انار بۇلت / شينجياڭ گازەتىنىڭ ءتىلشىسى شى شين 4 - ايدىڭ 14 - كۇنى ۇرىمجىدەن حابارلايدى. 4 - ايدىڭ 14 - كۇنى اشىلعان «اۆتونوميالى رايوننىڭ ”10 ءىرى كاسىپ سالاسىن“ دامىتۋدى قولداۋ پىكىرىنە» تۇسىنىك جاساۋ جونىندەگى اقپار جاريالاۋ ماجىلىسىنەن ۇعىسۋعا قاراعاندا، اۆتونوميالى رايوننىڭ ەكونوميكالىق، قوعامدىق دامۋ كەلەلى جاعدايىنا ءتىپتى دە ويداعىداي قىزمەت وتەۋ ءۇشىن، «مەملەكەتتىك سالىق ىستەرى باس مەكەمەسى شينجياڭ ۇيعۇر اۆتونوميالى رايوندىق سالىق ىستەرى مەكەمەسىنىڭ اۆتونوميالى رايوننىڭ ”10 ءىرى كاسىپ سالاسىن“ دامىتۋدى قولداۋ پىكىرى» (تومەندە قىسقارتىلىپ «پىكىر» دەلىنەدى) شىعارىلىپ، 17 تارماق ناقتى شارا ارقىلى ”10 ءىرى كاسىپ سالاسىن“ دامىتۋدى، زورايتۋدى قولداپ، ”10 ءىرى كاسىپ سالاسىنا“ قىزمەت وتەۋ ورەسىن جوعارىلاتقان.
اۆتونوميالى رايوندىق سالىق ىستەرى مەكەمەسىنىڭ اقپارات مالىمدەمەشىسى، پارتكوم مۇشەسى، ورىنباسار مەكەمە باستىعى ساي زىيىڭ تانىستىرىپ بىلاي دەدى: ”14 - بەسجىلدىق“ مەزگىلىندە شينجياڭنىڭ مۇناي، مۇناي حيميا، كومىر، كومىر حيميا ونەركاسىبى، ەلەكتر قۋاتى، توقىماشىلىق، كيىم - كەشەك، ەلەكترون ونىمدەرى، جەمىس ورمانى، اۋىل شارۋاشىلىق قوسىمشا ونىمدەرىن مانەرلەۋ، نان، ءجۇزىم اراعى، ساياحات كاسىپ سالاسىن دامىتۋعا دەم بەرىپ، وسى زامانعى كاسىپ سالاسى جۇيەسىن قۇرۋدى جەدەلدەتۋ ءۇشىن، اۆتونوميالى رايوندىق سالىق ىستەرى مەكەمەسى «پىكىردى» جاساپ شىعارىپ، سالىق ىستەرى قىزمەت وتەۋىنىڭ قولايلىلانۋ، زەردەلىلەنۋ، دارالانۋ دەڭگەيىن جاپپاي جوعارىلاتىپ، بازاردىڭ تۇلعالىق ومىرشەڭدىك كۇشى مەن دامۋ ىشكى قوزعاۋشى كۇشىن ونان ارى تۋىنداتتى.
«پىكىردە» سالىق - اقىدا تيىمدىلىك جاساۋ ساياساتىن تياناقتاندىرىپ، ”10 ءىرى كاسىپ سالاسىن“ دامىتۋدى، زورايتۋدى قولداپ، سالىق تاپسىرۋعا قىزمەت وتەۋ شارالارىنىڭ دارەجەسىن ءوسىرىپ، ”10 ءىرى كاسىپ سالاسىنا“ قىزمەت وتەۋ ورەسىن جوعارىلاتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، ساپالى سالىق جيۋ، شارۋاشىلىق - ساۋدا ورتاسىن جاراتۋ سياقتى جاقتارداعى 17 تارماق ناقتى شارا العا قويىلدى.
ۇعىسۋعا قاراعاندا، 17 تارماق ناقتى شارانىڭ ىشىندە سالىق تولەۋشى، اقى تاپسىرۋشىنىڭ تۇرعىسىندا تۇرىپ، ءبىرشاما كوپ نازار اۋدارىلاتىن مازمۇندار نەگىزىنەن تومەندەگى 4 جاقتان بەينەلەنگەن: تياناقتاندىرۋ ”دالمە - دالدىگىن“ جوعارىلاتىپ، ساياساتتىڭ توتە جەتىپ، يگىلىككە جاراۋىنا شىنايى كەپىلدىك ەتۋ؛ ”ساندى مالىمەت ارقىلى سالىقتى جونگە سالۋدى“ جەبەپ، سالىق جيۋ ۇلكەن ساندى مالىمەتىنىڭ ”ناقتى قامبا“ رولىن ساۋلەلەندىرۋ؛ قىزمەت وتەۋ شارالارىنىڭ دارەجەسىن ءوسىرىپ، ارناۋلى سالىق ىستەرىن ءبىتىرۋدى سەزىنۋ قىزمەتىن تۇلعالاۋ؛ باسقارۋ فورماسىنا بۇرىلىس جاساپ، سالىق ىستەرىن باقىلاۋ - باسقارۋدى دالمە - ءدال جۇرگىزۋ.
