تيانشان تورى   ›   جاڭالىقتار   ›   بيڭتۋان

بيڭتۋان قالالاردى جاڭالاۋ قيمىلىن اتقارۋدى جەدەلدەتتى

  ”بەتى“ كورىكتەنىپ، ”ٴىشى“ جەڭدى

  بيڭتۋان گازەتىنىڭ حابارى (ٴتىلشى چىن چيۋڭ حابارلايدى). كوكتەمدە تيەمىنگۋان قالاسىندا شوپتەر كوكتەپ، ”كۇننىڭ شۇلەن شۇعىلاسى“ قالا تۇرعىندارىن ساياحاتتاۋعا باۋرادى. ”قالا مونتازداي تازا، كولەمدى جاسىل القاپ تا بار“، - دەدى 4 – ايدىڭ 6 – كۇنى كورلادان قالاسىنا ءوز كولىگىمەن ساياحاتتاي كەلگەن ساياحاتشى فاڭ يۋان.

  2 – شىنىڭ تيەمىنگۋان قالاسى نازاردى بۇقارا كوڭىل ٴبولىپ وتىرعان تۇيىندەرگە شوعىرلاندىرىپ، قالا نەگىزدىك قۇرىلىسىنىڭ دارەجەسىن ٴوسىرىپ، قالا تۇرعىندارىنىڭ ٴجۇرىس – تۇرىسىنا قولايلىلىق جاساپ، قونىستانۋ ورتاسىن اناعۇرلىم جايلى ەتىپ، قالا فۋنكتسياسىن ونان ارى كەمەلدەندىرىپ، جۇمىسشى – قىزمەتكەرلەر، بۇقارالاردىڭ تابىس سەزىمى، باقىت سەزىمى كورنەكتى كۇشەيدى.

  ٴتىلشىنىڭ بيڭتۋان تۇرعىن ٴۇي جانە قالا – قالاشىق قۇرىلىسى مەكەمەسىنەن ۇعىسۋىنشا، ”13 - بەسجىلدىق“ مەزگىلىندە، بيڭتۋاننىڭ قالا – قالاشىق نەگىزدىك قۇرىلعىلارى ۇزدىكسىز كەمەلدەنگەن. 1 – شى ارال قالاسى، 3 – شى تۇمسىق قالاسى مەملەكەتتىك باۋ – باقشا قالاسى بولىپ باعالانعان، بيڭتۋانداعى 3 تۋان الاڭى مەن 7 لياندۇي مەملەكەتتىك كورىكتى، جانعا جايلى شاعىن قالاشىق جانە قىستاقتان ۇلگى كورسەتۋ تىزىمدىگىنە ەنگىزىلگەن، 13 – شىنىڭ حۇڭشيڭ 4 – الاڭى مەن 1 – شىنىڭ 3 – تۋانى مەملەكەتتىك اۋىل – قىستاقتارداعى تۇرمىستىق قوقىر – قوقسىقتار مەن لاس سۋدى جونگە سالۋدان ۇلگى كورسەتەتىن اۋدان بولىپ باعالاندى. بيڭتۋاندا قالا حاۋىپسىز اۋىز سۋىنىڭ جالپىلاسۋ مولشەرى، وتىندىق گازدىڭ جالپىلاسۋ مولشەرى، لاس سۋدى شوعىرلى ٴبىر جايلى ەتۋ مولشەرى، تۇرمىستىق قوقىر – قوقسىقتاردى زالالسىزداندىرىپ ٴبىر جاقتى ەتۋ مولشەرى، جىلۋمەن شوعىرلى قامداۋدىڭ جالپىلاسۋ مولشەرى تۇگەلدەي %95تەن اسقان؛ 65 كونە شاعىن رايونداردى جاڭالاۋ قىزمەتى اياقتالىپ، 42 مىڭ 800 وتباسىنا تيىمدىلىك جاسالعان.

  سونىمەن بىرگە بيڭتۋاننىڭ قالا باسقارۋ ورەسى ۇزدىكسىز جوعارىلاپ، قالا – قالاشىقتاردى باسقارۋ جۇيەسى بىرتىندەپ كەمەلدەندى، 13 شىدا قالا باسقارۋ ۆنيۋەرسال اكىمشىلىك زاڭ اتقارۋ بولىمشە اترەتى رەسمي قۇرىلىپ، باسقارۋ ونىمدىلىگى كورنەكتى جوعارىلادى؛ قالا باسقارۋدى ينفورماتسيالاندىرۋ قۇرىلىسى جەدەل ىلگەرىلەتىلىپ، 1 – شى ارال قالاسىنىڭ، 3 – شى تۇمسىق قالاسىنىڭ، 8 – شى شىحىزى قالاسىنىڭ، 10 – شى بەيتۇن قالاسىنىڭ قالا باسقارۋ تۇعىرى ٴبىتىپ ىسكە قوسىلىپ، قالا باسقارۋدىڭ ىجداعاتتى، زەردەلىلەنۋ دەڭگەيى ۇزدىكسىز جوعارىلادى.

  بيىل بيڭتۋان قالالاردى جاڭالاۋ قيمىلىن بەلسەندى ىلگەرىلەتىپ، قالانىڭ شۇعىل سۋمەن قامداۋ، جىلۋمەن قامداۋ، جول تورابى، الەۋمەتتىك جارىقتاندىرۋ سياقتى جاقتارىنداعى ولقىلىقتارىن تولىقتايدى. قالا – قالاشىقتارداعى كونە شاعىن رايونداردى جاڭالاۋ جونىندەگى جەتەكشى پىكىردى شىعارىپ، جاڭالاۋ جوباسىن عىلمي جاساپ، 2021 – جىلعى جاڭالاۋ قىزمەتىن تىڭعىلىقتى ىلگەرىلەتەدى، ٴارقايسى شى، قالالار نەگىزدىك تۇرلەر، كەمەلدەندىرۋ تۇرلەرى، دارەجەسىن جوعارىلاتۋ تۇرلەرىن جاڭالاۋ مازمۇنى بويىنشا، قالا – قالاشىقتارداعى شاعىن رايونداردىڭ نەگىزدىك قۇرىلعى قۇرىلىس ورەسىن جەرگىلىكتى جاعدايعا قاراي ٴوسىرىپ، جاسىل الەۋمەتتىك اۋماق قۇرىلىسىن قاتار ورىستەتەدى. بۇدان سىرت، بيڭتۋان تاعى ”جاڭا قالا قۇرىلىسى“ مەن ”يكەمدى قالا“ قۇرىلىسىن كۇش سالا ىلگەرىلەتىپ، قالا تۇرمىستىق قوقىر – قوقسىقتارىن تۇرگە ايىرۋ جانە جاسىلداندىرۋ، كورىكتەندىرۋ قىزمەتىن ويداعىداي يگەرىپ، ٴبىر قىدىرۋ قالا باقشاسى، قالا – اۋىل جاسىل جولى سياقتىلاردى جاڭادان سالادى جانە جاڭالايدى، تاريحي مادەنيەت كوشەلەرىن قورعاۋدى كۇشەيتىپ، قالالاردىڭ ەرەكشە قۇدىرەتىن كورەكتىلەندىرەدى.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • پىشەن شابىلدى
  • چارقىلىق - نيە جوعارى جىلدامدىقتى تاس جول ينجەنەرياسى اياقتادى
  • قاعىر تاۋلار جاسىل جەلەك جامىلىپ، قونىستانۋعا جايلى، كىرىستى ارتتىرۋعا ىڭعايلى بولدى
  • قىشى اتىزىندا جەدەل باپتاۋ جۇرگىزىلۋدە