انار بۇلت / شينجياڭ گازەتىنىڭ ءتىلشىسى ميھىرگۇل ناسىر 4 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق سالىق ىستەرى مەكەمەسىنەن ۇعىسۋعا قاراعاندا، بيىل 1 - توقساندا رايونىمىز ”بانكە - سالىق تاراۋلارى ىقپالداستىعى“ بويىنشا جالپى 8203 رەت سەنىمدى امانات - قارىز اقشا تاراتقىزىپ، تاراتقان سەنىمدى قارىز اقشا سوماسى 2 ميلليارد 900 ميلليون يۋان بولدى.
”بانكە - سالىق تاراۋلارىنىڭ ىقپالداستىعى“ − سالىق تاراۋلارى مەن بانكە قامسىزداندىرۋىن باقىلاۋ تاراۋلارى 2015 - جىلدان بەرى جاڭالىق اشا ورىستەتكەن قارجى قۇراۋعا قولداۋ كورسەتۋ قيمىلى. سالىق تاراۋلارى زاڭ بويىنشا بەلگىلەمەگە ۇيلەسەتىن جانە كاسىپورىنداردىڭ ۇقىق بەرۋ جاعدايىندا كاسىپورىننىڭ سالىق تاپسىرۋ سەنىمدىلىگىن جانە ءبىر ءبولىم سالىق تاپسىرۋ ينفورماتسياسىن بانكەگە تاپسىرىپ، بانكەنىڭ وسى كاسىپورىنداردى سەنىمدى امانات - قارىز اقشامەن قامداۋداعى ماڭىزدى پايدالانۋ ماتەريالى ەتەدى.
اۆتونوميالى رايوندىق سالىق ىستەرى مەكەمەسى سالىق تاپسىرۋعا قىزمەت وتەۋ باسقارماسىنىڭ ورىنباسار باستىعى ۋاڭ ۋي بىلاي دەپ تانىستىردى: باسقا سەنىمدى امانات - قارىز اقشامەن سالىستىرعاندا، ”بانكە - سالىق تاراۋلارىنىڭ ىقپالداستىعىنىڭ“ جالپىعا ءتيىمدى قىزمەت وتەۋ ابزالدىلىعى بار، قازىر تۇگەلدەي ينتەرنەت جەلىسىندە ”ءبىر بەكەتتىك“ ءبىتىرۋدى جۇزەگە اسىرىپ، كاسىپورىنداردىڭ قارجى سۇرانىسىمەن ءتىپتى دە دالمە - ءدال، قولايلى تۇردە ۇشتاسا الادى. شاعىن، ۇساق كاسىپورىندار تاماشا سالىق تاپسىرۋ سەنىمدىلىك ەستەلىگىنەن پايدالانىپ، مەكەمەدەن شىقپاي - اق توراپتا قارىز الۋ ءوتىنىشىن تولتىرىپ، ەڭ تەز بولعاندا 10 مينۋت ىشىندە، ەڭ جوعارى بولعاندا 5 ميلليون يۋان قارىز اقشا الا الاتىن بولدى.
شينجياڭ شينشى بولات - تەمىر شەكتى سەرىكتەستىگى بولات ماتەريالدارىن، قۇرىلىس ماتەريالدارىن، مەتال ماتەريالدارىن ساتۋمەن اينالىساتىن سەرىكتەستىك، ىندەت ىقپالىنا ۇشىراعاندىقتان، كاسىپورىن قارجى جاعىنان قيىنشىلىققا ۇشىرادى. ”بىلتىر 9 - ايدا ءبىز ەلەكتروندىق سالىق ىستەر مەكەمەسىنىڭ جولعا قويعان ’بانكە - سالىق تاراۋلارى ىقپالداستىق‘ ينفورماتسياسىن كورىپ، ءۇرىمجى بانكەسىنە قارجى قۇراۋ قاجەتىمىزدى بىلدىردىك. بانكە سەرىكتەستىكتىڭ ءىس جۇزىندىك جاعدايى جانە كاسىپ قاجەتىن كوزدە ۇستاي وتىرىپ، بىزگە شۋەليان·حاۋشۇيدايىن ءبىتىرىپ، سەنىمدى امانات - قارىز تاراتىپ، سەرىكتەستىكتىڭ قارجى قۇراۋ قيىن ماسەلەسىن شەشتى“، - دەدى سەرىكتەستىكتىڭ زاڭدىق ۋاكىلى شۇي فىڭ.
ساناققا قاراعاندا، بيىل 1 - توقساننىڭ سوڭىنا دەيىن اۆتونوميالى رايوندىق سالىق ىستەرى مەكەمەسى جالپى 28 بانكە كاسىبى فينانس قۇرىلىمدارىمەن سەلبەستىك كەلىسىمىنە قول قويىپ، جالپى تاراتقان سەنىمدى امانات - قارىز 15 ميلليارد 774 ميلليون يۋان بولعان.
