انار بۇلت / شينجياڭ گازەتىنىڭ تىلشىلەرى ءپاريزات ابدۇل، ءرايدا
4 - ايدىڭ 13 - كۇنى گۇما اۋدانى ازىقتىق ساڭىراۋقۇلاق كاسىپ سالاسى باقشاسىندا قىزمەتكەرلەر جۇپار ساڭىراۋقۇلاق ۇزۋدە. سۋرەتتى انار بۇلت / شينجياڭ گازەتىنىڭ ءتىلشىسى جوۋ پىڭ تۇسىرگەن
گۇما اۋدانى مۇجى قالاشىعى سايباق قىستاعىنا ورنالاسقان گۇما اۋدانى ازىقتىق ساڭىراۋقۇلاق كاسىپ سالاسى باقشاسىنا بارعانىمىزدا جۇپار ساڭىراۋقۇلاقتىڭ حوش ءيىسى اڭقىدى، جۇمىسشىلار جۇپار ساڭىراۋقۇلاق تەرىپ جاتقان ەكەن.
”كەشە 14 توننا جۇپار ساڭىراۋقۇلاق تيەگەن توڭازىتىپ ساقتاۋ جۇك كولىگى تۇرپان - حوتان جوعارى جىلدامدىقتى (G3012) تاس جولىن بويلاي ۋحانعا قاراي اتتاندى. قازىر ءبىز كەلەر توپتاعى تاپسىرىسقا دايىندالىپ جاتىرمىز“، - دەدى 4 - ايدىڭ 13 - كۇنى شينجياڭ بەيكاڭ ميكرو ورگانيزم عىلىم - تەحنيكا شەكتى سەرىكتەستىگىنىڭ (تومەندە قىسقارتىلىپ ”بەيكاڭ عىلىم - تەحنيكاسى“ دەلىنەدى) ورىنباسار زاۆود باستىعى تاڭ جيايىن.
گۇما اۋدانى تاكلاماكان ءشولىنىڭ وڭتۇستىك جيەگىنە ورنالاسقان، كليماتى قۇرعاق، كۇن نۇرىنىڭ ءتۇسۋ ۋاقىتى ۇزاق، ازىقتىق ساڭىراۋقۇلاق وسىرۋگە باپ كەلەدى، بەيكاڭ عىلىم - تەحنيكاسى وسى ارانىڭ ەرەكشە تابيعات شارت - جاعدايىن ۇناتىپ، گۋما اۋدانى ازىقتىق ساڭىراۋقۇلاق كاسىپ سالاسى باقشاسىندا دامۋدى تاڭدادى.
تاڭ جيايىن بىلاي دەپ تانىستىردى: سەرىكتەستىك نەگىزىنەن حايشيانگۋ ساڭىراۋقۇلاعى، جۇپار ساڭىراۋقۇلاق سياقتىلاردى وندىرەدى. كەزەكتە ولشەمدەنگەن، وسىزاماندانعان ءوندىرىس بازاسى سالىنىپ بولدى، ءار كۇنى 8 توننا حايشيانگۋ ساڭىراۋقۇلاعىن، 4 توننا جۇپار ساڭىراۋقۇلاق، ءبىر توننا قارا ساڭىراۋقۇلاق وندىرەدى، حايشيانگۋ ساڭىراۋقۇلاعىن زەردەلى وندىرەتىن 2 جىلىجاي، 100 جۇپار ساڭىراقۇلاق جىلىجايى، 64 قارا ساڭىراۋقۇلاق جىلىجايى بار. مۇنان سىرت، ساڭجۋ قالاشىعىندا، چودا اۋىلىندا، پيشينا اۋىلىندا 1000نان استام جۇپار ساڭىراۋقۇلاق جىلىجايى جانە 220 قارا ساڭىراۋقۇلاق جىلىجايى سالىندى.
حايشيانگۋ ساڭىراۋقۇلاعىن ءوسىرۋ ۇيىنە كىرگەنىمىزدە، اۋا تۇماندانىپ، ءبىر - ءبىر قالتا اق ءتۇستى ”حايشيانگۋ ساڭىراۋقۇلاعىنىڭ“ ساڭىراۋقۇلاق سورەسىنە رەتىمەن تىزىلگەندىگىن، ۇزىن ساڭىراۋقۇلاق تاياقشاسىنا بالاۋسا ساڭىراۋقۇلاق شاتىرشاسى اشىلعاندىعىن كوردىك. ”حايشانگۋ ساڭىراۋقۇلاعى تومەن تەمپەراتۋرادا وسەتىن ءشوپ ساڭىراۋقۇلاعى، ۇيلەسىمدى تەمپەراتۋراسى ℃8دەن ℃18گە دەيىن، سوندىقتان ءاربىر جەتىلدىرۋ ۇيىنە توڭازىتۋ اسپابى سەپتەلگەن، 24 ساعات سۋىتادى“، - دەدى تاڭ جيايىن، - ”حايشيانگۋ ساڭىراۋقۇلاعى ءدامدى ءارى ’نازىك‘، جوعارى قارقىندى تاس جول بولعاندىقتان ءبىز ساپاعا، مولشەرگە كەپىلدىك ەتە وتىرىپ ونى ۋحان، گۋاڭجوۋ، شىنجىن، شاڭحاي سياقتى جەرلەردەگى قاريدارلاردىڭ قولىنا جەتكىزە الدىق“.
ال مۇنداي ساڭىراقۇلاقتى جەتىلدىرگەن ءدال توڭىرەكتەگى اۋىل - قالاشىق قىستاق تۇرعىندارى. مەن بۇرىن ساڭجوۋ قالاشىعى قارادوڭ قىستاعىندا تۇراتىنمىن، جەر از، كىرىسىمىز تۇگەلدەي جەر ەگۋگە سۇيەنەتىن“، - دەدى بۋامينا مامەت.
2018 - جىلى بۋامينا قونىس جاڭالاۋ بويىنشا كەدەيلەردى سۇيەمەلدەپ ورنالاستىرۋ ءتۇيىنى ساڭگۇي اۋىلى يۇڭانشين قىستاعىنا كوشىپ كەلەدى. 2019 - جىلدىڭ سوڭىندا، بۋامينا گۋما اۋدانى ازىقتىق ساڭىراۋقۇلاق كاسىپ سالاسى باقشاسىنا كەلىپ جۇمىستانادى، زەرەك تە ۇعىمتال بولعاندىقتان، باقشا اۋماعىنا العاش كەلگەندە - اق ساڭىراۋقۇلاق جەتىلدىرۋ تاجىريبەحاناسىنداعى شى حايفىڭنىڭ نازارىنا ىلىنەدى. جەتىلدىرۋ تاجىريبە تۇتىكشەسىنىڭ تەمپەراتۋراسىن قالاي مەڭگەرۋگە بولادى، قانشالىق ساڭىراۋقۇلاق سالىپ جەتىلدىرۋگە بولادى، شى حايفىڭ بايسالدىلىقپەن ەگجەي - تەگجەيلى تۇسىندىرگەندىكتەن بۋامينا تەز ارادا ساڭىراۋقۋلاق جەتىلدىرۋ تەحنيكاسىن مەڭگەرىپ الادى. جاڭا تەحنيكانى مەڭگەرگەن بۋامينانىڭ تابىس سەزىمى تاسقىنداي تۇسەدى.
تۇنيسا عۇلام مۇجى قالاشىعى لۇڭگا قىستاعىنىڭ تۇرعىنى، گۋما اۋدانى ازىقتىق ساڭىراۋقۇلاق كاسىپ سالاسى باقشاسىندا جۇمىستانعانىنا ءبىر جىل بولدى، بۇل كۇندەرى جۇپار ساڭىراۋقۇلاق جىلىجايىندا جۇپار ساڭىراۋقۇلاق ەگۋگە، الۋعا جاۋاپتى، اي سايىن تۇراقتى كىرىسى بار. ول: ”بۇرىن 9 مۋ جەر مەن بىرنەشە قويعا اينالاتىنبىز، قازىر جۇپار ساڭىراۋقۇلاق ەگۋ تەحنيكاسىن ۇيرەنىپ الدىم، اي سايىنعى كىرىسىم بۇرىنعىنىڭ نەشە ەسەسىندەي بولدى“ دەدى.
قازىر گۋما اۋدانى ازىقتىق ساڭىراۋقۇلاق كاسىپ سالاسى باقشاسىندا تۇراقتى جۇمىستانعان 600دەن استام ادام بار. قاتارى بارعان سايىن مولايعان بۋامينا مەن تۇنيسا سياقتى جۇمىسشىلار كوزقاراسىن وزگەرتىپ، شەبەرلىك يگەرىپ، تۇرمىستارى بارعان سايىن جاقساردى.
”ءبىز ارناۋلى زات اينالىمى سەرىكتەستىگىن قۇردىق، ءىرى تۇرپاتتى سۋىق تىزبەكتى زات اينالىمى كولىگىنەن 6 كولىك بار، ونىڭ ۇستىنە جول قاتىناس قارقىنى تەزدەگەندىكتەن ءبىز وندىرگەن ساڭىراۋقۇلاق قاجەتتى قامداي الماي كەلەدى“، - دەدى تاڭ جيايىن، - كەلەسى قادامدا، ءبىز تاعى 100 ساڭىراۋقۇلاق جىلىجايىن سالىپ، ساڭىراۋقۇلاق كاسىپ سالاسىن زورايتا، قۋاتتاندىرا ءتۇسۋدى جوسپارلاپ وتىرمىز“.
قازىر تۇرپان - حوتان جوعارى جىلدامدىقتى تاس جولىمەن تاسىمالداناتىن كىشكەنتاي ساڭىراۋقۇلاق بارعان سايىن جيىلەنگەن جوعارى جىلدامدىقتى تاس جول تورابىن بويلاپ ىشكى وڭىرلەردىڭ كەڭ بازارلارىنا قادام تاستاۋدا.
ءتىلشى ەستەلىگى
”تۇيىق قويناۋدان“ ”ىرىستى جەرگە“ دەيىن
ءرايدا
گۇما اۋدانىندا كىشكەنتاي ساڭىراۋقۇلاقتاردان ”بايۋ شاتىرى“ جايىلدى؛ قاراقاش اۋدانىندا قوياندار ”ءىرى كاسىپ سالاسىنا“ اينالدى؛ حوتان قالاسىندا بارعان سايىن كوبەيگەن كاسىپورىندار وسىندا قارجى قوسىپ شارۋاشىلىقتارىن گۇلدەندىردى...
4 - ايدىڭ 13 - كۇنى ”جوعارى جىلدامدىقتى تاس جولدى بويلاپ شينجياڭعا نازار سالۋ“ انار بۇلت / شينجياڭ گازەتىنىڭ جالپىلىق اقپارات قۇرالدارى حابارلاۋ توبى تۇرپان - حوتان جوعارى جىلدامدىقتى تاس جولىن (G3012) بويلاپ گۇما اۋدانىن، قاراقاش اۋدانىن باسىپ ءوتىپ، حوتان قالاسىنا كەلدى.
حوتان تاكلاماكان ءشولىنىڭ وڭتۇستىك جيەگىنە ورنالاسقان، بۇرىن بۇل ارا قاتىناس دامۋىنىڭ مەشەۋلىگىنەن، ۇنەمى ادامدار جاعىنان ”تۇيىق قويناۋ“ اتالىپ كەلگەن ەدى. ال قازىر جول بويى قاراساڭىز، تولتىرا زات تيەلگەن جۇك كولىكتەرى جوعارى جىلدامدىقتى تاس جولدا زىمىراسا، ءبىر - بىرلەگەن ونەركاسىپ باقشا رايونىندا جۇمىسشىلار مينۋت - سەكۋندتى ۇتىپ ءوندىرىستى مىقتاپ يگەرۋدە... بۇل ارا قۇددى ”جەدەلدەتۋ كنۋپكاسىن“ باسىپ جىبەرگەندەي، ادامعا جىگەرلەنە العا باسىپ، ۇدەرە العا تارتۋدىڭ تاسقىنداعان كۇش - قۋاتىن سەزىندىرۋدە.
قاتىناس نەگىزدىك قۇرىلعىلارىنىڭ كۇن سايىن كەمەلدەنۋىنە ىلەسە، بۇكىل ەلدىڭ جەر - جەرىندەگى ساۋداگەرلەر حوتاندى كوزدە ۇستادى، ساۋداگەر شاقىرىپ، قارجى ەنگىزۋ ”ون ميلليارد داۋىرگە“؛ ءتۇرلى ونىمدەردى تاسىپ اكەلۋ، سىرتقا شىعارۋ بارعان سايىن قولايلىلاسىپ، ءتۇرلى كاسىپ سالاسى جەدەل دامۋدىڭ ”التىن داۋىرىنە“ قادام تاستادى.
بۇرىنعى ”تۇيىق قويناۋ“ تەز قاداممەن ”ىرىستى جەرگە“ اينالۋدا. بۇل ارادا ءبىز شار تاراپقا تۇتاسقان جوعارى جىلدامدىقتى تاس جولدىڭ حوتاننىڭ ەسىك اشۋ اياق الىسى ادىمىنىڭ بارعان سايىن ارشىندى بولۋىنا، بارعان سايىن تەزدەۋىنە مۇمكىندىك جاساعاندىعىن تەرەڭدەي سەزىندىك.
