تيانشان تورى
تيانشان تورى   ›   جاڭالىقتار   ›   شينجياڭ حابارلارى

وسەك - اياڭدارعا، ساندىراقتارعا قايتارما سوققى بەرىپ، كاسىپورىننىڭ دامۋىن ىلگەرىلەتەمىز

شيحۋ شينرۇنحى توقىماشىلىق شەكتى سەرىكتەستىگى:

وسەك - اياڭدارعا، ساندىراقتارعا قايتارما سوققى بەرىپ، كاسىپورىننىڭ دامۋىن ىلگەرىلەتەمىز

  جۋىقتا H&M قاتارلى كاسىپورىندار ايتىلمىس ”زورلىقپەن ەڭبەككە سالۋ“ دەگەندى سىلتاۋ ەتىپ، شينجياڭ ماقتاسىن شەكتەدى. شينجياڭ ماقتا توقىماشىلىعى كاسىپ سالاسىن قامداۋ تىزبەگىنىڭ ءبىر مۇشەسى رەتىندە، شيحۋ شينرۇنحى توقىماشىلىق شەكتى سەرىكتەستىگى بۇعان توتەنشە كەكتەنەدى ءارى كەۋدە كەرە شىعىپ، فاكت ارقىلى شىندىقتىڭ جاي - جاپسارىن ءتۇسىندىرۋ مىندەتىمىز بار دەپ بىلەدى.

  سولتۇستىك شينجياڭنىڭ نەگىزگى ماقتا وندىرەتىن وڭىرلەرىندەگى ماقتا اتىزدارىندا نەگىزىنەن تۇتاس بارىس ماشينالاندىرىلعان، تەك ءىرى تۇرپاتتى ماشينالار جۇمىس جۇرگىزۋگە بولمايتىن جەرلەردە عانا ماقتانى قولمەن تەرۋ ويلاستىرىلادى، توقىماشىلىق زاۆودتارىنداعى جۇمىسشىلار دا جۇمىسقا قابىلداۋ ارقىلى كەلگەن، ”زورلىقپەن ەڭبەككە سالۋ“ مۇلدە جوق. سەرىكتەستىگىمىز كوپ ۇلتتان قۇرام تاپقان ۇلكەن شاڭىراق، قازىر كاسىپورىنداعى جۇمىسشى - قىزمەتكەرلەر اراسىندا از ۇلت جۇمىسشى - قىزمەتكەرلەرى %60تەن استامىن يەلەيدى. سەرىكتەستىك باستان - اياق جۇمىسشىلاردى زاڭدى ىستەتۋگە تاباندى بولىپ، جۇمىسشى - قىزمەتكەرلەردى جۇمىسقا قابىلدادى ءارى ولارمەن ەڭبەك توقتامىنا قول قويىسىپ، ەمدەۋ قامسىزداندىرۋى، زەينەتكەرلىك قامسىزداندىرۋى، جۇمىس ۇستىندە جارالانۋ قامسىزداندىرۋى، جۇمىسسىزدىق قامسىزداندىرۋى، تۋىت قامسىزداندىرۋى سياقتى 5 قامسىزداندىرۋدى تاپسىرادى. ”ونىمدىلىكتى ارتتىرىپ، جۇمىستاندىرۋدى جەبەۋ“ ءۇشىن، سەرىكتەستىك تاعى ىشكى وڭىرلەردەن ارناۋلى تەحنيك قىزمەتكەرلەردى ءتۇيىندى تۇردە شينجياڭداعى جەرگىلىكتى، اسىرەسە، از ۇلت قىزمەتكەرلەرىنە ۇيرەتۋگە، كومەكتەسۋگە، جەتەكشىلىك ەتۋگە ۇسىنىس ەتىپ، ولاردىڭ تەز ارادا تەحنيكاسىن جوعارىلاتىپ، ونىمدىلىكتى ارتتىرىپ، سول ارقىلى جەكە كىرىستەرىن ارتتىرۋىنا كومەكتەستى. سەرىكتەستىك تاعى بارلىق جۇمىسشى - قىزمەتكەرلەردى تاماقپەن، جاتار ورىنمەن تەگىن قامداپ، ولاردىڭ كوڭىلدى قىزمەت ىستەۋىنە، باقىتتى تۇرمىس كەشىرۋىنە جاعداي جاسادى. قازىر جۇمىسشى - قىزمەتكەرلەردىڭ ورتاشا ايلىق كىرىسى 5000 يۋان اينالاسىندا بولىپ، جۇمىسشى - قىزمەتكەرلەر وزدەرىنىڭ ەڭبەگى ارقىلى كىرىستەرىن ارتتىرىپ، تۇرمىس ساپاسىن جاقسارتتى.

  H&M قاتارلى كاسىپورىنداردىڭ وسەك - اياڭىنىڭ شىندىق الدىندا بۇكىلدەي ويرانى شىعادى. شينجياڭنىڭ ماقتا توقىماشىلىق كاسىپورنى رەتىندە، ءبىز ءتۇرلى وسەك - اياڭدارعا، ساندىراقتارعا باتىل قايتارما سوققى بەرۋمەن بىرگە، تاعى بۇلجىماستان كاسىپورىننىڭ وزىندىك دامۋىن ىلگەرىلەتۋگە تاباندى بولامىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.