1 - اي جارىم جىلعا جالعاسقان ”ۇشكە قارسى تۇرۋ“ (قياناتشىلدىققا قارسى تۇرۋ، ىسىراپشىلدىققا قارسى تۇرۋ، تورەشىلدىككە قارسى تۇرۋ)، ”بەسكە قارسى تۇرۋ“ (پارا بەرۋگە قارسى تۇرۋ، سالىقتان جاسىرۋعا، سالىق تولەمەۋگە قارسى تۇرۋ، مەملەكەتتىڭ مال - مۇلكىن جىمقىرۋعا قارسى تۇرۋ، ماتەريال ۇرلاۋعا، ماتەريالدى كەمەيتۋگە قارسى تۇرۋ، مەملەكەتتىڭ ەكونوميكالىق اقپارىن ۇرلاۋعا قارسى تۇرۋ) قوزعالىسى بۇكىل شينجياڭنىڭ جەر - جەرىندە ورىستەتىلدى.
1 - ايدىڭ 13 - كۇنى جۇڭگو كوممۋنيستىك پارتياسى ورتالىق كوميتەتى باتىس سولتۇستىك بيۋروسى شينجياڭ بولىمشە بيۋروسىنا ءارى ىلە رايوندىق پارتكومعا جاۋاپ تەلەگرامما جولداپ، شينجياڭ وڭىرىندەگى ”ۇشكە قارسى تۇرۋ“ كۇرەسىندە، ءسوز جوق، جەرگىلىكتى از ۇلت كادرلارعا سالماقتىلىقپەن مامىلە جاساۋ كەرەك دەپ نۇسقاۋ بەردى. باتىس سولتۇستىك بيۋروسى شينجياڭدا، ”ءسوز جوق، بىرلىكساپتى كۇشەيتۋ نەگىزىندە ’ۇشكە قارسى تۇرۋ‘ كۇرەسىن جۇرگىزۋ كەرەك“ دەپ ەرەكشە دارىپتەدى.
1952 - جىلى 1 - ايدىڭ 5 - كۇنى شينجياڭ گازەتى 1 - بەتىندە ليۋ چيڭشاننىڭ، جاڭ زىشاننىڭ وراسان زور قياناتشىلدىق دەلوسىن اشكەرەلەۋ حابارىن جانە حالىق گازەتىنىڭ ”ۇشكە قارسى تۇرۋ“ جونىندەگى باسماقالاسىن باستى.
1 - ايدىڭ 19 - كۇنى شينجياڭ اسكەري رايونىنىڭ تۇڭعىش كەزەكتى ءوندىرىس ۋاكىلدەرى قۇرىلتايى ديحۋادا اشىلدى. ءماجىلىس مىنالاردى تۇراقتاندىردى: شينجياڭنىڭ ”تىڭ يگەرۋشى ارمياسىنىڭ“ مۇنان كەيىنگى باعىتى، مىندەتى اۋىل شارۋاشىلىعىن دامىتۋدى نەگىز ەتىپ، سۋ يگىلىگىن بەلسەندىلىكپەن گۇلدەندىرىپ، سالىپ، جالپى بەتتىك اعاش ەگىپ، ورمان وتىرعىزىپ، مال شارۋاشىلىعىن شوعىرلى جۇرگىزىپ، قولونەركاسىبىن جاقسارتىپ، سەلبەستىك ىستەرىن كەڭەيتىپ، مەملەكەتتىڭ ونەركاسىپ قۇرىلىسىنا قاتىناسۋعا ازىرلەنۋ كەرەك.
2 - ايدىڭ 29 - كۇنى جۇڭگو حالىق ەرىكتىلەر ارمياسىنىڭ ەلگە ورالعان ۋاكىلدەر ۇيىرمەسى باتىس سولتۇستىك بولىمشە ۇيىرمەسى مەن چاۋشيان حالقىنىڭ جۇڭگوعا ساپار ۋاكىلدەر ۇيىرمەسى شىعىس سولتۇستىك ساپارلاۋ بولىمشە ۇيىرمەسى ديحۋاعا كەلدى.
جۇڭگو حالىق ەرىكتىلەر ارمياسىنىڭ ۋاكىلدەر ۇيىرمەسى باتىس سولتۇستىك بولىمشە ۇيىرمەسى مەن چاۋشيان حالقىنىڭ جۇڭگوعا ساپار ۋاكىلدەر ۇيىرمەسى شينجياڭداعى ءار ۇلت حالقىنىڭ قىزۋ قارسى الۋىنا يە بولدى.
3 - ايدىڭ 30 - كۇنى شينجياڭ گازەتى شينجياڭ اسكەري رايونى ءوندىرىس اسكەري ءبولىمىنىڭ سوۆەت وداعىنىڭ وسىزاماندانعان اۋىل شارۋاشىلىعى ماشيناسىنان پايدالانىپ ماناس وزەنى، قايدۋ وزەنى، توۋتۇنحى وزەنى بويىندا جانە ۋجياچۇيدە 4 وسىزاماندانعان ماشينالى ەگىس الاڭىن قۇرعاندىعىن حابارلادى.
موسوۋان وسىزاماندانعان ماشينالى ەگىس الاڭى
4 - ايدىڭ 10 - كۇنى ۋاڭ جىن شينجياڭ اسكەري رايونى 2 - جاياۋ اسكەرلەر مەكتەبىندە اسكەري رايون 2 - جاياۋ اسكەرلەر مەكتەبى كۇشىنەن قالدىرىلىپ، وسىنىڭ نەگىزىندە شينجياڭ 1 - تامىز اۋىل شارۋاشىلىق شۋەيۋانى قۇرىلاتىندىعىن جاريالادى.
سول جىلى 8 - ايدىڭ 1 - كۇنى شينجياڭ 1 - تامىز اۋىل شارۋاشىلىق شۋەيۋانى رەسمي ساباق باستادى.
4 - ايدىڭ 29 - كۇنى جۇڭگو كوممۋنيستىك پارتياسى ورتالىق كوميتەتى «شينجياڭنىڭ مال شارۋاشىلىق وڭىرلەرىندەگى باندىلار لاڭىن تىنىشتاندىرۋ ماسەلەسى جونىندەگى نۇسقاۋدى» شىعاردى. 10 - ايعا دەيىن شينجياڭ بۇلىكتى تىنىشتاندىرىپ، باندىلاردى الاستاۋدىڭ جالپى بەتتىك جەڭىسىنە قول جەتكىزدى.
5 - اي جۇڭگو كوممۋنيستىك پارتياسى ورتالىق كوميتەتى شينجياڭنىڭ جەر رەفورماسى جانە ”ۇشكە قارسى تۇرۋ“، ”بەسكە قارسى تۇرۋ“ قاتارلى ءبىرقانشا قىزمەت باعىتتارى ماسەلەسى جونىندە نۇسقاۋ شىعاردى.
6 - اي جۇڭگو كوممۋنيستىك پارتياسى ورتالىق كوميتەتى بەيجيڭدە شينجياڭ بولىمشە بيۋروسى تۇراقتى كوميتەتىنىڭ ءماجىلىسىن اشىپ، ۋاڭ ىنماۋدى شينجياڭ بولىمشە بيۋروسىنىڭ ءبىرىنشى شۋجيى مىندەتىنە تاعايىنداۋدى ۇيعاردى.
7 - ايدىڭ 15 - كۇنىنەن 8 - ايدىڭ 5 - كۇنىنە دەيىن جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسى 2 - كەزەكتى ۋاكىلدەر ءماجىلىسى اشىلدى. ءماجىلىس شينجياڭنىڭ اۋىل شارۋاشىلىق وڭىرلەرىندەگى جەر رەفورماسى ماسەلەسىن تالقىلاپ، شينجياڭنىڭ جەر رەفورماسى، ءسوز جوق، شينجياڭنىڭ ءىس جۇزىندىك جاعدايىن شىعار ءتۇيىن ەتىپ، ”بايىپتىلىقپەن ورنىقتى ىلگەرىلەۋ“ باعىتىن جولعا قويۋ كەرەك دەپ اتاپ كورسەتتى.
سول ايدا شينجياڭداعى حالىق ازاتتىق ارمياسى ىشەر اس، كيەر كيىمنەن ۇنەمدەپ سالعان 1 - تامىز بولات - تەمىر زاۆودى، 1 - شىلدە ماقتا توقىماشىلىق زاۆودى، سەمەنت زاۆودى، ماشينا زاۆودى، ماشينا رەمونتتاۋ زاۆودى، ەلەكتر زاۆودى، سۋ ەلەكتر زاۆودى، ۇن زاۆودى ىلگەرىندى - كەيىندى قۇرىلىس اياقتاتىپ، وندىرىسكە قوسىلدى.
1952 - جىلى 7 - ايدىڭ 1 - كۇنى وندىرىسكە قوسىلعان 1 - شىلدە ماقتا توقىماشىلىق زاۆودىنىڭ سىرتقى كورىنىسى.
8 - ايدىڭ 8 - كۇنىنەن 20 - كۇنىنە دەيىن شينجياڭ ولكەلىك تۇڭعىش كەزەكتى ەگىنشى - مالشىلار ۋاكىلدەر ءماجىلىسى ديحۋادا اشىلدى. ءماجىلىس ولكەلىك ەگىنشى - مالشىلار قوعامى كوميتەتىن رەسمي قۇرۋدى ۇيعاردى. بۇكىل شينجياڭنىڭ اۋىل شارۋاشىلىق رايوندارىندا جەر رەفورماسىن اتقارۋ جانە مۇنان كەيىنگى مال شارۋاشىلىق رايوندارى قىزمەتىنىڭ باعىتى مەن مىندەتى جونىندەگى قاۋلىنى ماقۇلدادى. فەودالدىق جەر ءتۇزىمىن جويۋدىڭ كولەمى بۇرىن بولىپ كورمەگەن ءبىر رەتكى جەر رەفورماسى قوزعالىسى بۇكىل شينجياڭدا رەسمي ورىستەتىلدى.
9 - ايدىڭ 15 - كۇنى شينجياڭ ولكەلىك جەر رەفورماسى كوميتەتى رەسمي قۇرىلدى. ۇيرەنۋ، باۋلۋدان كەيىن 12 مىڭنان استام جەر قىزمەتى كادرىنان قۇرالعان 7 قىزمەت اترەتى قاشقار، ياركەن، حوتان، اقسۋ، يانچي، ديحۋا قاتارلى جەرلەرگە بارىپ، ءبىرىنشى مەرزىمدىك جەر رەفورماسى قىزمەتىن جۇرگىزدى.
جەر رەفورماسى قىزمەت ۇيىرمەسىنىڭ باستىىعى زو چي وڭتۇستىك شينجياڭ اسكەري رايونىنىڭ جەر رەفورماسى قىزمەت ۇيىرمەسىنە قاتىناساتىن كادرلارىنا ءسوز سويلەۋدە.
8 - ايدىڭ 30 - كۇنى ءتوراعا ماۋ زىدۇڭ جەر رەفورماسىندا جەرگە يە بولعان كونەشار اۋدانى پاقتاكلا اۋىلىنداعى شارۋالارعا جاۋاپ حات جازدى.
ءتوراعا ماۋ زىدۇڭ كونەشار اۋدانى پاقتاكلا اۋىلىنداعى شارۋالارعا جاۋاپ حات جازدى.
پاقتاكلا اۋىلىنىڭ شارۋالارى ءتوراعا ماۋ زىدۇڭنىڭ جاۋاپ حات جازعاندىعىن شاتتانا قۇتتىقتادى.
11 - ايدىڭ 4 - كۇنى جۇڭگو كوممۋنيستىك پارتياسى ورتالىق كوميتەتى شينجياڭ بولىمشە بيۋروسىنىڭ تۇراقتى كوميتەتى شينجياڭنىڭ قازىنا - ەكونوميكا قىزمەتىن اقىلداستى، ۋاڭ ىنماۋ «ورتالىقتىڭ شينجياڭ قازىنا - ەكونوميكا قىزمەتىن رەتكە سالۋ قىزمەتى جونىندەگى نۇسقاۋىن دايەكتىلەندىرۋ تۋرالى قورىتىندى» جاسادى.
«قورىتىندىدا» مىنالار اتاپ كورسەتىلدى: شينجياڭ قازىنا - ەكونوميكا قىزمەتىن رەتكە سالۋدىڭ نەگىزگى بۋىنى شينجياڭنىڭ قۇرىلىسىن اسكەري ءبولىم جۇرگىزۋ تاسىلىنەن ۇكىمەت جۇرگىزۋ تاسىلىنە بۇرىلىس جاساۋ، بۇل شينجياڭ قازىنا - ەكونوميكا قىزمەتىندەگى ماڭىزدى بۇرىلىس.12 - ايدىڭ اياعىندا شينجياڭنىڭ 3 جىلدىق قالپىنا كەلۋ مەزگىلى اياقتاپ، زور كولەمدى ەكونوميكالىق قۇرىلىسقا دايىندىق قىزمەتى باستالۋ الدىندا تۇردى.
□ اۆتونوميالى رايوندىق پارتكوم پارتيا تاريحى جانە حۇجات زەرتتەۋ مەكەمەسى بەرگەن
□ انار بۇلت/ شينجياڭ گازەتىنىڭ ءتىلشىسى فان حۇڭي رەتتەگەن سۋرەتتەردى رەتتەگەن / جوبالاعان لياڭ ۋي
