— پارتيا تاريحىن ۇيرەنۋ تاربيەسىن تىڭعىلىقتى ورىستەتۋ جونىندە
□ حالىق گازەتىنىڭ شولۋشىسى
پارتيا تاريحى، جاڭا جۇڭگونىڭ دامۋ تاريحى بىزگە: ءبىزدىڭ ءىرى پارتيامىزدى ويداعىداي جونگە سالىپ، ءبىزدىڭ ءىرى ەلىمىزدى ويداعىداي جونگە سالىپ، پارتيانىڭ ىنتىماعى مەن ورتالىقتانعان ءبىر تۇتاستىعىنا كەپىلدىك ەتۋ توتەنشە ماڭىزدى، پارتيا ورتالىق كوميتەتىنىڭ بەدەلىن قورعاۋ توتەنشە ماڭىزدى ەكەندىگىن ۇعىندىردى.
باس شۋجي شي جينپيڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا بىلاي دەپ باسا دارىپتەدى: ايقىن تۋ ۇستاي وتىرىپ ساياسيدى دارىپتەۋ، پارتيانىڭ ىنتىماعى مەن ورتالىقتانعان ءبىر تۇتاستىعىنا كەپىلدىك ەتۋ پارتيانىڭ جانى ءارى پارتيامىزدىڭ 100 جىلدىق ءىرى پارتياعا اينالۋىنىڭ، عاسىرلىق ۇلى ءىس جاراتۋىنىڭ شەشۋشى تياناعى. بۇكىل پارتيادا پارتيا تاريحىن ۇيرەنۋ تاربيەسىن ورىستەتۋدە بۇكىل پارتيانى پارتيا تاريحىنان ۇنامدى - ۇنامسىز ەكى جاقتان تاريحي تاجىريبە قابىلداپ، پارتيانىڭ ىنتىماعى مەن ورتالىقتانعان ءبىر تۇتاستىعىن ونان ارى كۇشەيتىپ، بۇكىل پارتيانىڭ بىركەلكى قاداممەن ىلگەرىلەۋىنە شىنايى كەپىلدىك ەتۋگە تاربيەلەۋ، جەتەكتەۋ كەرەك.
باس شۋجي شي جينپيڭ بىلاي دەپ تەرەڭ اتاپ كورسەتتى: يدەياداعى بىرلىك، ساياسيداعى ىنتىماق، ارەكەتتەگى بىردەيلىك پارتيا ىستەرىنىڭ ۇزدىكسىز دامۋىنىڭ، زورايۋىنىڭ ءتۇبىرلى تياناعى. يان - ان مەزگىلىندە پارتيامىز زور كولەمدەگى ستيل دۇرىستاۋ قوزعالىسىن ورىستەتىپ، بۇكىل پارتيانى بۇرىن بولىپ كورمەگەن ىنتىماققا جانە ءبىر تۇتاستىققا يە ەتىپ، جاپون شاپقىنشىلارىنا قارسى تۇرۋ سوعىسىنىڭ جەڭىسىنە قول جەتكىزۋگە جانە بۇكىل ەلدى ازات ەتۋگە قۋاتتى يدەيالىق، ساياسي نەگىز قالادى. جاڭا جۇڭگو قۇرىلعاننان كەيىن پارتيامىز بۇكىل ەلدە بيلىك جۇرگىزگەننەن كەيىنگى ءوز قۇرىلىسىن كۇشەيتىپ، قۋاتتى دا ىنتىماقتى پارتياعا، پارتيا تۇراقتاندىرعان دۇرىس نىساناعا قاراي بىركەلكى ارەكەت ەتەتىن، قۇلشىنا كۇرەس جاسايتىن پارتياعا اينالىپ، جاڭا جۇڭگو قۇرىلعان باستاپقى مەزگىلدەگى ءبىزدىڭ قىزمەتتەرىمىزدىڭ ءساتتى ىلگەرىلەۋىنە ەڭ ماڭىزدى كەپىلدىك ازىرلەدى. تاريحي جاڭا داۋىرگە وتكەندە پارتيامىز 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسىن جەڭىسپەن اشىپ، رەفورما جاساۋ، ەسىك اشۋداي تاريحي شەشىم جاسادى، بۇل جاڭا دا ۇلى توڭكەرىس پارتيامىزدىڭ نازاريادان امالياتقا دەيىنگى ۇلى جاسامپازدىعىن ازىرلەپ، جۇڭگوشا سوتسياليزم ىستەرىنىڭ ۇلى شارىقتاۋىن ىلگەرىلەتتى. اماليات بۇكىل پارتيا ىنتىماقتاسىپ ”بەرىك قۇرىشقا“ اينالسا بولعانى، بۇكىل ەلدەگى ءار ۇلت حالقىن ىنتىماقتاستىرىپ، جۇدىرىقتاي جۇمىلعان، المايتىن قامالى بولمايتىن تەلەگەي كۇش قالىپتاستىرىپ، بارلىق كۇشتى جاۋدى، بارلىق ماشاقات پەن قيىندىقتى، قاتەر مەن بوگەتتى جەڭىپ شىعا الاتىندىعىن تولىق دالەلدەدى.
پارتيانىڭ باسشىلىعىنا تاباندى بولۋ، ەڭ اۋەلى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولۋ، بۇل پارتيا باسشىلىعىنىڭ ەڭ جوعارى پرينسيبى، ءارقانداي كەزدە، ءارقانداي جاعدايدا ءدۇدامالدىق ىستەۋگە، اۋىتقۋعا بولمايدى. قىزىل ارميانىڭ 5 - رەتكى ”قورشاپ جويۋعا“ قارسى تۇرۋىنىڭ جەڭىلىسكە ۇشىراۋى مەن ۇزاق جورىقتىڭ باستاپقى مەزگىلىندەگى اۋىر ساتسىزدىكتىڭ تاجىريبە - ساباقتارىن مۇقيات قورىتىندىلاۋ نەگىزىندە، زۇن - ي ءماجىلىسى ماۋ زىدۇڭ جولداستىڭ پارتيا ورتالىق كوميتەتى مەن قىزىل ارمياداعى باسشىلىق ورنىن تۇراقتاندىرىپ، ماۋ زىدۇڭ جولداستى باستى ۋاكىل ەتكەن ماركسيزمدىك دۇرىس لۋشياننىڭ پارتيا ورتالىق كوميتەتىندەگى باسشىلىق ورنىن تۇراقتاندىرا باستاپ، ماۋ زىدۇڭ جولداستى ۇيتقى ەتكەن پارتيانىڭ ءبىرىنشى ۇرپاق ورتالىق كوميتەت باسشىلىق كوللەكتيۆىن قالىپتاستىرا باستاپ، ەڭ قيىن كەزەڭدە پارتيانى قۇتقارىپ قالدى، قىزىل ارميانى قۇتقارىپ قالدى، جۇڭگو توڭكەرىسىن قۇتقارىپ قالدى. پارتيانىڭ كەڭەيتىلگەن 6 - كەزەكتى ورتالىق كوميتەتىنىڭ التىنشى جالپى ءماجىلىسى ۋاڭ ميڭنىڭ وڭشىلدىق قاتەلىگىن نەگىزىنەن تۇزەتىپ، ماۋ زىدۇڭ جولداستىڭ بۇكىل پارتياداعى باسشىلىق ورنىن ىشكەرىلەي تۇراقتاندىرىپ، بۇكىل پارتيانىڭ يدەياسى مەن اياق الىسىن بىرلىككە كەلتىرىپ، پارتيانىڭ جاپون شاپقىنشىلارىنا قارسى تۇرۋ سوعىسىنا باسشىلىق ەتىپ جەڭىسكە قول جەتكىزۋىنە بەرىك نەگىز قالادى. پارتيامىزدىڭ تاريحي تاجىريبەسى پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا ويداعىداي تاباندى بولساق بولعانى، پارتيا ىستەرىنىڭ گۇلدەنىپ - كوركەيە بەرەتىندىگىن؛ كەرىسىنشە بولعاندا، پارتيا ىستەرىنىڭ ساتسىزدىككە ۇشىرايتىندىعىن تولىق ءتۇسىندىردى.
”باس ارقاۋدى تارتىپ قالساڭ، باسقا تور كوزدەرى تۇگەل اشىلادى“. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ ساياسي قۇرىلىسىن بار كۇشپەن ىلگەرىلەتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋداعى تۇزىمدەردى اقاۋسىزداندىرىپ، پارتيانىڭ ىنتىماعىن، ءبىر تۇتاستىعىن اناعۇرلىم بەكەمدەپ، پارتيا مەن مەملەكەت ىستەرىنىڭ دامۋىنا بەرىك ساياسي كەپىلدىك ازىرلەدى. رەفورما سالاسىندا بۇرىن بولماعان بەكىممەن جانە تەبىنمەن يدەيالىق كوزقاراستاعى بۇعاۋلاردى تالقانداپ، مۇددەنىڭ قاساڭداۋىنىڭ قۇرساۋىن بۇزىپ، ءار جاقتاعى ءتۇزىلىس - مەحانيزم كەمىستىكتەرىن باتىل جويىپ، سىرتقى ورتانىڭ وزگەرىسى الا كەلگەن حاۋىپ - قاتەرلەر مەن سىن - سايىستارعا بەلسەندىلىكپەن توتەپ بەرىپ، ارىنى كۇشتى، ايبىنى اسقاق رەفورما ءۇردىسىن باستاپ، ەلىمىزدىڭ رەفورما جاساۋىنىڭ، ەسىك اشۋىنىڭ شىت جاڭا جاعدايىن اشىپ، رەفورمانى جاپپاي تەرەڭدەتۋدىڭ تاريحي ۇلى تابىسىنا قول جەتكىزدى. ديپلوماتيا سالاسىندا بەيبىت دامۋعا تاباندى بولۋ، ۇلتتىڭ گۇلدەنۋىن جەبەۋ سىندى نەگىزگى ارقاۋدى مىقتاپ يگەرىپ، ەل ءىشى، حالىقارا ەكى كەلەلى جاعدايدى ءبىر تۇتاس جوسپارلاپ، دامۋ مەن حاۋىپسىزدىك سىندى ەڭ ءىرى ەكى ءىستى ءبىر تۇتاس جوسپارلاپ، جۇڭگوشا ەرەكشەلىككە يە ءىرى ەل ديپلوماتيا جولىمەن ءجۇردى. پارتيانى باسقارۋ، پارتيانى جونگە سالۋ جاعىندا پىشاقتىڭ ءدۇزىن ىشكە قاراتاتىن باتىلدىقپەن پارتيا ىشىندەگى ەسكىلىكتى سىرقات، ايىقپاس دەرتتەردى قانداۋىرلاپ، جايپاپ وتەر ەكپىنمەن پارتيانى جاپپاي قاتاڭ جونگە سالۋدى ىلگەرىلەتىپ، شەگە قاعۋ رۋحىمەن پارتيانى باسقارۋ، پارتيانى جونگە سالۋ تالاپتارىن ناقتى، ەگجەي - تەگجەيلى تياناقتاندىرىپ، بۇكىل پارتيانىڭ دۇرىس بەتالىسپەن ىلگەرىلەۋىنە كەپىلدىك ەتىپ، پارتيا، مەملەكەت، ۇلت جونىنەن ولشەۋسىز تەرەڭ ىقپال تۋدىردى. پارتيا 18 - قۇرىلتايىنان بەرى پارتيا مەن مەملەكەت ىستەرىنىڭ تاريحي جەتىستىككە قول جەتكىزە الۋىنىڭ، تاريحي وزگەرىس تۋىلۋىنىڭ ەڭ ءتۇبىرلى نەگىزى باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن قالىپتاستىرىپ جانە تۇراقتاندىرىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولعاندىعىندا. بۇكىل پارتيا جوعارى مەن تومەن بولىپ ءبىر نيەتپەن ىنتىماقتاسىپ، بىركەلكى قاداممەن جۇرگەندىكتەن دە، ءبىز ۇزاق ۋاقىتتان بەرى شەشۋدى ويلاساق تا شەشە الماي كەلگەن كوپتەگەن قيىن ماسەلەلەردى شەشىپ، بۇرىن ىستەۋدى ويعا الساق تا، ىستەي الماي كەلگەن كوپتەگەن ءىرى ىستەردى ىستەپ، پارتيا مەن مەملەكەتتىڭ ىشكى بولىگىندە ورىن تەۋىپ وتىرعان اۋىر كومەسكى كىناراتتاردى جويىپ، پارتيا مەن مەملەكەت ىستەرىنىڭ ۇزدىكسىز العا قاراي دامۋىن ىلگەرىلەتتىك.
2020 - جىل جاڭا جۇڭگو تاريحىنداعى ەرەكشە جىل، عاسىرلىق ىندەت پەن 100 جىلدىق وزگەرىس توعىسىپ، قاتاڭ سىن - سايىستار مەن اۋىر قيىنشىلىقتار قاتار ءومىر ءسۇردى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، كەدەرگىلەردى الاستاپ، قيىندىقتاردان قامال الىپ، ىندەتكە قارسى اتتانۋ كۇرەسىنىڭ ەلەۋلى ستراتەگيالىق جەتىستىگىنە قول جەتكىزىپ، ادامزاتتىڭ اۋرۋمەن كۇرەسۋ تاريحىنداعى تاعى ءبىر ەرلىك باستامانى جاراتتى؛ ىندەتتى الدىمەن تەجەپ، جۇمىستى، ءوندىرىستى الدىمەن قالپىنا كەلتىرىپ، ەكونوميكانىڭ تەرىس ماننەن وڭ مانگە ارتۋىن الدىمەن جۇزەگە اسىرىپ، ەكونوميكانىڭ وڭ ارتۋىن جۇزەگە اسىرعان الەمدەگى بىردەن - ءبىر نەگىزگى ەكونوميكالىق تۇلعاعا اينالدى؛ مىعىم قايراتقا كەلىپ، شەشۋشى شايقاستىڭ شەشۋشى جەڭىسىنە جەتىپ، جاڭا داۋىردەگى كەدەيلىكتەن ارىلتۋدان قامال الۋدىڭ نىسانالارى مەن مىندەتتەرىن ۋاعىندا ورىنداپ، جۇڭحۋا ۇلتىن نەشە مىڭ جىلدار بويى مازالاپ كەلگەن مۇلدەم كەدەيلىك ماسەلەسىن تاريحي سيپاتتى شەشىپ، ادامزاتتىڭ كەدەيلىكتى ازايتۋ تاريحىنداعى كەرەمەتتەردى جاراتتى... اماليات مىنانى قايتالاي دالەلدەدى: پارتيا ورتالىق كوميتەتىنىڭ بەدەلى قىسىلتاياڭ شاقتا بۇكىل پارتيانىڭ، بۇكىل ەلدەگى ءار ۇلت حالقىنىڭ قيىندىقتان تايسالماي ورگە ۇمتىلۋىنىڭ ءتۇبىرلى سۇيەنىشى، كەلەلى تاريحي ساتتە، كەلەلى سىناق الدىندا پارتيا ورتالىق كوميتەتىنىڭ تۇجىرىم جاساۋ قابىلەتى، شەشىم جاساۋ قابىلەتى، ارەكەت قابىلەتى شەشۋشى سيپاتتى رولعا يە. باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە، باعدار كورسەتىپ، رول ۇستاۋىندا، بۇكىل پارتيانىڭ، بۇكىل ەلدەگى ءار ۇلت حالقىنىڭ ءبىر نيەت، ءبىر تىلەكپەن ىنتىماقتاسىپ، قايسارلىقپەن كۇرەسۋىندە ءبىز، ءسوز جوق، العا باسۋ جولىندا جارىققا شىققان ءتۇرلى ماشاقاتتار مەن قيىندىقتاردى، قاتەرلەر مەن بوگەتتەردى جەڭىپ، جاڭا داۋىردەگى جۇڭگوشا سوتسياليزم ىستەرىن، ءسوز جوق، اناعۇرلىم پارمەندى ىلگەرىلەتە الامىز، العا باستىرا الامىز.
قازىر دۇنيە ءجۇزى 100 جىلدا بولماعان ۇلكەن وزگەرىستى باستان وتكەرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر. العا باسۋ جولىندا ءبىز ءدوپ كەلەتىن حاۋىپ - قاتەرلەر، سىناقتار تەك بارعان سايىن كۇردەلىلەسە تۇسەدى، ءتىپتى، ويعا دا كەلمەيتىن اساۋ تولقىندارعا جولىعامىز. نىساناعا تاياعان سايىن، جاعداي كۇردەلىلەسە تۇسكەن سايىن، مىندەت اۋىرلاسقان سايىن، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنىڭ ورنىقتىرعىشتىق رولىن سولعۇرلىم ساۋلەلەندىرۋ كەرەك. بەينە باس شۋجي شي جينپيڭ باسا دارىپتەگەندەي: وسىنشاما ۇلكەن پارتيامىزدا، مەملەكەتىمىزدە ورتالىقتانعان ءبىر تۇتاستىق بولماسا، پارتيا ورتالىق كوميتەتىنىڭ پارمەندى باسشىلىعى بولماسا، ورتالىقتىڭ كۇشتى بەدەلى بولماسا، بولمايدى، ويلاۋعا كەلمەيدى. ”ەكىنى قورعاۋ“ پارتيا ورتالىق كوميتەتىنىڭ شەشىم - ورنالاستىرۋلارىن باتىل دايەكتىلەندىرۋ ارەكەتىندە ايگىلەنۋى، مىندەت اتقارىپ، بورىش ادا ەتۋدىڭ، ءوز قىزمەتىن ويداعىداي ىستەۋدىڭ ناقتى ناتيجەسىندە ايگىلەنۋى، پارتيا مۇشەلەرىنىڭ، كادرلاردىڭ كۇندەلىكتى ءسوز - ارەكەتىندە ايگىلەنۋى كەرەك. پارتيا تاريحىن ۇيرەنۋ تاربيەسى ارقىلى قالىڭ پارتيا مۇشەلەرى، كادرلار ساياسيدى دارىپتەۋدى سىرتقى تالاپتان ىشكى ىرىقتىلىققا اينالدىرىپ، پارتيا ورتالىق كوميتەتىنىڭ رۋحى بويىنشا ۇنەمى ۇلگىگە، ولشەمگە تۋرالانىپ، پارتيا ورتالىق كوميتەتى دارىپتەگەنگە باتىل ءۇن قوسۋدى، پارتيا ورتالىق كوميتەتى ۇيعارعاندى باتىل اتقارۋدى، پارتيا ورتالىق كوميتەتى شەكتەگەندى استە ىستەمەۋدى شىن مانىندە ورىنداپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالىلىقپەن ساقتاپ، بۇكىل پارتيادا جوعارىدان تومەنگە دەيىن جۇدىرىقتاي جۇمىلىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساۋعا شىنايى كەپىلدىك ەتۋ كەرەك. ساياسي تانىمدى ۇزدىكسىز كۇشەيتىپ، ساياسي سەزگىرلىكتى جوعارىلاتىپ، ماسەلەنى ساياسي جاقتان باقىلاۋعا جانە ءبىر جاقتى ەتۋگە شەبەر بولۋ كەرەك، ”مەملەكەتتىڭ زور ىستەرىنە“ كوڭىل بولمەۋگە استە بولمايدى، ساياسي تالاپقا، ساياسي قاعيداعا، ساياسي تارتىپكە ءمان بەرمەۋگە استە بولمايدى، ءار ءتۇرلى ماسەلەنىڭ ساياسي زاردابىمەن ساناسپاۋعا، استە، بولمايدى، پارتيا ورتالىق كوميتەتىنىڭ كەلەلى باعىت - ساياساتتارىن دايەكتىلەندىرۋگە، تياناقتاندىرۋعا زەيىن سالماۋعا، استە، بولمايدى.
پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋ − ەلىمىز توڭكەرىسىنىڭ، قۇرىلىسىنىڭ، رەفورماسىنىڭ ماڭىزدى تاجىريبەسى، تولىسقان ماركسيزمدىك بيلىك باسىنداعى پارتيانىڭ پارتيا قۇرۋداعى كەلەلى پرينسيبى. ”14 - بەسجىلدىقتا“ كۇرەس جۇرگىزىپ، جاڭا ساپاردا ەكپىندەي العا باسىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، تولقىن جارىپ، قايسارلىقپەن العا ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە كۇش سالا قول جەتكىزىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن جاڭا دا اناعۇرلىم زور ۇلەس قوسۋىمىز كەرەك.
(شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى)
