تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىزدا باسىم كوپ ساندى ازىقتىق اۋىل شارۋاشىلىق ونىمدەرى كۋالىكپەن بازارعا سالىنىپ ساتىلدى

  شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە − جاڭا دامۋ ۇستانىمىن دايەكتىلەندىرەيىك، جوعارى ساپالى دامۋدى ىلگەرىلەتەيىك

رايونىمىزدا باسىم كوپ ساندى ازىقتىق اۋىل شارۋاشىلىق ونىمدەرى كۋالىكپەن بازارعا سالىنىپ ساتىلدى  

كەزەكتە بەرىلگەن تولىمدىلىق كۋالىگى 2 ميلليون 80 مىڭنان استى

  انار بۇلت / شينجياڭ گازەتىنىڭ ءتىلشىسى ليۋ ي 4 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، كەزەكتە رايونىمىز 93 اۋدانداعى (قالا، رايون) اۋىل شارۋاشىلىق ونىمدەرى ءوندىرىسى كولەمدەنگەن 4747 شارۋاشىلىق نەگىزگى تۇلعاسىنا، سونداي - اق 6519 شاعىن قارجىگەرگە ازىقتىق اۋىل شارۋاشىلىق ونىمدەرى تولىمدىلىق كۋالىگى ءتۇزىمىن جولعا قويعان، بۇل كوكونىس، جەمىس - جيدەك، مال، ءۇي قۇستارى، جۇمىرتقا جانە باعىمشىلىق سۋ ونىمدەرى سىندى 5 ۇلكەن ءتۇردى قامتيدى، باسىم كوپ ساندى ازىقتىق اۋىل شارۋاشىلىق ونىمدەرى كۋالىكپەن بازارعا سالىنىپ ساتىلعان.

  ازىقتىق اۋىل شارۋاشىلىق ونىمدەرى تولىمدىلىق كۋالىگى ءتۇزىمى اۋىل شارۋاشىلىق ونىمدەرى ەگىمشىلىك، باعىمشىلىق وندىرىسشىلەرى ءوزىن باسقارۋ، ءوزىن مەڭگەرۋ، ءوزىن تەكسەرۋ نەگىزىندە، اۋىل شارۋاشىلىق ونىمدەرىن حاۋىپسىز، تولىمدىلىقپەن بازارعا شىعارۋعا ۋادە بەرەتىن جاڭاشا اۋىل شارۋاشىلىق ونىمدەرىنىڭ ساپا حاۋىپسىزدىگىن باسقارۋ ءتۇزىمى. اۋىل شارۋاشىلىق ونىمدەرى ەگىمشىلىك، باعىمشىلىق وندىرىسشىلەرى ساۋدا جاساعان كەزدە تولىمدىلىق كۋالىگىن ىرىقتى تۇردە كورسەتىپ، اۋىل شارۋاشىلىق ونىمدەرىنىڭ تولىمدىلىقپەن بازارعا سالىنۋىن، كۋالىكپەن ساتىلۋىن جۇزەگە اسىرادى. تولىمدىلىق كۋالىگى ءتۇزىمى ارقىلى ءوندىرىس تۇلعالارىن باسقارۋ، ەگىمشىلىك، باعىمشىلىق بارىسىن باسقارۋ - مەڭگەرۋ، ەگىس دارىلەرى، مال دارىلەرى قالدىعىن ءوزى تەكسەرۋ، ونىمدەردى كۋالىكپەن بازارعا شىعارۋ، ماسەلەسى بار ونىمدەردىڭ توركىنىن تەكتەۋ سياقتى شارالاردى توپتاپ، وندىرىسشىلەردىڭ تۇلعالىق جاۋاپكەرشىلىگىن كۇشەيتىپ، اۋىل شارۋاشىلىق ونىمدەرىنىڭ ساپا حاۋىپسىزدىگىن باسقارۋ قابىلەتىن جوعارىلاتىپ، ساپا حاۋىپسىزدىگىن اناعۇرلىم ءونىمدى قامتاماسىز ەتۋگە بولادى.

  2020 - جىلى اۆتونوميالى رايون ازىقتىق اۋىل شارۋاشىلىق ونىمدەرى تولىمدىلىق كۋالىگى ءتۇزىمىن سىناق رەتىندە اتقارعاننان بەرى بۇكىل رايونداعى ءار دارەجەلى اۋىل شارۋاشىلىعى، اۋىل - قىستاق تاراۋلارى قاراستى رايونداعى ەگىمشىلىك، باعىمشىلىق ءوندىرىس تۇلعالارىنا جاپپاي حال - جاي ءبىلىپ تەكسەرۋ جۇرگىزىپ، باقىلاۋ - باسقارۋ كولەمىنە ەنگىزىلۋگە ءتيىستى تۇلعالاردىڭ سانىن ءبىر - بىردەن تۇراقتاندىرىپ، سىناق رەتىندە اتقارۋ كولەمىندە بەلگىلەنگەن تۇلعالاردى تۇتاس قامتۋعا شىنايى كەپىلدىك ەتتى. اۆتونوميالى رايوننىڭ اۋىل شارۋاشىلىق ونىمدەرىنىڭ ساپا حاۋىپسىزدىگى بويىنشا توركىنىن تەكتەۋ تۇعىرىن يكەمدى باسقارىپ، سىناق رەتىندە جۇرگىزەتىن تۇلعالار ءتىزىمىن اناعۇرلىم كەمەلدەندىردى. قازىرگە دەيىن بۇكىل رايوندا بەرىلگەن تولىمدىلىق كۋالىگى 2 ميلليون 80 مىڭنان استى.

  سونىمەن بىرگە بۇكىل رايون اۋىل - قالاشىق اۋىل شارۋاشىلىق ونىمدەرىنىڭ ساپا حاۋىپسىزدىگىن باقىلاۋ - باسقارۋ پۋنكتىنەن تولىق پايدالانىپ، ازىقتىق اۋىل شارۋاشىلىق ونىمدەرى تولىمدىلىق كۋالىگى بەرىلگەن جانە كورسەتىلگەن اۋىل شارۋاشىلىق ونىمدەرىنە %20تىك ۇلگى الىپ تەكسەرۋ سالىستىرماسى بويىنشا جەدەل تەكسەرۋ - ولشەۋ، ۇلگى الىپ تەكسەرۋ ورىستەتىپ، تەكسەرۋ - ولشەۋدە ماسەلە بايقالعان اۋىل شارۋاشىلىق ونىمدەرىنە دەرەۋ مولشەر بويىنشا تەكسەرۋ - ولشەۋ جۇرگىزىپ، تولىمدىلىق كۋالىگى ءتۇزىمىن ۇزدىكسىز كۇشەيتتى، كەمەلدەندىردى. كەزەكتە بۇكىل رايوندا سىناق رەتىندە جۇرگىزەتىن تۇلعالارعا 1117 رەت كۇندەلىكتى شارلاپ تەكسەرۋ، تەكسەرۋ جۇرگىزىپ، تولىمدىلىق كۋالىگى بار 6000نان استام اۋىل شارۋاشىلىق ونىمدەرىن باقىلاۋ، ۇلگى الىپ تەكسەرۋ جانە تولىمدىلىق كۋالىگى بار اۋىل شارۋاشىلىق ونىمدەرىن 50 مىڭنان استام رەت جىلدام تەكسەرۋ - ولشەۋ قىزمەتىن تامامدادى.

  كەلەسى قادامدا رايونىمىز باقىلاۋشى - باسقارۋشى قىزمەتكەرلەردى، تەكسەرۋشى - ولشەۋشى قىزمەتكەرلەردى، زاڭ اتقارۋشى قىزمەتكەرلەردى، سونداي - اق تەحنيكا جالپىلاستىراتىن قاتىستى قىزمەتكەرلەردى باۋلۋدى ۇزدىكسىز كۇشەيتىپ، بەلگى جاپسىرىلىپ بازارعا شىعارىلعان اۋىل شارۋاشىلىق ونىمدەرىن باقىلاۋدى، ۇلگى الىپ تەكسەرۋدى جانە جىلدام تەكسەرۋ - ولشەۋدى كۇشەيتىپ، ازىقتىق اۋىل شارۋاشىلىق ونىمدەرى تولىمدىلىق كۋالىگىن ينفورماتسيالاندىرۋدى جالپىلاستىرۋ سىناق ءتۇيىنى اۋداندارىنان (قالا) ءبىر توبىن تاڭداپ، ازىقتىق اۋىل شارۋاشىلىق ونىمدەرى تولىمدىلىق كۋالىگىن ينفورماتسيالاندىرۋ سىناق ءتۇيىنى قىزمەتىن ورىستەتىپ، ”تولىمدىلىق كۋالىگى + ەكىلىك كود“ ەلەكتروندى تولىمدىلىق كۋالىگى جۇيەسىن جالپىلاستىرىپ، پايدالانىپ، ازىقتىق اۋىل شارۋاشىلىق ونىمدەرى تولىمدىلىق كۋالىگى جانە اۋىل شارۋاشىلىق ونىمدەرىنىڭ ساپا حاۋىپسىزدىگى بويىنشا توركىنىن تەكتەۋ قىزمەتىن اناعۇرلىم ىلگەرىلەتۋگە نەگىز قالاماقشى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.