تيانشان تورى   ›   جاڭالىقتار   ›   شينجياڭ حابارلارى

”التىن سامۇرىق“ ەنگىزىپ، بايۋ جولىن كەڭەيتتى

  قاراقاش اۋدانى:

  ”التىن سامۇرىق“ ەنگىزىپ، بايۋ جولىن كەڭەيتتى

انار بۇلت / شينجياڭ گازەتىنىڭ تىلشىلەرى ءرايدا، ءپاريزات ابدۇل

  4 - ايدىڭ 14 - كۇنى قىزمەتكەرلەر قاراقاش اۋدانى وسى زامانعى اۋىل شارۋاشىلىعى كاسىپ سالاسىنان ۇلگى كورسەتۋ باقشاسىنداعى شينجياڭ مەيبيتى توبى شەكتى سەرىكتەستىگىندە قوراپتالعان قۇس ەتى ونىمدەرىن كورمە تەكشەسىنە شىعارۋدا. □ سۋرەتتى انار بۇلت / شينجياڭ گازەتىنىڭ ءتىلشىسى جوۋ پىڭ تۇسىرگەن

  4 - ايدىڭ 14 - كۇنى ”جوعارى جىلدامدىقتى تاس جولدى بويلاپ شينجياڭعا نازار سالۋ“ نەگىزگى تاقىرىپتىق حابارلاۋ قيمىلىنىڭ 8 - كۇنى، انار بۇلت شينجياڭ گازەتى جالپىلىق اقپارات قۇرالدارىنىڭ حابارلاۋ توبى قاراقاش اۋدانىنا كەلدى.

  تۇرپان - حوتان جوعارى جىلدامدىقتى تاس جولىنىڭ (G3012) قىزىلسۋ وبلىسىنان حوتانعا دەيىنگى بولىگىندە، تىلشىلەر قاراقاش اۋدانى وسى زامانعى اۋىل شارۋاشىلىعى كاسىپ سالاسىنان ۇلگى كورسەتۋ باقشاسىنداعى شينجياڭ مەيبيتى توبى شەكتى سەرىكتەستىگىنە كەلدى (تومەندە قىسقارتىپ ”مەيبيتى سەرىكتەستىگى“ دەلىنەدى).

  سويۋ سەحىندا ماشينالار گۇرىلدەپ تۇر، قىزمەتكەرلەر اق مامىقتى ەتتى تاۋىقتاردى شەبەرلىكپەن تاۋىق ءىلۋ تۇعىرىنا قويىپ جاتتى، سويۋ سەحى، ءجۇن ءجيدىتۋ سەحى ارقىلى ەڭ سوڭىندا ءبولۋ سەحىنا كىردى، ودان ارى كەسۋ، سۇيەگىنەن سىلۋ، سالماعىن ولشەۋ، ءبولىپ قوراپتاۋ سياقتى ءبىرتالاي جۇمىستاردان كەيىن، ءبىر اق مامىقتى تاۋىق 60 نەشە ءتۇرلى تاۋىق ەتى شيكى، جاس ونىمدەرى بولىپ ءبولىندى.

  سويۋ سەحىنا ىرگەلەس تۇرعانى ەت ونىمدەرىن جىنتىكتەپ وڭدەۋ سەحى. مۇندا جاڭا، جاس تاۋىق ەتى ماتەريال دايىنداۋ سەحىنىڭ، تۋراپ ارالاستىرۋ سەحىنىڭ، قالىپتاۋ سەحىنىڭ ءبىرتالاي تارتىپتەرى ارقىلى قاقتاما ىشەك تۇرىندەگى، وتتىقتى قازان تۇرىندەگى، دايىن تاعام تۇرىندەگى، مايعا شىجعىرۋ تۇرىندەگى ونىمدەر ەتىپ جاسالادى.

  تاۋىق ءىلۋ تۇعىرىندا قاربالاس جۇرگەن مامەت نۇرمامەت ءوز جۇمىسىن ويداعىداي ىستەۋمەن بىرگە، تاعى باسقا قىزمەتكەرلەردىڭ ءبولۋ جاعدايىن قۇنتتاپ تەكسەرەدى، ول ايرىقشا مۇقيات تا قۇنتتى.

  بيىل 40 جاستاعى مامەت قاراقاش اۋدانى يۇيىرچي اۋىلى قوشاۋات قىستاعىنىڭ تۇرعىنى. ول مەيبيتى سەرىكتەستىگىنە بىلتىر 6 - ايدا كەلگەن، قىزمەتكە مۇقيات بولعاندىقتان، قىزمەتكە شىعىپ 13 كۇننەن كەيىن ەتتى تاۋىق ىستەرى ءبولىمى الدىڭعى اۋماعى 2 - ءىلۋ بانىنىڭ بانجاڭى بولىپ، 80 جۇمىسشىنى باسقارۋعا جاۋاپتى بولعان.

  ”بۇرىن مەن قۇرىلىس جۇمىس ورنىندا ىستەۋشى ەدىم، كىرىسىم تۇراقسىز بولعاندىقتان اقشا قۇراي المادىم. مەيبيتى سەرىكتەستىگىنە جۇمىسقا كەلگەننەن كەيىن، اي سايىن تۇراقتى 4000 يۋاننان استام اقشا تاباتىن بولدىم، جاقسى ىستەسەم تاعى سيلىق اقشا الامىن“، - دەدى مامەت.

  مەيبيتى سەرىكتەستىگىندە مامەت سياقتى 5986 قىزمەتكەر بار، جان باسىندىق ايلىق جالاقىلارى 2600 يۋاننان اسادى.

  سەحتان شىققان ءتىلشى سۋىق تىزبەك تاسىمال كولىكتەرىنىڭ رەتتى ءتىزىلىپ، زات تيەۋدى كۇتىپ تۇرعانىن كوردى. ”ءبىزدىڭ سويۋ سەحىمىز كۇنىنە 200 مىڭنان استام ەتتى تاۋىق سويادى، ەت ونىمدەرىن جىنتىكتەي وڭدەۋ سەحىنىڭ جىلدىق ءونىم مولشەرى 72 مىڭ تونناعا جەتەدى. قازىر جاس، جاڭا تاۋىق ەتى ونىمدەرى 60 نەشەگە، ەت ونىمدەرىنەن جىنتىكتەي وڭدەلگەن ونىمدەر 300 نەشەگە جەتتى، وسى ونىمدەر سۋىق تىزبەك زات اينالىمى تاسىمالى ارقىلى بۇكىل ەلدىڭ جەر - جەرىندە ساتىلادى، جىلدىق ساتۋ كىرىسىمىز مولشەرمەن 3 ميلليارد يۋان“، - دەدى مەيبيتى سەرىكتەستىگى اكىمشىلىك ءبولىمىنىڭ ديرەكتورى ۋاڭ جينلەي ماقتانىشپەن.

  ۇعىسۋىمىزشا، جالپى ءبىر ميلليارد 770 ميلليون يۋان قارجى قوسىلعان، يەلەيتىن جەر اۋدانى 1500 مۋدان اساتىن مەيبيتى سەرىكتەستىگى − قاراقاش اۋدانى ەنگىزگەن اۋىل شارۋاشىلىعى كاسىپ سالاسى جەتەكشى كاسىپورنى ەكەن. 2019 - جىلى قاراقاش اۋدانىنا قونىس تەپكەننەن كەيىن سورتتى تاۋىقتى ءوسىرۋ جانە جۇمىرتقا باستىرۋدى، باعىمشىلىق جانە سويۋدى، جىنتىكتەي وڭدەۋدى نەگىز ەتكەن، جەم - ءشوپ مانەرلەۋ، ونىمدەردى قوراپتاۋ، ساراپتاۋ - تەكسەرۋ جانە سۋىق تىزبەكتى زات اينالىمىن قوسىمشا ەتكەن 8 ۇلكەن كاسىپ سالاسى سەكتورىن تۇلعالاۋعا دەن قويىپ كەلەدى. قازىر تولىق كاسىپ سالاسى تىزبەگى قالىپتاستى.

  ”سەرىكتەستىك قاراقاش اۋدانىنا ىرگە تەپتى، بۇل وسى ارانىڭ دامۋ ورايىن ءدال بايقاعاندىقتان بولدى. سوڭعى جىلدارى مەيلى قاتىناستىڭ تەزدەتىلۋى، الدە ەكونوميكانىڭ دامۋى بولسىن، حوتان ايماعى كۇن سايىن جاڭاردى، بۇل ءبىز كاسىپورىندار جونىنەن توتەنشە پايدالى بولىپ وتىر. سونىمەن بىرگە ءبىز وزىق تيجارات جۇرگىزۋ ۇستانىمى مەن باعىمشىلىق تەحنيكاسىن وسىندا اكەلىپ، جەرگىلىكتى بۇقارانى كىرىستەرىن ارتتىرىپ، بايۋعا جەتەكتەۋدى ءۇمىت ەتەمىز“، - دەدى ۋاڭ جينلەي.

  مەيبيتى سەرىكتەستىگى 2019 - جىلى 5 - ايدا قۇرىلعاننان بەرى ”اۋىلدا باعىمشىلىق بازاسى بولۋ، قىستاقتا سەلبەستىك كووپەراتيۆى بولۋ، وتباسىندا تاۋىق قورا بولۋ“ سىندى دامۋ جوباسى بويىنشا، ”كاسىپورىن + پارتيا ياچەيكاسى +سەلبەستىك كووپەراتيۆى + شارۋا“ سىندى تيجارات ۇلگىسىن قولدانىپ، قىستاق تۇرعىندارىنا تەحنيكا، بالاپان، جەم - ءشوپ، ىندەتتەن ساقتانۋ قىزمەت كورسەتۋى سياقتىلاردى ازىرلەدى. بۇل عانا ەمەس، مەيبيتى سەرىكتەستىگى تاعى توڭىرەكتەگى اۋىل - قالاشىقتاردا 15 باعىمشىلىق بازاسىن سالدى.

  مەيبيتى سەرىكتەستىگىنىڭ قاراقاش اۋدانى سايباق اۋىلىنداعى باعىمشىلىق بازاسىنا كىرگەن باعۋشى ءمامتىمىن جۇماي وسى وسىزاماندانعان كاسىپورىن الا كەلگەن وزگەرىستىڭ يگىلىگىن كورۋدە. ”بۇل تەمپەراتۋرا، ىلعالدىق، اۋا قىسىمىن مەڭگەرەتىن تىزگىندەۋ تاقتاسى، اۋا قىسىمى تومەن بولسا بالاپان تۇماۋراتىپ قالادى، وتە جوعارى بولسا وتتەگى جەتىسپەۋ احۋالى تۋىلادى، ويداعىداي تىزگىندەۋ كەرەك“، - دەدى ءمامتىمىن اسپاپتى شەبەرلىكپەن جۇرگىزىپ جاتىپ.

  ءمامتىمىن قاراقاش اۋدانى سايباق اۋىلى سوگەتبوستان قىستاعىنىڭ تۇرعىنى، كەزىندە ۇساق - تۇيەك شارۋا ىستەپ قارىن تويدىرىپ جۇرگەن ول بىلتىر وسى بازانىڭ قىزمەتكەرىنە اينالىپ، 35 مىڭ بالاپاندى باعاتىن بولدى، وسىزاماندانعان تاۋىق قورا مەن زەردەلىلەنگەن جەمدەۋ جۇيەسى ونىڭ ءداستۇرلى تاۋىق باعۋ تانىمىن وزگەرتتى.

  ”جەتەكشى كاسىپورىننىڭ باستاۋى، سەلبەستىك كووپەراتيۆىنىڭ جەتەكتەۋى، شارۋالاردىڭ ۇيىرمە قۇراۋى ءداستۇرلى مال شارۋاشىلىعىندا بۇرىلىس بولۋىن ىلگەرىلەتەتىن دەمەۋشىگە اينالدى. ءبىز كاسىپورىن، سەلبەستىك كووپەراتيۆى، شارۋالاردىڭ مۇددەسىن ۇزدىكسىز تىعىز بايلانىستىرىپ، اناعۇرلىم كەڭ تۇعىر ورناتىپ، جەرگىلىكتى ورىن مال شارۋاشىلىعىنىڭ وسىزاماندانۋ ورەسىن جوعارىلاتامىز“، - دەدى ۋاڭ جينلەي.

ءتىلشى ەستەلىگى

كوكتەم سامالى ەستى، حوتان تۇلەجىدى

□ ءپاريزات ابدۇل

  146 سۋىق تىزبەك تاسىمال اۆتوموبيلى تۇرپان - حوتان جوعارى جىلدامدىقتى تاس جولىندا (G3012) ارلى - بەرلى جۇيتكىپ، ءار كۇنى ونىمدەردى شينجياڭنىڭ ءىشى - سىرتىنداعى بازارلارعا جەتكىزۋدە؛ جەتكىلىكتى بازار تاپسىرىسى 6000عا جۋىق ادامدى جۇمىستانۋعا باستاپ، جان باسىندىق ايلىق ەڭبەكاقى 2600 يۋاننان استى...

  وڭتۇستىگى كۇنلۇن تاۋىنا تىرەلىپ، سولتۇستىگى تاكلاماكان شولىنە يەك ارتقان، قارلى ءۇستىرت پەن سارى ءشولدىڭ ورتاسىنداعى حوتان ايماعىندا قاقاعان سۋىق پەن شىلىڭگىر ىستىق بىردەي بار، بۇل ارانىڭ ”جىبەك جولىنداعى ماڭىزدى قالاشىق“ سىندى جارقىن كەزدەرى بولعانىمەن، كليماتى قۇرعاق، شەت - شالعاي بۇرىشتا بولعاندىقتان، كەدەي جانە مەشەۋ بەت - بەينەسى ۇزاق ۋاقىتتان بەرى وزگەرمەي كەلگەن ەدى.

  كەدەيلىكتەن ارىلتۋدان قامال الۋدىڭ شەشۋشى شايقاسىنىڭ دابىل ءۇنى ىشىندە بايىرعى حوتاندا ومىرشەڭدىك كۇش قاۋلاپ، جاڭا لەپ ەستى. قاتىناس قولايلىلانىپ، بۇل ارا مەن سىرتقى دۇنيەنىڭ ارالىعى جاقىنداپ، زات تاسىمالى ىركىلىسسىزدەنىپ، ينفورماتسيا ساڭلاۋسىز ۇلاستى. ادام اعىنى، زات اينالىمى، ينفورماتسيا اينالىمى، قارجى اعىنى ۇزدىكسىز اعىلىپ كەلىپ، ەكونوميكالىق دامۋدى جەبەيتىن مىعىم ومىرشەڭدىك كۇشكە اينالدى.

  اۆتوموبيلدەر تىنباي جۇيتكىگەن، كۇن سايىن كەمەلدەنگەن جوعارى جىلدامدىقتى تاس جولداردى توڭىرەكتەي وتىرعان بۇل اراداعى ادامدار مەن ىستەردىڭ بارلىعى جاڭا وزگەرىستەردى قارسى الدى. حوتاننىڭ بايتاق دالاسىندا جۇرگەندە، ءبىز بۇل اراداعى بۇقارانىڭ وي - ساناسى اشىلىپ، قالتالارى قامپايىپ، ومىرشەڭدىك كۇشى قاۋلاپ، كوڭىل كوكىرەكتەرى جارقىندانىپ، تۇرمىستارىنىڭ بارعان سايىن جايلى بولا تۇسكەندىگىن قۋانا بايقادىق...

  ءشول دالا داڭعىل جولعا اينالىپ، كونە بەينە شىت جاڭا تۇرگە ەندى. حوتان ايماعى ارشىندى قاداممەن ۇمىتكە تولى جاڭا ورىسكە قادام تاستاۋدا.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.