انار بۇلت / شينجياڭ گازەتىنىڭ ءتىلشىسى جاڭ جىلي
ءار جولعى ەلەۋلى مەرەكەلەردە جانە ماڭىزدى قيمىلداردا ياركەن اۋدانى قونىس جاڭالاپ كەدەيلەردى سۇيەمەلدەۋ بويىنشا سالىنعان قونىستاندىرۋ اۋماعىنداعى نان جابۋ سەلبەستىك كووپەراتيۆى ”العىس ناندارىن“ سالىپ، ”پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ“ ، ”ۇلتتار ىنتىماعى“ سياقتى جازۋلاردى ۇلكەن ناننىڭ بەتىنە جاپسىرادى.
”ءبىز تۇندەلەتىپ’العىس ناندارىن‘ جاسادىق، ۇيتكەنى، كەدەيلەردى سۇيەمەلدەۋدىڭ ەرەكشە كوپ ساياساتتارىنان يگىلىكتەندىك، كومەكتەسۋ - سۇيەمەلدەۋدىڭ وراسان زور كۇشىن سەزىندىك. توڭىرەكتىڭ ءتورت بۇرىشىنداعى كۇشتەردىڭ كومەگى بولعاندىقتان، تۇرمىسىمىزدا وسىنشاما زور وزگەرىستەر تۋىلدى“، - دەدى 4 - ايدىڭ 9 - كۇنى سەلبەستىك كووپەراتيۆىنىڭ ناۋبايشى ۇستازى اكبار سەيىتاحىمەت.
پارتيا 18 - قۇرىلتايىنان بەرى اۆتونوميالى رايوندىق پارتكوم مەن ۇكىمەت ءار جاقتىڭ كۇشىن كەدەيلەردى سۇيەمەلدەۋگە كەڭىنەن جۇمىلدىرىپ جانە ۇيىستىرىپ، ارناۋلى نىسانا ارقىلى كەدەيلەردى سۇيەمەلدەۋ، كاسىپ سالاسى ارقىلى كەدەيلەردى سۇيەمەلدەۋ، قوعامنىڭ كەدەيلەردى سۇيەمەلدەۋى، شينجياڭعا كومەكتەسۋ بويىنشا كەدەيلەردى سۇيەمەلدەۋ سىندى ”ءتورت ءبىر تۇلعالانعان“ كەدەيلەردى سۇيەمەلدەۋدىڭ ۇلكەن ارناسىن قالىپتاستىرىپ، كەدەيلىكتەن ارىلتۋدان قامال الۋداعى ەڭ مىعىم بىرىككەن كۇشتى ۇيىستىردى.
كەدەيلەردى سۇيەمەلدەۋ نىسانى نەگىزگى ساتىعا ويىستى
كەريا اۋدانى سەنبىبازار قالاشىعى سەكىداشمان قىستاعىندا قىستاق تۇرعىنى بۇماريامحان ءماتتۇردى كورشىلەرىمەن اڭگىمەلەسكەندە، كەدەيلەردى سۇيەمەلدەۋ نىسانىنىڭ ولارعا جەتكىزگەن جاقسىلىعىن ۇنەمى اۋىزعا الادى.
كاسىپ سالاسىن دامىتىپ، كىرىستى ارتتىرۋدى جەبەۋ ارناۋلى ارەكەتىنەن باسقا سالاعا ويىستىرىپ جۇمىستاندىرۋ ارناۋلى ارەكەتىنە دەيىن، تۇرعىن ءۇي حاۋىپسىزدىگى ارناۋلى ارەكەتىنەن نەگىزدىك قۇرىلعى قۇرىلىسى ارناۋلى ارەكەتىنە دەيىن، وقۋ - اعارتۋ بويىنشا كەدەيلەردى سۇيەمەلدەۋ ارناۋلى ارەكەتىنەن قوعامدىق قامتاماسىزداندىرۋ ارناۋلى ارەكەتىنە دەيىن، ءبىر - بىرلەگەن كەدەي وڭىرلەردە تياناقتانعان كەدەيلەردى سۇيەمەلدەۋ ارناۋلى ارەكەتتەرى كاسىپ سالاسىنىڭ دامۋىنا جەتەكشىلىك ەتىپ، بۇقارانىڭ كىرىستى ارتتىرىپ بايۋىن جەبەدى.
ارناۋلى تۇردەگى كەدەيلەردى سۇيەمەلدەۋدىڭ بۇلاعى كەدەيلىكتەن ورنىقتى ارتتىرۋدىڭ دارياسى بولىپ تۇتاستى.
اۋىل - قىستاقتىڭ اۋىز سۋ حاۋىپسىزدىگى ماسەلەسىن شەشۋدە ”13 - بەسجىلدىقتان“ بەرى بۇكىل شينجياڭ اۋىل - قىستاق اۋىز سۋ حاۋىپسىزدىگى ينجەنەرياسىنان جالپى 400دەن استامىن اتقارىپ، جيىنى ءبىر ميلليون 520 مىڭ كەدەي حالىقتىڭ اۋىز سۋ حاۋىپسىزدىگى ماسەلەسىن شەشىپ، بۇكىل شينجياڭداعى كەدەي حالىقتىڭ اۋىز سۋ حاۋىپسىزدىگى ماسەلەسىن جالپى بەتتىك شەشتى.
اۋىل - قىستاقتىڭ بەيقۇت ءۇي ينجەنەرياسى ماسەلەسىن شەشۋ جاعىندا رايونىمىز ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بىرلەستىرىپ، 675 مىڭ 600 ارحيۆ تۇرعىزىلىپ، كارتچكالاندىرىلعان كەدەي وتباسىنىڭ تۇرعىن ءۇي حاۋىپسىزدىگى ماسەلەسىن شەشتى. 2019 - جىلدىڭ سوڭىندا رايونىمىز اۋىل - قىستاقتاعى كەدەي حالىقتىڭ حاۋىپتى ۇيدە تۇرۋ تاريحىن تۇبەگەيلى اقىرلاستىردى.
قونىس جاڭالاپ كەدەيلەردى سۇيەمەلدەۋ بويىنشا كوشىرۋ ينجەنەرياسى ماسەلەسىن شەشۋ جاعىندا رايونىمىز قونىس جاڭالاپ كەدەيلەردى سۇيەمەلدەۋ بويىنشا كوشىرۋ قۇرىلىسى مىندەتىن جالپى بەتتىك ورىنداپ، 169 مىڭ 200 ادام جاڭا قونىسقا كوشىپ كىردى. قىستاققا، وتباسىنا، ادامعا قاراي شارا اتقارۋ ارقىلى رايونىمىز قونىس جاڭالاپ كەدەيلەردى سۇيەمەلدەۋ بويىنشا كوشىرۋ قىزمەتىنىڭ ءتۇيىنىن كوشىرۋدى نەگىز ەتۋدەن كەيىنگى سۇيەمەلدەۋگە قاراي ويىستىرۋدى، ”كوشىپ شىعا الۋدان“ ”ورنىعۋعا، بايۋعا“ قاراي بۇرىلىس جاساۋدى ورنىقتى قاداممەن ىلگەرىلەتتى، جەر - جەر جۇمىستاندىرۋ جۇمىس ورنىن دەن قويا جوبالاپ، تەحنيكالىق شەبەرلىككە باۋلۋ ورىستەتىپ، كەدەيلەردى سۇيەمەلدەۋ كاسىپورىندارىن ەنگىزىپ، قونىس جاڭالاپ كەدەيلەردى سۇيەمەلدەۋ بويىنشا كوشىرۋدىڭ سوڭعى جۇمىستارىن تولىق جاقسى ىستەپ، كوشىپ بارعان ەگىنشى - مالشىلاردىڭ ىستەيتىن ءىسى بولۋىنا، اي سايىن كىرىسى بولۋىنا مۇمكىندىك جاسادى.
قوعامنىڭ ءار سالاسى بىرگە كۇش سالدى
كەسۋ، ءبولۋ، دانەكەرلەۋ... حوتان اۋدانى جاڭا اۋات اۋىلى تۇگمەنباشى قىستاعىنداعى تەمىرشىلىك زاۆودىندا، قىستاق تۇرعىنى ەركىن مامەت ءار كۇنى قاربالاستىقپەن وتۋدە. جۇڭگو اۋىل شارۋاشىلىعىن دامىتۋ بانكەسى شينجياڭ بولىمشە بانكەسىنىڭ قىستاققا سالىپ بەرگەن تەمىرشىلىك زاۆودى قىستاقتاعى 100 ەڭبەككۇشتىڭ ەسىك الدىنان جۇمىستانىپ، ءار ادامنىڭ 30 مىڭ يۋان جىلدىق كىرىس تابۋىن جەبەدى.
2016 - جىلدان بەرى ورتالىققا قاراستى 17 مەكەمە ورىن 28 كەدەي اۋداندى ءتۇيىندى كومەكتەسىپ - سۇيەمەلدەپ، 889 ميلليون 120 مىڭ يۋان كومەكتەسۋ - سۇيەمەلدەۋ قارجىسىن سالىپ، 432 كومەكتەسۋ - سۇيەمەلدەۋ نىسانىن اتقارىپ، كادرلاردى 322 ادام - رەت مىندەتكە ءىلىپ قىزمەتكە جىبەردى؛ اۆتونوميالى رايوننان 235 مەكەمە - ورىن 280 كەدەي قىستاقتى ءتۇيىندى كومەكتەسىپ - سۇيەمەلدەپ، 2 ميلليارد 828 ميليون يۋان قارجى سالىپ، 7543 نىساندى اتقاردى.
زەردەلى ساياحات تۇعىرلارى سالىنىپ، جەمىس ورمانىن باپتاۋدان قىزمەت وتەۋ وتباسىلارىنا دەيىن جەتكىزىلىپ، ەلەكتروندى ساۋداعا باۋلۋ اۋىل - قىستاقتارعا كىرىپ، اۋىل شارۋاشىلىق ونىمدەرىنىڭ سىرتقا شىعۋ ارناسى كەڭەيدى... قوعامنىڭ ءار سالاسىنىڭ زور كۇشپەن قولداۋىندا، كەدەيلىكتەن ارىلتۋدان قامال الۋدىڭ قادامى اناعۇرلىم پارمەندى دە تەبىندى بولدى.
”جۇمىلا ەسكەك ەسسەك، الىپ كەمەنى جۇرگىزە الامىز“. حالىقتىق كاسىپورىندار، قوعامدىق ۇيىمدار مەن ىزگى قايراتكەرلەر دە كەدەيلىكتەن ارىلتۋدان قامال الۋعا بەلسەندىلىكپەن ات سالىستى.
اۆتونوميالى رايون جالپىلىق مەنشىككە جاتپايتىن كاسىپورىنداردىڭ ”مىڭ كاسىپورىن مىڭ قىستاققا كومەكتەسۋ“ كەدەيلەردى دالمە - ءدال سۇيەمەلدەۋ ارەكەتىن جانە ”حالىقتىق كاسىپورىنداردىڭ وڭتۇستىك شينجياڭعا ساپارى“ قيمىلىن ۇيىمداستىرىپ ورىستەتىپ، ءتۇرلى حالىقتىق كاسىپورىنداردى، سونداي - اق ساۋدا ۇيىمدارىن كەدەي قىستاقتارمەن كەلىسىم جاساپ جۇپ قۇراۋعا جەتەكتەپ، جۇمىسقا قابىلداۋ، ەرەكشە كاسىپ سالاسىن تۇلعالاۋ سياقتى بىرگە قۇرۋ تاسىلدەرى ارقىلى ارحيۆ تۇرعىزىلىپ، كارتچكالاندىرىلعان كەدەيلەردىڭ كەدەيلىكتەن ارىلۋىنا دەم بەردى. بۇكىل رايوننان 1251 حالىقتىق كاسىپورىن 1292 كەدەي قىستاقتى كومەكتەسىپ - سۇيەمەلدەپ، جيىنى 5618 قوعامدىق ۇيىم كەدەي قىستاقتارعا كومەكتەسۋ - سۇيەمەلدەۋگە ات سالىسىپ، 2 ميلليارد 486 ميلليون يۋان كومەكتەسۋ - سۇيەمەلدەۋ قارجىسىن سالدى.
شينجياڭعا كومەكتەسىپ كەدەيلەردى سۇيەمەلدەۋگە تىڭ قوزعاۋشى كۇش ۇستەدى
2018 - جىلدان باستاپ شاڭحاي شينجياڭعا كومەكتەسۋ قىزمەتىنىڭ الدىڭعى جاق قولباسشىلىق شتابى جاڭاشا تۇتىنۋ ارقىلى كەدەيلەردى سۇيەمەلدەۋ ۇلگىسىندە بەلسەندىلىكپەن ىزدەنىس جاساپ، ”ينتەرنەت جەلىسىندە، ناقتى قوس جەلىدە بىرلەسە ارەكەتتەنۋ“ جانە ”ساۋدا شوعىرىنا كىرۋ، الەۋمەتتىك اۋماققا كىرۋ، كوكونىس بازارىنا كىرۋ، ورگاندارعا كىرۋ، مەكتەپتەرگە كىرۋ، كاسىپورىندارعا كىرۋ، مەتروعا كىرۋ، قوناق ۇيلەرگە كىرۋ، بانكەلەرگە كىرۋ“ سىندى ”قوس جەلى، توعىز كىرۋ“ قيمىلىن جاسامپازدىقپەن ورىستەتىپ، قوعامدىق كۇشتەردى تولىق جۇمىلدىرىپ، قاشقاردىڭ ەرەكشە اۋىل شارۋاشىلىق ونىمدەرىن شاڭحاي قالا تۇرعىندارىنا جەتكىزدى.
شينجياڭعا كومەكتەسكەن 19 ولكە، قالا شينجياڭعا كومەكتەسىپ كەدەيلەردى سۇيەمەلدەۋدى ماڭىزدى ساياسي مىندەت ەتىپ، كاسىپ سالاسى ارقىلى، جۇمىستاندىرۋ ارقىلى كەدەيلەردى سۇيەمەلدەۋدى بەلسەندىلىكپەن ىلگەرىلەتىپ، كەدەيلىكتەن ارىلتۋدان قامال الۋعا تىڭ قوزعاۋشى كۇش ۇستەدى.
شاندۇڭ ولكەلىك شينجياڭعا كومەكتەسۋ قىزمەتى الدىڭعى جاق قولباسشىلىق شتابى جاڭالىق اشۋعا، ساپالى قىزمەت وتەۋگە، دالمە - ءدال كۇش تۇسىرۋگە تاباندى بولىپ، كاسىپ سالاسى ارقىلى شينجياڭعا كومەكتەسۋدى كومەك قابىلداۋشى جەردەگى كەدەي بۇقارانىڭ كەدەيلىكتەن ارىلۋىنا دەم بەرۋدىڭ ءونىمدى جولى ەتىپ، توقىماشىلىق، كيىم - كەشەك، اۋىل شارۋاشىلىق قوسىمشا ونىمدەرىن وڭدەۋ سياقتى ەڭبەككۇش شوعىرلى كاسىپورىندارعا باعىتتاپ ۇدايىلاندىرىپ ساۋداگەر شاقىرۋ، قارجى ەنگىزۋ ورىستەتىپ، شاندۇڭ رۋ - ي، چيڭداۋ جيفا، زىبو چيحۋا كيىم تىگۋ قاتارلى ىرگە تەپكەن كاسىپورىنداردىڭ ۇزدىكسىز نىسان اتقارۋىن جەبەدى.
كەدەيلەردى سۇيەمەلدەۋ ونىمدەرىنىڭ ساتىلۋى قيىن بولۋ ماسەلەسىن شەشۋ ءۇشىن، جۋىرداعى جىلداردان بەرى شينجياڭنىڭ جەر - جەرى شينجياڭعا كومەكتەسكەن ولكە، قالالاردىڭ بازار ارتىقشىلىعىنا سۇيەنىپ، تۇتىنۋ ارقىلى كەدەيلەردى سۇيەمەلدەۋدىڭ الۋەتىن تەرەڭدەي اشىپ، ەلەكتروندى ساۋدا ارقىلى كەدەيلەردى سۇيەمەلدەۋ، شەكارالىق ساۋدا ارقىلى كەدەيلەردى سۇيەمەلدەۋ، كورمە ارقىلى كەدەيلەردى سۇيەمەلدەۋ سياقتى جاقتاردا كۇش سالىپ، تيانشان الابىنان ءبىر توپ ەرەكشە ءونىمدى ىشكى وڭىرلەر بازارىنا بەت الدىرىپ، كەدەي بۇقارانىڭ كىرىسىن ارتتىرۋ جولىن ىشكەرىلەي كەڭەيتتى.
رايونىمىز ”الدىمەن بايىعاندار كەيىنگىلەردىڭ بايۋىنا كومەكتەسۋ، سولتۇستىك شينجياڭ وڭتۇستىك شينجياڭعا كومەكتەسۋ، بيڭتۋان جەرگىلىكتى ورىنعا كومەكتەسۋگە“ تاباندى بولىپ، ەكونوميكالىق قۋاتى ءبىرشاما كۇشتى 33 اۋدان، قالا، رايوندى وڭتۇستىك شينجياڭنىڭ 4 ايماق - وبلىستاعى 27 اۋدان، قالاعا كومەكتەسۋگە ۇيىمداستىرىپ، كاسىپ سالاسى سەلبەستىگى، ەڭبەك ىستەستىگى سياقتىلاردى تەرەڭدەتتى.
كوپ جاقتىڭ كۇشىن ۇيىستىرىپ، ءتۇرلى بايلىقتاردى جۇمىلدىردى، شينجياڭنىڭ كەدەيلىكتەن ارىلتۋدان قامال الۋىندا بىردە - ءبىر قىستاقتى قاعىس قالدىرماۋ، بىردە - ءبىر وتباسىن قاعىس قالدىرماۋ، بىردە - ءبىر ادامدى قاعىس قالدىرماۋ جۇزەگە استى.
