تيانشان تورى   ›   جاڭالىقتار   ›   شينجياڭ حابارلارى

پارتيا تاريحىن ۇيرەنۋ مەن ناقتى ءىس ىستەۋدە ”ۇيرەنۋ مەن كادەگە جاراتۋدىڭ ءبىرىن - ءبىرى جەبەۋىن“ ىسكە اسىرۋ كەرەك

  يۋە يانيۇن

  قىستاق تۇرعىندارىنىڭ كەستە ونىمدەرىنە زاكاز ازىرلەدى، ەگىنشى وتباسىلارىنا بارىپ جەمىس اعاشتارىن بۇتادى، ماماندارمەن بايلانىس جاساپ بۇقارانىڭ دەنساۋلىعىن تەكسەرتتى... پارتيا تاريحىن ۇيرەنۋ تاربيەسىندە رايونىمىزداعى قالىڭ پارتيا مۇشەلەرى، كادرلار پارتيانىڭ اۋەلگى ماقساتىن، بورىشىن تەرەڭ ۇعىنىپ، حالىق تۇرمىسى قاجەتىمەن تىعىز بايلانىستىرىپ، نەگىزگى ساتىنىڭ قيىن ىستەرىن، بۇقارانى مازالاپ وتىرعان ىستەردى زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ شەشىپ، يگى ءىستى، ناقتى ءىستى ءار ۇلت بۇقاراسىنىڭ كوڭىل سارايىنا جەتكىزە ىستەپ، ”ۇيرەنۋ مەن كادەگە جاراتۋ ءبىرىن - ءبىرى جەبەيتىن“ تاماشا راي قالىپتاستىردى.

  امالياتقا كوپ ارالاسقان سايىن ءبىلىم تەرەڭدەيدى، ءبىلىم تەرەڭدەگەن سايىن امالياتقا سولعۇرلىم جەتەكشىلىك ەتۋگە بولادى. بۇل تانىم مەن ارەكەت بىرلىگىنىڭ ناقتى بەينەسى، پارتيا تاريحىن ۇيرەنۋ تاربيەسىندە شىن مانىندە بۇقارا ءۇشىن ناقتى ءىس ىستەۋدىڭ، قيىن ماسەلەلەردى شەشۋدىڭ جاندى امالياتى.

  ۇيرەنگەندى كادەگە جاراتقاندا عانا، ۇيرەنۋ ماقساتىنا جەتۋگە بولادى. پارتيا تاريحىن ۇيرەنۋ ۇيرەنۋ ءۇشىن عانا ۇيرەنۋ ەمەس، پارتيا مۇشەلەرى مەن كادرلار پارتيانىڭ 100 جىلدىق تاريحىنان قابىلداعان اقىل - پاراسات پەن كۇش - قۋاتتى حالىق ءۇشىن ناقتى ءىس ىستەۋ، حالىقتىڭ ىرىس - قۇتىن كوزدەۋ قابىلەتىنە اينالدىرعاندا عانا، پارتيا تاريحىن ۇيرەنۋ تاربيەسىنىڭ ماقساتىن شىن مانىندە ايگىلەي الادى. ناقتى ءىس ىستەۋدەن ءارى ستيلدى كورۋگە، ءارى قابىلەتتى كورۋگە بولادى. بۇقارانىڭ ءجىتى قاداعالاپ وتىرعان ىستەرىن كوڭىلدە ساقتاپ، قولدا يگەرگەندە عانا، شىن مانىندە ماسەلەنى شەشىپ، قىزمەتتەردى ىلگەرىلەتىپ، حالىق بۇقاراسىنىڭ تاماشا تۇرمىسقا بولعان تالپىنىسى مەن تىلەگىن ۇزدىكسىز قاناعاتتاندىرۋعا بولادى.

  تانۋ قيىن ەمەس، قيىنى ارەكەت ەتۋ. كەزەكتە كەدەيلىكتەن ارىلتۋدان قامال الۋ جەتىستىگىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ قالاي جۇزەگە اسىرىلادى، جوعارى ساپالى دامۋ قايتكەندە نىق قاداممەن ىلگەرىلەيدى، حالىق تۇرمىسى قۇرىلىسى قايتكەندە جۇرت جۇرەگىنە تەرەڭ ۇيالايدى... وسى ءبىر قىدىرۋ كەلەلى ماسەلەلەردىڭ بارلىعى بىزدەن نازاريانى امالياتپەن بايلانىستىرۋ بارىسىندا جاۋاپ ىزدەۋدى تالاپ ەتەدى. تەك ۇيرەنگەندى كادەگە جاراتۋدى، ۇيرەنۋ مەن كادەگە جاراتۋدىڭ ءبىرىن - ءبىرى جەبەۋىن ىسكە اسىرا الساق عانا پارتيا تاريحىن ۇيرەنۋ تاربيەسى شىن مانىندە ناقتى ونىمدىلىككە قول جەتكىزىپ، سول ارقىلى شينجياڭنىڭ ورنىقتىلىق، دامۋ ىستەرىن ىلگەرىلەتۋدە ۇزدىكسىز جاڭا جاعداي اشا الامىز.

  (”لەپتى لەبىز“ ماقالا جولداۋ پوچتا ساندىعى: xjrbplb@126.com)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.