حالىق گازەتى اۆتورلى ماقالا جاريالادى
«العاشقى قادامدى جاقسى باسىپ، ىرىقتىلىق شايقاسىن ويداعىداي جۇرگىزەيىك − باس شۋجي شي جينپيڭنىڭ ەلەۋلى حاۋىپ - قاتەرلەردەن ساقتانۋ جانە ونى جويۋ جونىندەگى ماڭىزدى بايىمداۋلارىنا جالپى شولۋ»
شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى. 4 - ايدىڭ 15 - كۇنى باسپادان شىققان حالىق گازەتى اۆتورلى ماقالا جاريالادى، تاقىرىبى «العاشقى قادامدى جاقسى باسىپ، ىرىقتىلىق شايقاسىن ويداعىداي جۇرگىزەيىك − باس شۋجي شي جينپيڭنىڭ ەلەۋلى حاۋىپ - قاتەرلەردەن ساقتانۋ جانە ونى جويۋ جونىندەگى ماڭىزدى بايىمداۋلارىنا جالپى شولۋ».
”ءبىز پارتيا قۇرىلعاندىعىنىڭ 100 جىلدىعى سىندى ماڭىزدى كەزەڭدى مىقتى ۇستاپ، كوپتەگەن جاڭا تاريحي ەرەكشەلىككە يە ۇلى كۇرەستى شىعار ءتۇيىن ەتىپ، پارتيانىڭ تۇرلىشە تاريحي كەزەڭدەردەگى حاۋىپ - قاتەرگە، سىن - سايىستارعا ءساتتى توتەپ بەرۋدەگى مول تاجىريبەلەرىن قورىتىندىلاپ، پايدالانىپ، ءبىرشاما ۇزاق ۋاقىتتا سىرتقى ورتاداعى وزگەرىستەرگە توتەپ بەرۋدىڭ يدەيالىق دايىندىعى مەن قىزمەت دايىندىعىن ويداعىداي ىستەپ، كۇرەس تانىمىن ۇزدىكسىز كۇشەيتىپ، كۇرەس تاجىريبەلەرىن بايىتىپ، كۇرەس قابىلەتىن ءوسىرىپ، ەل باسقارۋ قابىلەتى مەن دەڭگەيىن ۇزدىكسىز جوعارىلاتىپ، ەڭ ناشار جاعىنان كوز جىبەرىپ، ەڭ كەمەلدى دايىندىق جاساپ، جاقسى جاققا قاراي قۇلشىنىپ، ەڭ تاماشا ناتيجەگە قول جەتكىزۋىمىز كەرەك“. بيىل 2 - ايدىڭ 20 - كۇنى باس شۋجي شي جينپيڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا اتاپ كورسەتتى.
ماقالادا بىلاي دەپ اتاپ كورسەتىلدى: پارتيا 18 - قۇرىلتايىنان بەرى قۇبىلمالى حالىقارالىق جاعداي، كۇردەلى دە كىلتەڭ توڭىرەكتىك ورتا، ماشاقاتتى دا اۋىر رەفورما، دامۋ، ورنىقتىلىق مىندەتتەرى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى تومەنگى شەكتە ويلاۋدان جازباي، تاۋقىمەت تانىمىن كۇشەيتىپ، ساقتانۋ - تىزگىندەۋ قابىلەتىن جوعارىلاتىپ، ەلەۋلى حاۋىپ - قاتەرلەردەن ساقتانۋ جانە ونى جويۋعا كۇش سالىپ، ەكونوميكانىڭ ءۇرتىس اقاۋسىز دامۋى مەن قوعامدىق كەلەلى جاعدايدىڭ ورنىقتىلىعىن ساقتادى.
دامۋ مەن حاۋىپسىزدىكتى ءبىر تۇتاس جوسپارلاپ، تاۋقىمەت تانىمىن كۇشەيتىپ، زەينەتتى كۇندە بەينەتتى كۇننىڭ بولارىن ويلاۋ − پارتيامىزدىڭ ەل باسقارۋداعى كەلەلى پرينسيبى؛ حاۋىپ - قاتەرلەردەن، سىن - سايىستاردان ءونىمدى ساقتانىپ جانە ونى جويىپ، سوتسياليستىك وسىزامانداندىرۋ ىستەرىنىڭ ءساتتى ىلگەرىلەۋىنە شىنايى كەپىلدىك ەتۋ؛ ەلەۋلى ىندەت پەن توسىن تۋىلاتىن الەۋمەتتىك دەنساۋلىق ساقتاۋ حاۋىپ - قاتەرلەرىنەن ساقتانۋ جانە ونى جويۋ مەملەكەتتىڭ دامۋى مەن حاۋىپسىزدىگىنە سايادى، قوعامدىق ساياسي كەلەلى جاعدايىنىڭ ورنىقتىلىعىنا سايادى؛ جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ءتۇزىمنىڭ كۇش - قۇدىرەتىنەن پايدالانىپ، حاۋىپ - قاتەرلەردىڭ، سىن - سايىستاردىڭ سوققىسىنا توتەپ بەرۋ؛ كۇرەسكەرلىك رۋحتى اسقاقتاتىپ، كۇرەسكەرلىك قابىلەتتى جوعارىلاتىپ، ۇلى كۇرەستىڭ جاڭا جەڭىستەرىنە ۇزدىكسىز قول جەتكىزۋ؛ ەلەۋلى حاۋىپ - قاتەرلەردەن ساقتانۋ جانە ونى جويۋ − ءار دارەجەلى پارتكومداردىڭ، ۇكىمەتتەردىڭ جانە باسشى كادرلاردىڭ ساياسي بورىشى... باس شۋجي شي جينپيڭنىڭ ەلەۋلى حاۋىپ - قاتەرلەردەن ساقتانۋ جانە ونى جويۋدى ارقاۋ ەتىپ جاريالاعان ءبىرسىپىرا ماڭىزدى بايىمداۋلارىنىڭ ءمانى زور، مازمۇنى باي، يدەياسى تەرەڭ، ءبىزدىڭ ەلەۋلى حاۋىپ - قاتەرلەردەن ساقتانۋ جانە ونى جويۋ قىزمەتتەرىن شىن مانىندە ويداعىداي ىستەپ، العا باسۋ جولىنداعى قيىندىقتاردى، حاۋىپ - قاتەرلەردى، بوگەتتەردى جەڭىپ، جاپپاي سوتسياليستىك وسىزاماندانعان مەملەكەت قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىنەن ايرىقشا ماڭىزدى مانگە يە.
ماقالادا بىلاي دەپ اتاپ كورسەتىلدى: ”دۇنيە توقتاۋسىز اينالادى، ادامدار تالىقپاي تالپىنۋ كەرەك“. ءبىر ۇلتتىڭ ۇلى بولۋىنىڭ نەگىزى ءارقانداي قيىنشىلىق پەن حاۋىپ - قاتەر الدىندا ەشقاشان دا ءۇمىت ۇزبەي، ارتقا شەگىنبەي، كىدىرىپ قالماي، قايىسپاس قايسارلىقپەن ءوز كەلەشەك تاعدىرى ءۇشىن كۇرەس جاساۋىندا. 5000 جىلدان استام وركەنيەت دامۋىنىڭ ماشاقاتى مەن نۇر شۇعىلاسىن باستان وتكەرگەن جۇڭگو حالقى مەن جۇڭحۋا ۇلتى، ءسوز جوق، جۇڭگو كوممۋنيستىك پارتياسىنىڭ باسشىلىعىندا، جاڭا داۋىردەگى ۇلى ساپاردا ۇدەرە العا تارتادى، ءارقانداي حاۋىپ - قاتەر، سىن - سايىس جۇڭگو حالقىنىڭ اناعۇرلىم تاماشا تۇرمىستى جۇزەگە اسىرۋ ءۇشىن العا باسقان قادامىن بوگەي المايدى، ءارقانداي حاۋىپ - قاتەر، سىن - سايىس جۇڭحۋا ۇلتىنىڭ ۇلى گۇلدەنۋى سىندى تاريحى ۇدەرىستى بوگەي المايدى!
