بيڭتۋان گازەتىنىڭ حابارى (ٴتىلشى ما شۋەجياۋ حابارلايدى). 11 – شىعا قاراستى شينجياڭ بەيشين جاڭاشا قۇرىلىس ماتەريالدارى شەكتى سەرىكتەستىگى بەيجيڭ حۋاچىن جيايۇن ساۋدا شەكتى سەرىكتەستىگىمەن نىسانعا قول قويۋ سالتىن وتكىزدى؛ 11 – شى ەكونوميكالىق، تەحنيكالىق اشۋ رايونى گۋاڭدۇڭ تيانجياۋ قۇرىلىس ماتەريالدارى سەرىكتەستىگىمەن 200 ميلليون يۋاندىق قارجى قوسۋ كەلىسىمىنە قول قويدى؛ جيانزى جۇڭحىڭ ساۋدا سەرىكتەستىگى گۋاڭجوۋ كايۋيشا قورشاعان ورتانى قورعاۋ عىلىم - تەحنيكا سەرىكتەستىگىمەن ستراتەگيالىق سەلبەستىك كەلىسىمىنە قول قويدى… بيىل جىل باسىنان بەرى، تيانجيننەن 11 – شىعا كومەككە كەلگەن قىزمەت گرۋپپاسىنىڭ جاپپاي دەمەۋىندە، 11 – شى ساۋداگەر شاقىرىپ، قارجى ەنگىزۋ ىرىقتى شايقاسىن ويداعىداي جۇرگىزىپ، سۇبەلى ناتيجەلەرگە قول جەتكىزدى.
نىسان قۇرىلىسى – ەكونوميكالىق، قوعامدىق دامۋدىڭ جان تامىرى، ورنىقتى ارتۋدىڭ، دامۋدى جەبەۋدىڭ ٴتۇبىرلى قوزعاۋشى كۇشى. تيانجيننەن 11 – شىعا كومەككە كەلگەن قىزمەت اترەتى ساۋداگەر شاقىرىپ، قارجى ەنگىزۋ مىندەتىن 11 – شىداعى 5 ٴىرى توپقا، 5 – تۋان شاحى قالاشىعىنا جانە 9 ساۋداگەر شاقىرۋ گرۋپپاسىنا دەيىن اشالاپ ٴبولىپ، ساۋداگەر شاقىرىپ، قارجى ەنگىزۋدى مەرزىم بويىنشا مالىمدەۋ، مەرزىم بويىنشا حابارلاندىرۋ، نىسان ماسەلەسىن سايكەستىرىپ شەشۋ سىندى 3 ٴتۇرلى اۋقىمدىق باقىلاۋ – تەكسەرۋ مەحانيزىمىن ورناتتى، كەمەلدەندىردى، ٴارقايسى ورىنداردىڭ ساۋداگەر شاقىرىپ، قارجى ەنگىزۋ كورسەتكىش مىندەتتەرىنىڭ ورىندالۋ ونىمدىلىگىنە تەكسەرۋ، باعالاۋ جۇرگىزدى ٴارى قاتارعا تۇرعىزىپ حابارلاندىرۋ شىعارىپ، ساۋداگەر شاقىرىپ، قارجى ەنگىزۋ قىزمەتىندە ورنالاستىرۋ، تياناقتاندىرۋ، تەكسەرۋ، باعالاۋ، سيلاۋ – جازالاۋ سىندى تۇيىق باسقارۋ قالىپتاستىردى. نازاردى بەيجيڭ – تيانجين – حىبەي، چاڭجياڭ اتىراۋى، جۋجياڭ اتىراۋى رايوندارىنا شوعىرلاندىرىپ، قىزمەت اترەتى 11 – شى ساۋدا ىستەرى مەكەمەسىن، دامۋ جانە رەفورما كوميتەتىن، عىلىم – تەحنيكا مەكەمەسىن جانە 11 - شىعا قاراستى ٴتۇيىندى كاسىپورىنداردىڭ باسشىلارىن باستاپ، ”سىرتقا شىعىپ“، ٴىرى نىسانداردى، تاڭداۋلى نىسانداردى ەنگىزۋگە كۇش سالدى.
اۋدارعان: قادىر ماقان
