انار بۇلت / شينجياڭ گازەتىنىڭ ءتىلشىسى لي لي 4 - ايدىڭ 20 - كۇنى ۇرىمجىدەن حابارلايدى. 4 - ايدىڭ 20 - كۇنى تۇستەن كەيىن جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋعا ارنالعان ”كىتاپ وقۋ مەرەيىنە شومعان تيانشان. جالپى حالىقتىق كىتاپ وقۋ“ جانە ”100 جىلدىق كەشۋلەردى وقىپ، رۋحاني كۇشتى جالعاستىرايىق“ نەگىزگى تاقىرىبىنداعى كورمەنىڭ باستالۋ سالتى شينجياڭ كىتاپحاناسىندا وتكىزىلدى. تۇتاس رايونداعى 14 ايماق، وبلىستاعى 109 الەۋمەتتىك كىتاپحانا، 35 جوعارى مەكتەپ كىتاپحاناسى ۇشتاسىپ، بىرلەسە ارەكەتتەنىپ، جالپى حالىقتىق كىتاپ وقۋ جانە كورمە قيمىلىن بىرگە باستادى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن باستالۋ سالتىنا قاتىناستى.
26 - رەتكى دۇنيە جۇزىلىك كىتاپ وقۋ كۇنى قارساڭىندا شينجياڭ كىتاپحاناسى پارتيا تاريحىن ۇيرەنۋ تاربيەسىمەن ۇشتاستىرىپ، كىتاپحانادا ساقتالعان قىزىل بايلىققا سۇيەنىپ، ”100 جىلدىق كەشۋلەردى وقىپ، رۋحانى كۇشتى جالعاستىرايىق“ نەگىزگى تاقىرىبىنداعى جەلىلەس قىزىل حۇجاتتار كورمەسى، كلاسسيك شىعارمالاردى وقۋ، ”ءتورت تاريح“ مىنبەرى، پاك كوڭىلمەن پارتياعا تالپىنۋ سياقتى جالپى حالىقتىق كىتاپ وقۋ قيمىلىن جوبالاپ، ينتەرنەت جەلىسىندەگى بۇلتتىق وقۋدى، پارتيا تاريحىن ۇيرەنۋ ”اۋەلگى ماقسات سارايى“ تۇعىرىن جانە ينتەرنەت جەلىسىنەن تىس پاراساتتىق ۇيرەنۋ كەڭىستىگىن تۇلعالادى.
شينجياڭ كىتاپحاناسى ”شينجياڭدى مادەنيەتپەن نارلەندىرۋ“ ينجەنەرياسىن ىشكەرىلەي اتقارىپ، تاڭداۋلى قىزىل وقۋ بايلىقتارىنىڭ نەگىزگى ساتىعا جەتۋىن جەبەپ، 4 - ايدان باستاپ تۇتاس شينجياڭداعى 109 الەۋمەتتىك كىتاپحانامەن جانە 35 جوعارى مەكتەپ كىتاپحاناسىمەن كورمە بايلىعىن بىرگە يگىلىكتەنىپ، نەگىزگى ساتى كىتاپحاناسىن ارناۋلى تاقىرىپتىق كورمە وتكىزۋگە جەتەكتەپ، پارتيا تاريحىن ۇيرەنۋ تاربيەسى بايلىعىن جالپىلاستىرىپ، ”ماڭگى پارتياعا ىلەسۋ“ جەلىلەس جالپى حالىقتىق كىتاپ وقۋ قيمىلىن ورىستەتتى. 100 كىتاپحانانىڭ جالپى تۇلعالىق بىرلەسە ارەكەتتەنۋى، ينتەرنەت جەلىسىندە جانە جەلىدەن تىس توعىستىرا ورىستەتۋ ۇلگىسى ارقىلى تۇتاس شينجياڭ كولەمىندە پارتيا تاريحىن ۇيرەنۋ تاربيەسى مەن جالپى حالىقتىق وقۋدىڭ قويۋ رايىن قالىپتاستىردى.
بۇل رەتكى قيمىلعا اۆتونوميالى رايوندىق پارتكوم ۇگىت ءبولىمى جەتەكشىلىك ەتەدى، اۆتونوميالى رايوندىق مادەنيەت - ساياحات مەڭگەرمەسى ۇيىمداستىرادى، شينجياڭ كىتاپحاناسى وتكىزەدى.
