تيانشان تورى
تيانشان تورى   ›   جاڭالىقتار   ›   شينجياڭ حابارلارى

ءبىزدىڭ تاماشا تۇرمىسقا ۇمتىلۋ قادامىمىز ءتىپتى دە بەكەمدەلە ءتۇستى

اقتاۋ اۋداندىق پارتكومنىڭ ورىنباسار شۋجيى، اۋدان اكىمى قاليبەت مامەتتۇرعان

  جۋىقتا M&H شىندىقپەن ساناسپاي، اق پەن قارانى شاتاستىرىپ، ساندىراق مالىمەت جاريالاپ، ايتىلمىس ”زورلىقپەن ەڭبەككە سالدى“ دەگەندى سىلتاۋ ەتىپ، شينجياڭ ماقتاسىن شەكتەدى، مۇنىسى توتەنشە كۇلكىلى، كىسىنىڭ زىعىردانىن قايناتادى.

  بارشاعا ايان، شينجياڭنىڭ ۇزىن تالشىقتى ماقتاسى جىلىلىعىمەن، اۋا وتكىزگىشتىگىمەن، جايلىلىعىمەن تانىمال، جىل بويى قاجەتتى قامداي الماي كەلەدى. دۇنيە جۇزىندەگى ەڭ ۇلكەن ماقتا تۇتىنۋشى ەل، 2 - ءىرى ماقتا ءوندىرۋشى ەل رەتىندە، ەلىمىزدىڭ 2020 − 2021 جىلدىق ماقتا ءوندىرىسى شامامەن 5 ميلليون 950 مىڭ تونناعا جەتىپ، جىلدىق جەتىسپەۋ مولشەرى ءبىر ميلليون 850 مىڭ توننا بولدى، بىلايشا ايتقاندا، ەلىمىزدىڭ ماقتاسى وزىمىزگە دە جەتپەي جاتىر دەگەن ءسوز. مەن بالا كۇنىمدە كوپتەگەن ادامداردىڭ وزدىكتەرىنەن بارىپ ماقتا تەرەتىنىن، ماقتا ەگەتىن وتباسىلاردىڭ ولارعا جوعارى ەڭبەكاقى تولەپ قانا قويماي، ولاردى جاتىن ورىنمەن، ىشەر اسپەن قامدايتىنىن كورگەن ەدىم. تەحنيكانىڭ ۇزدىكسىز دامۋىنا ىلەسە، شينجياڭنىڭ ماقتا ءوندىرىسى جوعارى دەڭگەيدە ماشينالانۋدى جۇزەگە اسىرىپ، ءتىپتى، ماقتا تەرۋدىڭ قاربالاس كەزدەرىندە دە قىرۋار ماقتا تەرۋشىنى قاجەت ەتپەيتىن بولدى. امەريكاداعى، باتىستاعى جۇڭگوعا قارسى كۇشتەردىڭ ايتىلمىس ”زورلىقپەن ەڭبەككە سالدى“ ماسەلەسىن ويدان قۇراستىرىپ شىعۋى بارىپ تۇرعان ساندىراق.

  شينجياڭنىڭ الاڭسىز، جاراسىمدى، گۇلدەنىپ - كوركەيگەن، دامىعان تاماشا جاعدايى وڭايلىقپەن قولعا كەلگەن جوق، شينجياڭداعى ءار ۇلت حالقى مۇنى ەرەكشە قورعايدى، بارىنشا قاستەرلەيدى، سىرتقى كۇشتەردىڭ دورەكىلىكپەن كيلىگۋىنە استە جول بەرمەيدى. ءتۇرلى كەدەرگىلەر مەن ءبۇلدىرۋ شينجياڭداعى ءار ۇلت كادر جۇرتشىلىعىنىڭ قوعامنىڭ ورنىقتىلىعىن قورعاۋ بەكىمىن جانە تاماشا تۇرمىسقا تالپىنۋ قادامىن ونان ارى بەكەمدەي تۇسەدى، ءبىزدى ونان ارى ءبىر نيەتپەن ىنتىماقتاستىرا تۇسەدى. ءبىزدىڭ باقىتتى تۇرمىسىمىزدى بۇلدىرۋگە ۇرىنعان ءارقانداي ەسەك دامە استە ىسكە اسپايدى!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.