انار بۇلت / شينجياڭ گازەتىنىڭ ءتىلشىسى سۇي يۇنيان 4 - ايدىڭ 14 - كۇنى ۇرىمجىدەن حابارلايدى. 4 - ايدىڭ 15 - كۇنى − التىنشى رەتكى جالپى حالىقتىق مەملەكەت حاۋىپسىزدىگى تاربيەسى كۇنى. بىرنەشە كۇننەن بەرى رايونىمىزداعى جەر - جەر، تاراۋلار كوپ ءتۇرلى فورمالار ارقىلى مەملەكەت حاۋىپسىزدىگى تاربيەسى ۇگىت قيمىلىن ورىستەتىپ، جالپى تۇلعالىق مەملەكەت حاۋىپسىزدىگى كوزقاراسى ۇگىت تاربيەسىن ىشكەرىلەي ورىستەتىپ، قالىڭ بۇقارانىڭ مەملەكەت حاۋىپسىزدىگى تانىمىن اناعۇرلىم كۇشەيتىپ، حاۋىپ - قاتەردەن ساقتانۋ جانە تەجەۋ قابىلەتىن جوعارىلاتتى.
4 - ايدىڭ 9 - كۇنى بۇراتالا موڭعۇل اۆتونوميالى وبلىستىق حالىق ۇكىمەتى كەڭسەسى مەملەكەت حاۋىپسىزدىگى زاڭى جونىندە ارناۋلى تاقىرىپتىق لەكسيا ورىستەتىپ، دەلو مىسالىمەن بىرلەستىرىپ تالداۋ جاساپ، مەملەكەت حاۋىپسىزدىگى ۇعىمى، مەملەكەت حاۋىپسىزدىگىن قورعاۋ جاۋاپكەرشىلىگى، بورىشى سياقتىلاردى تەرەڭدەي ءتۇسىندىردى. ۇيرەنۋ ارقىلى كوپشىلىك مىنالاردى ءبىلدىردى: قىزمەت امالياتىمەن بىرلەستىرىپ، مەملەكەت حاۋىپسىزدىگىن قورعاپ، قورعانۋ تانىمىمىزدى جوعارىلاتامىز.
تۇرپان قالالىق قوعام حاۋىپسىزدىگى مەكەمەسى ۇگىت اترەتىن ۇيىمداستىرىپ توقسۇن اۋدانى شياجىن قالاشىعى ويمان قىستاعىنا كەلىپ جەلىلەس ۇگىت قيمىلىن ورىستەتىپ، زاڭدىق قىزمەت وتەۋدى قىستاققا دەيىن كەڭەيتتى. ۇگىت اترەتى ”جۇرەككە زاڭ ۇيالاسا، بارلىعىمىز باقىتقا كەنەلەمىز“ نەگىزگى تاقىرىبىندا نەگىزگى زاڭ، مەملەكەت حاۋىپسىزدىگى زاڭى، ازاماتتىق زاڭناما، لاڭكەستىككە قارسى تۇرۋ زاڭى، تىڭشىلىققا قارسى تۇرۋ زاڭى، ينتەرنەت حاۋىپسىزدىگى زاڭى سياقتى زاڭدار مەن زاڭ ەرەجەلەردى كۇش سالا ۇگىتتەپ، بۇقاراعا 1000نان استام ۇگىت ماتەريالىن تاراتتى، سول جەردىڭ وزىندە 73 رەت زاڭدىق كەڭەس بەرىپ، زاڭ كىتاپتارىنان 12سىن تارتۋ ەتتى، 300دەن استام بۇقارا تاربيە الدى.
ياركەن اۋدانى ۇگىت تاقتاسى، زەيىن سىناۋ جارىسى، ەلەكتروندى ەكران، كوشە كەرمە تۋى سياقتى دانەكەرلەر ارقىلى تۇرعىنداردىڭ مەملەكەت حاۋىپسىزدىگىنە قاتىستى زاڭ جانە زاڭ ەرەجەلەردى ءبىلۋ سالىستىرماسىن اناعۇرلىم جوعارىلاتىپ، مەملەكەت حاۋىپسىزدىگى تانىمىن كۇشەيتتى. اتالعان اۋدان تاعى زاڭ جالپىلاستىرۋ لەكسياشىلار ۇيىرمەسىن الەۋمەتتىك اۋماقتارعا، دۇكەندەرگە بارۋعا ۇيىمداستىرىپ، الۋان ءتۇرلى فورماداعى مەملەكەت حاۋىپسىزدىگى تاربيەسى ۇگىت قيمىلىن ورىستەتىپ، ”مەملەكەت حاۋىپسىزدىگىن قورعاۋدا بارلىق ادامنىڭ جاۋاپكەرشىلىگى بولۋ“ قويۋ رايىن قالىپتاستىردى.
4 - ايدىڭ 11 - كۇنى شيحۋ قالالىق قوعام حاۋىپسىزدىگى مەكەمەسىنىڭ حالىق ساقشىلارى كەڭەس سۇراۋ مىنبەسىن قۇرۋ، كورمە تاقتاسىن شىعارۋ، ۇگىت قاعازىن تاراتۋ، زاڭ سۇراۋىنا سول جەردىڭ وزىندە جاۋاپ بەرۋ سياقتى فورمالار ارقىلى زاڭ جالپىلاستىرۋ قيمىلىن ورىستەتىپ، بۇقاراعا نەگىزگى زاڭ، مەملەكەت حاۋىپسىزدىگى زاڭى، لاڭكەستىككە قارسى تۇرۋ زاڭى جانە تەلەگراف الدامكوستىگىنەن ساقتانۋ سياقتى ۇگىت ماتەريالدارىن تاراتىپ، قاتىستى زاڭدىق بىلىمدەردى ءتۇسىندىرىپ، قالىڭ بۇقارانى دۇرىس مەملەكەت حاۋىپسىزدىگى كوزقاراسىن ورناتۋعا، مەملەكەت حاۋىپسىزدىگىن وزىمىزدەن باستاۋدى سانالىلىقپەن ورىنداۋعا، مەملەكەت حاۋىپسىزدىگىن قورعاۋدا بارلىق ادامنىڭ جاۋاپكەرشىلىگى بولۋعا تاربيەلەدى جانە جەتەكتەدى.
