قۇزىرلى جاريالاۋ · اۆتونوميالى رايوننىڭ داعدىلى اقپار جاريالاۋ ماجىلىسىندە
جالعاستى سالىناتىن نىسانداردىڭ جۇمىسى تۇگەلدەي قايتا باستالدى، 34 نىسان قۇرىلىسى تىڭنان جۇرگىزىلە باستادى
العاشقى ماۋسىمدا رايونىمىزداعى ءتۇيىندى نىساندارعا 21 ميلليارد 900 ميلليون يۋاننان استام قارجى قوسىلدى
انار بۇلت / شينجياڭ گازەتىنىڭ ءتىلشىسى شى شين 4 - ايدىڭ 19 - كۇنى ۇرىمجىدەن حابارلايدى. 4 - ايدىڭ 19 - كۇنى اشىلعان 2021 - جىلعى اۆتونوميالى رايوننىڭ قارجى قوسىلعان نىساندار قۇرىلىسىنىڭ جاعدايى جونىندەگى اقپار جاريالاۋ ماجىلىسىنەن ۇعىسۋعا قاراعاندا، ءبىرىنشى ماۋسىمدا اۆتونوميالى رايونداعى ءتۇيىندى نىساندارعا جالپى 21 ميلليارد 971 ميلليون يۋان قارجى قوسىلعان. مۇندا جالعاستى سالىناتىن 160 نىسان قۇرىلىس جۇمىسىن جالپى بەتتىك قايتا باستاعان، جاڭادان سالىناتىن 34 نىسان قۇرىلىس جۇمىسىن باستاعان.
اۆتونوميالى رايوندىق دامۋ جانە رەفورما كوميتەتىنىڭ ورىنباسار مەڭگەرۋشىسى لي رىن بىلاي دەپ تانىستىردى: بيىل جىل باسىنان بەرى اۆتونوميالى رايون ”جالعاستى سالىناتىن نىسانداردىڭ قارقىنىن تەزدەتۋ، جاڭادان سالىناتىن نىسانداردىڭ جۇمىس باستاۋىن جەبەۋ، زاپاس نىسانداردىڭ الدىڭعى مەرزىمدىك قىزمەتىن مىقتى يگەرۋ“ قىزمەت تالابىن ارقاۋ ەتىپ، اۆتونوميالى رايوندىق پارتكوم مەن ۇكىمەتتىڭ نىسانداردى يگەرۋ، قارجى قوسۋدى جەبەۋ ءتۇرلى ساياساتتارىنىڭ جەتەكشىلىك ەتۋ رولىن تولىق ساۋلەلەندىرىپ، قىزمەتتەگى بولجامپازدىقتى كۇشەيتىپ، قىزمەت وتەۋدەگى شەشۋشى قادامدى جاقسى باسىپ، نىساندارداعى ”ەرتە جوبالاۋدى، ەرتە جۇمىس باستاۋدى، ەرتە قۇرىلىس جۇرگىزۋدى، ەرتە ونىمدىلىك كورۋدى“ جوعارى ساپامەن ىلگەرىلەتتى.
بيىل اۆتونوميالى رايون 350 ءتۇيىندى نىسان ورنالاستىردى، جالپى ءبىر تريلليون 649 ميلليارد 300 ميلليون يۋان قارجى قوسىپ، 240 ميلليارد يۋاننان استام قارجى قوسۋدى ورىنداۋدى جوسپارلادى. كاسىپ سالاسى بويىنشا قاراعاندا، ءبىرىنشى ماۋسىمدا سۋ يگىلىگى نىساندارىنا ءبىر ميلليارد 130 ميلليون يۋان قارجى قوسىلىپ، جىلدىق جوسپاردىڭ ％7.40ى ورىندالدى؛ قاتىناس نىساندارىنا 3 ميلليارد 623 ميلليون يۋان قارجى قوسىلىپ، جىلدىق جوسپاردىڭ ％4.81 ورىندالدى؛ ەنەرگيا نىساندارىنا 10 ميلليارد 821 ميلليون يۋان قارجى قوسىلىپ، جىلدىق جوسپاردىڭ ％13.9ى ورىندالدى؛ كاسىپ سالاسى نىساندارىنا ءبىر ميلليارد 830 ميلليون يۋان قارجى قوسىلىپ، جىلدىق جوسپاردىڭ ％7.2ى ورىندالدى؛ حالىق تۇرمىسى نىساندارىنا 4 ميلليارد 567 ميلليون يۋان قارجى قوسىلىپ، جىلدىق جوسپاردىڭ ％9.43ى ورىندالدى.
جاڭادان سالىناتىن، جالعاستى سالىناتىن، زاپاس نىسانداردى جانە اۆتونوميالى رايوننىڭ ءتۇيىندى نىسان قۇرىلىستارىن ءبىر تۇتاس جوسپارلاپ ىلگەرىلەتىپ، نىسان قۇرىلىستارى ارقىلى ءونىمدى قارجى قوسۋعا جەتەلەپ، ەكونوميكالىق ارتۋدى ورنىقتىرۋ ءۇشىن اۆتونوميالى رايون ءتۇيىندى كورنەكتىلەندىرىپ، جالعاستى سالىناتىن نىسانداردى ويداعىداي يگەرىپ، جاڭادان سالىناتىن نىسانداردىڭ دەر كەزىندە قۇرىلىس جۇمىسىن باستاۋىن بارىنشا جەدەلدەتىپ، زاپاس نىسانداردىڭ الدىڭعى مەرزىمدىك قىزمەتىن تىڭعىلىقتى ىلگەرىلەتتى؛ نىسانانى مىقتاپ كوزدەپ، نىسان قۇرىلىس فاكتورلارىن قامتاماسىز ەتۋدى كۇشەيتىپ، قىزمەت جاۋاپكەرشىلىگىن ناقتىلاندىرىپ، نىسان قۇرىلىسىن ىلگەرىلەتۋ قىزمەتىنىڭ بىرىككەن كۇشىن قالىپتاستىردى. وسى جىل ىشىندە قاشقاردىڭ ”ءبىر قالا، ەكى اۋدان“ قالا، اۋىل اۋىز سۋ حاۋىپسىزدىگى ينجەنەرياسى، G575 جەلىسى باركول - قۇمىل تاس جولى، G7 جەلىسى باركول - موري تاس جولى قۇرىلىس نىسانى، موڭعۇلكۇرە اۋەجايى مەن قاشقار اۋەجايىن جاڭالاپ، كەڭەيتىپ سالۋ، جۇندۇڭ - ۋاننان ەرەكشە جوعارى كەرنەۋلى سايكەستى ينجەنەرياسى سياقتى ءبىر توپ كەلەلى نىسانداردى ورىنداۋعا كۇش سالادى.
