شينحۋا اگەنتتىگىنىڭ 4 - ايدىڭ 20 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 20 - كۇنى يندونەزيانىڭ زۇڭتۇڭى جوكومەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن يندونەزيا ەكى ەلدىڭ ساۋدا جانە قارجى قوسۋ سەلبەستىگى ىندەتتىڭ ءتيىمسىز جاعدايىندا دا ارتىپ، قۋاتتى سەرپىمدىلىك جانە وراسان زور كومەسكى كۇشىن كورسەتتى. جۇڭگو جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى، يندونەزيا قارىشتاپ دامۋدى جۇزەگە اسىرۋدىڭ 100 جىلدىق نىساناسىن بەتكە الىپ ىلگەرىلەۋدە، ەكى ەل كەڭ ءورىستى سەلبەستىك كەلەشەگىنە ءدوپ كەلدى. جۇڭگو جاق يندونەزيانىڭ جۇڭگونىڭ جاڭا دامۋ ارناسىن قالىپتاستىرۋ ورايىن مىقتى ۇستاپ، ەكى ەلدىڭ ءار سالاداعى ناقتى سەلبەستىكتەرىن ءبىر تۇتاس جوسپارلاپ ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋ باستاماسىمەن جانە ”الەمدىك تەڭىز - مۇحيت تىرەگى“ ويىمەن ىشكەرىلەي ۇشتاسىپ، اناعۇرلىم جوعارى ساپالى، اناعۇرلىم كەڭ كولەمدى سەلبەستىكتەردى تۇلعالاۋىن قارسى الادى. ەكى جاق جاكارتا - باندۇڭ جوعارى قارقىندى تەمىر جولى قاتارلى نەگىزدىك قۇرىلعى نىساندارى سەلبەستىكتەرىن ۇزدىكسىز ىلگەرىلەتىپ، ”وڭىرلىك كەشەندى ەكونوميكالىق ءدالىز“ سياقتى ءتۇيىندى نىسانداردى ويداعىداي اتقارىپ، جاڭا ەنەرگيا، تەڭىزدەگى سەلبەستىك سياقتى جاڭا ارتۋ تۇيىندەرىن جەتىلدىرىپ، سيفرلى ەكونوميكا سياقتى سالالارداعى سەلبەستىكتى كۇشەيتۋ كەرەك. جۇڭگو جاق يندونەزيانىڭ ساپالى ونىمدەرىن جۇڭگوعا ەكسپورت ەتۋدى كەڭەيتۋىن قارسى الادى، جۇڭگو كاسىپورىندارىنىڭ يندونەزياعا قارجى قوسۋدى ارتتىرۋىنا قولداۋ كورسەتەدى. ەكى جاق وڭىرلىك جالپى بەتتىك ەكونوميكالىق سەرىكتەستىك قارىم - قاتىناسى كەلىسىمىنىڭ كۇشكە ەنىپ اتقارىلۋىن ىلگەرىلەتىپ، وڭىرلىك ساۋدانىڭ ەركىندەنۋ جانە ەكونوميكانىڭ ءبىر تۇلعالانۋ دەڭگەيىن جەبەۋ كەرەك.
شي جينپيڭ بىلاي دەپ باسا دارىپتەدى: جۇڭگو مەن يندونەزيا حالىقتىڭ ءومىرىنىڭ حاۋىپسىزدىگى مەن دەنساۋلىعىنا ايرىقشا ءمان بەرەدى، ”ۆاكسينا ۇلتشىلدىعىنا“ قارسى تۇرادى، ەكى ەلدىڭ جاڭا تيپتى ايدارشا ۆيرۋس وكپە قابىنۋ ۆاكسيناسى جاعىنداعى سەلبەستىگى الەمنىڭ الدىڭعى لەگىندە كەلەدى. جۇڭگو جاق ەل ىشىندەگى ۆاكسينا ەكتىرۋ قىزمەتىن جان - جاقتى ىلگەرىلەتۋمەن بىرگە، يندونەزيامەن ۆاكسينا سەلبەستىگىن ۇزدىكسىز ورىستەتىپ، يندونەزيانىڭ وڭىرلىك ۆاكسينا ءوندىرۋ ورتالىعىن قۇرۋىنا دەم بەرىپ، ”يممۋنيتەت جىلعاسىنا“ بىرگە قارسى تۇرادى. جۇڭگو جاق يندونەزيانى قامتىعان شەتەلدەردىڭ جۇڭگوداعى ازاماتتارىن ۆاكسينا ەگىلەتىن ادامدار شوعىرىنا قامتىدى، يندونەزيانىڭ دا يندونەزياداعى جۇڭگو ازاماتتارىنا بەلسەندى قولداۋ كورسەتۋىن ءۇمىت ەتەمىز.
شي جينپيڭ بىلاي دەپ باسا دارىپتەدى: 100 جىلدىق وزگەرىس پەن عاسىرلىق ىندەت الدىندا جۇڭگو جاق يندونەزيامەن ستراتەگيالىق ءوزارا سەنىمدىلىكتى ارتتىرىپ، ستراتەگيالىق ورتاق تانىمدى تەرەڭدەتىپ، ستراتەگيالىق ىستەستىكتى كۇشەيتىپ، كوپ جاقتىلىققا تاباندى بولىپ، ادىلدىكتى، تۋراشىلدىقتى قورعاپ، الەمدىك كليماتتى وڭاۋدى ىلگەرىلەتىپ، وركەندەپ كەلە جاتقان ەلدەردىڭ ورتاق مۇددەسىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
جوكو جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاپ، مىنالاردى ءبىلدىردى: جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگونىڭ ءار سالاداعى دامۋى تابىستى بولدى، اسىرەسە، كەدەيلىكتەن ارىلتۋدان قامال الۋ مەن ەكونوميكالىق دامۋ جاقتارىندا وراسان زور تابىستارعا قول جەتكىزىپ، يندونەزيانى قامتىعان وڭىردەگى ەلدەردىڭ دامۋىنا بەلسەندى ۇلەس قوستى. يندونەزيا مەن جۇڭگو جاقسى دوستار، جاقسى باۋىرلاستار، يندونەزيا جۇڭگونىڭ قاتىستى تاجىريبەلەرىن ۇيرەنۋدى، ۇلگى الۋدى، ەكى ەلدىڭ ەكونوميكا، ساۋدا قارىم - قاتىناسىن تەرەڭدەتىپ، جاكارتا - باندۇڭ تەمىر جولى قۇرىلىسىن بەلسەندىلىكپەن ىلگەرىلەتىپ، گۋمانيتارلىق اۋىس - كۇيىستى تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدى ءۇمىت ەتەدى. جۇڭگو جاقتىڭ قيىنشىلىقتاردى جەڭە وتىرىپ يندونەزيانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قىمباتتى قولداۋ كورسەتكەندىگىنە العىس ايتامىز، جۇڭگو جاقپەن ۆاكسينا ءوندىرۋ سەلبەستىگىن ۇزدىكسىز كۇشەيتۋدى ءۇمىت ەتەمىز.
شينحۋا اگەنتتىگىنىڭ 4 - ايدىڭ 20 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 20 - كۇنى ساۋد ارابياسىنىڭ پاتشا مۇراگەرى مۇحاممەدپەن تەلەفوندا سويلەستى.
شي جينپيڭ مۇحاممەدكە ءوزىنىڭ سالمان پاتشاعا دەگەن سالەمىن جەتكىزۋدى ايتتى. شي جينپيڭ بىلاي دەپ اتاپ كورسەتتى: جۇڭگو مەن ساۋد ارابياسى جالپى بەتتىك ستراتەگيالىق سەرىكتەر ءارى ماڭىزدى سەلبەستىك سەرىكتەر. جۋىرداعى جىلداردان بەرى ەكى ەلدىڭ قارىم - قاتىناسى جان - جاقتى دامىپ، ساياسي ءوزارا سەنىمدىلىك ۇزدىكسىز تەرەڭدەپ، ءار سالاداعى سەلبەستىكتەر ۇزدىكسىز كەڭەيىپ، ءوزارا سەنەتىن، ءبىر - بىرىنە تيىمدىلىك جەتكىزىپ، ورتاق پايداعا كەنەلەتىن، بىرگە داميتىن جاقسى دوستارعا، جاقسى سەرىكتەرگە، جاقسى باۋىرلاستارعا اينالدى. جۇڭگو جاق ساۋد ارابياسىمەن قارىم - قاتىناسقا ستراتەگيالىق دەڭگەيدەن جانە ۇزاق ۋاقىتتىق تۇرعىدان مامىلە جاسايدى، ساۋد ارابياسىنىڭ يەلىك ۇقىعى مەن دامۋ جولىنا قۇرمەت ەتەدى. جۇڭگو جاق ساۋد ارابياسى جاقپەن بىرگە ەنەرگيا، ەكونوميكا - ساۋدا، جوعارى تەحنيكا سياقتى سالالارداعى جان - جاقتىلى، جوعارى دەڭگەيلى سەلبەستىك ارناسىن تۇلعالاپ، حالىقارالىق جانە وڭىرلىك ىستەردەگى ۇيلەستىكتى، سايكەستىكتى، سەلبەستىكتى تەرەڭدەتىپ، جۇڭگو مەن ساۋد ارابياسىنىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: كليمات وزگەرىسى مەن جاڭا تيپتى ايدارشا ۆيرۋس وكپە قابىنۋ ىندەتى ادامزات ءدوپ كەلگەن ەلەۋلى سىن - سايىس، كوپ جاقتىلىق اياسىندا ءار ەل كۇشتى شوعىرلاندىرىپ قول ۇستاسا توتەپ بەرۋ كەرەك. جۇڭگو جاق ساۋد ارابياسى جاقتىڭ الەمدىك كليماتتى وڭاۋدى جانە باياندى دامۋدى ىلگەرىلەتۋ ءۇشىن العا قويعان دارىپتەمەسى مەن قولدانعان شارالارىن قولدايدى، ساۋد ارابياسىن قامتىعان حالىقارالىق قوعاممەن بىرگە پارىقتى تۇردە ورتاق جاۋاپكەرشىلىك ارقالاۋ پرينسيبىنە تاباندى بولىپ، كليمات وزگەرىسىنە توتەپ بەرۋ جونىندەگى «پاريج كەلىسىمىنىڭ» جالپى بەتتىك ءونىمدى اتقارىلۋىن ىلگەرىلەتۋدى، سەلبەسىپ تەڭ يگىلىككە كەنەلەتىن، ءادىل، ۇيلەسىمدى بولعان كليمات وڭاۋ جۇيەسىن قول ۇستاسا قۇرۋدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
مۇحاممەد سالمان پاتشانىڭ شي جينپيڭگە دەگەن ىقىلاستى سالەمى مەن ىزگى تىلەگىن جەتكىزدى. مۇحاممەد مىنالاردى ءبىلدىردى: جۇڭگو ساۋد ارابياسىنىڭ سەنىم ارتاتىن جاقسى باۋىرلاسى جانە ماڭىزدى ستراتەگيالىق سەرىگى، ساۋد ارابياسى جاق جۇڭگو جاقپەن دوستىقتى، ءوزارا سەنىمدىلىكتى تەرەڭدەتىپ، ەنەرگيا، ەكونوميكا - ساۋدا سياقتى سالالارداعى ءوزارا تيىمدىلىك جەتكىزەتىن سەلبەستىكتى كۇشەيتىپ، ساۋد ارابياسىنىڭ ”2030 كەلەشەگىنىڭ“ ”ءبىر بەلدەۋ، ءبىر جول“ دارىپتەمەسىمەن ستراتەگيالىق ۇشتاسۋىن ىلگەرىلەتىپ، ساۋد ارابياسى مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ دەڭگەيىن ونان ارى جوعارىلاتۋدى قالايدى. ساۋد ارابياسى جاق جۇڭگو جاقتىڭ وزەكتى مۇددە ماسەلەسىندەگى ورىندى تۇرعىسىن باتىل قولدايدى. ساۋد ارابياسى جۇڭگو جاق جاريالاعان مەملەكەتتىڭ ءوز كۇشىنە سۇيەنىپ ۇلەس قوسۋ نىساناسىن، ”جاسىل ساۋد ارابياسى“، ”جاسىل ورتا شىعىس“ سياقتى دارىپتەمەلەردى ورتاعا قويعاندىعىن القايدى، جۇڭگو جاقپەن كليمات وزگەرىسىنە توتەپ بەرۋ جانە قورشاعان ورتانى قورعاۋ جاقتارىنداعى ستراتەگيالىق سەلبەستىكتى كۇشەيتۋدى قالايدى.
