شاۋكەت يمىن، نۇرلان ءابىلماجىن، ۋاڭ جۇنجىڭ كەزدەسۋدە بىرگە بولدى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، لياڭ ليحۋا 4 - ايدىڭ 12 - كۇنى ۇرىمجىدەن حابارلايدى. 4 - ايدىڭ 12 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى اۆتونوميالى رايون باسشىلارى ۇرىمجىدە اۆتونوميالى رايوندىق ءىسلام ءدىنى قوعامىنىڭ جاڭا كەزەكتى باسشىلىق القاسىنىڭ مۇشەلەرىمەن كەزدەستى.
اۆتونوميالى رايون باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، ياڭ چىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ۋاڭ ميڭشان قاتارلىلار قاتىستى قيمىلعا قاتىناستى.
چىن چۋانگو اۆتونوميالى رايوندىق پارتكوم مەن ۇكىمەت اتىنان، اۆتونوميالى رايوندىق ءىسلام ءدىنى 8 - رەتكى ۋاكىلدەر ءماجىلىسىنىڭ اشىلعاندىعىن جانە سايلانعان جاڭا كەزەكتى باسشىلىق القاسىن قۇتتىقتايتىندىعىن ءبىلدىردى. ول بىلاي دەدى: اۆتونوميالى رايوندىق ءىسلام ءدىنى قوعامى باستان - اياق وتاندى ءسۇيۋ، ءدىندى قادىرلەۋ تۋىن بيىك ۇستاپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، كەڭ كولەمدە ىنتىماقتاستىرىپ، كۇش ۇيىستىرىپ، شينجياڭنىڭ ەكونوميكالىق، قوعامدىق دامۋىنا قىزمەت وتەپ، رايونىمىزدىڭ ۇلتتار ىنتىماعىن، ءدىن ۇيلەسىمدىلىگىن، قوعام جاراسىمدىلىعىن جەبەۋگە بەلسەندى ۇلەس قوستى. جاڭا كەزەكتى اۆتونوميالى رايوندىق ءىسلام ءدىنى قوعامىنىڭ جۇڭگو كوممۋنيستىك پارتياسىنىڭ باسشىلىعىن باتىل قولداپ، باس شۋجي شي جينپيڭنىڭ ءدىن قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ساياسيدا سەنىمدى، ستيلدە دەموكراتيالى، قىزمەتتە جوعارى ءونىمدى بولعان جوعارى ساپالى باسشىلىق القاسىن قۇلشىنا قۇرىپ، ءىسلام ءدىنىن سوتسياليستىك قوعامعا ۇيلەسۋگە بەلسەنە جەتەكتەۋىن ءۇمىت ەتەمىن. وتاندى ءسۇيۋ، ءدىندى قادىرلەۋ تاماشا ءداستۇرىن ۇزدىكسىز اسقاقتاتىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ساياسيدا سەنىمدى، ءدىن جاعىندا ءبىلىمدى، ءمورال جاعىندا جۇرتتى يلاندىرا الاتىن، شەشۋشى ساتتە رول اتقارا الاتىن ولشەمگە تاباندى بولىپ، پارتيا مەن ۇكىمەتتىڭ ءدىن سالاسىنداعى قايراتكەرلەر مەن قالىڭ دىنگە سەنەتىن بۇقارانى ىنتىماقتاستىراتىن، بايلانىس جاسايتىن كوپىرلىك جانە دانەكەرلىك رولىن تولىق ساۋلەلەندىرىپ، ءدىن قاعيدا - جوسىنىنداعى ءداۋىردىڭ العا باسۋ تالابىنا ۇيلەسەتىن بەلسەندى فاكتورلاردى تەرەڭ قازىپ، ءىسلام ءدىنى سالاسىنداعى قايراتكەرلەر مەن دىنگە سەنەتىن بۇقارانى مەملەكەت تانىمىن، زاڭمەن جونگە سالۋ تانىمىن، ازاماتتىق تانىمىن كۇشەيتۋگە ىنتىماقتاستىرىپ، باستاپ، ءتۇرلى ۇشقارى يدەيانىڭ سىنالاپ كىرۋىنە سانالى تۇردە قارسى تۇرىپ جانە ساقتانىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا ۇلەس قوسۋ كەرەك.
اۆتونوميالى رايوندىق ءىسلام ءدىنى 8 - رەتكى ۋاكىلدەر ءماجىلىسى 4 - ايدىڭ 9 - كۇنىنەن 11 - كۇنىنە دەيىن ۇرىمجىدە اشىلدى. ءماجىلىس «اۆتونوميالى رايوندىق ءىسلام ءدىنى قوعامى 7 - كەزەكتى تۇراقتى كوميتەتىنىڭ قىزمەت بايانداماسىن» قاراپ ماقۇلدادى، «شينجياڭ ۇيعۇر اۆتونوميالى رايوندىق ءىسلام ءدىنى قوعامى ەرەجەسىنە» وزگەرىس ەنگىزىپ، اۆتونوميالى رايوندىق ءىسلام ءدىنى قوعامى 8 - كەزەكتى القالار كەڭەسىنىڭ القالارىن، تۇراقتى القالارىن، باستىعىن، ورىنباسار باستىقتارىن، باس حاتشىسىن سايلادى. ءماجىلىس مىنالاردى دارىپتەدى: جۇڭگو كوممۋنيستىك پارتياسىنىڭ باسشىلىعىن باتىل قولداپ، جۇڭگوشا سوتسياليستىك ءتۇزىمدى قولداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدا ءىسلام ءدىنىن جۇڭگوشالاندىرۋدى تىڭعىلىقتى ىلگەرىلەتىپ، ۇشقارىلىقتى الاستاۋدى ۇزدىكسىز تەرەڭدەتىپ، جۇڭحۋا ۇلتى ورتاق تۇلعا تانىمىن سومداپ، ۇلتتار ىنتىماعىن جانە ءدىن تاتۋلىعىن، جاراسىمدىلىعىن قورعاپ، وتاننىڭ تۇتاستىعى مەن قوعام ورنىقتىلىعىن قورعاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرەتىن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش - قۋات ارناۋ كەرەك.
