جاقسى ءىستى شىن مانىندە شىنايى ىستەۋ، ناقتى ءىستى ويداعىداي ىستەۋ، بۇقارا رازى بولاتىنداي ەتىپ ىستەۋ كەرەك

　　اۆتونوميالى رايوندىق پارتكوم پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلى بەينە ەكران ءماجىلىسىن اشتى

　　جاقسى ءىستى شىن مانىندە شىنايى ىستەۋ، ناقتى ءىستى ويداعىداي ىستەۋ، بۇقارا رازى بولاتىنداي ەتىپ ىستەۋ كەرەك

　　انار بۇلت / شينجياڭ گازەتىنىڭ ءتىلشىسى جاڭ يانفاڭ 4 - ايدىڭ 22 - كۇنى ۇرىمجىدەن حابارلايدى. پارتيا تاريحىن ۇيرەنۋ تاربيەسى بارىسىندا ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ويداعىداي ورىستەتۋ ءۇشىن، اۆتونوميالى رايوندىق پارتكوم پارتيا تاريحىن ۇيرەنۋ تاربيەسى باسشىلىق گرۋپپاسى تاياۋدا «اۆتونوميالى رايوندىق پارتكومنىڭ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتۋ جونىندەگى اتقارۋ جوباسىن» باسىپ تاراتتى. 4 - ايدىڭ 22 - كۇنى اۆتونوميالى رايوندىق پارتكوم پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسى بەينە ەكران ءماجىلىسىن اشىپ، اتقارۋ جوباسىنىڭ تياناقتانۋىن ىشكەرىلەي ىلگەرىلەتۋ جونىندە ناقتى ورنالاستىرۋ جاسادى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى، اۆتونوميالى رايوندىق پارتكوم پارتيا تاريحىن ۇيرەنۋ تاربيەسى باسشىلىق گرۋپپاسى كەڭسەسىنىڭ مەڭگەرۋشىسى تيان ۋىن ماجىلىسكە قاتىناستى ءارى ءسوز سويلەدى.

　　ءماجىلىس مىنانى باسا دارىپتەدى: ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتۋدىڭ كەلەلى ماڭىزىن جەتە تانىپ، تاريحتى ۇيرەنۋ ارقىلى ۇمتىلا ىستەۋگە دەن قويىپ، ءتۇيىندى مىندەتتەردى دالمە - ءدال يگەرۋ كەرەك. قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋ جاعىندا، ناقتى ءىس ىستەۋگە كۇش سالىپ، جۇڭحۋا ۇلتى ورتاق تۇلعا تانىمىن سومداۋدى ارقاۋ ەتۋ جاعىندا، ناقتى ءىس ىستەۋگە كۇش سالىپ، جاڭا دامۋ ۇستانىمىن دايەكتىلەندىرۋ جاعىندا، ناقتى ءىس ىستەۋگە كۇش سالىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ جاعىندا، ناقتى ءىس ىستەۋگە كۇش سالىپ، نەگىزگى حالىق تۇرمىسىنىڭ قاجەتىن قامتاماسىز ەتۋ جاعىندا، ناقتى ءىس ىستەۋگە كۇش سالىپ، ۇكىمەتتىك قىزمەت وتەۋ رەفورماسىن تەرەڭدەتىپ، حالىققا قولايلىلىق، حالىققا تيىمدىلىك جاساۋ جاعىندا، ناقتى ءىس ىستەۋگە كۇش سالىپ، نەگىزگى ساتىنى جونگە سالۋ جۇيەسىن جانە جونگە سالۋ قابىلەتىن وسىزامانداندىرۋدى ىلگەرىلەتۋ جاعىندا، ناقتى ءىس ىستەۋگە كۇش سالىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى كۇشەيتۋ كەرەك.

　　ءماجىلىس مىنانى باسا دارىپتەدى: نازاردى ”شۇعىل، قيىن، الاڭداعان، ءزارۋ“ ىستەرگە شوعىرلاندىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ ءتۇرلى شارالارىن ناقتاپ تياناقتاندىرۋدى تىڭعىلىقتى ىلگەرىلەتۋ كەرەك. بۇقارانىڭ جۇرەك ءۇنىن تىڭداۋ، ارالاۋ، تەكسەرۋ - زەرتتەۋ قيمىلىن ىشكەرىلەي ورىستەتىپ، كورنەكتى ماسەلەلەردى شوعىرلى شەشىپ، قوعامدىق كۇشتەردى بەلسەنە ات سالىسۋعا جەتەكتەپ، قىزمەت ورنىندا ەڭبەك ءسىڭىرۋ مەن ەرىكتىلەر قىزمەت وتەۋ قيمىلىن تەرەڭدەتىپ، سيفرلانعان، زەردەلىلەنگەن قىزمەت وتەۋ دەڭگەيىن جوعارىلاتىپ، بۇقارانى شىنايى تيىمدىلىككە كەنەلتۋ كەرەك. ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن تياناقتاندىرىپ، ساتىعا، تۇرگە ءبولىپ اتقارۋعا دەن قويىپ، جاقسى ءىستى شىن مانىندە شىنايى ىستەۋ، ناقتى ءىستى ويداعىداي ىستەۋ، بۇقارا رازى بولاتىنداي ەتىپ ىستەۋ كەرەك.