شينحۋا اگەنتتىگىنىڭ 4 - ايدىڭ 14 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 14 - كۇنى تۇستەن كەيىن حالىق سارايىندا 29 مەملەكەتتىڭ جاڭادان تاعايىندالعان جۇڭگوداعى باس ەلشىلەرى تاپسىرعان مەملەكەت حاتىن قابىلدادى.
4 - ايداعى بەيجيڭ كوكتەمنىڭ شۇلەن شۇعىلاسىنا بولەنىپ تۇر. حالىق سارايىنىڭ سولتۇستىك قاقپاسىنىڭ سىرتىندا قۇرمەت قاراۋىلدارى ەكى جاققا رەتتى قاتار تۇزەپ، كەرنايشىلار كەرنايلارىن تارتىپ، ەلشىلەردى قارسى الدى.
ەلشىلەر حانبايۇي باسپالداعىمەن جوعارىعا كوتەرىلدى، «وتان وسىنشاما كورىكتى» اتتى ۇلكەن قابىرعا سۋرەت الدىندا رەت - رەتىمەن شي جينپيڭگە مەملەكەت حاتىن بەردى ءارى ءار ەل باسشىلارىنىڭ ءتوراعا شي جينپيڭگە جولداعان ىقىلاستى سالەمىن جەتكىزدى.
ولار مىنالار: اۋعانستاننىڭ جۇڭگوداعى باس ەلشىسى حايىم، گرەتسيانىڭ جۇڭگوداعى باس ەلشىسى يليوپوۋلوس، بوسنيا - گەرتسەگوۆينانىڭ جۇڭگوداعى باس ەلشىسى بۋكۋۆيچ، ماداگاسكاردىڭ جۇڭگوداعى باس ەلشىسى روبينسون، يتاليانىڭ جۇڭگوداعى باس ەلشىسى فاراري، شىعىس تيموردىڭ جۇڭگوداعى باس ەلشىسى سانتوس، ميكرونەزيا وداعىنىڭ جۇڭگوداعى باس ەلشىسى سيۆاس، سۋداننىڭ جۇڭگوداعى باس ەلشىسى جافار، ماۋريتيۋستىڭ جۇڭگوداعى باس ەلشىسى ۋاڭ چۇنۋان، نەپالدىڭ جۇڭگوداعى باس ەلشىسى پاندەي، پاكيستاننىڭ جۇڭگوداعى باس ەلشىسى حاك، مولدوۆانىڭ جۇڭگوداعى باس ەلشىسى بەللاكىش، دانيانىڭ جۇڭگوداعى باس ەلشىسى موەللەر، بەلگيانىڭ جۇڭگوداعى باس ەلشىسى گاۋياڭ، وماننىڭ جۇڭگوداعى باس ەلشىسى ناسىر، گامبيانىڭ جۇڭگوداعى باس ەلشىسى كينتەح، تاجىكستاننىڭ جۇڭگوداعى باس ەلشىسى سايىتزودا، انگليانىڭ جۇڭگوداعى باس ەلشىسى ۋ رولان، ۆەنەسۋەلانىڭ جۇڭگوداعى باس ەلشىسى پلاسەنكيا، جاپونيانىڭ جۇڭگوداعى باس ەلشىسى چۇيشيۋفۋ، وڭتۇستىك افريكانىڭ جۇڭگوداعى باس ەلشىسى سيابونگا، شريلانكانىڭ جۇڭگوداعى باس ەلشىسى كوحونا، بەلورۋسسيانىڭ جۇڭگوداعى باس ەلشىسى يوۋري، يرلانديانىڭ جۇڭگوداعى باس ەلشىسى اندەرۆين، يزرايلدىڭ جۇڭگوداعى باس ەلشىسى پان چيرۇي، گۆينەيا - بيساۋدىڭ جۇڭگوداعى باس ەلشىسى ەمبالو، چاۋشياننىڭ جۇڭگوداعى باس ەلشىسى لي لۇڭنان، يراقتىڭ جۇڭگوداعى باس ەلشىسى ءسايد، ارگەنتينانىڭ جۇڭگوداعى باس ەلشىسى نارۆاجا. بىرلەسكەن مەملەكەتتەر ۇيىمى جۇيەسىنىڭ جاڭادان تاعايىندالعان جۇڭگوداعى سايكەستىرۋشىسى چاڭ چيدى تاعايىنداۋ حاتىن بەردى.
شي جينپيڭ ولارمەن بىرگە توپتىق سۋرەتكە ءتۇستى ءارى ءسوز سويلەدى.
شي جينپيڭ ەلشىلەرگە ءار ەل باسشىلارىنا دەگەن تاماشا تىلەگىن جەتكىزۋدى تاپسىردى. شي جينپيڭ بىلاي دەپ اتاپ كورسەتتى: وتكەن ءبىر جىلدا جۇڭگو حالقى ءار ەل حالقىمەن بىرگە قيىندىقتى بىلەك بىرىكتىرە جەڭىپ، جاڭا تيپتى ايدارشا ۆيرۋس وكپە قابىنۋ ىندەتىنە بىرگە قارسى اتتانىپ، حالىقارالىق دوستىق سەلبەستىكتىڭ جاڭا تاراۋىن جازدى. بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى ءارى جۇڭگونىڭ ”14 - بەسجىلدىق“ جوبانى اتقارعان، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاعان ءبىرىنشى جىل. جۇڭگو جاڭا دامۋ ۇستانىمىن باتىل دايەكتىلەندىرىپ، جاڭا دامۋ ارناسىن بەلسەنە قالىپتاستىرىپ، جۇڭگونىڭ دامۋىنىڭ ءار ەل حالىقتارىنا اناعۇرلىم جاقسى تيىمدىلىك جەتكىزۋىنە مۇمكىندىك جاسايدى. بيىل ءارى جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنىن قالپىنا كەلتىرگەندىگىنىڭ 50 جىلدىعى، دۇنيە جۇزىلىك ساۋدا ۇيىمىنا كىرگەندىگىنىڭ 20 جىلدىعى. جۇڭگو جاق ءار ەلمەن بىرگە كوپ جاقتىلىقتى باتىل قولداپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى جانە حالىقارالىق زاڭدى نەگىز ەتكەن حالىقارالىق ءتارتىپتى قورعاپ، كوپ جاقتى ساۋدا ءتۇزىلىسىن باتىل قورعاپ، الەمدىك جونگە سالۋ جۇيەسى قۇرىلىسىن باتىل ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. بەيجيڭ قىسقى وليمپيادا جارىسى كەلەر جىلى وتكىزىلەدى. ءبىز ءار جاقتىڭ بەلسەنە قولداۋىندا جانە ات سالىسۋىندا ىندەتتىڭ ىقپالىن جەڭىپ، ءبىر رەتكى ۇنەمشىل، حاۋىپسىز، تارتىمدى وليمپيادا سالتاناتتى جينالىسىن وتكىزۋگە سەنىمىمىز بار.
شي جينپيڭ بىلاي دەپ باسا دارىپتەدى: جۇڭگو حالقى تاريحتان دوستىقتى قاستەرلەيدى، بەيبىتشىلىكتى سۇيەدى، تەڭ تۇرعىدا ءوزارا پايدا جەتكىزۋ نەگىزىندە ءار ەل حالقىمەن دوستىقتى تەرەڭدەتۋدى، ءوزارا سەنىمدىلىكتى ارتتىرۋدى، سەلبەستىكتى كەڭەيتۋدى، ”ءبىر بەلدەۋ، ءبىر جولدى“ جوعارى ساپادا بىرگە قۇرۋدى قالايدى. ەلشىلەردىڭ ەكى جاقتى قارىم - قاتىناستى دامىتۋ جانە بىرلەسكەن مەملەكەتتەر ۇيىمىنىڭ جۇڭگومەن سەلبەستىگىن ىلگەرىلەتۋ جولىندا بەلسەنە ۇلەس قوسۋلارىن ءۇمىت ەتەمىن.
ۋاڭ ي جوعارىداعى قيمىلعا قاتىناستى.
