۋەلگى ماقساتتى ماڭگى ساقتاعاندا عانا، الىسقا جەتۋگە بولادى. قاشاندا حالىقتىق تۇرعىنى ءتۇبىرلى تۇرعى ەتىپ، پارتيانىڭ اۋەلگى ماقساتى مەن بورىشىن ەستە بەرىك ساقتاپ، پارتيانىڭ سيپاتى مەن باستى ماقساتىن ەستە بەرىك ساقتاپ، حالىقتى بارىنەن جوعارى قويۋعا، حالىققا تىعىز ارقا سۇيەۋگە، حالىقتى ۇزدىكسىز باقىتقا كەنەلتۋگە، حالىققا تەرەڭ تامىر تارتۋعا تاباندى بولىپ، ەڭ قالىڭ حالىقتىڭ ءتۇبىرلى مۇددەسىن ويداعىداي جۇزەگە اسىرىپ، ويداعىداي قورعاپ، ويداعىداي دامىتساق بولعانى، ءبىز، ءسوز جوق، ميلليارد حالىقتى ىنتىماقتاستىرىپ، باستاپ، جاڭا ۇلى ساپاردا ءداۋىردىڭ تىڭ شۇعىلالى كەرەمەتىن جاراتىپ، جاڭا تاريحي ۇلى ءىستى جۇزەگە اسىرا الامىز.

  (شينحۋا اگەنتتىگىنىڭ 4 - ايدىڭ 11 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.