تيانشان تورى   ›   جاڭالىقتار   ›   شينجياڭ حابارلارى

وسەك - اياڭدى باتىل اشكەرەلەپ، كورىكتى مەكەن قۇرامىز

  اۆتونوميالى رايوندىق ماقتا - كەندىر سەرىكتەستىگى ءۇرىمجى ماقتا - كەندىر پۋنكتى:

  وسەك - اياڭدى باتىل اشكەرەلەپ، كورىكتى مەكەن قۇرامىز

  جۋىقتا H&M، نايكى قاتارلى ءىشىنارا شەتەل ايگىلى ماركالى سەرىكتەستىكتەر شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەپ داۋرىعىپ، مالىمدەمە جاريالاپ شينجياڭ ماقتاسىن پايدالانۋدان باس تارتتى. بۇعان قاراتا ءبىز وي - سانانى سەرگەك ۇستاپ، امەريكاداعى، باتىستاعى جۇڭگوعا قارسى كۇشتەردىڭ پاسىق نيەتىن انىق كورە ءبىلۋىمىز كەرەك. ولار جۇڭگونىڭ حالىقاراداعى وبرازىنا كۇيە جاعىپ، ورايدان پايدالانىپ جۇڭگونىڭ ماقتا توقىماشىلىق بۇيىمدارىن جانە كاسىپ سالالارىن قىسپاققا الماقشى بولدى.

  ءۇرىمجى ماقتا - كەندىر پۋنكتىنىڭ 40 جىلعا تاياۋ تاريحى بار، بۇرىننان بەرى ماقتانى قامبادا ساقتاۋدىڭ قاتىستى كاسىپتەرىمەن شۇعىلدانىپ كەلەدى، بارلىق جۇمىسشى - قىزمەتكەرلەر ۇزاق ۋاقىتتان بەرى شينجياڭدا قىزمەت ىستەپ، تۇرمىس كەشىرىپ كەلگەن، شينجياڭنىڭ ماقتا كاسىپ سالاسىنىڭ جاعدايىن ءبىز ەڭ قانىق بىلەمىز.

  وزگەشە جاعراپيالىق جانە كليمات شارت - جاعدايىنا يە شينجياڭ ماقتاسى تاماشا ساپا ازىرلەگەن. شينجياڭنىڭ ماقتا ءونىم مولشەرى ءۇرتىس بۇكىل ەل بويىنشا الدىدا كەلەدى، شينجياڭ ماقتاسى ەل ءىشى ماقتا توقىماشىلىق كاسىپ سالاسىنىڭ باياندى، اقاۋسىز دامۋىنىڭ ماڭىزدى شيكىزات كەپىلى، سونداي - اق تۇتاس جەر شارىنداعى كاسىپورىندار سالاسى ورتاق مويىنداعان جوعارى ساپالى تابيعي تالشىق شيكىزاتى، تۇتاس جەر شارى كولەمىندەگى ماقتادان جاسالعان توقىما بۇيىمدارىنىڭ، كيىم - كەشەكتەردىڭ تۇراقتى تۇتىنۋ قاجەتىن ءبىرشاما جاقسى قامداپ وتىر. وتە - موتە، شينجياڭنىڭ جەرگىلىكتى ۇزىن تالشىقتى ماقتاسى جوعارى ساپالى ماقتا ءجىبىنىڭ نەگىزگى شيكىزاتى رەتىندە، ەل ىشىندەگى تومەن بۋىنداعى كاسىپورىنداردىڭ جوعارى ساپالى تىستىق كەزدەمە ءوندىرۋىنىڭ العاشقى تاڭداۋىنا اينالدى. جۋىق جىلداردان بەرى شينجياڭ ماقتاسىن ەگۋ، ماقتا ءوندىرىسى ورنىقتىلىقتى ساقتادى، ماقتا توقىماشىلىعى جانە كيىم - كەشەك كاسىپ سالاسى تەز قارقىنمەن دامىپ، رايونىمىز ەكونوميكاسىنىڭ دامۋىن جەبەۋدە، كەدەي حالىقتى كەدەيلىكتەن ارىلتىپ كىرىستەرىن ارتتىرۋعا كۇش ۇستەۋدە، ءار ۇلت بۇقاراسىنىڭ جۇمىستانۋىن شەشۋدە، حالىق تۇرمىسىنىڭ ىرىس - قۇتىن ارتتىرۋدا ماڭىزدى رولىن ساۋلەلەندىردى. توقىماشىلىق جىپتەرىن مانەرلەۋ، ءوندىرىس بۋىندارىندا شينجياڭداعى ماقتا توقىماشىلىعى كاسىپورىندارى ەل ءىشى - سىرتىنداعى وزىق جابدىقتاردى جانە اۆتوماتتى قۇرىلعىلاردى جالپى بەتتىك پايدالانىپ، زەردەلىلەنگەن ءوندىرىس سەحىن قۇرىپ، ەل ءىشى ماقتا توقىماشىلىق كاسىپتەرى دامۋىنىڭ ەڭ جوعارى دەڭگەيىن ايگىلەپ، ەل ءىشى ماقتا توقىماشىلىق كاسىبىندە كەم بولسا بولمايتىن تىرەكتى كۇشكە اينالدى.

  امەريكاداعى، باتىستاعى جۇڭگوعا قارسى كۇشتەر ايتىلمىس ”زورلىقپەن ەڭبەككە سالۋ“ وسەك - اياڭىن قيسىنسىز ويدان شىعارۋىنىڭ تۇپكى ماقساتى − شينجياڭ ماقتا كاسىپ سالاسىنىڭ نەگىزىن ءبۇلدىرۋ، جۇڭگونىڭ ماقتا توقىماشىلىق كاسىپ سالاسى تىزبەگىن ءبۇلدىرۋ، شينجياڭنىڭ ورنىقتىلىعىنىڭ، دامۋىنىڭ اسا تاماشا جاعدايىن ءبۇلدىرۋ، ءبىز ولاردىڭ ماقساتىنا، استە، جول بەرمەيمىز. ماقتانى قامبادا ساقتاۋ كاسىپورنى رەتىندە، ءبىز قىزمەت وتەۋ تانىمىن كۇشەيتىپ، قامبادا ساقتاۋ، زات اينالىمى قىزمەتىن ويداعىداي ىستەپ، حاۋىپسىز، جوعارى ءونىمدى، قولايلى وسىزاماندانعان زات اينالىمى قىزمەت وتەۋىن قۇرىپ، شينجياڭ ماقتاسىنىڭ تاماشا ەرتەڭى ءۇشىن ءوز كۇش - قۋاتىمىزدى قوسامىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.