تيانشان تورى   ›   جاڭالىقتار   ›   شينجياڭ حابارلارى

ءارقانداي كۇشتىڭ شينجياڭ ماقتاسىنا داق سالۋىنا جول بەرمەيمىز

قارامايلى قالاسى ورقى رايونى شاعانوت قىستاعىنىڭ ماقتاشىسى ءانۋار ىدىرىس

  جۋىقتا مەن ينتەرنەتتەن H&M سياقتى ءىشىنارا شەتەل كاسىپورىندارىنىڭ ءبىزدىڭ شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ساقتالىپ وتىر دەپ جالا جاۋىپ، شينجياڭ ماقتاسىن جانە ودان جاسالعان ونىمدەردى شەكتەگەندىگىن كوردىم. بۇعان مەن توتەنشە كەكتەندىم، ءبىزدىڭ شينجياڭنىڭ ماقتاسىنا ءارقانداي كۇشتىڭ داق سالۋىنا، كۇيە جاعۋىنا جول بەرمەيمىز!

  مەن ناعىز شينجياڭدىق ماقتاشىمىن، قارامايلى قالاسى ورقى رايونى ورقى قالاشىعى شاعانوت قىستاعىنان 100 مۋدان استام جەردى كوتەرمەگە الىپ ماقتا ەكتىم. باستاپقى جىلدارى ماقتانىڭ سورتى مەن ەگۋ وزىندىك قۇنى ماسەلەسىنەن، وتباسىمىزدىڭ ماقتا ەگۋدەن كىرەتىن كىرىسى جوعارىلاماي كەلدى. ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن كادرلار بۇل جاعدايدى ۇعىسقاننان كەيىن، قارامايلىنىڭ كليماتى مەن توپىراق شارت - جاعدايىنا بىرلەستىرە وتىرىپ، تۇقىم تاڭداۋدان ەگۋگە دەيىن بىزگە تەحنيكالىق جەتەكشىلىك ەتتى. وتكەن جىلى عانا، ءبىزدىڭ وتباسىمىزدىڭ ماقتا ەگۋدەن كىرەتىن كىرىسى 100 نەشە مىڭ يۋانعا جەتتى.

  بۇرىن ماقتا تەرەتىن مەزگىل جەتىپ كەلگەندە، جەتىسە الماعاندىقتان، وتباسىمىز حىنان، انحۇي، سىچۋان سياقتى جەرلەردەن كەلگەن ماقتا تەرۋشى جۇمىسكەرلەردى كومەكتەسۋگە شاقىراتىن. قازىر اۋىل شارۋاشىلىعىن ماشينالاندىرۋ دەڭگەيىنىڭ جوعارىلاۋىنا ىلەسە، ماقتا تەرۋ ءتاسىلى بۇرىنعى قولمەن تەرۋدەن ماشينامەن تەرۋگە وزگەردى، قازىر وتباسىمىزدىڭ ماقتاسىنىڭ باسىم كوپ بولىگى ماشينامەن تەرىلەدى. ماقتا ەگۋدەن وتباسىم بايىپ، ءۇيىمىزدى جاڭالاپ الدىق، تاعى جەڭىل اۆتوكولىك ساتىپ الدىق، وتباسىمىزدىڭ تۇرمىسى توتەنشە باقىتتى وتۋدە.

  H&M سياقتى ءىشىنارا شەتەل كاسىپورىندارىنىڭ شينجياڭ ماقتاسىن قاقپايلاۋى شينجياڭداعى ءار ۇلت حالقىنىڭ تاماشا تۇرمىسىن بۇلدىرۋگە ۇرىنعاندىق، بۇل بۇكىلدەي قۇر قيال! ءبىزدىڭ شينجياڭنىڭ ماقتاسى دۇنيە جۇزىندەگى ەڭ جاقسى ماقتانىڭ ءبىرى، شينجياڭنىڭ ماقتاسىن پايدالانباۋ H&M سياقتى شەتەل كاسىپورىندارىنا زياننان باسقا دانەڭە اكەلمەيدى!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.