«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا سويلەنگەن ءسوز
شينحۋا اگەنتتىگىنىڭ 4 - ايدىڭ 15 - كۇنى بەيجيڭنەن بەرگەن حابارى. 4 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 8 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى «جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا سويلەنگەن ءسوزى» جاريالانادى.
ماقالادا بىلاي دەپ باسا دارىپتەلدى: جۇڭگودا كوممۋنيستىك پارتيانىڭ پايدا بولۋى تەڭدەسسىز ۇلى بۇرىلىس بولدى. وسى تەڭدەسسىز ۇلى بۇرىلىس تاياۋ زاماننان كەيىن جۇڭحۋا ۇلتى دامۋىنىڭ باعىتى مەن ۇردىسىنە، جۇڭگو حالقى مەن جۇڭحۋا ۇلتىنىڭ بولاشاعى مەن تاعدىرىنا، دۇنيە ءجۇزى دامۋىنىڭ باعدارى مەن اۋقىمىنا تەرەڭ وزگەرىس جاسادى. ءبىز پارتيامىز قۇرىلعان ساتتەگى جۇڭگو كوممۋنيستەرىنىڭ كۇرەسكەرلىك رۋحىن ماڭگى ساقتاۋىمىز، حالىققا دەگەن ادال نيەتتى ماڭگى ساقتاۋىمىز كەرەك.
ماقالادا بىلاي دەپ اتاپ كورسەتىلدى: قۇلاشىن كەڭ جايعان تاريحي ۇدەرىستە، جۇڭگو كوممۋنيستىك پارتياسى حالىقتى بەرىك سۇيەنىش ەتىپ، تار جول، تايعاق كەشۋدەن ءوتىپ، جەڭىستەن - جەڭىسكە جەتىپ، جۇڭحۋا ۇلتىنا ۇلى تاريحي ۇلەس قوستى، جۇڭگونىڭ نەشە مىڭ جىل جالعاسقان فەودالدىق دارا بيلەۋ ساياسيىنان حالىق دەموكراتياسىنا قادام تاستاعان زور سەكىرۋىن جۇزەگە اسىردى، جۇڭحۋا ۇلتىنىڭ ۇزدىكسىز قۇلدىراۋدان ءوز تاعدىرىنا تۇبەگەيلى بەت بۇرىس جاساپ، گۇلدەنۋ مەن قۇدىرەتتەنۋگە باياندى قادام تاستاعان ۇلى سەكىرۋىن جۇزەگە اسىردى، جۇڭگو حالقىنىڭ ەڭسە كوتەرۋدەن بايۋعا، قۇدىرەتتەنۋگە قادام تاستاعان ۇلى سەكىرۋىن جۇزەگە اسىردى. تاريح پەن حالىقتىڭ تاڭداۋىمەن جۇڭگو كوممۋنيستىك پارتياسى باسشىلىق ەتكەن جۇڭحۋا ۇلتىنىڭ ۇلى گۇلدەنۋ ىستەرى دۇرىس، وعان، ءسوز جوق، ۇزاق ۋاقىت تاباندى بولۋ، مۇلدە اۋىتقىماۋ كەرەك؛ جۇڭگو كوممۋنيستىك پارتياسى جۇڭگو حالقىنا باسشىلىق ەتىپ اشقان جۇڭگوشا سوتسياليزم جولى دۇرىس، وعان، ءسوز جوق، ۇزاق ۋاقىت تاباندى بولۋ، مۇلدە اۋىتقىماۋ كەرەك؛ جۇڭگو كوممۋنيستىك پارتياسى مەن جۇڭگو حالقىنىڭ جۇڭگو توپىراعىنا تامىر تارتىپ، ادامزات وركەنيەتىنىڭ ۇزدىك جەتىستىكتەرىن قابىلداپ، مەملەكەتتىڭ دامۋىن دەربەس، ءوز كۇشىنە سۇيەنە وتىرىپ ىسكە اسىرۋ ستراتەگياسى دۇرىس، وعان، ءسوز جوق، ۇزاق ۋاقىت تاباندى بولۋ، مۇلدە اۋىتقىماۋ كەرەك.
ماقالادا بىلاي دەپ باسا دارىپتەلدى: بۇگىنگى كۇنى ءبىز جۇڭحۋا ۇلتىنىڭ ۇلى گۇلدەنۋى سىندى نىساناعا تاريحتاعى ءارقانداي مەزگىلدەگىدەن دە جاقىنداي تۇستىك، سەنىمىمىز تاريحتاعى ءارقانداي مەزگىلدەگىدەن دە بەكەمدەلە ءتۇستى. وسى نىسانانى جۇزەگە اسىرۋعا قۋاتىمىز قاپتال جەتەدى. ءبىز جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن، ءسوز جوق، جۇزەگە اسىرامىز ءارى، ءسوز جوق، جۇزەگە اسىرا الامىز دەپ ايتا الامىز.
