تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ مەن رەسەيدىڭ زۇڭتۇڭى پۋتين جۇڭگو - رەسەي بيلىك باسىنداعى پارتيالار كەڭەس مەحانيزمىنىڭ 9 - رەتكى ماجىلىسىنە جەكە - جەكە قۇتتىقتاۋ حات جولدادى

  شينحۋا اگەنتتىگىنىڭ 4 - ايدىڭ 20 - كۇنى بەيجيڭنەن بەرگەن حابارى. جۇڭگو - رەسەي بيلىك باسىنداعى پارتيالارى كەڭەس مەحانيزمىنىڭ 9 - رەتكى ءماجىلىسى 4 - ايدىڭ 20 - كۇنى ينتەرنەت جەلىسىندە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن رەسەي فەدەراتسياسىنىڭ زۇڭتۇڭى پۋتين جەكە - جەكە قۇتتىقتاۋ حات جولدادى.

  شي جينپيڭ قۇتتىقتاۋ حاتىندا ءماجىلىستىڭ اشىلعاندىعىن قىزۋ قۇتتىقتايتىندىعىن ءبىلدىردى. ول بىلاي دەدى: 2021 - جىل «جۇڭگو - رەسەي تاتۋ كورشىلىك دوستىق سەلبەستىك شارتىنا» قول قويىلعاندىعىنىڭ 20 جىلدىعى، سونداي - اق جۇڭگو كوممۋنيستىك پارتياسىنىڭ ءبىر تۇتاس رەسەي پارتياسىمەن قارىم - قاتىناس ورناتقاندىعىنىڭ 20 جىلدىعى. 20 جىلدان بەرى جۇڭگو مەن رەسەي كوپ زاماننان بەرگى دوستىق ۇستانىمىن جانە جاڭاشا حالىقارالىق قارىم - قاتىناس پرينسيبىن اسقاقتاتىپ، تىعىز جالپى بەتتىك ستراتەگيالىق ىستەستىك ورىستەتىپ، قازىرگى دۇنيە جۇزىندەگى ءىرى ەل قارىم - قاتىناسىنىڭ ونەگەسىن ورناتتى. ەكى پارتيا ۇزاق ۋاقىت مەحانيزمدەنگەن اۋىس - كۇيىس ورىستەتىپ، جۇڭگو مەن رەسەيدىڭ ساياسي جانە ستراتەگيالىق ءوزارا سەنىمىن پارمەندى بەكەمدەپ، ەكى ەلدىڭ جان - جاقتى ءوزارا تيىمدىلىك جاساۋ سەلبەستىگىن جەبەدى.

  شي جينپيڭ بىلاي دەپ اتاپ كورسەتتى: كەزەكتە عاسىرلىق ىندەت پەن 100 جىلدىق وزگەرىس قوس قاباتتاسىپ، دۇنيە ءجۇزى الاساپىران وزگەرىس مەزگىلىنە ءوتتى. جۇڭگو - رەسەي الەمدىك ىقپالعا يە ماڭىزدى كۇش رەتىندە جاڭا داۋىردەگى جالپى بەتتىك ستراتەگيالىق ىستەستىگىن تەرەڭدەتىپ، حالىقارالىق ادىلدىك پەن تۋراشىلدىقتى قورعاۋدا، دۇنيە ءجۇزى بەيبىتشىلىگىن، ورنىقتىلىعىن قورعاۋدا، ورتاق دامۋدى، گۇلدەنۋدى جەبەۋدە تىرەكتى كۇش رولىن اتقارۋ كەرەك. وسى رەتكى ماجىلىسكە قاتىناسقان ەكى پارتيا ۋاكىلدەرىنەن ىشكەرىلەي اۋىس - كۇيىس جاساپ، ورتاق تانىم ۇيىستىرىپ، ەكى پارتيانىڭ ستراتەگيالىق سەلبەستىگىنىڭ جاڭا تاراۋىن بىرگە اشىپ، جاڭا داۋىردەگى جۇڭگو - رەسەي قارىم - قاتىناسىن جاپپاي تەرەڭدەتۋ، اناعۇرلىم ءادىل دە ۇيلەسىمدى حالىقارالىق ءتارتىپ ورناتۋدى ىلگەرىلەتۋ، ادامزاتتىڭ تاعدىرلاس ورتاق تۇلعاسىن قۇرۋ ءۇشىن ەكى ەلدىڭ بيلىك باسىنداعى پارتيالارىنىڭ اقىل - پاراساتىن جانە كۇش - قۋاتىن ارناۋدى ءۇمىت ەتەمىن.

  پۋتين قۇتتىقتاۋ حاتىندا مىنانى ءبىلدىردى: ءبىر تۇتاس رەسەي پارتياسى مەن جۇڭگو كوممۋنيستىك پارتياسى جەكە - جەكە رەسەي مەن جۇڭگونىڭ نەگىزگى ساياسي كۇشى رەتىندە بيىل تۇگەلدەي پارتيانىڭ ەلەۋلى اتاپ ءوتۋ سيپاتتى تۇيىندەرىن، اتاپ ايتقاندا، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن جانە ءبىر تۇتاس رەسەي پارتياسى قۇرىلعاندىعىنىڭ 20 جىلدىعىن قارسى الادى. ەكى پارتيانىڭ كەڭەسى ەجەلدەن رەسەي - جۇڭگو جالپى بەتتىك ستراتەگيالىق ىستەستىك سەرىكتەستىك قارىم - قاتىناسىنىڭ ماڭىزدى قۇرامداس بولىگى بولىپ كەلەدى. قادىرلەۋگە تاتيتىنى جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراعانىمەن، ءبىر تۇتاس رەسەي پارتياسى جۇڭگو كوممۋنيستىك پارتياسىمەن ورتالىق جانە جەرگىلىكتى ورىن دەڭگەيىندە باستان - اياق جالپى بەتتىك بارىس - كەلىستى ساقتادى. ەكى جاق ەكى جاقتى سەلبەستىكتىڭ كوپتەگەن ماڭىزدى كەڭەس تاقىرىپتارىن ىشكەرىلەي تالقىلاپ، پارتيا قۇرىلىسى، زاڭ شىعارۋ قىزمەتى سياقتى جاقتاردى ارقاۋ ەتە وتىرىپ، امالياتتىق تاجىريبەلەر اۋىستىرىپ، كوپتەگەن پايدالى، رەالدىق سۇرانىسقا ۇيلەسەتىن قوعامدىق ساياسي دارىپتەمەلەرىن سايكەسە قالىپتاستىردى. وسى رەتكى ماجىلىسكە قاتىناسقان ۋاكىلدەردەن سىندارلى، ونىمدىلىككە باي قىزمەتتەر ورىستەتىپ، رەسەي مەن جۇڭگو ەكى ەلدىڭ، سونداي - اق ەكى ەل حالقىنىڭ دوستىعى مەن ءوزارا ءتۇسىنىسۋىن ونان ارى بەكەمدەۋدى كۇتەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.