تيانشان تورى
تيانشان تورى   ›   جاڭالىقتار   ›   شينجياڭ حابارلارى

جەلبىرەگەن قىزىل تۋ

1950-جىلى

  1 - ايدىڭ 21 - كۇنى ءتوراعا ماۋ زىدۇڭنىڭ 1950 - جىلعى ارميانىڭ وندىرىسكە قاتىناسۋ جونىندەگى نۇسقاۋىن اتقارۋ ءۇشىن، شينجياڭ اسكەري رايونى بۇيرىق جاريالاپ، بۇكىل شينجياڭداعى اسكەري بولىمدەردەن 110 مىڭ ادامدى اۋىل شارۋاشىلىق وندىرىسىنە قاتىناسۋعا جۇمىلدىرىپ، 1950 - جىلى 600 مىڭ مۋ تىڭ جەر اشۋ، 50 مىڭ توننا استىق، 1800 توننا ماقتا ءوندىرۋ مىندەتىن ورىنداۋدى تالاپ ەتتى.

  جاۋىنگەرلەر ناننيۋان رۋحىن اسقاقتاتىپ، بەتپاق دالادا اسكەري تىڭ يگەرۋدىڭ تۇڭعىش سوقاسىن سالدى.

  كوكتەم شينجياڭدا تۇراتىن حالىق ازاتتىق ارمياسى تيانشان الابىندا سۋ يگىلىگىن كوركەيتۋ، وڭاۋ، تىڭ يگەرىپ ەگىن سالۋ دابىرالى ۇلكەن ءوندىرىس ناۋقانىن كوتەردى.

  4 - ايدىڭ 1 - كۇنى ءتوراعا ماۋ زىدۇڭنىڭ 1949 - جىلى 11 - ايدا باتىس سولتۇستىك ۇلت قىزمەتى جونىندەگى نۇسقاۋىنا جانە شينجياڭنىڭ 3 جىلدا جەرگىلىكتى ورىننان 10 مىڭ ۇلتتىق كادردى باۋلىپ شىعۋ كەرەك دەگەن نۇسقاۋى نەگىزىندە، جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسىنىڭ تىكە باسشىلىعىنداعى بولىمشە بيۋرونىڭ جەرگىلىكتى ورىنداعى كادرلاردى جاتتىقتىرۋ كۋرسى 1 - مەرزىمدىك وقۋ باستاۋ سالتىن وتكىزدى.

  كەڭەيتىپ وقۋ

  وسى جاتتىقتىرۋ كۋرسى قۇرىلىپ جارتى جىلدان كەيىن جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسىنىڭ كادرلار مەكتەبى بولىپ وزگەرتىلدى، 1954 - جىلى 1 - ايدا جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسىنىڭ پارتيا مەكتەبى بولىپ وزگەرتىلدى، 1955 - جىلى 10 - ايدا اۆتونوميالى رايوندىق پارتكوم پارتيا مەكتەبى بولىپ وزگەرتىلدى.

  1950 - جىلى ۇلتتىق كۋرسانتتار جەر مايىن ازايتۋ، زورەكەرلىككە قارسى تۇرۋ جونىندەگى باۋلۋعا، ۇيرەنۋگە قاتىناستى.

  5 - ايدىڭ 26 - كۇنىنەن 31 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسىنىڭ 1 - كەزەكتى ۋاكىلدەر ءماجىلىسى ديحۋادا اشىلدى.

  6 - ايدىڭ 21 - كۇنى پىڭ دىحۋاي، شي جۇڭشۇن، گان سىچي شينجياڭ اسكەري رايونىنىڭ باندىلاردى الاستاۋ اسكەري بولىمىندەگى بارلىق كوماندير - جاۋىنگەرلەرگە تەلەگرامما جولداپ، باندىلاردى الاستاۋ مىندەتىن داڭقپەن ورىنداعاندىقتارىن قۇتتىقتادى ءارى حال سۇرادى.

  كەڭەيتىپ وقۋ

  شينجياڭنان گانسۋدىڭ دۇنحۋاڭىنا، انشي وڭىرىنە دەيىن قاشىپ بارعان وسپان، يولۋاس سياقتى از ساندى قالدىق باندىلار كەيىن كەلە شينجياڭ، گانسۋ اسكەري بولىمدەرىنىڭ بىرلەسىپ الاستاۋى ارقىلى 11 - ايدا تۇگەلدەي جويىلدى، وسپان 1951 - جىلى 2 - ايدا گانسۋدا تۇتقىندالدى، سونىمەن وسپان، يولۋاس بۇلىگى تۇگەلدەي تىنىشتاندىرىلدى.

  1951 - جىلى 2 - ايدىڭ 21 - كۇنى شينجياڭ گازەتىنىڭ ءبىرىنشى بەتىندە وسپاننىڭ تىرىدەي قولعا تۇسكەن حابارى حابارلاندى.

  استىق جەتىسپەۋ، سۋ تاپشى بولۋ جاعدايىندا باندىلاردى الاستاۋ اسكەري بولىمىندەگىلەر قۇربان تۇڭعىت شولىندە بۇلىكشى باندىلاردى ءىز قۋالاي سوققىلادى.

  7 - ايدا جۇڭگو كوممۋنيستىك پارتياسى ورتالىق كوميتەتى «شينجياڭ حالىق دەموكراتيالىق وداعى جانە شينجياڭنىڭ جەر مايىن ازايتۋ، جەر رەفورماسى ماسەلەسى جونىندەگى نۇسقاۋىن» جاريالادى.

  سول ايدا جۇڭگو كوممۋنيستىك پارتياسى ورتالىق كوميتەتىنىڭ شينجياڭ بولىمشە بيۋروسى ديحۋا، قاشقار، ىلە سىندى 3 رايوندىق پارتكومدى جانە ءارقايسى ايماقتىق پارتكومدى، ءارقايسى اۋداندىق پارتكومدى قۇرۋ قىزمەتىن تامامدادى. 1952 - جىلدىڭ سوڭىنا دەيىن ءار دارەجەلى جەرگىلىكتى پارتيا ۇيىمدارىن جانە ءار دارەجەلى حالىق اكىمياتىن قۇرۋ قىزمەتى تامامدالدى.

  8 - ايدىڭ 1 - كۇنى ماۋ زىدۇڭنىڭ نۇسقاۋى بويىنشا، شينجياڭ اسكەري رايونى دەربەس اتتى اسكەرلەر شىسى 1 - تۋانى 1 - ليانىن اتويشى ليان ەتىپ، شيزاڭنىڭ اليىنا جورىق جاساۋعا جىبەردى، 1951 - جىلى 6 - ايدىڭ 29 - كۇنى اليعا جورىق جاساۋ داڭقتى مىندەتىن جەڭىسپەن ورىندادى.

  شيزاڭعا كىرگەن اتويشى لياننىڭ جاۋىنگەرلەرى قىزىل تۋدى گيمالاي تاۋىنا قادادى.

  9 - ايدا جاڭا جۇڭگوداعى تۇڭعىش توپتاعى جۇڭگو - شەتەل بىرلەسىپ قارجىلاندىرعان كاسىپورىن − جۇڭگو - سوۆەت وداعى مۇناي جارنا شەكتى سەرىكتەستىگى مەن جۇڭگو - سوۆەت وداعى ءتۇستى جانە سيرەك كەزدەسەتىن مەتال جارنا شەكتى سەرىكتەستىگى شينجياڭدا قۇرىلدى.

  كەڭەيتىپ وقۋوسىمەن بىرگە سوۆەت وداعى شينجياڭعا كومەكتەسىپ ديحۋا شۇيموگوۋ ەلەكتر ستانسياسى، ۋيحۋلياڭ ەلەكتر ستانسياسى، وكتابر اۆتوموبيل جوندەۋ زاۆودى جانە شينجياڭ مەديتسينا شۋەيۋانى سياقتى نىسانداردى جوبالاۋعا كومەكتەستى، سول كەزدە سوۆوت وداعىنىڭ كوپتەگەن ماماندارى شينجياڭعا كەلىپ قۇرىلىس جۇرگىزۋگە كومەك كورسەتتى.

  ديحۋاداعى ەلەكتر ستانسياسىنىڭ ەلەكتر تاراتۋ سالتى.

  كۇز حالىق ازاتتىق ارمياسىنىڭ كوماندير - جاۋىنگەرلەرى ”ماقتا ەگۋ شەكتەلگەن ءوڭىر“ ماناس وزەنى الابىندا ماقتانى سىناق رەتىندە ەگىپ، مول ءونىم الىپ شاتتىققا شومدى. 1953 - جىلى ماناس وزەنى الابىندا 20 مىڭ مۋلىق ماقتا اتىزىنىڭ ورتاشا بىرلىك ءونىمى 200 كيلوگرامعا جەتىپ، بۇكىل ەل بويىنشا ماقتانىڭ جوعارى ءتۇسىم رەكوردىن جاڭالادى.

  سوۆەت وداعىنىڭ ماماندارى ماناس وزەنى الابىندا ماقتا ەگۋگە جەتەكشىلىك ەتتى.

  11 - ايدىڭ ورتا شەنىندە شينجياڭ امەريكا جيھانگەرلىگىنە قارسى تۇرىپ، چاۋشيانعا كومەكتەسۋ ۇگىت - تاربيە ناۋقانىن ورىستەتتى.

   اۆتونوميالى رايوندىق پارتكوم پارتيا تاريحى جانە حۇجات زەرتتەۋ مەكەمەسى قامداعان انار بۇلت / شينجياڭ گازەتىنىڭ ءتىلشىسى فان حۇڭ - ي رەتتەگەن

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.