تيانشان تورى
تيانشان تورى   ›   جاڭالىقتار   ›   شينجياڭ حابارلارى

قورعاس تەمىر جول شەكارا وتكەلىنىڭ 1 - توقسانداعى يمپورت - ەكسپورت زات تاسىمال مولشەرى سايكەس مەزگىلدەگىدەن %128 ارتتى

  انار بۇلت / شينجياڭ گازەتىنىڭ ءتىلشىسى چىن چياڭۋي 4 - ايدىڭ 17 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، 1 - توقساندا قورعاس تەمىر جول شەكارا وتكەلىنىڭ يمپورت - ەكسپورت زات تاسىمال مولشەرى ءبىر ميلليون 515 مىڭ 500 توننا بولىپ، سايكەس مەزگىلدەگىدەن %128 ارتقان.

  قورعاس كەدەنىنىڭ تالداۋىنا نەگىزدەلگەندە، ەكسپورت جاعىندا ”ءبىر بەلدەۋ، ءبىر جول“ جەلى بويىنداعى مەملەكەتتەردىڭ سىرتقى قاجەتى ۇزدىكسىز ارتىپ، بۇكىل ەلدىڭ جەر - جەرىنەن كەلگەن كۇندەلىكتى ءتۇرلى بۇيىمدار، ماشينا جابدىقتارى سياقتى جۇڭگودا وندىرىلگەن ونىمدەر قورعاس ارقىلى تولاسسىز ورتا ازياداعى، ورتا ەۆروپاداعى مەملەكەتتەرگە تاسىمالدانىپ، جەلى بويىنداعى مەملەكەتتەردىڭ بازار قاجەتىن قاناعاتتاندىرعان. يمپورت جاعىندا اۋىل شارۋاشىلىق ءوندىرىس قۇرال - جابدىقتارى، كوپ تۇتىنىلاتىن بايلىق تيبىندەگى ونىمدەر سياقتى تاۋارلار يمپورتىندا دا تاماشا تەبىن بايقالىپ، ەل ىشىندەگى كوكتەمگى ەگىس دايىندىعى جانە ءوندىرىس، مانەرلەۋ قاجەتىن پارمەندى قامتاماسىزداندىرعان.

  قورعاس كەدەنى باقىلاۋ - باسقارۋ 3 - ءبولىمىنىڭ 2 - دارەجەلى جۇرگىزۋشىسى ما كاي مىنالاردى ءبىلدىردى: بيىل جۇڭگو - ەۆروپا كەزەكشى پويەزىنىڭ قاتىناۋ سانى زور مولشەردە ارتىپ، يمپورت - ەكسپورت زات تاسىمال مولشەرىنىڭ ورنىقتى ارتۋىن جەتەكتەپ، ەل ءىشى، حالىقارا سىندى قوس اينالىمنىڭ دامۋ ومىرشەڭدىك كۇشىن ايگىلەدى.

  قورعاس كەدەنى شەكارا وتكەلىنىڭ ىركىلىسسىزدىگىنە كەپىلدىك ەتۋ ءۇشىن، جۇك ءتىزىمىن بىرىكتىرىپ مالىمدەۋدى بار كۇشپەن اتقارىپ، ءبىر تەرەزەدە ينتەرنەت ارقىلى جىلدام ءبىتىرۋ سياقتى ءتۇرلى رەفورما شارالارىن جۇرگىزىپ، كاسىپورىننىڭ ءاربىر بۋىندا ءىس ءبىتىرۋ ۋاقىتىن بارىنشا قىسقارتىپ، كەدەننەن ءوتۋ قارقىنىن جوعارىلاتتى.

  2016 - جىلى قورعاس تەمىر جول شەكارا وتكەلىندە تۇڭعىش جۇڭگو - ەۆروپا كەزەكشى پويەزى قاتىناعاننان بەرى جۇڭگو - ەۆروپا كەزەكشى پويەزىنىڭ جىلدىق قاتىناۋ مولشەرى تالاي رەت تىڭ دەڭگەيگە جەتتى. قازىر شەكارا وتكەلىندەگى شەكارادان كىرىپ - شىعاتىن جۇڭگو - ەۆروپا كەزەكشى پويەزى تيەيتىن تاۋاردىڭ ءتۇرى مولايىپ 200 نەشە تۇرگە جەتىپ، تارالۋ اۋماعى ەڭ باستاپقى 2 مەملەكەت، 3 قالادان قازىرگى 18 مەملەكەت، 45 قالاعا جەتتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.