تيانشان تورى   ›   بىلگەنگە مارجان   ›   دەنساۋلىق

قىزىل يەكتەن ۇنەمى قان شىقسا دەر كەزىندە ەمدەلۋ كەرەك

  تاڭەرتەڭ تۇرىپ ءتىس شوتكىلەگەندە ۇنەمى قان شىعادى، ىستىعىم اسقان ۇقسايدى دەپ سەلقوس قارادىم، كىم ويلاعان، ەكى كۇننەن كەيىن جانە قان شىقتى. ”قىزىل يەكتەن قان شىعۋ قابىنۋدىڭ بەلگىسى، مۇنداي كەزدە شيپاحاناعا بارىپ، ءتىستىڭ ءتۇبىن ەمدەتۋ كەرەك“. 4-ايدىڭ 2-كۇنى، ءتىس ءتۇبى ناۋقاسىنا قاراتا، اۆتونوميالى رايوندىق حالىق شيپاحاناسى اۋىز قۋىسى ءبولىمىنىڭ ورىنباسار مەڭگەرۋشىسى، شينجياڭعا باعىتتامالى كومەككە كەلگەن مامان حۋاڭ جىن بىلاي دەدى: قىزىل يەكتەن قان شىعۋعا كوڭىل بولمەگەندە، ءتىستىڭ ءتۇبى ءىسىپ، اۋىرلاعاندا، ءتىس بوساپ، ءتىپتى ءتىس ءتۇسىپ تە قالادى.

  جۇڭحۋا اۋىز قۋىسى مەديتسينا قوعامىنىڭ تەكسەرۋ ناتيجەسىندە كورسەتىلۋىنشە، 35 جاستان 44 جاس ارالىعىنداعى، 55 جاستان 65 جاس ارالىعىنداعى، 65 جاستان جوعارى توپتاعى ادامداردىڭ ءتىس ءتۇبى سىرتقى قاباتىنىڭ سالاماتتىعى %10كە جەتپەيدى ەكەن، ۇقساماعان دارەجەدەگى ءتىس ءتۇبى سىرتقى قاباتى اۋرۋىنا شالدىققان ناۋقاستاردىڭ سالىستىرماسى %90تەن جوعارى. ءتىس ءتۇبى سىرتقى قاباتى اۋرۋى جالپىلاسىپ كەتكەن دەسەك تە بولادى. سۋىق، ىستىق، قىشقىل، ءتاتتى دەگەننىڭ بارلىعىنا ءتىس سەزىمتال بولادى، بۇل ءتىس ءتۇبى سىرتقى قاباتى اۋرۋىنىڭ كلينيكالىق بەينەسى.

  ”ءبىز ءار جارتى جىلدا، بولماسا جىلىنا ءبىر رەت ءتىس جۋدىرىپ تۇرۋىمىز كەرەك“. حۋاڭ جىن بىلاي دەدى: ءتىس جۋدىرۋداعى ماقساتىمىز، قىزىل يەكتى، ءتىستىڭ بەتىندەگى لاس زاتتاردى، ماسەلەن، باكتەريا داقتارىن، كىر زاتتاردى، ءتىس قاقتارىن، ازىقتىق قالدىقتاردى تازالاۋ بولىپ تابىلادى.

  باكتەريا داقتارىن تازالاۋ ءتىس ءتۇبى سىرتقى قاباتى اقاۋسىزدىعىن ساقتاۋدا توتەنشە ماڭىز الادى. باكتەريا داقتارى ءتىس ءتۇبى سىرتقى قاباتى اۋرۋىنىڭ باستاپقى فاكتورى، اۋىز قۋىسىندا كوپتەگەن باكتەريا، ميكروب بولىپ، زياندىسى دا پايدالىسى دا بولادى، تەك ديناميكالىق تەپە - تەڭدىكتى ساقتاعاندا، ءتىس ءتۇبى سىرتقى قاباتىنىڭ ەكولوگيالىق جۇيەسىن قورعاعاندا عانا، ءتىس ءتۇبى سىرتقى قاباتىنىڭ اقاۋسىزدىعىن ساقتاۋعا بولادى.

  ”كوپتەگەن ادامدار ’ۇنەمى ءتىس ءتۇسۋدى‘ تابيعي قۇبىلىس دەپ قارايدى، الايدا، بۇل قاتە كوزقاراس“،- دەدى حۋاڭ جىن، ءتىس ءتۇبى سىرتقى قاباتىن جاقسى قورعاپ، ءتىس ءتۇبى سىرتقى قاباتى اۋرۋىنان ەرتە باستان ساقتانساڭىز، قارتايعاندا ءتىس بوساۋ، ءتۇسۋ احۋالدارى كورىنبەيدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.