□ ماناس اۋدانىنىڭ تۇرعىنى شۋاق تۇرسىن
مەن تۇرمىس كەشىرىپ جاتقان ماناس اۋدانىندا ادامداردىڭ كۇندەلىكتى تۇرمىسىندا كەم بولسا بولمايتىن ماقتا وندىرىلەدى، ماقتا ساپالى بولعاندىقتان، بۇل ارانى ”جۇڭگونىڭ ساپالى ماقتا مەكەنى“ دەپ اتايدى.ءالى ەسىمدە، كىشكەنتاي كەزىمىزدە ءار جىلعى التىن كۇزدەگى 9 - ايدا ناعاشى اپامنىڭ ءۇيىنىڭ ماقتا اتىزى قاربالاس كۇيگە ەنەتىن. دوڭگە شىعىپ، شەت - شەگىنە كوز جەتپەيتىن ماقتا اتىزىنا كوز تاستاساڭىز، ماقتا قاتپار - قاتپار، توپ - توپ بولىپ اشىلىپ، بەينە ەگىنشىلەردىڭ مول ءونىم العان كەزدەگى كۇلىمدەگەن جۇزىنە ۇقسايتىن. ماقتا اتىزى دا وتە دۋماندى بولاتىن، ناعاشى اتام، ناعاشى اپام، اكەم، شەشەم تۇگەل قاربالاستىققا تۇسەتىن. ماقتا تەرەتىن جۇمىسشىلار ساقاداي سايلانىپ، مويىن شارپىمەن بەت - جۇزدەرىن مىقتاپ وراپ الاتىن؛ كەيبىرەۋلەرى باستارىنا ۇلكەن ءشي قالپاق كيىپ، كەۋدەلەرىنە شۇپەرەك قالتا اسىپ، قوس قولدارىمەن كوز ىلەستىرمەستەن ماقتانى قالتاعا تەرىپ سالاتىن. جۇمىس اياقتاعان سوڭ، مارە - سارە بولىپ ماقتا اتىزىنان شىعىپ، كىمنىڭ تەرگەن ماقتاسى كوپ دەپ سالىستىراتىن!
بىلتىر كۇز اياعىنا تامان ناعاشى اپامنىڭ ۇيىنە تاعى باردىم، الگى ماقتا اتىزىنان ماقتا تەرۋشىلەردىڭ قاراسى كورىلمەيتىن بولىپتى. ناعاشى اپام ءماز - مايرام بولىپ بىلاي دەدى: ”ءبىز قازىر ماقتانى ماشينامەن تەرەتىن بولدىق، قاراشى، انا ۇلكەن ماشينانى ايتامىن...“. ناعاشى اپام نۇسقاعان جاققا قاراسام، ۇلكەن ءبىر ماشينا شەت - شەگىنە كوز جەتپەيتىن ماقتا اتىزىندا گۇرىلدەپ ۇزاپ بارادى، جەتكەن جەرىنىڭ بارلىعىنداعى اپپاق كىرشىكسىز ماقتانى تۇك قالدىرماي تەرىپ كەتىپ بارادى، راسىندا كەرەمەت ەكەن!
H&M سەرىكتەستىگى شينجياڭ ماقتاسىن پايدالانۋدان باس تارتىپ، ءبىزدىڭ شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ساقتالۋدا دەگەن بىردەمە ايتتى، بۇل راسىندا وتە كۇلكىلى! شينجياڭ امەريكاداعى، باتىستاعى جۇڭگوعا قارسى كۇشتەردىڭ جات نيەتپەن تاراتقان وسەك - اياڭىنا بولا العا باسقان قادامىن، استە، توقتاتپايدى، سەندەردىڭ پاسىق تاسىلدەرىڭ دە شينجياڭداعى ءار ۇلت اراسىنداعى ىنتىماقتى بۇلدىرە المايدى!
