باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ساياسي دەڭگەيدى جوعارىلاتىپ، پارتيا تاريحىن ۇيرەنۋ تاربيەسىنىڭ تەرەڭدەۋىن، كەڭەيۋىن ىلگەرىلەتۋ كەرەك
شوكىرات زاكىر باسقاردى، شاۋكەت يمىن، نۇرلان ءابىلماجىن قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 13 - كۇنى ۇرىمجىدەن حابارلايدى. 4 - ايدىڭ 13 - كۇنى تۇستەن بۇرىن اۆتونوميالى رايوننىڭ اۋدان - باسقارما دارەجەلىدەن جوعارى باسشى كادرلاردىڭ پارتيا تاريحىن ۇيرەنۋ تاربيەسى ارناۋلى تاقىرىپتىق كۋرسى ساباق باستادى. اۆتونوميالى رايوندىق پارتكومنىڭ شۋجيى چىن چۋانگو ساباق باستاۋ سالتىنا قاتىناستى ءارى ارناۋلى تاقىرىپتا پىسىقتاۋ جاسادى. ول بىلاي دەپ باسا دارىپتەدى: باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن، اسىرەسە، پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى ماڭىزدى ءسوزىنىڭ رۋحىن ىشكەرىلەي ۇيرەنىپ، ۇعىنىپ، پارتيا تاريحىن ۇيرەنۋ تاربيەسىنىڭ تەرەڭدەۋىن، كەڭەيۋىن ىلگەرىلەتىپ، بۇكىل رايونداعى قالىڭ پارتيا مۇشەلەرى مەن ءار ۇلت كادر - بۇقاراسىن پارتيانىڭ 100 جىلدىق ۇلى كۇرەس تاريحىنان ۇزدىكسىز العا باساتىن اقىل - پاراسات جانە كۇش - قۋات قابىلداپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋعا شابىتتاندىرۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ساباق باستاۋ سالتىن باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، ياڭ چىڭ، شۇي حايرۇڭ، تيان ۋىن، لي يفي، سارقىت اقان، ۋاڭ ميڭشان قاتارلىلار قاتىناستى.
چىن چۋانگو بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا تاريحىن ۇيرەنۋگە ايرىقشا ءمان بەردى، باس شۋجي شي جينپيڭ ءبىر قىدىرۋ ماڭىزدى بايىمداۋلار جاساپ، پارتيامىزدىڭ پارتيا تاريحى جونىندەگى دايەكتى تۇرعىسى مەن پوزيتسياسىن ايگىلەۋمەن بىرگە، پارتيامىزدىڭ پارتيا تاريحى جونىندەگى تانىمىنىڭ ەڭ جاڭا دامۋىن دا ايگىلەدى. باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىنداعى ماڭىزدى ءسوزى پارتيا تاريحىن ۇيرەنۋ تاربيەسىن جاقسى ورىستەتۋگە ايقىن بەتالىس كورسەتىپ، ءتۇبىرلى بويسۇنۋ ولشەمىن ازىرلەدى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيالىق تانىم مەن ساياسي دەڭگەيدى شىنايى جوعارىلاتىپ، باس شۋجي شي جينپيڭنىڭ پارتيا تاريحى جانە پارتيا تاريحىن ۇيرەنۋ تاربيەسىن ورىستەتۋ جونىندەگى ماڭىزدى بايىمداۋلارىنىڭ رۋحاني ءمانىن، باي مازمۇنىن جانە امالياتتىق تالابىن مۇقيات ۇيرەنىپ، ۇعىنىپ، تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە تاباندى بولىپ، پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋ كەرەك.
چىن چۋانگو بىلاي دەپ اتاپ كورسەتتى: پارتيا تاريحىنىڭ نەگىزگى شىعارمالارىن مۇقيات زەرتتەپ وقىپ، ۇيرەنۋ ماتەريالدارىن ويداعىداي ۇيرەنىپ، ويداعىداي پايدالانىپ، پارتيا تاريحىن جالپى بەتتىك جۇيەلى ۇيرەنىپ، نەگىزگى تاقىرىبىن، نەگىزگى جەلىسىن، نەگىزگى ءمانىن يگەرىپ، جۇڭگو كوممۋنيستىك پارتياسىنىڭ 100 جىلدىق شۇعىلالى كۇرەسى بارىسىن تەرەڭ ەستە ساقتاۋ، جۇڭگو كوممۋنيستىك پارتياسىنىڭ مەملەكەت پەن ۇلتقا قوسقان ۇلى ۇلەسىن تەرەڭ تانۋ، جۇڭگو كوممۋنيستىك پارتياسىنىڭ قاشاندا حالىق ءۇشىن ىستەيتىن اۋەلگى ماقساتىن، باستى ماقساتىن تەرەڭ ءتۇسىنۋ، جۇڭگو كوممۋنيستىك پارتياسىنىڭ ماركسيزمنىڭ جۇڭگوشالانۋىن ىلگەرىلەتۋدە قالىپتاستىرعان كەلەلى نازاريالىق جەتىستىكتەرىن جۇيەلى يگەرۋ، جۇڭگو كوممۋنيستىك پارتياسىنىڭ ۇزاق ۋاقىتتىق كۇرەستە سومداعان ۇلى رۋحىن ۇيرەنۋ، جالعاستىرۋ، جۇڭگو كوممۋنيستەرىنىڭ توڭكەرىستى، قۇرىلىستى، رەفورمانى ءساتتى ىلگەرىلەتۋدەگى باعالى تاجىريبەلەرىن تەرەڭ ۇعىنۋ، پارتيا تاريحىن شىن مانىندە ويداعىداي ۇيرەنۋ، ويداعىداي قورىتىندىلاۋ، پارتيانىڭ تابىستى تاجىريبەلەرىن ويداعىداي جالعاستىرۋ، ويداعىداي ساۋلەلەندىرۋ كەرەك.
چىن چۋانگو بىلاي دەپ باسا دارىپتەدى: پارتيا تاريحىن ۇيرەنۋ تاربيەسىن ورىستەتۋ تۇيىندەرىن تەرەڭ يگەرىپ، پارتيا تاريحىن ۇيرەنۋ تاربيەسىن شىن مانىندە ناقتى، ەگجەي - تەگجەيلى يگەرىپ، ناتيجە شىعارۋ كەرەك. پارتيانىڭ نازاريالىق ىزدەنۋ تاريحىن مۇقيات ۇيرەنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋ، جەتە يگەرۋ، شىنايى تياناقتاندىرۋ جاعىنا كۇش سالىپ، يدەيانىڭ ۇلى كۇشىن ونان ارى ءتۇسىنىپ، سەنىمنىڭ نەگىزىن شىنايى بەكەمدەپ، رۋحاني كالتسيدى تولىقتاپ، يدەيانىڭ تىزگىنىن مىقتى ۇستاپ، بۇلجىماستان پارتيانىڭ جاسامپاز نازارياسىنىڭ ەڭ جاڭا جەتىستىكتەرىمەن وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ؛ پارتيانىڭ ەل باسقارۋ تاريحىن مۇقيات ۇيرەنىپ، ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ زور ىستەرىن“ يگەرىپ، ستراتەگيالىق تاباندىلىقتى ساقتاپ، تومەنگى شەكتە ويلاۋ جۇيەسىن ورناتىپ، قىزمەتتىڭ جۇيەلىلىگىن، بولجامپازدىعىن، جاسامپازدىعىن كۇشەيتۋ؛ پارتيانىڭ اۋەلگى ماقساتى، بورىشى تاريحىن مۇقيات ۇيرەنىپ، پارتيانىڭ سيپاتىن، باستى ماقساتىن تەرەڭ تانىپ، بۇقارالىق لۋشيانعا تاباندى بولىپ، حالىقتىق تۇرعىنى بەرىك ساقتاپ، قاشاندا حالىقتى كوڭىلدىڭ تورىنە قويىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، بۇقارامەن زەينەتتى دە، بەينەتتى دە تەڭ كورۋ، اششى مەن تۇششىنى بىرگە تاتۋ؛ پارتيانىڭ وزىندىك قۇرىلىس تاريحىن مۇقيات ۇيرەنىپ، حاۋىپ - قاتەر، سىن - سايىسقا توتەپ بەرۋ قابىلەتىن، دەڭگەيىن ۇزدىكسىز جوعارىلاتىپ، العاباسارلىق پەن كىرشىكسىزدىكتى ساقتاۋ؛ پارتيانىڭ قاجىماي - تالماي كۇرەس جۇرگىزۋ تاريحىن مۇقيات ۇيرەنىپ، قىزىل ءداستۇردى ساۋلەلەندىرىپ، قىزىل گەندى جالعاستىرىپ، كوممۋنيستەردىڭ رۋحاني تامىرىن جالعاستىرىپ، جاڭا ساپارعا اتتانۋدىڭ، جاڭا داۋىردە ەكپىندەي ىلگەرىلەۋدىڭ جىگەر - قايراتىن تاسقىنداتۋ؛ پارتيانىڭ ساياسي شىڭدالۋ تاريحىن مۇقيات ۇيرەنىپ، ايقىن تۋ ۇستاي وتىرىپ ساياسيدى دارىپتەپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
چىن چۋانگو بىلاي دەپ باسا دارىپتەدى: شينجياڭنىڭ ءىس جۇزىندىگىمەن ۇشتاستىرىپ، كۇشتى جاۋاپكەرشىلىك سەزىممەن، بورىشتىلىق سەزىممەن جانە كوكەي تەستىلىك سەزىممەن پارتيا تاريحىن ۇيرەنۋ تاربيەسىن تىڭعىلىقتى ويداعىداي ورىستەتىپ، ۇيرەنۋ ناتيجەسىن قوعام ورنىقتىلىعى مەن باياندى تىنىشتىقتى ىلگەرىلەتۋدىڭ قۋاتتى قوزعاۋشى كۇشىنە شىن مانىندە اينالدىرۋ كەرەك. ساياسي جاۋاپكەرشىلىكتى ارقالاپ، ۇيىمدىق باسشىلىقتى كۇشەيتىپ، باسشىلىق جاۋاپكەرشىلىكتى نىعايتىپ، قۋزاۋ، جەتەكشىلىك ەتۋدى شىنايى يگەرىپ، دۇرىس باعداردى مەڭگەرىپ، تاماشا راي قالىپتاستىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تاباندىلىلىقپەن، باتىلدىقپەن ويداعىداي دايەكتىلەندىرۋ، تياناقتاندىرۋ كەرەك. زاڭدىلىقتىڭ ەرەكشەلىكتەرىن مەڭگەرىپ، ءتۇرلى مىندەتتەردى شىنايى يگەرىپ، ءىس جۇزىندىكتى تياناق ەتىپ، تۋراشىلدىقتى ساقتاپ، جاڭالىق اشىپ، كۇندەلىكتى قىزمەتتەرمەن توعىستىرىپ، ۇدايى يگەرىپ، ۋاقىت تۇيىندەرىن يگەرىپ، ارناۋلى تاقىرىپتىق ۇيرەنۋدى مۇقيات ورىستەتىپ، ساياسي جەتەكشىلىكتى شىن مانىندە كۇشەيتىپ، ارناۋلى تاقىرىپتىق تاربيەلەۋدى دەن قويا ۇيىمداستىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن كۇش سالا ورىستەتىپ، پارتيا تاريحىن ۇيرەنۋ تاربيەسىنىڭ تىڭعىلىقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك. رۋحاني ەرىك - جىگەردى تاسقىنداتىپ، قىزمەت جاڭا جاعدايىن اشىپ، پارتيا تاريحىن ۇيرەنۋ تاربيەسىن پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرۋعا تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ ورنالاستىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ورنالاستىرىپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى قىزمەتتەرىن تىڭعىلىقتى ويداعىداي ىستەپ، حالىق تۇرمىسىنا جاناستىرا وتىرىپ جوعارى ساپالى دامۋدى ىلگەرىلەتىپ، جاڭا داۋىردەگى شينجياڭ قىزمەتىنىڭ جاڭا جاعدايىن قۇلشىنا اشۋ كەرەك.
ساباق باستاۋ سالتى تەلەۆيزور - تەلەفون ءماجىلىسى تاسىلىندە اشىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ باسشىلىق القالارىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، اۆتونوميالى رايوننىڭ پارتيا تاريحىن ۇيرەنۋ تاربيەسى باسشىلىق گرۋپپاسىنداعى قاتىستى جولداستار، ت. ب نەگىزگى ءماجىلىس ورنىندا ساباق باستاۋ سالتىنا قاتىناستى.
