تيانشان تورى   ›   جاڭالىقتار   ›   شينجياڭ حابارلارى

جەلبىرەگەن قىزىل تۋ

 1949 - جىلى

  3 - ايدا پارتيا 7 - كەزەكتى ورتالىق كوميتەتىنىڭ ەكىنشى جالپى ءماجىلىسى اشىلدى. پارتيا ورتالىق كوميتەتى شينجياڭدى ازات ەتۋ جونىندە تىڭعىلىقتى ورنالاستىرۋ جاساپ، قارۋلى كۇشپەن شەشۋدەن ۋاز كەشپەۋ العى شارتىندا شينجياڭدى بەيبىت ازات ەتۋگە قۇلشىنۋدى، ۋاڭ جىندى اسكەري ءبولىمدى باستاپ شينجياڭعا جورىق جاساۋعا جىبەرۋدى ۇيعاردى.

  7 - ايدا پارتيا ورتالىق كوميتەتى ماسكەۋدەگى ليۋ شاۋچيگە تەلەگرامما جولداپ، سوۆەت وداعىنا ساپارلاي بارعان ۋاكىلدەر ۇيىرمەسىنەن ادام سەپتەپ، شينجياڭعا تىكە كىرۋدى حابارلاندىردى. 8 - ايدا سوۆەت وداعىنىڭ كومەگىندە، جۇڭگو كوممۋنيستىك پارتياسى ورتالىق كوميتەتىنىڭ بايلانىسشىسى دىڭ ليچۇن شينجياڭنىڭ قۇلجاسىنا استىرتىن جەتىپ، ”ليچۇن راديو ستانسياسىن“ قۇردى.

  8 - ايدىڭ 21 - كۇنى حالىق ازاتتىق ارمياسى 1 - دالالىق سوعىس ارمياسىنىڭ 2 - ، 19 - بيڭتۋانى لانجوۋدى قورعاپ تۇرعان قوسىنعا شابۋىل باستادى. 5 كۇن قيان - كەسكى شايقاس جۇرگىزۋ ارقىلى 8 - ايدىڭ 26 - كۇنى گومينداڭنىڭ باتىس سولتۇستىكتەگى اسكەري اكىمشىلىك ءمانساپتىلارى مەكەمەسىنىڭ تۇرعان ورنى لانجوۋعا شابۋىل جاساپ، ما بۋفاڭنىڭ نەگىزگى كۇشىنەن 27 مىڭنان استام ادامدى جويىپ، شينجياڭدى، نيڭشيانى ازات ەتۋدەگى قاقپانى اشتى.

  9 - ايدىڭ 10 - كۇنى جاڭ جىجۇڭ ماۋ زىدۇڭنىڭ نۇسقاۋىنا ساي، تاۋ جىيۋەگە تەلەگرامما جولداپ، شينجياڭنىڭ بەيبىت اقيقاتقا قايتۋ ماسەلەسىن جوسپارلاۋ جونىندە 9 ءتۇرلى پىكىردى العا قويدى. دىڭ ليچۇن 9 - ايدىڭ 15 - كۇنى ديحۋاعا ۇشاقپەن استىرتىن جەتىپ، تاۋ جىيۋەمەن، بۇرھان شاھيدىمەن جولىعىپ، جاڭ جىجۇڭنىڭ تەلەگرامماسىن تابىستاپ، پارتيا ورتالىق كوميتەتىنىڭ شينجياڭ ماسەلەسىن بەيبىت شەشۋ باعىتىن، ساياساتىن جەتكىزدى.

  9 - ايدىڭ 21 - كۇنى حالىق ازاتتىق ارمياسى 1 - ، 2 - بيڭتۋاندارى جاڭيەدە كەزدەسىپ، قالىڭ قول يۇيمىنگۋانعا كەلىپ، شينجياڭ قاقپاسىنا جەتىپ، شينجياڭنىڭ بەيبىت ازات بولۋىنا ءتيىمدى شارت - جاعداي جاراتتى.

     9 - ايدىڭ 27 - كۇنى شينجياڭ ولكەلىك ۇكىمەتى بەيبىت ازات بولۋ جينالىسىن شاقىردى ءارى بۇكىل شينجياڭنىڭ جەر-جەرىنە تەلەگرامما جولدادى. دىڭ ليجۇن، تاۋ جىيۋە جينالىسقا قاتىناستى ءارى ءسوز سويلەدى.

  كەڭەيتىپ وقۋ

  1 - دالالىق سوعىس ارمياسى 1 - بيڭتۋانىنىڭ سىليڭيۋانى ۋاڭ جىن جيۋچۋاندا شينجياڭعا شەرۋ تارتۋدى ورنالاستىرۋدا.

  كەڭەيتىپ وقۋ

  9 - ايدىڭ 25 - كۇنى گومينداڭ شينجياڭ گارنيزونىنىڭ باس سىليڭيۋانى تاۋ جىيۋە تەلەگرامما جولداپ اقيقاتقا قايتتى. 9 - ايدىڭ 26 - كۇنى گومينداڭ شينجياڭ ولكەسىنىڭ ءتوراعاسى بۇرھان شاھيدى تەلەگرامما جولداپ اقيقاتقا قايتتى.

  

  تاۋ جىيۋە

  بۇرھان

  1949 - جىلى 9 - ايدىڭ 29 - كۇنى حالىق گازەتىنىڭ 1 - بەتىنە تاۋ جىيۋەنىڭ، بۇرھاننىڭ تەلەگرامما جولداپ اقيقاتقا قايتقان حابارى جانە ءتوراعا ماۋ زىدۇڭنىڭ، باس قولباسشى جۋ دىنىڭ قايتارعان تەلەگرامماسى باسىلدى.

  10 - ايدىڭ 1 - كۇنى جۇڭحۋا حالىق رەسپۋبليكاسى قۇرىلدى.

  كەڭەيتىپ وقۋ

  10 - ايدىڭ 2 - كۇنى ديحۋاداعى ءار ۇلت، ءار سالا بۇقاراسىنان 10 مىڭنان استام ادام الاڭعا جينالىپ، جۇڭحۋا حالىق رەسپۋبليكاسى قۇرىلعاندىعىن قىزۋ قۇتتىقتادى. تاۋ جىيۋە، بۇرھان شاھيدى ءسوز سويلەدى، دىڭ ليچۇن جۇڭگو كوممۋنيستىك پارتياسى ورتالىق كوميتەتىنىڭ بايلانىسشىسى سالاۋاتىمەن جينالىسقا قاتىناستى.

  10 - ايدىڭ 12 - كۇنى جۇڭگو كوممۋنيستىك پارتياسى ورتالىق كوميتەتى شينجياڭدا پارتيانىڭ باسشىلىق ورگانى − جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسىن قۇرۋدى ۇيعاردى، ۋاڭ جىن شۋجي بولدى.

  10 - ايدا حالىق ازاتتىق ارمياسىنىڭ 1 - بيڭتۋانى شينجياڭعا قاراي اتتاندى، 10 - ايدىڭ 20 - كۇنى الدىڭعى اسكەري ءبولىم ولكە ورتالىعى ديحۋاعا جەتتى. 2 - ، 6 - ارميا 1950 - جىلى 1 - ايدىڭ 20 - كۇنىنەن بۇرىن شينجياڭنىڭ جەر - جەرىنە جايعاسىپ، قىزىل تۋدى بۇكىل تيانشان الابىنا تىكتى.

  كەڭەيتىپ وقۋ

  1949 - جىلى 10 - ايدىڭ 20 - كۇنى ءار ۇلت قالا تۇرعىندارى ازاتتىق ارميا ساۋىتتى اۆتوموبيل بولىمدەرىنىڭ ديحۋاعا كەلگەندىگىن قارسى الدى.

  11 - ايدىڭ 14 - كۇنى ءتوراعا ماۋ زىدۇڭ پىڭ دىحۋايعا جانە جۇڭگو كوممۋنيستىك پارتياسى ورتالىق كوميتەتى باتىس سولتۇستىك بيۋروسىنا تەلەگرامما جولداپ بىلاي دەپ نۇسقاۋ بەردى: بارلىق قىزمەت بارىسىندا ۇلتتاردىڭ تەڭدىگى مەن ۇلتتار ىنتىماعى ساياساتىنا تاباندى بولۋدان سىرت، از ۇلت كادرلارىن زور مولشەردە قابىلداۋعا جانە باۋلۋعا دا كوڭىل ءبولۋ كەرەك.

  كەڭەيتىپ وقۋ

  ماۋ زىدۇڭ چيڭحاي، گانسۋ، شينجياڭ، نيڭشيا، شانشي ولكەلەرىنىڭ ولكەلىك كوميتەتتەرىنە جانە بارلىق از ۇلتتار تىرشىلىك ەتكەن جەرلەردەگى جەرگىلىكتى پارتكومدارعا از ۇلت كادرلارىن باۋلۋ كۋرسىن نەمەسە كادرلاردى باۋلۋ مەكتەپتەرىن اشۋ جونىندە نۇسقاۋ بەردى. اسىرەسە، ”از ۇلتتان شىققان قىرۋار كوممۋنيزم كادرلارى بولماعاندا ۇلت ماسەلەسىن تۇبەگەيلى شەشۋ، ۇلتتىق كەرتارتپاشىلاردى بۇكىلدەي وقشاۋلاۋ مۇمكىن ەمەس“، - دەپ باسا دارىپتەپ اتاپ كورسەتتى.

  12 - ايدىڭ 6 - كۇنى شينجياڭ گازەتى مەكەمەسى مەن شينحۋا اگەنتتىگىنىڭ شينجياڭ بولىمشەسى بىرلەسىپ حابارلاندىرۋ جاريالاپ: حالىقتىڭ شينجياڭ گازەتى (حانزۋشا باسىلىمى) شىققاندىعىن؛ شينحۋا اگەنتتىگىنىڭ شينجياڭ بولىمشەسىنىڭ رەسمي قۇرىلعاندىعىن جاريالادى. شينجياڭ گازەتى وسىدان باستاپ جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسىنىڭ ورگان گازەتىنە اينالدى.

  كەڭەيتىپ وقۋ

  1949 - جىلى 12 - ايدىڭ 6 - كۇنى شينجياڭ گازەتى شىقتى.

  12 - ايدىڭ 17 - كۇنى شينجياڭ ولكەلىك حالىق ۇكىمەتى، شينجياڭ اسكەري رايونى قۇرىلعاندىعىن جاريالادى، بۇرھان شاھيدى ۇكىمەت ءتوراعاسى بولدى، پىڭ دىحۋاي اسكەري رايوننىڭ سىليڭيۋانى، قوسىمشا جىڭۋيى بولدى.

  كەڭەيتىپ وقۋ

  1949 - جىلى 12 - ايدىڭ 17 - كۇنى پىڭ دىحۋاي، ۋاڭ جىن، جاڭ جىجۇڭ، تاۋ جىيۋە قاتارلىلار ديحۋادا اسكەري ءبولىمدى كوزدەن كەشىرۋدە.

  12 - ايدىڭ 20 - كۇنى گومينداڭنىڭ شينجياڭداعى اقيقاتقا قايتقان اسكەري بولىمدەرى جۇڭگو حالىق ازاتتىق ارمياسىنىڭ 22 - بيڭتۋانى بولىپ وزگەرتىلىپ قۇرىلدى.

  12 - ايدىڭ سوڭىندا شينجياڭ بولىمشە بيۋروسى سايپيدين ازەز (ۇيعۇر)، بۇرھان شاھيدى (ۇيعۇر)، چىن شيحۋا (حانزۋ)، جاۋ دىلين (سىبە) سياقتى 15 ادامدى پارتياعا قابىلدادى. ولار پارتيانىڭ شينجياڭداعى ءار ۇلت اراسىنان قابىلداعان 1 - توپتاعى پارتيا مۇشەلەرى.

  اۆتونوميالى رايوندىق پارتكوم پارتيا تاريحى جانە حۇجات زەرتتەۋ مەكەمەسى قامداعان

  انار بۇلت / شينجياڭ گازەتىنىڭ ءتىلشىسى فان حۇڭ - ي رەتتەگەن

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.