دوڭگەلەك داۋلەتتىلىككە ءبىر نيەتپەن ۇمتىلۋ
□ انار بۇلت / شينجياڭ گازەتىنىڭ ءتىلشىسى جاڭ رۇيلين
4 - ايدىڭ 10 - كۇنى تۇرپان قالاسى گاۋچاڭ رايونى جۇزىمشىلىك قالاشىعى بالىقشىكارىز قىستاعىنىڭ تۇرعىنى قيۇم سىمايىل ءجۇزىم سورەسىنىڭ استىندا تۇرىپ توپىراقتان ارشىپ الىنعانىنا كوپ بولماعان ءجۇزىم ساباقتارىن قۇنتتاپ تەكسەرىپ شىقتى. بۇل ءجۇزىم ساباقتار ونىڭ وتباسىنىڭ بيىلعى تابىسىن بەلگىلەيدى.
بالىقشىكارىز قىستاعىندا 282 وتباسى بار، زامانداردان بەرى ءجۇزىم ەگۋمەن اينالىسقاندىقتان، ”ءجۇزىم قىستاعى“ اتانعان.
جاقىنعى جىلداردان بەرى بالىقشىكارىز قىستاعى ەرەكشە كاسىپ سالاسىن دامىتۋ ارقىلى كىرىستى ارتتىرۋدى جەبەۋ جاعىنا جەتە كۇش سالدى، قيۇم سياقتى قىستاق تۇرعىندارى جۇزىمنەن دە ءتاتتى ومىرمەن قاۋىشتى.
جاس ءجۇزىمنىڭ ساپاسىن كوتەردى
”بۇرىن شارۋالار تەك تاجىريبەلەرىنە عانا سۇيەنىپ، ءتۇسىمدى كوبەيتۋگە كوزسىزدىكپەن تالپىناتىن، جاقسى ساتىلماسا اۋا رايىنان كورىپ، بازارعا وكپەلەيتىن، ءجۇزىمنىڭ ساپاسى جاقسى بولسا، ساتۋدان قام جەمەيتىنىن ەندى عانا ءتۇسىنىپ جەتتى“. قىستاق تۇرعىنى ساتتار ابىليميت وسى جىلدارداعى تۇرپان ءجۇزىمىنىڭ ساپاسىن كوتەرىپ، ونىمدىلگىن ارتتىرۋدىڭ يگىلىگىن كورگەندەردىڭ ءبىرى.
ەڭ الدىمەن ءجۇزىم سورەسىن وزگەرتۋدەن باستادى. ءجۇزىم سورەسىنىڭ بيىكتىگى، قاتار ارالىعى سياقتىلاردى ولشەمدەندىرۋ قۇرىلىسى ارقىلى ءجۇزىمنىڭ جەل قاعۋ جانە كۇن ءتۇسۋ شارت - جاعدايىن جاقسارتىپ، ءجۇزىمنىڭ تۇيىندەرى مەن تۇسىندە ايتارلىقتاي ۇلكەن وزگەرىس بولدى. ءجۇزىمنىڭ سورەسى بيىكتەپ، ماشينالاستىرىپ جۇمىس ىستەۋ اناعۇرلىم قولايلى بولدى دا، وزىندىك قۇندى تومەندەتۋمەن قوسا ۋاقىتتان دا ۇتتى، ءسويتىپ ەكى الىپ بيگە شىقتى.
ءجۇزىمنىڭ ءتۇسىمىنىڭ جىلدان - جىلعا جوعارىلاۋىنا سايكەس، تەحنيكالىق كۋرسقا، عىلمي جولمەن ەگۋگە قىستاق تۇرعىندارىنىڭ ىقىلاسى اناعۇرلىم ارتا ءتۇستى.
2020 - جىلى بالىقشىكارىز قىستاعى تۇرپان شينتياندي اۋىل شارۋاشىلىعى عىلىم - تەحنيكاسىنان قىزمەت وتەۋ شەكتى سەرىكتەستىگىمەن بىرلەسىپ، 100 مۋ جەرگە ۇرىقسىز اق ءجۇزىم ەگۋدەن ۇلگى كورسەتۋ بازاسىن قۇرىپ، توپىراقتى تەكسەرىپ - ولشەپ، باعىتتامالى تۇردە تىڭايتقىش بەرۋ قىزمەتىن ورىستەتىپ، جاس ءجۇزىمنىڭ ساپاسىن ونان ارى جوعارىلاتتى.
ساتتاردىڭ ۇيىندەگى 4 مۋ جەر ۇلگى كورسەتۋ بازاسىنىڭ ءبىر بولىگى بولىپ، مۋلىق ءتۇسىمى بولسىن، الدە ساپاسى بولسىن، ءبىر جىلدا قالعان 2 مۋ جەردەگىدەن ءبىرتالاي جوعارى بولدى.
”سونشا جىل ءجۇزىم ەگىپ كەلسەمدە، ءدال قازىرگىدەي تاپتەشتەپ باپتاپ كورمەپپىن، ءبىر تۇپتە قانشا ساباق ءجۇزىم بولۋعا دا تالاپ بار، ءار مۋ جەردىڭ جاعدايىنا قاراي تىڭايتقىشتى دالدەپ بەرۋ كەرەك، عىلمي باپتاۋدىڭ اسەرى ءبىزدى قاتتى تاڭ قالدىردى، ءجۇزىمنىڭ ءدانى ۇلكەن، ءتۇسى ادەمى، ءدامدى بولدى، بىلتىر ءبىر مۋ جەردەن العان تابىسىم 20 مىڭ يۋانعا تايادى. بيىل تەحنيكتەردىڭ بىزگە اناعۇرلىم كوپ ناقتى قولدانىلمالى تەحنيكا اكەلۋىن ءۇمىت ەتىپ وتىرمىز“، - دەيدى ساتتار.
قازىرگى تاڭدا تەحنيكتەردىڭ جەتەكشىلىگىندە، بالىقشىكارىز قىستاعى تۇرعىندارىنىڭ ءجۇزىم باپتاۋ دەڭگەيى ايتارلىقتاي جوعارىلاپ، تابىستارى دا سايكەس كوبەيدى.
ءجۇزىمدى كەپتىرۋ 48 ساعاتتان اسپاۋ كەرەك
مەيىز ساتۋ ۇلگىسىندە جاڭالىق اشۋ ءۇشىن، قىستاقتاعىلار مەيىزدى تالىمەن ەسەپتەپ ساتۋدى قويىپ، ساباعىمەن ساتۋعا اۋىستى، ءبىر ساباق مەيىزدى ءبىر قوراپقا سالعاندا 300 گرام مولشەرىندە بولادى، وعان ”اكەلشى ءبىر ساباعىن“ دەپ ات قويدى. ءونىم بازارعا سالىنىسىمەن تۇتىنۋشىلاردىڭ قارسى الۋىنا بولەندى.
بالىقشىكارىز قىستاق تۇرعىندار كوميتەتىنىڭ اۋلاسىنان ۇزىندىعى 30 مەتردەي، كەڭدىگى مەن بيىكتىگى جەكە - جەكە 4 مەتر دۇڭگىرشەكتى كەزىكتىرۋگە بولادى. تۇرپان قالالىق باس جۇمىسشى ۇيىمىنىڭ بالىقشىكارىز قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي گۇلجامال ابدۇللانىڭ تانىستىرۋىنشا، دۇڭگىرشەكتىڭ ىشىندە جاڭا ەنەرگيادان پايدالانىپ تازالىعى جوعارى مەيىز وندىرەتىن ءوندىرىس جەلىسى بار ەكەن.
دۇڭگىرشەكتىڭ توبەسىنە ەلەكتر شىعارۋ ءۇشىن كۇن ەنەرگيالى فوتوۆولتتىق تاقتا قويىلسا، ورتاڭعى بولىگىندەگى جىلۋ جيناۋ تاقتاسى اۋاداعى جىلۋ ەنەرگياسىن جيناپ، ونىمەن جاس ءجۇزىمدى تىكەلەي كەپتىرەدى، جاس جۇزىمنەن ءبىر ساباق مەيىز الۋعا كەتەتىن ۋاقىت 48 ساعاتتان اسپاۋ كەرەك، تاجىريبە ناتيجەسىنەن قاراعاندا، جاڭا تەحنيكادان پايدالانىپ كەپتىرىلگەن مەيىزدىڭ تازالىق دەڭگەيى ەكسپورتتىق ولشەمگە بۇكىلدەي ۇيلەسەدى ەكەن.
”قىستاق تۇرعىندار كوميتەتىندەگى ’وڭدەۋ زاۆودى‘ انىعىندا كىشىرەيتىلگەن نۇسقاسى، قىزمەتشىلەر وسى جەردە ۇيرەنۋ، تاربيەلەۋدە بولادى“. گۇلجامال قىستاق تۇرعىندار كوميتەتىنە جاقىن جەردەگى ۇلكەن ”دۇڭگىرشەكتى“ نۇسقاپ تانىستىرىپ بىلاي دەدى: رەسمي زاۆود ءۇيىنىڭ قۇرىلىس كولەمى 3200 شارشى مەتر، تازالىعى جوعارى مەيىز ءوندىرىس جەلىسىنەن 12سى قۇرىلىپ، تازالىعى جوعارى، ياعني دەرەۋ جەۋگە بولاتىن مەيىزدەن جىلىنا 1200 - 1500 توننا وندىرىلەدى.
قازىر مەيىز وڭدەۋ زاۆودىنىڭ زاۆود ۇيلەرى سالىنىپ بولىپتى، جابدىقتار اكەلىنسە بولدى جاپپاي وندىرىسكە قوسىلۋعا دايىن تۇر، سول كەزدە 100گە جۋىق قىستاق تۇرعىنى ءۇي ماڭىندا جۇمىستانا الادى.
گۇلجامالدىڭ تانىستىرۋىنشا، زاۆود ىسكە قوسىلعان سوڭ بۇكىل قىستاقتاعى ءجۇزىمدى كەپتىرىپ مەيىز دايىنداۋ ءىسىن ورىنداپ قانا قويماي، سول جەردەگى قولدا بار شيكىزاتتاردى تياناق ەتىپ، ورىك قاعى، تۇت قاعى سياقتى جەمىس قاقتارىن زەرتتەپ اشىپ، ءونىم تۇرلەرىن مولايتادى ەكەن.
ءجۇزىم ساياحات كاسىبىن دامۋعا جەتەكتەدى
ءجۇزىم بالىقشىكارىز قىستاعىنىڭ تۇرعىندارىنىڭ تۇرمىستارىن ونان ارى شالقىتىپ، كوپشىلىكتىڭ بايۋ جولىنا ءتۇسۋ ويلارى اناعۇرلىم كوبەيە ءتۇستى.
قىستاق تۇرعىندارىنىڭ دامۋ تىلەگىمەن بىرلەستىرىپ، بالىقشىكارىز قىستاعى ءبىر جاعىنان، ءجۇزىم ەگۋدى مىقتى يگەرىپ، ەندى ءبىر جاعىنان، ساياحات كاسىبىن دامىتىپ، قىستاقتا ”تۇرپان قالاسى كونە بالىقشىلىق قىستاعى بايلۋحۋ كولى حالىقتى اۋقاتتاندىرۋ كاڭگۇڭ“ ساياحات كورىنىس رايونىن قۇردى.
”بيىل مەن اسەر الۋ ساياحاتىن دامىتقالى وتىرمىن، ساياحاتشىلار مەنىڭ اتىزىما كەلىپ ءجۇزىم تەرۋدىڭ قىزىعىنان اسەر الادى“. جاس ءجۇزىم مەن مەيىز وڭدەۋ ابدۇللا ابىلەزگە ءبىرتالاي تابىس اكەلگەنىمەن، ونىڭ ساياحات سيلاعان جاڭا ورايدى دا مىقتى ۇستاعىسى كەلەدى.
قىستاق تۇرعىنى سالام جاپپاردىڭ ءۇيى بايلۋحۋ كولىنىڭ جاعاسىندا، جاسالىپ جاتقان كورىنىس اۋماعىنا قاراپ ول ۇنەمى ريزاشىلدىقپەن كۇلىپ جۇرەدى، ”مەن ءبىر شارۋالار شاتتىعى ساياجايىن سالماقشىمىن“.
گۇلجامال مىنالاردى ءبىلدىردى: بۇدان كەيىن قىستاق تۇرعىندار كوميتەتى بالىقشىكارىز قىستاعىن قىر ەرەكشەلىگىنە، بالىقشى قىستاعىنىڭ كەلبەتىنە يە، كورىنىسى تاماشا، جانعا جايلى وسى زامانعى اۋىل شارۋاشىلىعى جاڭا قىستاعى ەتىپ قۇرىپ شىعادى.
