شارلاۋ بويىنشا رەتتەۋ - تۇزەتۋ ناتيجەسى ارقىلى ساياسي كەڭەس قىزمەتىندە جاڭا جاعداي اشۋدى ىلگەرىلەتۋ كەرەك
انار بۇلت / شينجياڭ گازەتىنىڭ ءتىلشىسى جاڭ يۇنمەي 4 - ايدىڭ 13 - كۇنى ۇرىمجىدەن حابارلايدى. 4 - ايدىڭ 13 - كۇنى تۇستەن كەيىن اۆتونوميالى رايوندىق ساياسي كەڭەس پارتيا باسشىلىق گرۋپپاسى القاسى ورتالىقتىڭ شارلاۋى بويىنشا رەتتەۋ - تۇزەتۋ ارناۋلى تاقىرىپتىق دەموكراتيالىق تۇرمىس جيىنىن اشىپ، نازاردى ورتالىقتىڭ 6 - شارلاۋ گرۋپپاسى اڭىس ەتكەن ماسەلەلەرگە شوعىرلاندىرىپ، القانىڭ قىزمەتىمەن جانە جەكە ادامداردىڭ يدەيالىق قىزمەتىنىڭ ءىس جۇزىندىگىمەن بايلانىستىرىپ، ءوزىن تەكسەرۋدى ىشكەرىلەي جۇرگىزىپ، سىن جانە ءوز - وزىنە سىندى قاتاڭ ورىستەتىپ، رەتتەۋ - تۇزەتۋ شارالارىن ايقىندادى.
اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن جيىندى باسقاردى جانە قورىتىندى ءسوز سويلەدى. اۆتونوميالى رايوندىق ءتارتىپ تەكسەرۋ كوميتەتىندەگى، اۆتونوميالى رايوندىق پارتكوم ۇيىمداستىرۋ بولىمىندەگى قاتىستى جولداستار جيىنعا سىرتتاي قاتىناستى.
وسى رەتكى ارناۋلى تاقىرىپتىق دەموكراتيالىق تۇرمىس جيىنىن جوعارى ساپامەن ويداعىداي اشۋ ءۇشىن، اۆتونوميالى رايوندىق ساياسي كەڭەس پارتيا باسشىلىق گرۋپپاسى تولىق يدەيالىق دايىندىق جانە قىزمەت دايىندىعىن جاسادى. جيىننىڭ الدىندا جەكە ادامداردىڭ وزدىگىنەن ۇيرەنۋى مەن توپتىق زەرتتەۋ - تالقىلاۋدى بىرلەستىرۋ ءتاسىلىن قولدانۋ ارقىلى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەندى، باس شۋجي شي جينپيڭنىڭ پارتيانى جاپپاي قاتاڭ جونگە سالۋ جانە شارلاۋ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن ۇيرەندى، باس شۋجي شي جينپيڭنىڭ ورتالىق كوميتەت ساياسي بيۋروسىنىڭ دەموكراتيالىق تۇرمىس جيىنىنداعى، ولكە - مينيستر دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىنىڭ وقۋ باستاۋ سالتىنداعى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندەگى ماڭىزدى سوزدەرىنىڭ رۋحىن ۇيرەندى، 19 - كەزەكتى ورتالىق ءتارتىپ تەكسەرۋ كوميتەتى بەسىنشى جالپى ءماجىلىسىنىڭ رۋحىن ۇيرەندى، ىشكەرىلەي سىرلاسىپ، پىكىرلەسىپ، كەڭ كولەمدە پىكىر - ۇسىنىس الىپ، سالىستىرىپ تەكسەرۋ ماتەريالدارىن مۇقيات جازدى.
نۇرلان ءابىلماجىن اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ القاسى اتىنان سالىستىرىپ تەكسەرۋ جۇرگىزدى ءارى باستاماشىلدىقپەن ءوزىن سالىستىرىپ تەكسەرىپ، سىندى ىرىقتىلىقپەن قابىلدادى. پارتيا باسشىلىق گرۋپپاسىنىڭ باسقا دا مۇشەلەرى ءبىر - بىردەن سويلەپ، سىن جانە ءوز - وزىنە سىندى قاتاڭ ورىستەتتى. كوپشىلىك اشىق ايتىپ، ماسەلەلەرمەن بەتپە - بەت كەلىپ، ورتالىقتىڭ 6 - شارلاۋ گرۋپپاسى شارلاۋدا اڭىس ەتكەن پىكىرلەرىن ءبىر - بىرلەپ ولشەمگە، ۇلگىگە تۋرالاپ، پىشاقتىڭ ءدۇزىن ىشكە قاراتۋداي وزىنە توڭكەرىس جاساۋ رۋحىن ساۋلەلەندىرىپ، ءوزىن بورشالاۋ ارقىلى جۇرەكتىلىكپەن ايىبىن اشىپ، ءمىنىن كورسەتىپ، ءبىر - بىرىنە سىن ايتۋدا بەت قىزارتىپ، تەر شىعارۋعا باتىل بولىپ، پارتيا ىشىندەگى ساياسي تۇرمىستىڭ ساياسي سيپاتى مەن پرينسيپتىك سيپاتىن ايگىلەدى.
نۇرلان ءابىلماجىن قورىتىندى سوزىندە بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باتىل تۇردە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، وسى رەتكى دەموكراتيالىق تۇرمىس جيىنىن جاڭا باستاما ەتىپ، اۆتونوميالى رايوندىق پارتكومنىڭ قىزمەت تالابى بويىنشا، ”جاۋاپناما“ تانىمىن كۇشەيتىپ، ”شەشۋشى ازشىلىقتىڭ“ رولىن ساۋلەلەندىرىپ، جوعارى ارقىلى تومەنگە جەتەكشىلىك ەتىپ، ۇلگى كورسەتىپ، جاقسى ونەگە بولۋ كەرەك. شارلاۋ بويىنشا رەتتەۋ - تۇزەتۋدىڭ ساياسي جاۋاپكەرشىلىگىن باتىل ارقالاپ، ۇيرەنۋ ارقىلى تۇزەتۋدى جەبەۋگە، ۇيرەنە ءجۇرىپ تۇزەتۋگە تاباندى بولىپ، باستاماشىلدىقپەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ باتىل سەنۋشىسى جانە ادال اتقارۋشىسى بولۋ كەرەك. باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، رەتتەۋ - تۇزەتۋدى قاتاڭ، شىنايى يگەرىپ، ماسەلەلەردى باعدار ەتۋدى رەتتەۋ - تۇزەتۋ قىزمەتىندە باستان - اياق ساباقتاستىرىپ، شارلاۋ بويىنشا رەتتەۋ - تۇزەتۋدىڭ ناقتى ناتيجەسىمەن شينجياڭنىڭ ساياسي كەڭەس قىزمەتىندە ۇزدىكسىز جاڭا جاعداي اشۋدى ىلگەرىلەتۋ كەرەك.
