− رايونىمىزدىڭ حالىق ءۇشىن ىستەگەن ەرەكشە الەۋمەتتىك قىزمەت وتەۋىنەن ەستەلىك
انار بۇلت / شينجياڭ گازەتىنىڭ تىلشىلەرى
قوعامنىڭ جىلدام دامۋىنا ىلەسە، ەرەكشە قاۋىمنىڭ ۇيلەسۋ قابىلەتىنىڭ قاراپايىم ادامدار شوعىرىنا قاراعاندا ءبىرشاما ءالسىز بولۋى قوعامنىڭ نازارىن اۋداردى. ەلىمىز ايەلدەر، مۇگەدەكتەر، قارتتار، ازامات جاسىنا تولماعاندار قاتارلى ەرەكشە قاۋىمدى قورعاۋدا ەرەكشە بەلگىلەمە شىعاردى.
تاياۋ جىلداردان بەرى رايونىمىز ەرەكشە قاۋىمعا باعىتتاي وتىرىپ ءبىر قىدىرۋ ساياساتتار مەن شارالاردى شىعارىپ، ولاردىڭ قوعامنىڭ جىلدام دامۋىنا ۇيلەسۋىنە، رەفورمانىڭ، دامۋدىڭ جەتىستىكتەرىنەن بىرگە يگىلىكتەنۋىنە كومەكتەسىپ، رايونىمىزدىڭ رەفورماسىنىڭ، دامۋىنىڭ قارقىندى دا، اناعۇرلىم مەيىرىمدى بولۋىنا مۇمكىندىك جاسادى.
دالمە - ءدال كۇش سالىپ، باقىت سەزىمىن كۇشەيتتى
”پارتيانىڭ ابزال ساياساتىنا راقىمەت، مەن ءومىرىمنىڭ سوڭعى كەزىندەگى تۇرمىسىمدى وتە باقىتتى وتكىزىپ كەلەمىن“. 4 - ايدىڭ 19 - كۇنى جەمسارى اۋدانى ارگۇڭ قالاشىعىنىڭ 81 جاستاعى قىستاق تۇرعىنى ساۋ حاييىڭ قۋانىشتى تۇردە بىلاي دەدى: جەمسارى اۋداندىق قوعامدىق يگىلىك باسقارۋ ورتالىعىنا كەلگەننەن كەيىن، ىشەر استان، كيەر كيىمنەن قامىقپايتىن بولدىم، اۋرۋ كورسەتۋ دە، ءدارى ءىشۋ دە قولايلى بولدى، ءار ايدا تاعى ەگدە قارتتارعا بەرىلەتىن قوسىمشا قاراجات تا الامىن.
2017 - جىلدىڭ باسىندا اۆتونوميالى رايوندىق حالىق ۇكىمەتى «”بەستە قامتاماسىز ەتىلەتىن“ قارتتاردى شوعىرلى باعىپ - قاعۋ جانە جەتىم بالالاردى شوعىرلى باعۋ ءتۇزىمىن جالپى بەتتىك ورناتۋ جونىندەگى اتقارۋ پىكىرىن» شىعاردى. 2020 - جىلدىڭ سوڭىنا دەيىن رايونىمىزدىڭ شوعىرلى باعىپ - قاعۋعا نيەت تانىتقان ”بەستە قامتاماسىز ەتىلەتىن“ قارتتاردى شوعىرلى باعىپ - قاعۋ مولشەرى ％100كە، جەتىم بالالاردى شوعىرلى باعۋ مولشەرى ％100كە جەتتى.
”باياۋ پويەز“ شەت - شالعاي تاۋلى وڭىردەگى اۋىل شارۋاشىلىق ونىمدەرىن تاسىپ، قىستاق تۇرعىندارىنىڭ كىرىستى ارتتىرىپ بايۋىنا كومەكتەستى؛ تاۋلى وڭىرگە حابارلاسۋ نەگىزدىك پۋنكتى سالىنىپ، تاۋ قويناۋىنداعى ەگىنشىلەر دە قول تەلەفوندارىنان پايدالانىپ تىكە تاراتىلىمعا شىعاتىن بولدى... رايونىمىز دالمە - ءدال كۇش سالىپ، ارقان جولدى كوپىرگە وزگەرتۋ، تاس جول قىزمەت وتەۋ وڭىرىندەگى ”دارەتحانا توڭكەرىسى“، اۋىر مۇگەدەك بالالاردى ۇيلەرىنە بارىپ وقىتۋ سياقتى شارالاردى جولعا قويىپ، ەرەكشە قاۋىمدى رەفورمانىڭ، دامۋدىڭ جەتىستىگىنەن يگىلىكتەندىردى.
2020 - جىلى 12 - ايدىڭ 30 - كۇنى اۆتونوميالى رايوندىق حالىق ۇكىمەتى كەڭسەسى «ۇكىمەتتىك قىزمەت وتەۋدى اناعۇرلىم ساپالىلاندىرىپ، قارتتاردىڭ ءىس بىتىرۋىنە قولايلىلىق جاساۋ قىزمەت وتەۋ قىزمەتى جونىندەگى حابارلاندىرۋدى» باسىپ تاراتىپ، اۆتونوميالى رايوننىڭ ءبىر تۇلعالانعان ينتەرنەتتە ۇكىمەتتىك قىزمەت وتەۋ تۇعىرىنا سۇيەنىپ، ”قاجەتتى ينتەرنەت جەلىسىنەن تىسقارى ءىس ءبىتىرۋ ارناسىن ورناتىپ، قارتتارعا سول ورىندا كەڭەس بەرۋ، جول كورسەتۋ سياقتى قولايلى قىزمەت وتەۋ“ سياقتى قاتىستى ناقتى شارالاردى العا قويدى.
مۇگەدەكتەر − ەرەكشە قيىنشىلىعى بار قاۋىم، ەرەكشە قامقورلىق جاساۋعا، كوڭىل بولۋگە مۇقتاج. 2020 - جىلى رايونىمىز جالپى 100 مىڭ 280 مۇگەدەكتى ساۋىقتىرۋ قىزمەت وتەۋىمەن قامدادى، ساۋىقتىرۋ قىزمەت وتەۋ مولشەرى ％95كە جەتتى؛ 37 مىڭ 783 مۇگەدەككە كومەكشى جابدىق ازىرلەۋ قىزمەت وتەۋىمەن قامدادى، كومەكشى جابدىق ازىرلەۋ قىزمەت وتەۋ مولشەرى ％97كە جەتتى. مۇگەدەك بالالاردى ساۋىقتىرۋ، قۇتقارۋ - كومەكتەسۋ بويىنشا 54 ميلليون 502 مىڭ يۋان قارجى جۇمساپ، ءتۇرلى مۇگەدەك بالالاردان 3061ىن كومەكتەسىپ - قۇتقارىپ، 2795 مۇگەدەك بالانى ساۋىقتىرۋ قىزمەت وتەۋىمەن قامدادى.
اۆتونوميالى رايوندىق پارتكوم مەن ۇكىمەت ءار ۇلت ايەلدەرىنىڭ دەنساۋلىعىنا دا ەرەكشە كوڭىل ءبولدى، 2020 - جىلعا دەيىن رايونىمىز ”ەكى راك“ بويىنشا جالپى 58 ميلليون 110 مىڭ يۋان قۇتقارۋ - كومەكتەسۋ قاراجاتىنا ءوتىنىش بەرىپ، اۋىل - قىستاقتارداعى اۋرۋعا شالدىققان 5811 كەدەي ايەلدىڭ اربىرىنە 10 مىڭ يۋان قۇتقارۋ - كومەكتەسۋ قاراجاتىن تاراتتى.
قىزمەت ورنىنداعى ايەلدەردىڭ بالا ەمىزۋ ۇقىق - مۇددەسىن قامتاماسىز ەتۋ ءۇشىن، اۆتونوميالى رايوندىق باس جۇمىسشى ۇيىمى ارناۋلى قاراجات بەلگىلەپ، ايەل جۇمسشى - قىزمەتكەرلەردىڭ دەمالۋ، بالا ەمىزۋ ءۇيىن سالعىزدى. كەزەكتە تۇتاس شينجياڭدا ايەل جۇمىسشى - قىزمەتكەرلەردىڭ دەمالۋ، بالا ەمىزۋ ۇيىنەن 4622سى سالىنىپ، 182 مىڭعا تاياۋ ايەل جۇمىسشى - قىزمەتكەردى قامتىدى.
ازامات جاسىنا تولماعانداردى قورعاۋعا قاراتا، 2020 - جىلى اۆتونوميالى رايوندىق وداق كوميتەتى كوممۋنيستىك جاستار وداعىنىڭ ”شۋاققا بولەنگەن بالا“ جاستار مەن ورەندەر ءۇيى نىسانىن ءۇرتىس ىلگەرىلەتتى. بۇل نىسان مەردىگەر شاقىرۋ، مەردىگەرلىككە الۋ ءتاسىلىن قولدانىپ، 4 قوعامدىق قىزمەت وتەۋ قۇرىلىمىن تاڭداپ، تۇتاس شينجياڭداعى 13 الەۋمەتتىك اۋماقتا جاستار مەن ورەندەرگە باعىتتاي يدەيالىق جاقتان جەتەكتەۋ، ۇيرەنۋ، تۇرمىس، دەنە جانە رۋحاني اقاۋسىزدىق، ءوزىن قورعاۋ تاربيەسى، قوعامعا توعىسۋ، زاڭمەن جونگە سالۋ ويى سياقتى جاقتاردا ماماندانعان، دارالانعان قوعامدىق قىزمەت وتەۋىن ورىستەتتى. قازىرگە دەيىن جالپى 10 مىڭ 923 رەت ءتۇرلى قيمىل ورىستەتىلدى، 65 مىڭ 738 ادام قاتىناستى.
قىزمەت وتەۋ قولايلى بولىپ، مەيىر جەتكىزدى
4 - ايدىڭ 19 - كۇنى تۇستەن بۇرىن ءۇرىمجى ۆوكزالى ”جىبەك جولى مەرۋەرتى“ ءتۇيىندى جولاۋشىلارعا قىزمەت وتەۋ ارناۋلى اۋماعىندا ءتىلشى ورىندىقتا وتىرعان ءتۇيىندى 7 - 8 جولاۋشىنىڭ بىلەكتەرىنە جاسىل لەنتا بايلاپ العاندىعىن كوردى. قىزمەتكەرلەر ەستەلىك داپتەرلەرىن ءالسىن - ءالى اشىپ، قايسى ءبىر ءتۇيىندى جولاۋشىنىڭ پويەزعا شىعۋ ۋاقىتى بولعاندىعىن بايقاسا، دەرەۋ دوڭگەلەكتى ارباشانى يتەرىپ جولاۋشىنى پويەزعا شىعارىپ، سونداي - اق پويەز قىزمەتكەرلەرىنە ءتۇيىندى جولاۋشىلارعا ويداعىداي قىزمەت وتەۋدى تاپسىرىپ جاتتى.
”جاسىل لەنتا“ قىزمەت وتەۋى ءۇرىمجى ۆوكزالى جىبەك جولى مەرۋەرتى قىزمەت وتەۋ ماركاسىنىڭ ەرەكشە قىزمەت وتەۋ شاراسى سانالادى، قارتتار، السىزدەر، ناۋقاستار، مۇگەدەكتەر، جۇكتى ايەلدەر سياقتى تالايلاعان ءتۇيىندى جولاۋشىلارعا قىزمەت وتەدى.
مەيىرباندىق قىزمەت وتەۋ ەرەكشە قاۋىمعا قولايلىلىق اكەلىپ قانا قويماي، ونان دا ماڭىزدىسى، جىلى مەيىر سيلادى.
جۇڭگو جىلجىمالى حابارلاسۋ شينجياڭ سەرىكتەستىگى بازار تيجاراتى ءبولىمى قارت قاريدارلارعا قولايلى قىزمەت وتەۋ ۇسىنىپ، مەيىرىم ورىندىعىن ورنالاستىرىپ، مەيىرباندىق ارناسىن جانە كەدەرگىسىز قۇرىلعىلار، سونداي - اق ناق اقشا، يىنليان POS اپپاراتى، 3 - جاق تولەۋ قۇرالى سياقتى الۋان ءتۇرلى تولەۋ تاسىلدەرىن ازىرلەپ، جۇمىس ءبىتىرۋ ءتارتىبىن ساپالىلاندىرىپ، ىقشامداپ، قارت قاريدارلارعا قاتىستى كەڭەس بەرۋ، جەتەكتەۋ، ءتۇسىندىرۋ قىزمەتى سياقتىلاردى ويداعىداي ىستەدى. قازىر بۇكىل شينجياڭداعى تىكە تيجارات دۇكەندەرىندەگى قارتتارعا ارنالعان مەيىرىم ورىندىقتارىنىڭ قويىلۋ مولشەرى ％100كە جەتتى.
رايونىمىز ساپالى مەديتسينالىق بايلىقتاردىڭ نەگىزگى ساتى ءبىرىنشى شەبىنە جەتۋىن ىلگەرىلەتىپ، وڭتۇستىك شينجياڭداعى 4 ايماق - وبلىستا ”ۇعىسۋ، تيىمدىلىك جاساۋ، توعىستىرۋ“ بويىنشا ەمدەۋ كوشپەلى قىزمەت وتەۋىن ورىستەتتى. 5 جىلدان بەرى 11 كوشپەلى ەمدەۋ اترەتى 491 مىڭ ادامعا (رەت) تەگىن ەمدەۋ جۇرگىزىپ، 793 مىڭ قىستاق تۇرعىندارىنا تيىمدىلىك جاساپ، قۇنى ءبىر ميلليون 200 مىڭ يۋاننان اساتىن ءدارى - دارمەك تاراتتى. 1173 رەت تاربيەلەۋ ورىستەتىپ، نەگىزگى ساتىداعى مەديتسينالىق قىزمەتكەرلەردەن 15 مىڭ ادام (رەت) تاربيەلەپ، نەگىزگى ساتىنىڭ دياگنوز قويۋ، ەمدەۋ دەڭگەيىن جوعارىلاتتى.
”13 - بەسجىلدىق“ مەزگىلىندە ەمدەۋ دارىندىلارىنىڭ ”ۇجىمدىق فورما“ ارقىلى شينجياڭعا كومەكتەسۋى دە اسا كۇشتى جەتەكتەۋ، دەم بەرۋ رولىن كورسەتىپ، شينجياڭعا كومەك بەرەتىن ءارقايسى ولكەلەر جوعارى دەڭگەيلى ەمدەۋ دارىندىلارىنان جالپى 4 توپتا 777 ادام تاڭداپ جىبەرىپ، 28 اكادەميكتىڭ، ايگىلى مەديتسينالىق ماماننىڭ جۇمىس كەڭسەسىن اشىپ، ءبىر ميلليون 40 مىڭنان استام ادامعا (رەت) دياگنوز قويىپ، ەمدەۋ جۇرگىزىپ، ءبىر ميلليون 158 مىڭ ادامدى (رەت) بالنيتساعا جاتقىزىپ ەمدەدى، ۇنەمى كەزدەسەتىن اۋرۋلار اۋدان كولەمىندە دەر كەزىندە ەمدەلەتىن بولدى.
قول ۇستاسىپ دوڭگەلەك داۋلەتتىلىككە بىرگە قادام تاستادى
”جاپپاي دوڭگەلەك داۋلەتتىلىككە جەتۋ جولىندا بىردە - ءبىر ادامنىڭ قاتاردان قالۋىنا بولمايدى“. رايونىمىزداعى ەرەكشە قاۋىم پارتيا ساياساتىنىڭ كومەكتەسۋى مەن سۇيەمەلدەۋىندە تۇگەلدەي كەدەيلىكتەن ارىلدى.
بىلتىر اۆتونوميالى رايوندىق مۇگەدەكتەر بىرلەستىگى مۇگەدەكتەردەن 8202 ادامدى تاربيەلەپ، ارحيۆ تۇرعىزىلىپ، كارتچكالاندىرىلعان 22 مىڭ 705 كەدەي مۇگەدەك ادام جۇمىستاندى. بۇكىل شينجياڭدا مۇگەدەك ادامداردان 160 مىڭنان استامى جۇمىستاندى، ارحيۆ تۇرعىزىلىپ، كارتچكالاندىرىلعان 120 مىڭ كەدەي مۇگەدەك تۇگەلدەي كەدەيلىكتەن ارىلدى.
2020 - جىلى 5 - ايدىڭ 17 - كۇنى اۆتونوميالى رايوندىق مۇگەدەكتەر بىرلەستىگى تۇلعالاعان شينجياڭ مۇگەدەكتەر مادەنيەت جاسامپازدىعى كاسىپ سالاسى بازاسى، جۇمىستاندىرۋ، شارۋاشىلىق قۇرۋ جەتىلدىرۋ بازاسى (تومەندە ”قوس بازا“ دەلىندى) ءۇرىمجى قالاسىندا اشىلدى. بازا مۇگەدەكتەردەن شارۋاشىلىق قۇراتىن، جاڭالىق اشاتىن دارىندىلار جەتىلدىرۋدى، مۇگەدەكتەردىڭ ءوز كۇشىنە سۇيەنىپ جۇمىستانۋىن، شارۋاشىلىق قۇرۋىن سۇيەمەلدەۋدى نىسانا ەتكەن، ول شينجياڭداعى مۇگەدەكتەرگە جۇمىستانۋ، شارۋاشىلىق قۇرۋ بويىنشا جەتىلدىرۋ، قىزمەت وتەۋ جۇرگىزەتىن العاشقى تۇعىر سانالادى. قازىرگە دەيىن ”قوس بازاعا“ ىرگە تەپكەن ناقتى جۇمىس كەڭسەلەرى 19عا، ۆيرتۋالدى تۇردە ىرگە تەبۋ جونىندە كەلىسىم - شارت جاساسقان جۇمىس كەڭسەسى 10عا جەتتى.
قيىنشىلىعى بار بۇقارانىڭ ”اۋرۋ سەبەبىنەن كەدەيلەسۋ“، ”اۋرۋ سەبەبىنەن قايتا كەدەيلەسۋ“ ماسەلەسىن شەشۋ ءۇشىن، اۆتونوميالى رايون حالىققا ءتيىمدى ينجەنەريالاردى ۇزدىكسىز تەرەڭدەي ىلگەرىلەتىپ، ەمدەۋ ارقىلى كەدەيلەردى سۇيەمەلدەۋدى قامتاماسىز ەتۋ تابىستارىن بەكەمدەپ، كەڭەيتىپ، قيىنشىلىعى بار بۇقارانىڭ اۋرۋ كورسەتۋ اۋىرتپالىعىن جەڭىلدەتىپ، ”كىشى - گىرىم اۋرۋدى ەلەمەي، ۇلكەن اۋرۋعا شىداپ جۇرە بەرەتىن“ جاعداي شينجياڭدا كەلمەسكە كەتتى.
(ءتىلشى لياڭ ليحۋا، قاتىناسقان تىلشىلەر لۋ فىڭباۋ، شى شين، جاۋ مين، لي لين، فان چيۇڭيان، سۋ لۋپيڭ)
