تيانشان تورى
تيانشان تورى   ›   جاڭالىقتار   ›   شينجياڭ حابارلارى

وسەك - اياڭ شينجياڭنىڭ العا باسقان قادامىن توسا المايدى

اقسۋ ايماقتىق اكىمشىلىك مەكەمەسى كەڭسەسىنىڭ كادرى ءساميجان مامەت

  پومپەو، جىڭ گو - ىن ”عاسىرلىق وسەك - اياڭ“ جاريالاپ، اق پەن قارانى قالاعانىنشا شاتاستىرىپ، قاساقانا كۇيە جاعىپ، شينجياڭداعى ءار ۇلت حالقىنىڭ سۇيىسپەنشىلىگىنە اۋىر قاياۋ سالدى. بۇعان مەن باتىل قارسى تۇرامىن جانە ونى قاتاڭ جازعىرامىن.

  شينجياڭنىڭ ءتول تۋماسى رەتىندە، مەن جۇڭگو كوممۋنيستىك پارتياسىنىڭ باسشىلىعىندا شينجياڭنىڭ ەكونوميكالىق، قوعامدىق دامۋىنىڭ بارعان سايىن جاقسارعاندىعىن ءوز باسىمنان وتكەردىم ءارى وعان كۋا بولدىم. مەن قاراپايىم وتباسىندا دۇنيەگە كەلدىم، اكە - شەشەم تۇگەلدەي جۇڭگو كوممۋنيستىك پارتياسىنىڭ مۇشەسى. شەشەم مەيىرىمدى دە كەڭ پەيىل، ماعان كوپتەگەن تۇرمىستىق جاي ساۋات پەن ادام بولۋدىڭ جول - جوسىنىن ۇيرەتتى؛ اكەمنىڭ قاتاڭ دا ۇقىپتى قىزمەت ستيلى ماعان كىشكەنتايىمنان اسەر ەتىپ كەلەدى. بالا كەزىمدە اتا - اپام مەن اكە - شەشەم ۇنەمى ماعان جاڭا جۇڭگو قۇرىلعاننان بەرگى شينجياڭدا تۋىلعان وراسان زور وزگەرىستەردى ايتىپ بەرەتىن. ءار جولى مەملەكەت ءانىن ەستىپ، مەملەكەت تۋىنىڭ جەلبىرەگەنىن كورگەنىمدە شەكسىز ماقتانىش سەزىمگە بولەنەمىن.

  قىزمەتكە قاتىناسقاننان كەيىن، نەگىزگى ساتىعا بارىپ تەكسەرۋ - زەرتتەۋ جۇرگىزىپ، شينجياڭدا تۋعان وراسان زور وزگەرىستەردى ءوز كوزىممەن كوردىم، شينجياڭ ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا بۇرىن بولىپ كورمەگەن تابىستارعا قول جەتكىزدى، ەگىنشى - مالشىلاردىڭ كىرىس دەڭگەيى جانە تۇرمىس ساپاسى بارعان سايىن جوعارىلاپ، حالىققا تيىمدىلىك جەتكىزۋ ساياساتتارى جاپپاي تياناقتاندى، شارۋالار بەيقۇت ۇيگە كىردى، قىستاقتا اسفالت جولدار توسەلدى، سىرتقا شىعىپ جۇمىستانعاندار بارعان سايىن كوبەيىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. شىندىق شينجياڭ اتقارعان ءبىر قىدىرۋ ورنىقتىلىقتى قورعاۋ شارالارىنىڭ جۇرت قالاۋىنان شىققاندىعىن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ بۇكىلدەي دۇرىس ەكەندىگىن تولىق دالەلدەدى. پارتيالى كادر رەتىندە، مەن ۇلتتار ىنتىماعىن باتىل قورعايمىن، وتاننىڭ تۇتاستىعىن بۇلدىرەتىن، ۇلتتار ىنتىماعىن بۇلدىرەتىن ءارقانداي ارەكەتپەن باتىل كۇرەسەمىن.

  وسىندا مەن پومپەو، جىڭ گو - ىن تەكتەستەرگە سەندەردىڭ ءبىزدىڭ شينجياڭنىڭ ىستەرىنە ءمىن تاعاتىنداي، كوسەمسيتىندەي تولىمدىلىقتارىڭ جوق دەپ ايتامىن. مەن پارتيا ورتالىق كوميتەتىنىڭ پارمەندى باسشىلىعىندا، ۇلتتاردىڭ ءبىر نيەتپەن ىنتىماقتاسۋىندا، شينجياڭنىڭ ەرتەڭىنىڭ، ءسوز جوق، اناعۇرلىم تاماشا بولاتىندىعىنا كامىل سەنەمىن!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.