□ حالىق گازەتىنىڭ شولۋشىسى
كۇرەس جۇرگىزۋ جاستىق كوكتەمنىڭ ەڭ جارقىن اجارى. جاس ۇرپاقتاردا مۇرات بولسا، قابىلەت بولسا، جاۋاپكەرشىلىك بولسا، مەملەكەتتە كەلەشەك، ۇلتتا ءۇمىت بولادى.
”زامانىمىزداعى جۇڭگو جاستارى جاڭا داۋىرمەن ءبىر بەتالىستا بىرگە ىلگەرىلەيتىن، بىرگە العا باساتىن ۇرپاق، كوركەيىپ - گۇلدەنگەن زاماندا ومىرگە كەلگەن ولار كەلەلى مىندەت ارقالاپ وتىر“. باس شۋجي شي جينپيڭ چيڭحۋا داشۋەسىندە قىزمەت تەكسەرگەن كەزدە: قالىڭ جاستار تاريحي بورىشتى ارقالاپ، العا باسۋ سەنىمىن نىعايتىپ، ۇلى مۇرات ورناتىپ، ۇلى ءمورالدى ۇعىنىپ، ۇلكەن دارىندى بولىپ، ۇلكەن مىندەت ارقالاپ، ۇلتتى گۇلدەندىرۋدىڭ ماڭىزدى مىندەتىن ارقالايتىن ءداۋىردىڭ جاڭا ادامى بولۋعا قۇلشىنىپ، وتان ءۇشىن، ۇلت ءۇشىن، حالىق ءۇشىن، ادامزات ءۇشىن قاجىماي - تالماي كۇرەس جۇرگىزۋ بارىسىندا جاستىق كوكتەمىن گۇل - بايشەشەكتەي قۇلپىرتۋ كەرەك، - دەپ باسا دارىپتەدى. شىنايى ءسوز، ىقىلاستى تاپسىرما جۇرت جۇرەگىن جەلپىنتىپ، ادامداردى ەكپىندەي ىلگەرىلەۋگە جەبەپ، قالىڭ جاستاردىڭ ارمان ءۇشىن قاجىماي - تالماي كۇرەس جۇرگىزۋىنىڭ قاۋلاعان كۇشىن تاسقىنداتتى.
مەملەكەتتىڭ ءۇمىتى جاستاردا، ۇلتتىڭ كەلەشەگى جاستاردا. جاستىق مۇرات، جاستىق جالىن، جاستىق كۇرەس جۇڭگو رۋحى مەن جۇڭگو كۇشىنىڭ ومىرشەڭدىك قۋاتىنىڭ تياناعى. ىندەتتەن ساقتانۋ - تىزگىندەۋ كۇرەسىندە حاۋىپ - قاتەردەن تايسالماي، اتويلاپ الدا ءجۇرىپ، جاستىقتىڭ جالىنداعان كۇشىن ايگىلەدى؛ كەدەيلىكتەن ارىلتۋدان قامال الۋ شايقاس مايدانىندا بار ىنتامەن ات سالىسىپ، ءوزىن ارناپ، جاڭا داۋىردەگى جاستىق جىرىن جازدى؛ نەگىزگى ساتىداعى قىزمەت ورىندارىندا اسقاق مۇرات ورناتىپ، تاباندىلىقپەن ىستەپ، ءوزىنىڭ ارمان - مۇراتىنا تالپىنۋدى پارتيا جانە مەملەكەت ىستەرىمەن توعىستىردى... قالىڭ جاستار ارەكەتتەرى ارقىلى جۇڭگو جاستارىنىڭ ۇلى مۇرات ارقالاعان تالاپتى جاستار ەكەندىگىن، قويۋ وتباسى - وتان سۇيىسپەنشىلىگىنە يە جاستار ەكەندىگىن، ۇلى جاسامپازدىق قۋاتقا يە جاستار ەكەندىگىن دالەلدەدى. مەيلى بۇرىن، قازىر، الدە كەلەشەكتە بولسىن، جۇڭگو جاستارى باستان - اياق جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ اتويشى كۇشى.
ءداۋىر جاۋاپكەرشىلىك ارقالاۋعا شاقىرۋدا، ۇلتتى گۇلدەندىرۋ جاستاردىڭ جاۋاپكەرشىلىگى. جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرعان سوڭ، ءبىز قولايلى جاعدايدان ۇتىمدى پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىنا قاراي جورىق جاساۋىمىز كەرەك. جاڭا ءداۋىر جۇڭگو جاستارى جۇڭحۋا ۇلتى دامۋىنىڭ ەڭ جاقسى مەزگىلىندە تۇر، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دا شەشۋشى مەزگىلىندە تۇر، وڭاي - وسپاق قولعا كەلمەيتىن ۇلەس قوسىپ، ەڭبەك ءسىڭىرۋدىڭ ءومىر ورايىنا ءدوپ كەلۋمەن بىرگە، ”ءداۋىر بىزگە ۇلكەن مىندەت جۇكتەپ وتىر“ دەيتىن ءداۋىر بورىشىنا دا ءدوپ كەلۋدە. وسى ءداۋىردى قاستەرلەپ، ءداۋىر بورىشىن ارقالاپ، جاۋاپكەرشىلىك ارقالاۋ بارىسىندا شىڭدالىپ، جاۋاپكەرشىلىكتى ادا ەتۋ بارىسىندا تولىسىپ، جاڭا داۋىردەگى رەفورما جاساۋدىڭ، ەسىك اشۋدىڭ كەڭ - بايتاق ورىسىندە جاستىق كوكتەمىن گۇل - بايشەشەكتەي قۇلپىرتىپ، جۇڭگو ارمانىن جۇزەگە اسىرۋ جولىنداعى ەكپىندەي ىلگەرىلەپ تالپىنۋ بارىسىندا ەرلىكپەن العا اتويلايتىن ءومىر كەلبەتىن ايگىلەپ، احىلاق، اقىل - وي، دەنە، ەستەتيكا، ەڭبەك جاقتارىنان جالپى بەتتىك دامىعان سوتسياليزم قۇرىلىسشىلارى مەن ءىزباسارلارىنا اينالۋعا قۇلشىنۋ كەرەك.
ءار ۇرپاق ادامنىڭ وزىنە ءتان ۇزاق جورىعى بولادى، ءار ۇرپاق ادام وزىنە ءتان جاۋاپكەرشىلىك ارقالايدى. باس شۋجي شي جينپيڭ بىلاي دەپ تەرەڭدەي اتاپ كورسەتتى: ”قالىڭ جاستار وتاندى ءسۇيىپ، حالىقتى ءسۇيىپ، پارتيا تاريحىن ۇيرەنۋدەن سەنىمىن سەرپىلتىپ، شابىت الىپ، كۇش - قۋات قابىلداپ، ’ءتورت سەنىمدى‘ ۇزدىكسىز بەكەمدەپ، جۇڭگولىققا ءتان ەرىك - جىگەرىن، قايرات - قارىمىن، سەنىمىن ۇزدىكسىز كۇشەيتىپ، وتان ءۇشىن، حالىق ءۇشىن ماڭگى كۇرەس جاسايتىن، قالتقىسىز ادالدىقپەن ۇلەس قوساتىن بەرىك مۇرات ورناتۋ كەرەك. ءمورالىن شىڭداپ، سوتسياليستىك وزەكتى قۇن كوزقاراسىن سانالىلىقپەن ورناتىپ جانە امالياتتا ايگىلەپ، سانالىلىقپەن جۇڭحۋانىڭ تاڭداۋلى ءداستۇرلى مادەنيەتىمەن، توڭكەرىستىك مادەنيەتىمەن، سوتسياليستىك العاباسار مادەنيەتىمەن تامىردى جەتىلدىرىپ، رۋحتى سومداپ، اقىلدى اشىپ، جۇرەكتى نارلەندىرىپ، ءمورالدىق ساپانى جەتىلدىرىپ، دۇرىس پەن بۇرىستى، قيسىق پەن ءتۇزۋدى ايقىن پارىقتاپ، وزىندىك تاباندىلىقتى كۇشەيتىپ، اناعۇرلىم اسقاق، اناعۇرلىم ءورىستى، اناعۇرلىم دەڭگەيلى ومىرگە تالپىنۋدى مۇرات ەتۋ كەرەك. جۇرەكتىلىكپەن جاڭالىق اشىپ، ءداۋىر اعىسى مەن مەملەكەت قاجەتىن تەرەڭ ءتۇسىنىپ، يگەرىپ، وزىپ شىعۋعا باتىل بولىپ، ناتيجە جاراتۋعا باتىل بولىپ، زەردەلەرى مەن اقىل - پاراساتتارى ارقىلى مەملەكەتكە ۇلەس قوسىپ، ءورىس اشا ىلگەرىلەۋ ارقىلى قوعامعا قىزمەت وتەۋ كەرەك. ناقتى ۇيرەنىپ، ناقتى ىستەپ، تاباندىلىقپەن، دەن قويا قاجىرلىلىقپەن ىستەپ، ارىماي - تالماي، قۇشتارلانا ۇمتىلىپ، ءبىلىمنىڭ بيىك شىڭىنا شىعۋ بارىسىندا ەرەن ناتيجە شىعارۋعا تالپىنۋ، ءداۋىردىڭ كەلەلى مىندەتىن ارقالاعان كەزدە ايتقانىن ارەكەتىمەن ورىنداپ، شىنداپ كىرىسىپ، ناقتى ىستەۋ بارىسىندا ىستەردەن ناتيجە شىعارۋ كەرەك“. قالىڭ جاستار باس شۋجي شي جينپيڭ العا قويعان ايقىن تالاپتار بويىنشا باتىلدىقپەن ءداۋىردىڭ الدىڭعى لەگىندە جۇرەتىن اتويشى، ءورىس اشۋشى، ۇلەس قوسۋشى بولىپ، ۇلتتى گۇلدەندىرۋ كەلەلى مىندەتىن ارقالايتىن ءداۋىر جاڭا ادامدارى بولۋعا قۇلشىنسا بولعانى، پارتيانىڭ ءۇمىتىن، حالىقتىڭ تىلەگىن، ۇلتتىڭ كەلەلى تاپسىرماسىن اقتاي الادى، ءبىزدىڭ وسى ۇلى ءداۋىرىمىزدىڭ ءۇمىتىن اقتاي الادى.
مەملەكەتتىڭ كەلەشەگى، ۇلتتىڭ تاعدىرى، حالىقتىڭ باقىتى زامانىمىزداعى جۇڭگو جاستارى، ءسوز جوق، ارقالاۋعا ءتيىستى ءارى، ءسوز جوق، ارقالايتىن كەلەلى مىندەت. سوتسياليزم قۇرىلىسشىلارى مەن ءىزباسارلارىنىڭ بورىشىن جاۋاپكەرشىلىگىن ارقالاپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا ەرلىكپەن العا ۇمتىلۋعا تالپىنسا، قالىڭ جاستار، ءسوز جوق، جاستىق كوكتەمدەرىمەن جانە ماڭداي تەرلەرىمەن دۇنيە ءجۇزىن جالت قاراتاتىن جاڭا كەرەمەت جاراتىپ، جۇڭحۋا ۇلتىنىڭ ۇلى گۇلدەنۋ ارمانىن كۇرەسىمىز بارىسىندا شىندىققا اينالدىراتىن بولادى.
(شينحۋا اگەنتتىگىنىڭ 4 - ايدىڭ 21 - كۇنى بەيجيڭنەن بەرگەن حابارى)
