تيانشان تورى   ›   جاڭالىقتار   ›   عىلىم-تەحنيكا

”عىلىم - تەحنيكادا جاڭالىق اشاتىن جۇڭگو @ شينجياڭ“ قۇرىلىسى قىزمەتى بۇكىل شينجياڭدا باستالدى

  انار بۇلت/ شينجياڭ گازەتىنىڭ حابارى. (ءتىلشى جىڭ جو حابارلايدى). جۋىقتا، اۆتونوميالى رايوندىق عىلىم - تەحنيكا قوعامى بۇكىل شينجياڭدا ”عىلىم - تەحنيكادا جاڭالىق اشاتىن جۇڭگو . شينجياڭ“ قۇرىلىسى قىزمەتىن جالپى بەتتىك باستادى. اتالعان قىزمەت ”عىلىم - تەحنيكا قوعامى دانەكەر بولۋ، ماماندار ءجون سىلتەۋ، جەرلىك ورىندار قولداۋ كورسەتۋ“ سىندى كوپ ءتۇرلى فورمالارمەن شينجياڭداعى كاسىپورىندار، عىلمي زەرتتەۋ مەكەمەلەرى سياقتى ورىنداردا جاڭالىق اشۋدان قىزمەت وتەۋ تەكشەسىن قۇرىپ، عىلىم - تەحنيكا جەتىستىكتەرىنەن ءونىمدى وندىرگىش كۇشكە اينالۋىن جەبەدى.

  بيىل جىل باسىندا، جۇڭگو عىلىم - تەحنيكا قوعامى «”عىلىم - تەحنيكادا جاڭالىق اشاتىن جۇڭگو“ 3 جىلدىق جوسپارىن (2021-2023)»جاريالادى. اتالعان قيمىل جوبانىڭ ماقساتىنا ساي، شينجياڭ كاسىپ سالاسى دامۋىنىڭ ناقتى جاعدايىمەن ۇشتاستىرىپ، اۆتونوميالى رايوندىق عىلىم - تەحنيكا قوعامى ”عىلىم - تەحنيكادا جاڭالىق اشاتىن جۇڭگو . شينجياڭ“ قۇرىلىسى قىزمەتىن جالپى بەتتىك ىسكە قوستى. اتالعان قىزمەتتىڭ باستى مازمۇنى مەن ماقساتى كوپ جاقتىلى سەلبەستىك جەلىسىن قۇرىپ، شينجياڭنىڭ ءىشى - سىرتىنداعى تەحنيكا دارىندىلارى بايلىعىن تومەنگە جەتكىزۋ ارناسىن اشۋ، تەحنيكا مەن ەكونوميكا توعىسا دامىعان تيپتىك ۇلگى قالىپتاستىرۋ، وڭىرلىك شارۋاشىلىق پەن ەكونوميكانىڭ دامۋىن جەبەۋ بولىپ تابىلادى.

  4 - ايدىڭ 6 - كۇنىنەن 8 - كۇنىنە دەيىن، اۆتونوميالى رايوندىق عىلىم - تەحنيكا قوعامىنىڭ ارناۋلى قىزمەت گرۋپپاسىنداعى ماماندار موڭعۇلكۇرە اۋدانىنا بارىپ تەكسەرۋ - زەرتتەۋ جۇرگىزدى. (سۋرەتتى اۆتونوميالى رايوندىق عىلىم - تەحنيكا قوعامى قامداعان)

  ”عىلىم - تەحنيكادا جاڭالىق اشاتىن جۇڭگو . شينجياڭ“ قۇرىلىسى قىزمەتىن ءبىرتۇتاس جوسپارلاپ ىلگەرىلەتۋ ءۇشىن، اۆتونوميالى رايوندىق عىلىم - تەحنيكا قوعامى ”عىلىم - تەحنيكادا جاڭالىق اشاتىن جۇڭگو. شينجياڭ“ عىلىم -تەحنيكا مەن ەكونوميكانى توعىستىرۋ باسشىلىق گرۋپپاسىن قۇرىپ، ىشكى جاقتان سايكەسە بىرلەسىپ ارەكەتتەنۋ مەحانيزمىن ورناتتى؛ ”عىلىم - تەحنيكادا جاڭالىق اشاتىن جۇڭگو. شينجياڭ“ قۇرۋ قىزمەتى كەڭەس بەرۋ كوميتەتىن قۇرىپ، شينجياڭنىڭ ءىشى - سىرتىنداعى عىلىم - تەحنيكا، ەكونوميكا سياقتى قاتىستى سالالارداعى مامانداردى شوعىرلاندىرىپ، جوعارى دەڭگەيلى اقىل - پاراسات شوعىرىن قۇرىپ، ”عىلىم - تەحنيكادا جاڭالىق اشاتىن جۇڭگو. شينجياڭ“ قىزمەتىنە اقىل - پاراسات جاعىنان قولداۋ كورسەتتى؛ ”عىلىم - تەحنيكادا جاڭالىق اشاتىن جۇڭگو. شينجياڭ ورتالىعى“ عىلىم - تەحنيكادا جاڭالىق اشۋدى توعىستىرۋ تۇعىرى قۇرىلىسىن جەدەل ىگەرىلەتىپ، شينجياڭداعى كاسىپورىن، عىلمي زەرتتەۋ مەكەمەلەرى ءۇشىن كوپ ولشەمدى، تۇتاس تىزبەكتى تەحنيكالىق جاڭالىق اشۋعا قىزمەت وتەۋ تەكشەسىن قۇرىپ، جاڭالىق اشۋ فاكتورلارىنىڭ ءتارتىپتى، جوعارى ءونىمدى جۇرگىزىلۋىن جەبەپ، جەلىدەگى جانە جەلىدەن تىسقى سەلبەسۋ تورىن قالىپتاستىردى.

  بيىل، اۆتونوميالى رايوندىق عىلىم - تەحنيكا قوعامى ”عىلىم - تەحنيكادا جاڭالىق اشۋ . جۇڭگو“ مەملەكەتتىك سىناق ءتۇيىنى قالالارىنا تىزىمدەلۋ قىزمەتىن كۇش سالا ىلگەرلەتىپ، شينجياڭداعى ءبىر دە ەكى ايماق دارەجەلى قالانىڭ جۇڭگو عىلىم - تەحنيكا قوعامىنىڭ ەكىنشى توپتاعى ”عىلىم - تەحنيكادا جاڭالىق اشاتىن جۇڭگو“ سىناق تۇيىنىندەگى قالا تىزىمدىگىنە كىرۋىنە قۇلشىندى؛ سونىمەن قاتار، 5 اۋدان، قالانى اۆتونوميالى رايوندىق عىلىم - تەحنيكا قوعامىنىڭ تۇڭعىش توپتاعى ”عىلىم - تەحنيكادا جاڭالىق اشاتىن جۇڭگو. شينجياڭ“ سىناق تۇيىنىندەگى قالا تىزىمدىگىنە تاڭداپ، 5 ارناۋلى قىزمەت گرۋپپاسىن قۇرىپ، سىناق تۇيىندەگى اۋدان، قالالاردا ”عىلىم - تەحنيكادا جاڭالىق اشاتىن جۇڭگو. شينجياڭ“ قۇرىلىسى قىزمەتىن سەلبەسە ىلگەرلەتتى.

  قازىر، اۆتونوميالى رايوندىق عىلىم - تەحنيكا قوعامىنىڭ تۇڭعىش توپتاعى ”عىلىم - تەحنيكادا جاڭالىق اشاتىن جۇڭگو . شينجياڭ“ سىناق ءتۇيىنى بولعان بەس اۋدان، قالاسى جەكە - جەكە موڭعۇلكۇرە اۋدانى، توقسۇن اۋدانى، لوپنۇر اۋدانى، ونسۋ اۋدانى، جاڭاشار اۋدانى. 4 - ايدىڭ 6 - كۇنىنەن 9 - كۇنىنە دەيىن، اۆتونوميالى رايوندىق عىلىم - تەحنيكا قوعامى ءارقايسى ءپان ماماندارىنان ۇيىمداسقان تەكسەرۋ - زەرتتەۋ ۇيىرمەسىن موڭعۇلكۇرە اۋدانى، توقسۇن اۋدانى، لوپنۇر اۋدانى سياقتى جەرلەردە ارناۋلى تەكسەرۋ - زەرتتەۋ جۇرگىزۋگە، جەرلىك ورىندارداعى مال شارۋاشىلىعى، كومىر - حيميا ونەركاسىبى كاسىپورىندارىنا بارىپ كاسىپ سالاسىنىڭ دامۋ جاعدايى مەن دامۋداعى كەدەرگىلەردى، كاسىپورىنداردىڭ عىلىم - تەحنيكا جاقتارىنداعى قاجەتىن ۇعىسۋعا جىبەردى. موڭعۇلكۇرە اۋداندىق پارتكومنىڭ شۋجيى حوۋ تاۋ بىلاي دەدى: موڭعۇلكۇرە اۋدانى تۇيىندە سىناق ەتۋ جوباسىن جاساپ، جىلقى، جۇڭگوشا ءدارى - دارمەك، شينجياڭ قوڭىر سيىرى جانە ەتتى قوي سياقتى 4 ۇلكەن كاسىپتى ءتۇيىندى تۇردە ارقاۋ ەتىپ، عىلىم - تەحنيكا ارقىلى كاسىپ سالاسىنىڭ باسەكەلىك قۋاتىن جوعارىلاتادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.