بيىل 2 ميلليارد 400 نەشە ميلليون يۋان قارجى قوسۋدى جوسپارلادى
انار بۇلت / شينجياڭ گازەتىنىڭ ءتىلشىسى ما ينيڭ 4 - ايدىڭ 17 - كۇنى ۇرىمجىدەن حابارلايدى. 4 - ايدىڭ 15 - كۇنى وتكىزىلگەن باركول اۋەجايىنىڭ ەكونوميكالىق - تەحنيكالىق نەگىزدەمەسىن باعالاۋ ماجىلىسىنەن ۇعىسۋىمىزشا، باركول اۋەجايىنىڭ قۇرىلىسى مەجەمەن 3 - توقساندا باستالادى ەكەن.
وسى اۋەجايدان سىرت، شينجياڭ اۋەجاي توبى بيىل تاعى جۇندۇڭ (شونجى)، بايىنبۇلاق اۋەجايلارى قۇرىلىسىن دا باستايدى، سونداي - اق قاشقار، تۇرپان، موڭعۇلكۇرە، تاشقورعان سىندى سالىنىپ جاتقان 4 اۋەجاي ينجەنەرياسىن ۇزدىكسىز ىلگەرىلەتەدى. بيىل شينجياڭ اۋەجاي توبى بۇعان 2 ميلليارد 453 ميلليون يۋان قارجى قوسۋدى جوسپارلاپ وتىر.
جاڭادان قۇرىلىس باستايتىن نىسانداردىڭ ىشىندە جۇندۇڭ (شونجى) اۋەجايى قۇرىلىسى 7 - ايدا باستالادى دەپ جوسپارلاندى، بايىنبۇلاق اۋەجايى قۇرىلىسى 10 - ايدا باستالادى دەپ جوسپارلاندى.
سالىنىپ جاتقان ينجەنەريالار ىشىندە قاشقار اۋەجايىن جاڭالاپ - كەڭەيتىپ سالۋ ينجەنەرياسى 2 - ايدىڭ 27 - كۇنى جۇمىستى قالپىنا كەلتىرىپ، جاڭالاپ - كەڭەيتىپ سالۋ ينجەنەرياسىنىڭ ۇشۋ اۋماعى، سونداي - اق جانار مايمەن قامداۋ ينجەنەرياسى كاسىپ سالاسىنىڭ تەكسەرىپ وتكىزىپ الۋىن تامامدادى، جاڭادان سالىنىپ جاتقان اۋەجاي تەرمينالىنىڭ نەگىزگى تۇلعالىق قۇرىلىسى جۇرىلۋدە، ينجەنەريا 12 - ايدىڭ سوڭىندا اياقتاپ، پايدالانۋعا بەرىلەدى دەپ جوسپارلانۋدا. تۇرپان اۋەجايىن جاڭالاۋ - كەڭەيتىپ سالۋ ينجەنەرياسى 3 - ايدىڭ 10 - كۇنى جۇمىستى قالپىنا كەلتىردى، وسى جىلدىڭ ىشىندە اۋەجاي تەرمينال اۋماعى قۇرىلىسى باستالادى. موڭعۇلكۇرە اۋەجايىن جاڭادان سالۋ ينجەنەرياسى 3 - ايدىڭ 25 - كۇنى جۇمىستى قالپىنا كەلتىردى، اۋەجاي تەرمينالىنىڭ توبەسىن جابۋ قۇرىلىسى ءجۇرىلىپ جاتىر، 10 - ايدىڭ سوڭىندا سالىنىپ ءبىتىپ، پايدالانۋعا بەرىلەدى دەپ جوسپارلانۋدا. تاشقورعان اۋەجايىن جاڭادان سالۋ ينجەنەرياسى 3 - ايدىڭ 15 - كۇنى جۇمىستى قالپىنا كەلتىردى، ۇشۋ اۋماعىندا قازۋ جۇمىسى، تاعاندى ءبىر جاقتى ەتۋ ينجەنەرياسى جۇرىلۋدە، 12 - ايدىڭ سوڭىندا قۇرىلىس اياقتاپ، پايدالانۋعا بەرىلەدى دەپ جوسپارلانۋدا.
شينجياڭ اۋەجاي توبىنىڭ قىزمەت ورنالاستىرۋىنا نەگىزدەلگەندە، ”14 - بەسجىلدىق“ مەزگىلىندەگى دامۋ ستراتەگيالىق ورايىن مىقتى يگەرىپ، بۇكىل شينجياڭنىڭ اۋەجاي ورنالاسۋىن اناعۇرلىم كەمەلدەندىرەدى. ۇعىسۋعا قاراعاندا، ”14 - بەسجىلدىقتىڭ“ سوڭىندا شينجياڭدا پايدالانىلىپ جاتقان جانە سالىنىپ جاتقان حالىقتىق تاسىمال اۋەجايى سانى 37گە جەتەدى، تاسىمال قامتاماسىز ەتۋ قۋاتى 76 ميلليون ادام - رەتتەن اسادى، وڭىرلەر ارا اۋەجايلاردىڭ سايكەسۋ اسەرى اناعۇرلىم كورنەكتىلەنەدى ەكەن.
