قورعانۋ باعدارناماسى
انار بۇلت / شينجياڭ گازەتىنىڭ ءتىلشىسى يۇي مىڭران
قازىر جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەگۋ قىزمەتى تۇتاس رايونىمىز كولەمىندە ءتارتىپتى جۇرگىزىلۋدە. وسىدان بۇرىن جەر - جەر ۆاكسينا ەگۋدى نەگىزىنەن 18 جاس پەن 59 جاس ارالىعىنداعى ادامدارعا باعىتتاي جۇرگىزدى. تاياۋدا رايونىمىز 60 جاستاعى جانە 60 جاستان جوعارى قارتتارعا ەگۋ قىزمەتىن ىركەس - تىركەس باستادى. قارتتار جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋى قاجەت پە؟ جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرگەننەن كەيىن سوزىلمالى ناۋقاستاردىڭ اۋىرلاۋ جايتى تۋىلا ما؟ ەكتىرۋ بارىسىندا نەلەرگە كوڭىل ءبولۋ كەرەك؟ جۇرتشىلىقتىڭ وسى ساۋالدارىنا قاراتا، 4 - ايدىڭ 14 - كۇنى اۆتونوميالى رايوندىق اۋرۋدان ساقتانۋ - تىزگىندەۋ ورتالىعىنىڭ يممۋنيتەتتەندىرۋ جوباسى ورنىنىڭ ورىنباسار مەڭگەرۋشىسى قايسار وسمان جاۋاپ بەردى.
قايسار وسمان مىنالاردى ءبىلدىردى: 60 جاستاعى جانە 60 جاستان جوعارى قاۋىم جاڭا تيپتى ايدارشا ۆيرۋسپەن جۇعىمدالعاننان كەيىن اۋرۋى سالماقتى بولاتىن، ءولىم حاۋىپ - قاتەرى جوعارى بولاتىن قاۋىمعا جاتادى.Ⅱ/Ⅰمەزگىلدەگى كلينيكالىق زەرتتەۋ ساندى مالىمەتتەرى بۇل قاۋىمنىڭ جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋ حاۋىپسىزدىگى جاقسى بولعاندىعىن، 18 جاس پەن 59 جاس ارالىعىنداعى قاۋىممەن سالىستىرعاندا، ەكتىرگەننەن كەيىن بەيتاراپتانعان انتيدەنەنىڭ قويىلعىشتىعى ءسال تومەندەۋ، ءبىراق بەيتاراپتانعان انتيدەنەنىڭ بولىمدىعا اينالۋ مولشەرى ۇقساس بولىپ، ۆاكسينانىڭ 60 جاستاعى جانە 60 جاستان جوعارى قاۋىمدى بەلگىلى دارەجەدە قورعاۋ رولى بولاتىندىعىن كورسەتتى، ەكتىرۋدى ۇسىنىس ەتەمىز.
”قارتتار جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋدەن بۇرىن جاي - جاپساردى ءبىلۋ، قوسىلۋ حاتىن مۇقيات وقىپ، مەديتسينا قىزمەتكەرلەرىنە ءوزىنىڭ دەنساۋلىق جاعدايىن ىرىقتىلىقپەن ايتۋى كەرەك، شيپاگەر ەگۋگە بولا ما، جوق دەپ تۇجىرىم جاسايدى. جاستارمەن سالىستىرعاندا، 60 جاستاعى جانە 60 جاستان جوعارى قارتتار، وتە - موتە، جاسامىس قارتتار ۆاكسينا ەكتىرۋدەن بۇرىن، ەگەتىن ورىننىڭ مەديتسينا قىزمەتكەرلەرى قارتتارمەن جانە ءۇي ىشىندەگىلەرمەن كوپ پىكىرلەسىپ، اڭگىمەلەسىپ، قارتتاردىڭ نەگىزدىك اۋرۋ جاعدايى، ءدارى - دارمەكتەردى پايدالانۋ جاعدايى جانە اۋرۋ تاريحى، اسىرە سەزىمتالدىق تاريحى سياقتىلاردى ەگجەي - تەگجەيلى سۇراپ ۇعىسىپ، ەستەلىككە الىپ، قارتتاردىڭ دەنساۋلىق جاعدايىنا سارالاۋ جاساپ، مەديتسينالىق كەڭەس بەرۋى كەرەك“. قايسار وسمان بىلاي دەدى: دەنساۋلىق جاعدايى تۇراقتى، ءدارى - دارمەكتەردى مەڭگەرۋ جاعدايى جاقسى 60 جاستاعى جانە 60 جاستان جوعارى سوزىلمالى اۋرۋى بار قاۋىمنىڭ ەرتەرەك ەكتىرۋىن ۇسىنىس ەتەمىز، ءبىراق شۇعىل ناۋقاسقا شالدىققان نەمەسە سوزىلمالى اۋرۋدىڭ شۇعىل قوزعالۋ مەزگىلىندە تۇرعان نەمەسە تىزگىندەلمەگەن اۋىر سوزىلمالى ناۋقاستارعا ۆاكسينا ەكتىرمەۋدى ۇسىنىس ەتەمىز.
قايسار وسمان بىلاي دەپ تانىستىردى: قازىر جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى تەڭىز ونىمدەرىن، تاۋىق جۇمىرتقاسىن، پەنيتسللين قۇرامىن قامتىمايدى، بۇرىن تەڭىز ونىمدەرىنە، تاۋىق جۇمىرتقاسىنا نەمەسە گۇل توزاڭىنا، باسقا دا دارىلەرگە ( مىسالى، پەنتسيللين) اسىرە سەزىمتال ادامدار دەنساۋلىق جاعدايى ۆاكسينا ەگۋ شارتىنا ۇيلەسسە، ۆاكسينا ەكتىرۋىنە بولادى.
