شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، تياناقتاندىرىپ، ادام مەن تابيعات جاراسىمدى بىرگە ءومىر سۇرەتىن كورىكتى مەكەن قۇرۋ كەرەك
شوكىرات زاكىر، نۇرلان ءابىلماجىن، ۋاڭ جۇنجىڭ قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 16 - كۇنى ۇرىمجىدەن حابارلايدى. كوكتەم كەلىپ كۇن جىلىنىپ، كۇن شۇلەن شۋاعىن شاشتى، اعاش ەگىپ، جاسىلداندىرۋدىڭ ءدال مەزگىلى جەتتى. جۋىقتا اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ قاتارلىلار ءۇرىمجى اۋدانى ءۇرىمجى - بانفاڭگوۋ، ءۇرىمجى - شۇيشيگوۋ تاس جولىنىڭ ەكى جاعىنداعى ەكولوگيالىق ىقتاسىن ورمانى قۇرىلىسى ينجەنەرياسىنىڭ جۇمىس باسىنا كەلىپ، ءۇرىمجى قالاسىنداعى مىندەتتى اعاش ەگۋ قيمىلىنا قاتىناستى.
اعاش ەگۋ جۇمىس باسى دۋماندى بەينەگە شومدى. چىن چۋانگو، شوكىرات زاكىر، نۇرلان ءابىلماجىن، ۋاڭ جۇنجىڭ، ياڭ چىڭ، شۇي حايرۇڭ، تيان ۋىن، لي يفي، سارقىت اقان، ۋاڭ ميڭشان قاتارلىلار جۇمىس باسىنا بىرگە كەلىپ، ءار ۇلت كادر، بۇقاراسىمەن بىرگە ەڭبەككە قاتىناستى. چىن چۋانگو كۇرەك الىپ شۇڭقىر قازىپ، توپىراق ءۇيىپ، بوگەن جاساپ، تەگىستەپ، باتتاپ، سۋ اكەلىپ سۋارىپ، ىلگەرىندى - كەيىندى قاراعاي، قىزىل جاپىراقتى تاس الما اعاشى سياقتى اعاش كوشەتتەرىن ەكتى. ول، ءبىر جاعىنان، پيونەرلەر وتريادىنىڭ مۇشەلەرىمەن بىرگە سۋ اكەلىپ قۇيسا، ەندى ءبىر جاعىنان، بالالاردىڭ ۇيرەنۋ، تۇرمىس جانە وتباسى جاعدايىن سۇراستىرىپ، ولارعا ەڭبەكتى قىزۋ ءسۇيىپ، جاقسى وقىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلىپ، وتان قۇرىلىسىنا كۇش قوسۋعا دايىن بولۋدى تاپسىردى.
كىرىكتىرىلە قاز - قاتار ەگىلگەن جاڭا كوشەتتەردەن تىرشىلىك تىنىسى قاۋلايدى. ەڭبەك ارەدىگىندە، چىن چۋانگو ءۇرىمجى قالاسىنداعى جانە اۆتونوميالى رايوننىڭ قاتىستى تاراۋلارىنداعى جاۋاپتى جولداستاردان جاسىلداندىرۋ قىزمەتىنىڭ جاعدايىن ۇعىستى ءارى ءار ۇلت كادر، بۇقاراسىمەن ىقىلاستى اڭگىمەلەستى. ول بىلاي دەپ باسا دارىپتەدى: شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ استاناداعى مىندەتتى اعاش ەگۋ قيمىلىنا قاتىناسقاندا سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، ەكولوگيانى الدىمەن ويلاستىرۋ، جاسىل دامۋ جولىمەن مىزعىماستان ءجۇرىپ، جالپى حالىقتىڭ مىندەتتى اعاش ەگۋىن ىشكەرىلەي ورىستەتىپ، مەملەكەت جەرىن جاسىلداندىرۋدى باياندى ورىستەتىپ، كورىكتى شينجياڭنىڭ اسپانىن ءتىپتى دە اشىق، تاۋىن ءتىپتى دە جاسىل، سۋىن ءتىپتى دە تۇنىق ەتىپ، ادام مەن تابيعات جاراسىمدى بىرگە ءومىر سۇرەتىن كورىكتى مەكەندى بىرگە قۇرۋ كەرەك. ەكولوگيالىق وركەنيەت قۇرىلىسىن كۇشەيتىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، مەملەكەت جەرىن جاسىلداندىرۋدىڭ جوعارى ساپالى دامۋىن ىلگەرىلەتىپ، ەكولوگيالىق جۇيەنىڭ كومىرتەگىن توپتاۋ قابىلەتىن جوعارىلاتىپ، تاۋ، سۋ، ورمان، اتىز، كول، جايلىم، ءشولدى جۇيەلى جونگە سالۋدى ءبىر تۇتاس جوسپارلاپ، ەكولوگيانى قورعاۋ جانە قالپىنا كەلتىرۋ تەبىنىن ۇزدىكسىز ارتتىرىپ، ەكولوگيالىق ورتا ساپاسىنىڭ ۇزدىكسىز جوعارىلاۋىن ىلگەرىلەتۋ كەرەك. عىلمي جوسپارلاۋدى شىن مانىندە ورىنداپ، عىلمي جاسىلداندىرۋعا، جوسپارلاپ جەتەكشىلىك ەتۋگە، ەكولوگيا ارقىلى حالىقتى يگىلىككە كەنەلتۋگە تاباندى بولىپ، وسۋگە ۇيلەسەتىن اعاش ءتۇرىن جانە جەرگىلىكتى اعاش ءتۇرىن جەر جاعدايىنا قاراي تاڭداپ، سان مەن ساپاعا بىردەي ءمان بەرىپ، اعاش ءوسىرۋ مەن باسقارۋ - باپتاۋدى قاتار جۇرگىزىپ، ورمان اۋماعىن ۇزدىكسىز كەڭەيتىپ، ورمان ساپاسىن جوعارىلاتىپ، قالا مەن اۋىلداعى جاسىل ەكولوگيا كەڭىستىگىن كەڭەيتىپ، ءار ۇلت حالقىنىڭ ءتىپتى دە كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە يە بولۋىنا مۇمكىندىك جاساۋ كەرەك. جالپى حالىقتىڭ جاسىل جامىلعى ءوسىرۋىن ىشكەرىلەي ىلگەرىلەتىپ، تۇتاس رايون جۇمىلۋعا، جالپى حالىق ىسكە كىرىسۋگە، تۇتاس قوعام ات سالىسۋعا تاباندى بولىپ، قالىڭ پارتيا مۇشەلەرى، كادرلار باستاماشىلدىقپەن اعاش ەگۋ مىندەتىن ورىنداپ، جاسىل، تومەن كومىرتەكتى تۇرمىس ءتاسىلىن زور كۇشپەن امالياتتا ايگىلەپ، بارلىق ادام جاسىل جامىلعىنى سۇيەتىن، جاسىل جامىلعى وتىرعىزاتىن، جاسىل جامىلعىنى قورعايتىن وركەنيەتتى سالتتى دارىپتەپ، اعاش ەگىپ، ورمان وتىرعىزۋدى، مەملەكەت جەرىن جاسىلداندىرۋدى تۇتاس قوعامنىڭ سانالى ارەكەتىنە اينالدىرۋ كەرەك. جاسىلداندىرۋ مەحانيزمىندە ۇزدىكسىز جاڭالىق اشىپ، جاسىلداندىرۋ فورماسىن ۇزدىكسىز بايىتىپ جانە كەڭەيتىپ، مىندەتتى اعاش ەگۋ مەن ەلەۋلى ەكولوگيانى قورعاۋ، قالپىنا كەلتىرۋ ينجەنەرياسىن، ەكولوگيالىق كاسىپ سالاسى جۇيەسىن قۇرۋدى ءبىر تۇتاس جوسپارلاپ، كەمەلدى، كوپ نەگىزدى ۇسىنىلىم مەحانيزمىن ورناتىپ، ەكولوگيالىق ەكونوميكانى زور كۇشپەن دامىتىپ، ەرەكشە ورمان شارۋاشىلىعى كاسىپ سالاسىنىڭ دامۋ ساپاسىن جوعارىلاتىپ، ۇزدىكسىز كۇش سالىپ، ۇزاق ۋاقىت ەڭبەك ەتىپ، ەكولوگيانى قورعاۋدىڭ، جاسىل دامۋدىڭ، حالىق تۇرمىسىن جاقسارتۋدىڭ بىرلىگىن قۇلشىنا جۇزەگە اسىرۋ كەرەك.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، شينجياڭ ءوندىرىس - قۇرىلىس بيڭتۋانىنىڭ جانە قارۋلى ساقشى شينجياڭ باس اترەتىنىڭ جاۋاپتى جولداستارى، اۆتونوميالى رايونداعى جانە ءۇرىمجى قالاسىنداعى قاتىستى تاراۋلاردىڭ جاۋاپتى جولداستارى مىندەتتى اعاش ەگۋ قيمىلىنا قاتىناستى.
