انار بۇلت / شينجياڭ گازەتىنىڭ ءتىلشىسى سۇڭ ۋيگو
4 - ايدىڭ 6 - كۇنى اتۇش قالاسىندا اق جاۋىن جاۋدى، ورمان قورعاۋشىسى ەركىن قۇربان بەيشان باقشاسىنا ەرتە كەلىپ، اعاش بۇتاۋ قۇرالىن الىپ قاربالاس جۇمىسقا كىرىستى، كۇن سايىن ءوسىپ كەلە جاتقان اعاش قالامشالارىنا قاراپ، ەركىن ىشتەي قاتتى قۋاندى. اتۇش قالاسى سۇنتاع اۋىلى شورلۇق قىستاعىنىڭ تۇرعىنى رەتىندە، ول بەيشان باقشاسىنىڭ تاقىر تاۋدان قىستاق تۇرعىندارىنىڭ ”ارتقى باقشاسىنا“ اينالعانىنا كۋا بولدى.
اتۇشتا تۋىپ - وسكەن ەركىننىڭ جادىنا بەيشان تەرەڭ اسەر قالدىرعان، بەيشان كەزىندە اسا كولەمدى قۇبا ءتۇز بولىپتى. جاۋىن جاۋعان كۇندەرى بەيشان تاۋىنان اعىپ تۇسكەن سەل لاي - توپىراقتى، تاستى اتۇش قالا اۋماعىنا اعىزىپ اكەلىپ، ءار ۇلت بۇقاراسىنىڭ ءوندىرىس، تۇرمىسىنا ىقپال جاسايتىن.
”اعاش ەگىپ، ورمان وسىرۋدەن ىلگەرى جاز بولسا بولعانى، بەيشاننىڭ جەر بەتى تەمپەراتۋراسى ەرەكشە جوعارىلاپ، ىستىق اياق كيىمنىڭ وزىنەن ءوتىپ تابانىڭدى كۇيدىرەتىندەي سەزىنەتىنبىز“ دەيدى ەركىن ەسكە الىپ.
2004 - جىلدان باستاپ اتۇش قالاسى ەكولوگيانى جاسىلداندىرۋ ينجەنەرياسىن ۇزدىكسىز ورىستەتىپ، ۇدايى 17 جىل اتۇشتىڭ نانشان، بەيشان تاۋلارىندا اعاش ەگىپ، ورمان ءوسىردى. قازىرگە دەيىن 211 ميلليون يۋان قارجى سالىپ، 38 مىڭ 500 مۋ جەرگە اعاش ەگىپ، ورمان ءوسىردى. 2014 - جىلى ەركىن اينالاسىنداعى قىستاق تۇرعىندارىمەن بىرگە بەيشان ەكولوگيالىق ورمان ءوسىرۋ بازاسىنا كەلىپ شىلان، جاڭعاق، الما اعاشتارىن ەگىپ، شىعىستان باتىسقا دەيىنگى ۇزىندىعى 10 كيلومەترلىك جاسىل بەلدەۋ قالىپتاستىردى.
قازىرگى تاڭدا بەيشان ەكولوگيالىق ورمان ءوسىرۋ بازاسى بەيشان باقشاسىنا اينالىپ، جۇرتشىلىق سەيىل - سەرۋەن قۇراتىن تاماشا ورىن بولىپ وتىر.
”ورمان قورعاۋشىسى دەگەن قىزمەتتىڭ ارقاسىندا، وتباسىمنىڭ كىرىسى ءبىرتالاي ارتتى“، - دەدى ورمان قورعاۋشىسىندىق جۇمىس ورنىنىڭ ءوز ومىرىنە اكەلگەن وزگەرىسى جايلى ايتقاندا ەركىننىڭ جۇزىنە باقىت كۇلكىسى ءۇيىرىلىپ.
2014 - جىلى، قاتاڭ باۋلۋ، باعالاۋدان كەيىن ەركىن ورمان قورعاۋشىسى بولدى. ”ءوز قولىممەن ەككەن قالامشالاردى باپتايتىن بولعانىما قاتتى قۋاندىم“، - دەيدى ەركىن.
ءار دۇيسەنبى، سەيسەنبى كۇنى ەركىن بەيشان باقشاسىنا بارىپ ورمان اعاشتارىن باپتاۋ جۇمىسىمەن اينالىسادى. تىڭايتقىش بەرەدى، بۇتايدى، تامشىلاتىپ سۋارۋ قۇبىرلارىن تەكسەرەدى... ەركىن ءار جۇمىستى ەرەكشە مۇقيات ىستەيدى.
”بۇل جەردەگى ءبىرتالاي اعاشتى مەن ءوز قولىممەن ەكتىم، ورمان قورعاۋشىسى بولعان سوڭ مەن ايرىقشا كوڭىل قويىپ، ءاربىر تال اعاش قالامشاسىنا ءوز بالاما قاراعانداي قارايتىن بولدىم“، - دەيدى ەركىن.
ورمان قورعاۋشىلارىنىڭ دەن قويا باپتاۋىندا، بەيشان باقشاسىندا جەمىس اعاشتارى مول جەمىس بەردى، كۇز كەلگەندە، تاۋ - دالانى كومكەرگەن اعاشتاردىڭ باسىندا جيدە، جاڭعاق، الما سامسىپ تۇراتىن بولدى.
ۇعىسۋعا قاراعاندا، كەلەسى قادامدا، قىزىلسۋ وبلىسى اعاشتى، بۇتا - بۇرگەندى، ءشوپتى بىرلەستىرۋ ارقىلى، ورمان ءتۇرى، اعاش ءتۇرى كوپ، كوپ ساتىلى جانە ءار الۋان جاسىل ەكولوگيالىق جونگە سالۋ ينجەنەرياسىن اتقارىپ، نانشان، بەيشان ەكولوگيالىق ورمان ءوسىرۋ بازاسىن بۇقارانىڭ شىن مانىندەگى ”جەمىس شارباعىنا“، ”ءدىلدا اعاشىنا“ اينالدىرىپ، بۇرىنعى تاقىر تاۋدى بۇقارانى بايۋعا باستايتىن ”باعالى بايلىققا“ اينالدىرادى ەكەن.
