تيانشان تورى   ›   جاڭالىقتار   ›   شينجياڭ حابارلارى

رايونىمىزداعى ارحيۆ تۇرعىزىلىپ، كارتچكالاندىرىلىپ كەدەيلىكتەن ارىلعان جان سانىنىڭ، كەدەيلەسۋ جيەگىنە تاياپ تۇرعان جان سانىنىڭ نەگىزدىك ەمدەۋ قامسىزداندىرۋىنا قاتىناسۋعا تيىستىلەرىنىڭ بارلىعى قامسىزداندىرۋعا الىندى

  انار بۇلت/ شينجياڭ گازەتىنىڭ ءتىلشىسى جاۋ مين 4 - ايدىڭ 21 - كۇنى ۇرىمجىدەن حابارلايدى. بيىل 3 - ايدىڭ سوڭىنا دەيىن بۇكىل رايوندا ارحيۆ تۇرعىزىلىپ، كارتچكالاندىرىلىپ كەدەيلىكتەن ارىلعان جان سانىنىڭ، كەدەيلەسۋ جيەگىنە تاياپ تۇرعان جان سانىنىڭ 2021 - جىلعى نەگىزدىك ەمدەۋ قامسىزداندىرۋىنا قاتىناسۋعا تيىستىلەرىنىڭ بارلىعى قامسىزداندىرۋعا الىندى.

  ءتىلشىنىڭ اۆتونوميالى رايوندىق ەمدەۋ قامتاماسىزداندىرۋ مەكەمەسىنەن ۇعىسۋىنا قاراعاندا، بيىل اۆتونوميالى رايوندىق ەمدەۋ قامتاماسىزداندىرۋ مەكەمەسى اۆتونوميالى رايون، ايماق - وبلىس، اۋدان - قالا 3 دارەجەلى ارحيۆ تۇرعىزىلىپ، كارتچكالاندىرىلىپ كەدەيلىكتەن ارىلعان جان سانىنىڭ جانە كەدەيلەسۋ جيەگىنە تاياپ تۇرعان وتباسىلاردىڭ قامسىزداندىرۋعا شىن اتى - جونىمەن قاتىناسۋىن باسقارۋ تىزىمدىگىن ورناتىپ، قامسىزداندىرۋعا قاتىناسۋىنا قارجىلاي كومەكتەسۋ ساياساتىن تياناقتاندىرىپ، قامسىزداندىرۋعا قاتىناسۋ قارقىنىن تەزدەتىپ، قامسىزداندىرۋعا قاتىناسۋ جاۋاپكەرشىلىگىن قاتايتىپ، ارحيۆ تۇرعىزىلىپ، كارتچكالاندىرىلىپ كەدەيلىكتەن ارىلعان جان سانىنىڭ، كەدەيلەسۋ جيەگىنە تاياپ تۇرعان جان سانىنىڭ نەگىزدىك ەمدەۋ قامسىزداندىرۋىنا قاتىناسۋعا تيىستىلەرىن تولىق قامسىزداندىرۋدى جۇزەگە اسىردى.

  ”پارتيانىڭ ابزال ساياساتى بولماسا، مەندە قايدان اۋرۋ ەمدەتەتىن اقشا بولسىن. قازىر ەمدەلىپ ساۋىقتىم، اعاممەن بىرگە نان جاۋىپ اقشا تاباتىن بولدىم“، - دەدى سالماقتى ناۋقاستاردى ەمدەۋ - قۇتقارۋ ساياساتىن تىلگە العاندا ابدۇحابار توحتىباقى شىن كوڭىلىمەن العىس جاۋدىرىپ.

  ابدۇحابار قاراقاش اۋدانى ۇرچى اۋىلىنىڭ تۇرعىنى، تۋما بۇكىر كەمىستىگى بار. قاراقاش اۋداندىق ەمدەۋ قامتاماسىزداندىرۋ مەكەمەسى 2019 - جىلى ونىڭ جالپى 150 مىڭ 900 يۋان ەمدەۋ قاراجاتىن تولەپ بەردى، 2020 - جىلى دەر كەزىندە 2 - رەت كومەك بەردى. قازىر ابدۇحاباردىڭ دەنساۋلىعى قالپىنا كەلىپ، تۇرمىسى بىرتىندەپ قالىپقا تۇسە باستادى.

  ”2020 - جىلدان بەرى قاراقاش اۋداندىق ەمدەۋ قامتاماسىزداندىرۋ مەكەمەسى 5 ميلليون 100 مىڭ يۋان قارجى شىعارىپ، ارناۋلى مەديتسينالىق قۇتقارۋ - كومەكتەسۋ اينالىم قارجىسىن ورنالاستىرىپ، اۆتونوميالى رايونداعى جەتى 3 - دارەجەلى شيپاحانامەن كەلىسىمگە قول قويىپ، ىلگەرىندى - كەيىندى كەدەيلىكتەن ارىلعان 103 ادامعا ءبىر ميلليون 371 مىڭ يۋان اقشا تولەپ بەردى“، - دەدى قاراقاش اۋداندىق ەمدەۋ قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى شى گاۋپيڭ.

  بيىل 1 - ايدان 3 - ايعا دەيىن بۇكىل رايوندا تومەن كىرىستىلەردەن جيىنى 3139 ادام ءوتىنىش بەرىپ، تەكسەرىپ بەكىتۋ ارقىلى 3056 ادام قۇتقارۋ - كومەكتەسۋ كولەمىنە كىرگىزىلدى، 3172 ادامعا (رەت) قۇتقارۋ - كومەكتەسۋ جۇرگىزىلدى، مەديتسينالىق قۇتقارۋ - كومەكتەسۋ قارجىسى جيىنى 11 ميلليون 430 مىڭ يۋانعا جەتتى؛ بۇكىل رايوندا جالپى تەكسەرىلىپ انىقتالعان كەدەيلىكتەن ارىلىپ، قوماقتى ەمدەۋ قاراجاتىن وزدەرى تولەگەن جان سانى 19 مىڭ 970 ادام، كەدەيلەسۋ جيەگىنە تاياپ تۇرعان جان سانى 193 ادام، قۇتقارۋ - كومەكتەسۋ شارتىنا ۇيلەسەتىن قيىنشىلىعى بار 1613 ادامعا قايتالاي قۇتقارۋ - كومەكتەسۋ جۇرگىزىلىپ، جالپى قۇتقارۋ - كومەك سوماسى 2 ميلليون 590 مىڭ يۋانعا جەتتى.

  اۆتونوميالى رايوندىق ەمدەۋ قامتاماسىزداندىرۋ مەكەمەسى يگىلىكتى قامتاماسىز ەتۋ باسقارماسىنىڭ باستىعى موۋ شينۋي تانىستىرىپ بىلاي دەدى: ەمدەۋ قامتاماسىزداندىرۋ ارقىلى كەدەيلەردى سۇيەمەلدەۋ جەتىستىكتەرىن بەكەمدەۋ، كەڭەيتۋ ءۇشىن، بيىل رايونىمىز ەمدەۋ قامتاماسىزداندىرۋىندا حالىققا تيىمدىلىك جاساۋ ينجەنەرياسىن ۇزدىكسىز ىشكەرىلەي ىلگەرىلەتىپ، اۆتونوميالى رايوننىڭ قالا، اۋىل تۇرعىندارىنىڭ سالماقتى ناۋقاس قامسىزداندىرۋىندا ەرەكشە قيىنشىلىعى بارلار، ەڭ تومەنگى تۇرمىسى قامتاماسىز ەتىلەتىن وبيەكتىلەر سياقتى قيىنشىلىعى بار قاۋىمعا بەيىمدەلىپ تولەۋ ساياساتىن اتقارۋ، تومەن كىرىستى ادامداردى مەديتسينالىق قۇتقارۋ جانە ولارعا كومەكتەسۋ ساياساتىن كەمەلدەندىرۋ، كەدەيلىكتەن ارىلعان جان سانى مەن كەدەيلەسۋ جيەگىنە تاياپ تۇرعان جان سانىنىڭ قوماقتى ەمدەۋ قاراجاتىن قاداعالاۋ، قيىنشىلىعى بار بۇقاراعا قۇتقارۋ - كومەكتەسۋدە تومەنگى شەكتەن تۇسىرمەي قامتاماسىز ەتۋدى جولعا قويۋ، ت.ب ارقىلى اۋرۋ سەبەبىنەن قايتا كەدەيلەسۋدىڭ، كەدەيلەسۋدىڭ تۋىلۋىنان ءونىمدى ساقتانادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.