تيانشان تورى   ›   جاڭالىقتار   ›   شينجياڭ حابارلارى

ماقتا كاسىپورىندارى شينجياڭ ماقتاسىنا جالا جابۋعا رۇقسات ەتپەيدى

  شينجياڭ اقسۋ يكاڭ توبى شەكتى جاۋاپكەرشىلىك سەرىكتەستىگى

  ماقتا كاسىپورىندارى شينجياڭ ماقتاسىنا جالا جابۋعا رۇقسات ەتپەيدى

  شينجياڭ يكاڭ توبى شەكتى جاۋاپكەرشىلىك سەرىكتەستىگىى H&M سياقتى شەتەل كاسىپورىندارىنىڭ ساۋدا ءمورالى شەگىن ەلەمەي، شينجياڭ ماقتاسىنا قۇتىرىنا جالا جاپقان سۇرقيا قىلىقتارىن قاتاڭ جازعىرادى جانە باتىل قارسى تۇرادى. سەرىكتەستىگىمىز قاتاڭ تۇردە بىلاي دەپ مالىمدەمە جاريالايدى: شينجياڭ ماقتاسىنا كۇيە جاعاتىن ءارقانداي قىلىقتارعا باتىل قارسى تۇرامىز، كەيبىر حالىقارالىق ايگىلى ماركالاردىڭ، قۇرىلىمداردىڭ وسەك - اياڭعا جانە جالعان ينفورماتسيالارعا نەگىزدەلىپ، قامداۋ تىزبەگىندە جانە كۇندەلىكتى كاسىپتە شينجياڭ ماقتاسى مەن ونان وندىرىلگەن بۇيىمداردى شەكتەگەن ارەكەتتەرىنە باتىل قارسى تۇرامىز. ايتىلمىس شينجياڭ ماقتاسىن وندىرۋدە ”زورلىقپەن ەڭبەككە سالۋ“ بۇكىلدەي ويدان قۇراستىرىلعان، شىلعي وتىرىك جانە ساياسي ويىن.

  ۇزاق ۋاقىتتان بەرى شينجياڭ يكاڭ توبى شەكتى جاۋاپكەرشىلىك سەرىكتەستىگى ماقتادان جاسالعان بۇيىمداردى وندىرۋگە، مانەرلەۋگە، ساتۋعا كۇش سالىپ، ماقتا كاسىپ سالاسىنىڭ جوعارى ساپالى، ۇزدىكسىز دامۋىن ىلگەرىلەتىپ، ماقتا جانە ماقتا ونىمدەرى ءوندىرىسىنىڭ، تيجاراتىنىڭ ۇيىمدانۋ، كاسىبيلەنۋ ورەسىن ۇزدىكسىز جوعارىلاتىپ، ماقتا بۇيىمدارىنىڭ تاماشا وبرازىن جاپپاي ورناتتى. سەرىكتەستىگىمىزدىڭ تازا ماقتا، ماقتا ءجىبى، ماقتا كەزدەمەسى، ماقتا مايى سياقتى ماقتادان وندىرىلگەن بۇيىمدارى بۇكىل ەلدىڭ جەر - جەرىندە ساتىلادى. قازىر سەرىكتەستىگىمىزدىڭ جىلدىق ساتۋ كىرىسى 2 ميلليارد 450 ميلليون يۋانعا جەتىپ، جەرگىلىكتى ورىنداعى 1200 ادامنىڭ جۇمىستانۋىن شەشىم ەتىپ وتىر. ماقتا ساتىپ الۋدىڭ قاۋىرت مەزگىلىندە سەرىكتەستىگىمىزگە قاراستى 6 مانەرلەۋ زاۆودى، 2 ورىنداعى ساتىپ الۋ پۋنكتى تاعى دا سول ماڭداعى 600 ادامنىڭ جۇمىستانۋىن جەبەيدى.

  شينجياڭداعى ءار ۇلت بۇقاراسىنىڭ ەڭبەككە، جۇمىستانۋعا قاتىناسۋى بۇكىلدەي ەرىكتى، ءتۇرلى ۇقىقتارى زاڭ بويىنشا قورعالعان. باقىت قوس قولمەن كۇرەس جاساۋدان كەلەدى. شينجياڭداعى ءار ۇلت بۇقاراسى تۇرمىستى قىزۋ سۇيەدى، تاماشا تۇرمىسقا تالپىنعان قادامدارى ەجەلدەن دامىل العان ەمەس، جۇزدەرىنەن ەسكەن كۇلكىلەرىنەن شۇعىلدانىپ وتىرعان كاسىپتەرىنە دەگەن قىزۋ سۇيىسپەنشىلىگى مەن قاجىرلىلىعى اڭعارىلىپ تۇرادى.

  سەرىكتەستىگىمىز ءونىمنىڭ ساپاسىن اناعۇرلىم جوعارىلاتىپ، كاسىپورىن باسقارۋىن كۇشەيتىپ، شينجياڭنىڭ ماقتا كاسىپ سالاسىنىڭ دامۋىنا كۇش - قۋات ۇستەيدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.