گازەتتە، سايتتا، كليەنتتە، ميكروبلوگ - ۋيچاتتا كۇش بىرىكتىردى، ينتەرنەت جەلىسىندە جانە جەلىدەن تىس ءبىر تۇلعالاندىردى
”انار كىتاپ وقۋ مەرەكەسى“ ءسىزدى كىتاپ وقۋ مەرەيىنە شومۋعا شاقىرادى
پارتيا تاريحىن ۇيرەنۋ يدەيانى ءتۇسىنۋ ناقتى ءىس ىستەۋ جاڭا جاعداي اشۋ
انار بۇلت/ شينجياڭ گازەتىنىڭ ءتىلشىسى يىن لۋ 4 - ايدىڭ 21 - كۇنى ۇرىمجىدەن حابارلايدى. 26 - رەتكى ”دۇنيە جۇزىلىك كىتاپ وقۋ كۇنى“ قارساڭىندا، شينجياڭ گازەتى مەكەمەسى (شينجياڭ گازەتشىلىك تاراتۋ مەديا توبى) گازەتتە، سايتتا، كليەنتتە، ميكروبلوگ - ۋيچاتتا كۇش بىرىكتىرىپ، ينتەرنەت جەلىسىندە جانە جەلىدەن تىس ءبىر تۇلعالاندىرىپ، پارتيا تاريحىن ۇيرەنۋ تاربيەسىن كىتاپ وقۋ قيمىلىمەن ورگانيكالى ۇشتاستىرىپ، جالپىلىق اقپارات قۇرالدارى فورماسىندا ”انار كىتاپ وقۋ مەرەكەسى“ قيمىلىن ورتاعا قويىپ، كىتاپ وقۋ مەرەيىنە شومعان قوعامدى بىرگە قۇرۋعا دەم بەرىپ، كىتاپ وقۋعا قۇمار، جاقسى كىتاپ وقيتىن، كىتاپ وقۋعا شەبەر بولعان تاماشا سالتتىڭ قالىپتاسۋىن ىلگەرىلەتەدى.
”انار كىتاپ وقۋ مەرەكەسى“ تىكە تاراتۋ، گازەتقۇمارلار باس قوسۋى، قىزىل شىعارمالاردى داۋىستاپ وقۋ جينالىسى سياقتى قيمىلدار وتكىزىپ، جەرگىلىكتى ورىنداعى ايگىلى جازۋشى، مامان جانە تاڭداۋلى وقىتۋشى قاتارلىلاردى ۇسىنىس ەتىپ، وقىرمان دوستارمەن وقۋ اسەرىن بولىسەدى؛ قىزىل كىتاپتار ءتىزىمى H5، قىسقا بەينە ەكران، ۋيچات ۇزىن ءماتىنى، جارقاعاز سياقتى جاڭا مەديالىق ونىمدەردى ۇسىنىپ، ”كوڭىلدى كىتاپ وقۋدىڭ“ نەگىزگى ساتىعا تەرەڭدەي كىرۋىنە، بۇقاراعا جالپىلاسۋىنا؛ كىتاپ وقۋ ۇلكەن ساندى مالىمەتىن جاريالاپ، شينجياڭدىق وقىرمانداردىڭ كىتاپ وقۋ ءتاسىلى مەن ادەتىن بىلۋىڭىزگە مۇمكىندىك جاسايدى. مۇنان تىس، انار بۇلت، شينجياڭ گازەتى، تيانشان سايتى جانە الەۋمەتتىك جەلى تۇعىرى سياقتى جالپىلىق اقپارات قۇرالدارى تاراتۋ تۇعىرلارى جەلىلەس حابار ۇسىنىپ، ءبىر - بىرلەگەن كىتاپ وقۋ ۋادەلەرى ارقىلى كورىكتى كىتاپ وقۋ كورىنىسىن تۇتاستىرادى.
4 - ايدىڭ 22 - كۇنى شينجياڭ كىتاپحاناسىندا، 4 - ايدىڭ 23 - كۇنى شينجياڭ گازەتى گازەت تاريحى سارايىندا، 4 - ايدىڭ 24 - كۇنى ءۇرىمجى شينحۋا حالىقارالىق كىتاپ دۇكەنىندە وقىرماندار شينجياڭ كىتاپحاناسىنىڭ باستىعى لي ليمەن، شينجياڭنىڭ ايگىلى جازۋشىسى حۋاڭ يمەن، تاڭداۋلى ءتىل - ادەبيەت وقىتۋشىسى كاڭ ليمەن جانە لي حۇڭيانمەن بىرگە مازمۇنى مول كىتاپ وقۋ تىكە تاراتۋى ساپارىن باستايدى. لي لي ءسىزدى باستاپ ”’كىتاپ وقۋ مەرەيىنە شومعان تيانشان. جالپى حالىقتىق كىتاپ وقۋ‘ جانە ’100 جىلدىق كەشۋلەردى وقىپ، رۋحاني كۇشتى جالعاستىرايىق‘ نەگىزگى تاقىرىبىنداعى كورمەنى“ ارالاپ ءارى ءتۇسىندىرىپ، وقىرمانداردى پارتيانىڭ 100 جىلدىق كۇرەس بارىسىن ەسكە الۋعا باستايدى؛ حۋاڭ ي كىتاپتاستارمەن بىرگە كىتاپ وقۋ جونىندەگى پىكىر اۋىسۋ، وي ءبولىسۋ جينالىسىن ورىستەتىپ، كوپشىلىكپەن بىرگە قايتكەندە كىتاپ وقۋ ارقىلى ەڭ تاماشا كەزدە ءوزىنىڭ ەڭ تاماشا كەلبەتىن سومداۋدى تالقىلايدى؛ 2 ءتىل - ادەبيەت مۇعالىمى اتا - انالارمەن جانە جاس، ورەن دوستارمەن بىرگە قايتكەندە ەرتەرەك وقۋ ادەتىن جەتىلدىرۋ جونىندە وي بولىسەدى ءارى تۇرلىشە جاس كەزەڭىندەگى بالالارعا، ءسوزسىز، وقيتىن كىتاپ ءتىزىمىن تانىستىرادى.
وسى رەتكى كىتاپ وقۋ مەرەكەسىندە ارناۋلى اشىلعان ينتەرنەت جەلىسىندەگى قىزىل شىعارمالاردى داۋىستاپ وقۋ جينالىسىندا اۆتونوميالى رايوندىق شۇعىل جاعدايعا توتەپ بەرۋ - باسقارۋ مەڭگەرمەسى اۆتونوميالى رايوندىق كەن تاۋ شۇعىل جاعدايىنا توتەپ بەرۋ، قۇتقارۋ - كومەكتەسۋ باس اترەتىنىڭ، قورعاس شەكارادان كىرىپ - شىعۋ شەكارا قورعانىسى تەكسەرۋ پۋنكتىنىڭ، شينجياڭ كىتاپحاناسىنىڭ، قاشقار داشۋەسىنىڭ، شينجياڭ اۋىل شارۋاشىلىق داشۋەسىنىڭ، شىحىزى داشۋەسىنىڭ جاستارى «اۋەلگى ماقساتتى ۇمىتپاۋ − تاڭداۋلى كوممۋنيستىك پارتيا مۇشەلەرىنىڭ پارتياعا كىرۋ ىنتا - پەيىلى» اتتى كىتاپتىڭ ءىشىنارا تاراۋلارىن جالعاستىرا داۋىستاپ وقىپ، وزدەرىنىڭ جاستىق كوكتەمى ارقىلى 100 جىلدىق كەمەل شاققا قۇرمەت بىلدىرەدى.
مۇنان تىس، وقىرماندار قىزىل كىتاپتار ءتىزىمى H5دى اشىپ، اقىرىن تۇرتسە، ينتەرنەت جەلىسىنەن 10 قىزىل كىتاپتى وقي الادى؛ جارقاعازداردى ءبولىسۋ، شينجياڭنىڭ مادەنيەت، ادەبيەت - كوركەمونەر سالاسىنداعى 8 ايگىلى ادام جەكە - جەكە تانىستىرعان ءبىر تاماشا كىتاپ پەن ولاردىڭ سالەمىن تاپسىرىپ الادى؛ بەينە ەكراندى اشىپ، 4 كاسىپتىك قايراتكەردىڭ تۇرلىشە تۇرعىدان كوپشىلىككە ”كىتاپ وقۋدى قايدان باستاۋ كەرەكتىگىن“ تۇسىندىرگەنىن كورۋگە بولادى.
ءسىزدىڭ قاسىڭىزدا قانشا كىتاپتاس بار؟ ولار قانداي كىتاپتى ۇناتىپ وقيدى؟ وسى ماسەلەلەرگە تۇگەلدەي وسى رەتكى كىتاپ وقۋ مەرەكەسىنەن جاۋاپ تابۋعا بولادى. جيڭدۇڭ ۇلكەن ساندى مالىمەت زەرتتەۋ ورنى مەن شينجياڭ كىتاپحاناسى ازىرلەگەن ساندى مالىمەتتەر ارقىلى شينجياڭ وقىرماندارى ينتەرنەتتەن ەڭ كوپ ساتىپ العان كىتاپ تۇرلەرى جانە رەت قاتارى، وقىرمانداردىڭ قانداي كىتاپتاردى ەڭ ۇناتىپ قارىزعا الىپ وقيتىنى سياقتىلاردى بىلە الاسىز.
”انار كىتاپ وقۋ مەرەكەسى“ بۇدان كەيىن ۇزاق ۋاقىت وتكىزىلىپ، اناعۇرلىم كوپ كىتاپ وقۋ ”كەڭىستىگىن“ تۇلعالاۋعا كۇش سالىپ، تيانشان الابىنىڭ كىتاپ وقۋ مەرەيىنە شومۋىنا، جالپى حالىقتىق كىتاپ وقۋ توپىراعىنىڭ قۇنارلانا تۇسۋىنە مۇمكىندىك جاسايدى.
