قورعانۋ باعدارناماسى
انار بۇلت / شينجياڭ گازەتىنىڭ ءتىلشىسى يۇي مىڭران
جاڭا تيپتى ايدارشا ۆيرۋس ۆاكسيناسىن ەكتىرۋدىڭ الدى - ارتىندا حىسۋاندى نەمەسە انتيدەنەنى تەكسەرتۋ قاجەت پە؟ جاڭا تيپتى ايدارشا ۆيرۋس ۆاكسيناسىن ەكتىرگەننەن كەيىن دە حىسۋاندى تەكسەرتۋ قاجەت پە؟ جۇرتشىلىق كوڭىل ءبولىپ وتىرعان وسى ماسەلەلەرگە قاراتا، اۆتونوميالى رايوندىق اۋرۋدان ساقتانۋ - تىزگىندەۋ ورتالىعى يممۋنيتەتتەندىرۋ جوباسى ورنىنىڭ ورىنباسار مەڭگەرۋشىسى قايسار وسمان جاۋاپ بەردى.
قايسار مىنالاردى ءبىلدىردى: ۆاكسينا ەكتىرۋدىڭ الدىندا جاڭا تيپتى ايدارشا ۆيرۋس حىسۋاندى جانە انتيدەنەنى تەكسەرتۋدىڭ قاجەتى جوق، ەكتىرگەننەن كەيىن دە، انتيدەنەنى داعدىلى تەكسەرۋدى يممۋنيتەتتەندىرۋدىڭ ءساتتى بولعان - بولماعاندىعىنىڭ دالەلى ەتۋدى ۇسىنىس ەتپەيمىز. سونىمەن بىرگە، ۆاكسينا ەكتىرگەننەن كەيىن تاعى دا قاتىستى تاراۋلاردىڭ حىسۋاندى تەكسەرۋىنە سايكەسۋى قاجەت.
”جاڭا تيپتى ايدارشا ۆيرۋس ۆاكسيناسىن ەكتىرگەننەن كەيىن، ءتۇرلى سەبەپتەر سالدارىنان، ەكتىرگەندەردىڭ وتە از ساندىسىندا قورعاۋ ءساتسىز بولىپ، حىسۋاندى تەكسەرگەندە بولىمدى بولۋ نەمەسە اۋرۋ تۋىلۋ جاعدايى جارىققا شىعادى“. قايسار بىلاي دەدى: تۇتاس بارىستا ۆاكسينا ەكتىرگەننەن كەيىن، ءىشىنارا ادامداردا يممۋنيتەتتەندىرۋ ءساتسىز بولعاندىقتان قورعاۋ ونىمىنە يە بولا المايدى، بۇل ادامدار شوعىرىندا جاڭا تيپتى ايدارشا ۆيرۋس وكپە قابىنۋ ىندەتى بايقالعاننان كەيىن، جاڭا تيپتى ايدارشا ۆيرۋستى جۇقتىرعاندىقتان حىسۋاندى تەكسەرۋ ناتيجەسى بولىمدى بولۋى نەمەسە اۋرۋ تۋىلۋى مۇمكىن؛ ۆاكسينا ەكتىرىپ ءبىراز ۋاقىتتان كەيىن بارىپ قورعاۋ ءونىمى تۋىلادى. ەگەر وسى مەزگىلدە جاڭا تيپتى ايدارشا ۆيرۋسپەن جۇعىمدالسا، حىسۋاندى تەكسەرۋ ناتيجەسى بولىمدى بولۋى نەمەسە اۋرۋ تۋىلۋى مۇمكىن؛ جانە اۋرۋدىڭ جاسىرىن مەزگىلىندە تۇرعان ناۋقاستار نەمەسە اۋرۋ بەلگىسى جوق جۇعىمدالۋشىلار ۆاكسينا ەكتىرگەن كۇندە دە الدەقاشان جۇعىمدالعاندىقتان حىسۋاندى تەكسەرۋ ناتيجەسى بولىمدى بولۋى نەمەسە اۋرۋ تۋىلۋى مۇمكىن، مۇنداي جاعدايى بار ادامدار شوعىرى تاراتۋشىعا اينالۋى مۇمكىن، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ بويىنشا حىسۋاندى تەكسەرۋ قاجەت بولعاندا، جاڭا تيپتى ايدارشا ۆيرۋس ۆاكسيناسىن ەكتىرگەندىگى تۋرالى دالەل - ىسپات حىسۋاندى تەكسەرۋ مالىمەتىنىڭ ورنىن باسا المايدى.
مۇنان سىرت، ماماندار مىنانى ەسكەرتەدى: جۇمىستى اتقارۋ بارىسىندا ەگەر 1 - رەتكى ۆاكسينا ەكتىرۋدەن كەيىن اۋىر اسىرە سەزىمتالدىق اسەرى بايقالسا، مۇنى ۆاكسينانىڭ قوزعاعانىن جوققا شىعارۋعا بولمايدى، 2 - رەت ەكتىرۋدى ۇسىنىس ەتپەيمىز.
”ەكتىرگەن كەزدە ەكتىرۋشى ەگۋشى شيپاگەرلەرگە دەنساۋلىق جاعدايىن جانە اۋرۋ تاريحى، اسىرە سەزىمتالدىق تاريحى قاتارلىلاردى شىنايى مالىمدەۋى كەرەك، ەكتىرگەننەن كەيىن ەككەن ورىندا قىزارىپ ءىسۋ، بەرىشتەنۋ، اۋرۋ جايتتەرى تۋىلۋى مۇمكىن، ءىشىنارا ادامداردا قىزۋ، ءالى قۇرۋ، باسى اۋرۋ سياقتى اۋرۋ بەلگىلەرى جارىققا شىعۋى مۇمكىن، مۇنىڭ باسىم كوبى ۆاكسينانىڭ ادەتتەگى اسەرى سانالادى، ارتىق قوبالجۋدىڭ قاجەتى جوق، ءبىراق قاجەت بولعاندا ەمدەلۋ كەرەك“، - دەدى قايسار.
