تيانشان تورى   ›   جاڭالىقتار   ›   شينجياڭ حابارلارى

2021 - جىلعى ”ءبىزدىڭ جۇڭگو ارمانىمىز“ − مادەنيەتتى سان مىڭداعان وتباسىلارعا جەتكىزۋ قيمىلى باستالدى

  انار بۇلت / شينجياڭ گازەتى حوتان تىلشىلەر پۋنكتىنەن گۇلايات 4 - ايدىڭ 21 - كۇنى حوتاننان حابارلايدى. 4 - ايدىڭ 21 - كۇنى اۆتونوميالى رايوننىڭ 2021 - جىلعى ”ءبىزدىڭ جۇڭگو ارمانىمىز“ − مادەنيەتتى سان مىڭداعان وتباسىلارعا جەتكىزۋ قيمىلىنىڭ باستالۋ سالتى حوتان اۋدانى شارباق اۋىلى ايدىنكول قىستاعىندا وتكىزىلدى. اۆتونوميالى رايون اسەمونەر، كوركەم جازۋ ”انار ءدانى“ ادەبيەت - كوركەمونەر شاعىن اترەتىنىڭ كوركەمونەرشىلەرى حوتان ايماعى شينيۇي ءان - ءبي ۇيىرمەسىنىڭ ارتيستەرىمەن بىرگە جەرگىلىكتى ورىنداعى بۇقاراعا تارتىمدى دا تاماشا مادەنيەت سالتاناتىن ۇسىندى.

  وسى رەتكى قيمىل اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ءۇشىن وتكىزگەن مادەنيەت ارقىلى حالىقتى يگىلىككە كەنەلتۋ ماڭىزدى قيمىلدارىنىڭ ءبىرى. بيىل اۆتونوميالى رايون ءار جاقتارداعى كۇشتەردى جۇمىلدىرىپ، 24 ”انار ءدانى“ ادەبيەت - كوركەمونەر شاعىن اترەتىن ۇيىمداستىرىپ، بۇكىل شينجياڭنىڭ 14 ايماق، وبلىس، قالاسىنداعى قىستاق، قالاشىق الەۋمەتتىك اۋماقتار، مەكتەپ، اسكەري كازارما، ونەركاسىپ، كەن كاسىپورىندارى سياقتىلارعا بارىپ، جەرگىلىكتى ءان - ءبي، دراما، مۋزيكا ورىنداۋ، ۇلتتىق سالت - سانا كوركەمونەرى، كينو قويۋ، كىتاپ، گازەت، جۋرنال ۇسىنۋ، لەكسيا سويلەۋ، كۋرس اشۋ، جۇپ قۇراپ، پىسىقتاۋ جاساۋ سياقتى مادەنيەت ارقىلى حالىقتى يگىلىككە كەنەلتۋ قيمىلدارىن كەڭىنەن ورىستەتىپ، ءار ۇلت حالقىنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن بىرگە قۇتتىقتاۋ شات مەرەيلى رايىن قالىپتاستىرىپ، پارتيانى سۇيەتىن، وتاندى سۇيەتىن، سوتسياليزمدى سۇيەتىن ءداۋىر نەگىزگى اۋەنىن تيانشان الابىندا اسقاقتاتتى.

  سول كۇنى اسەمونەر، كوركەم جازۋ ”انار ءدانى“ ادەبيەت - كوركەمونەر شاعىن اترەتىنىڭ كوركەمونەرشىلەرى قيمىل ورنىندا جەرگىلىكتى قىستاق تۇرعىندارىنا كوركەم جازۋدى ءتۇسىندىرىپ، ولارعا قىل قالامدى قالاي پايدالانۋدى ۇيرەتتى جانە سول جەردە قىستاق تۇرعىندارىنا سىزبا سۋرەت سىزىپ بەردى. حوتان ايماعى شينيۇي ءان - ءبي ۇيىرمەسىنىڭ ارتيستەرى دايىنداپ اكەلگەن توپتىق ءبي «حوتان ءسانامى»، «12 مۇقامنان ءۇزىندى»، ءان «تاۋ ءانىن پارتياعا ارنايمىن»، «بەيجيڭنەن جاۋاپ حات» قاتارلى نومىرلەر قيمىلدى ورلەۋگە كوتەردى، ءالسىن - ءالى دۋ قول شاپالاق سوعادى.

  ”بۇگىن ءبىر كوركەمونەرشى مەنىڭ سىزبا سۋرەتىمدى وتە تاماشا سىزىپ بەردى. ۇلكەيگەننەن كەيىن، مەنىڭ دە سۋرەتشى بولعىم كەلەدى“، - دەدى كوركەمونەرشىلەردىڭ جاندى بەينەلەگەن سۋرەت تۋىندىسىن كورگەننەن كەيىن ايدىنكول قىستاعىنداعى 10 جاستاعى گۇلسىم ازەز تەبىرەنە.

  بالانىڭ قۋانىشىن، كوزىندەگى ارمان ۇشقىنىن كورگەن گۇلسىمنىڭ مۇعالىمى روزىگۇل جىلىل تەرەڭ تەبىرەنىسكە شومدى. ول بىلاي دەدى: ”كوركەمونەرشىلەر بالالارعا قىل قالاممەن جازۋدى ۇيرەتىپ، ولاردىڭ سىزبا سۋرەتىن سىزىپ بەرىپ، ولاردىڭ اۋەسىن وياتتى. مۇنداي ورايلاردىڭ مۇنان كەيىن ءتىپتى دە كوپ بولىپ، قىستاقتارداعى ءتىپتى دە كوپ بالالاردىڭ جۇڭحۋانىڭ تاڭداۋلى ءداستۇرلى مادەنيەتىن تۇسىنۋىنە جانە ۇيرەنۋىنە مۇمكىندىك جاساۋىن ءۇمىت ەتەمىن“.

  ۇعىسۋعا قاراعاندا، كەلەسى ءبىر مەزگىل ۋاقىتتا اسەمونەر، كوركەم جازۋ ”انار ءدانى“ ادەبيەت - كوركەمونەر شاعىن اترەتى حوتان ايماعىنىڭ 7 اۋدان، ءبىر قالاسىنا بارادى ەكەن، كوركەمونەرشىلەر پارتيا تاريحىن ۇيرەنۋدەگى ويلارى مەن تابىستارىن سۋرەت قالامدارىمەن بەينەلەپ، پارتيا قۇرىلعاندىعىنىڭ 100 جىلدىعىن قۇتتىقتاۋ سياقتى مازمۇنداردى بەينەلەيتىن اسەمونەر، كوركەم جازۋ تۋىندىلارىن جاراتادى ءارى تۋىندىلارىن قىستاقتاردىڭ جاڭا ءداۋىر وركەنيەت امالياتى پۋنكتتەرىنە جانە اۋدانداردىڭ جاڭا ءداۋىر وركەنيەت امالياتى ورتالىقتارىنا بەرەدى ەكەن.

  اۆتونوميالى رايوندىق ادەبيەت - كوركەمونەرشىلەر بىرلەستىگىنىڭ ورىنباسار ءتوراعاسى، شينجياڭ اسەمونەرشىلەر قوعامىنىڭ ءتوراعاسى كۋاي جىنميڭ مىنالاردى ءبىلدىردى: وسى رەتكى قيمىل كوركەمونەرشىلەر مەن نەگىزگى ساتىداعى ادەبيەت - كوركەمونەر اۋەسكەرلەرىنە ءبىر رەتكى اۋىس - كۇيىس جاساۋ، ۇيرەنۋ ورايىن ازىرلەدى. نەگىزگى ساتىداعى بۇقارانىڭ مادەني تۇرمىسىن بايىتۋمەن بىرگە، كوركەمونەرشىلەردىڭ ۇيرەنۋ بارىسىندا قىزمەت وتەۋىنە، قىزمەت وتەۋ بارىسىندا ۇيرەنۋىنە، دەڭگەيىن جوعارىلاتۋىنا، كوركەمونەرلىك كوز ايامەن، كوركەمونەرلىك تۇرعىمەن، كوركەمونەرلىك ادىسپەن ءتىپتى دە كوپ ءداۋىر جاڭا تىنىسىن بەينەلەيتىن ادەبيەت - كوركەمونەر سارا تۋىندىلارىن جاراتۋىنا مۇمكىندىك جاسادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.